大家樂 (碧湖花園)

營業中

休息中

今日去大家樂食個下午茶叫咗個米粉配油脾個雪菜米粉正常發揮跟住食個雞髀食到後尾發現個中間其實係紅色本身都想攞去退換但係都見差唔多食哂成個餐又差唔多食完隻雞髀所以冇退換但係都唔敢再食落去到時候諗返其實咁樣都應該要通知廚房始終都係食安問題

抵食之選😀😀放工去買下午茶，見到就買左來食😊😊明爐香烤谷BB鴨：好大碟只係$69，鹹鹹哋，無咩肉，但好香，有些似臘鴨咁，送飯一留。😀😀😀😂😂😂

今天星期六心情特別興奮，因為今天帶 Lotso 去野餐，不過先到大家樂打打底。第一站碧湖大家樂，這裡的食物改善了很多，大大進步不少。🍴香煎楓糖雞扒，厚切雞扒份量十足，皮脆肉嫩滑溜溜的啖啖肉啖啖可口。😋☕️我最愛的醒神咖啡，雖然咖啡豆一般般，但喝起味道還不錯，溫度剛剛好。這裡的服務也好了很多，開心喔！👏👏

大節過後總想清淡一下，今早就到大家樂食一份無糖麥食烚蛋多士早晨。咖啡豆屬普通貨不太難飲，烚蛋大大隻有蛋香，多士烤得香脆，可任選牛油或果占。該店實在太貼心，體會到我想食清淡，不過清淡到如此我就未必接受，麥皮同水比例是 1:9 ，是否沒有麥皮廚房照煮嗎？集團對食物份量可有表準呢？有點憤怒了！

在連鎖店吃下午茶， 有一個好處就是選擇多， 餐牌上梗有一款啱你掛， 為咗飲杯紅豆冰 ，我就揀鴨米配紅豆冰餐($29)。呢個餐鴨肉較薄身同有d肥，湯底較鹹，米粉就可以喇，仲有條菜心添！紅豆冰唔係太甜，紅豆夠淋， 不過卡路里就高dd😛， 飲完呢杯就要多做d運動呀！

因為哥哥一家四口返阿嫂外家做節，所以中秋正日晚餐得返我同爸B媽咪，我決定落大家樂十吓十吓!唔洗煮又唔洗洗碗，方便又快趣!因為出咗ssp一轉，回程坐270B喺尖山塞車，結果成8點先返到粉嶺!去到想叫嘅三強海上鮮同飛魚籽魚清已經沽清!冇計，咁我同爸唯有叫豚肉同牛肉各一個，跟住媽咪据扒!香蔥豬扒。特色腸味道一般啦!勝在有大量意粉，夠飽肚!美國穀飼牛鍋每個火鍋都配有一份獨立包裝好嘅牛肉。牛肉份量都過得去啦!爸B揀咗沙嗲湯底，佢話整沙嗲牛肉喎!爸B話ok!(佢基本上乜嘢都話ok!)特盛四寶盒一隻灣仔碼頭韭菜餃~無特別!兩粒手打豬肉丸~幾好唔錯!一個粉絲腐皮福袋~一般!一份炸魚皮~都脆嘅!六色菜盤紅色蟹柳~好味，唔係平價粉團蟹枊。橙色南瓜~我唔食嘅，爸B食咗話好甜!黃色粟米~我食晒兩舊，一舊夠稔，另一舊煮得冇咁耐比較硬d。綠色唐生菜~新鮮翠綠，灼幾秒即食，爽脆!啡色本菇~無乜特別。黑色雲耳~質感軟滑，有降血壓、抗凝血嘅療效亦含有豐富鐵質，有益健康!丹麥優質豚肉鍋豚肉仍然未解凍，肉質比較鞋口。我揀咗豬骨濃湯，但味道較淡。凍O樂喺水吧位放咗醬汁大本營，蔥花，指天椒，生蒜茸，炸蒜，辣椒油同沙茶醬。快餐店

好耐無食過大家樂早晨，見今早仲有時間就去食個醒晨早餐，我叫左份雞扒太陽蛋多士餐，連杯熱咖啡盛惠$30.50 ，居然意外地比我見到一件 「跌落碟間的雞扒」雖然話咩都貴，但都收$30.50 就切多小小好睇點啦！件雞扒仲要勁鞋勁鹹。

每到大家樂食下午茶時間我都會點呢個C2嘅套餐，裏面有一個細榨菜肉絲米、奶油豬仔包半個同一杯紅豆冰，價錢只係需要＄23，所以現場好多人都鍾意叫呢個餐，因為真係超級抵食又飽肚。肉絲米夠清淡，奶豬油香脆，紅豆冰唔會太甜仲會起沙，正！

尋日屋企冇人煮飯，所以經過大家樂就買咗呢個焗豬扒飯做晚餐，因為佢價錢抵，豬扒份量又多，返到屋企打開，陣陣焗豬扒香，切開豬扒裏面覺得好juicy，豬扒又嫩又滑，配埋個焗飯啱啱好，而且個番茄汁同豬扒好夾，開胃又好味！

今晚落左大家樂試新出嘅蜜糖芥末烤雞2人餐 $88蜜糖芥末烤雞烤雞都大隻但肉質偏嚡，説好的蜜糖芥末味呢？！只係普通烤雞味。另外完全唔夠熱，建議應該用錫紙包住保溫。蜜糖甜薯完全唔夠熱，如果熱辣辣應該會好味。芝士火腿扭紋粉濃濃芝士配洋蔥扭紋粉，可惜只有芝士香，完全無味道，大廚係咪無落鹽，啖而無味，真係勁失望。粟米粟米有用錫紙包住，到最後食都仲熱，但粟米唔甜無味，如果加少少牛油應該會香啲。特飲可以免費升級特飲，凍薑檸樂&凍竹蔗馬蹄水。完全好驚喜大家樂嘅特飲好足料，味道唔錯。後記:碧湖大家樂太多人等位，等左有10分鐘。太多人食火鍋，個環境又好窄，真係勁熱。樓面姐姐唔夠人手，要叫幾次先黎執枱。

好鍾意大家樂既鐵板餐，因為晚市食鐵板要可以$60左右既選擇都唔太諗到。蘑菇湯- 唔錯，都有好多蘑菇，唔會好稀好水，都幾creamy揚枝甘露- 都唔太甜，有芒果肉，亦唔會好似剩似芒果汁咁餐包- 係牛油餐包，跟埋牛油，暖暖地，都好鬆軟，同本身餐包都好有牛油味鐵板夠晒熱，落汁時的確會炸炸餐豬仔脾- 好味！有香草味又唔太咸雞排- 煎過，都係有香草味! 芝士扭紋粉- 唔夠多芝士總括:會再食，性價比高!

本身我都唔係太鍾意食大家樂呢類快餐店 ，但因為唔想自己係屋企煮飯，就走左出黎搵食，其他餐廳都食到厭啦，所以迫於無奈走左黎大家樂 。我叫左個牛扒餐食。果然係我預期之內，冇乜特別 。塊牛扒切極都切唔斷 ，司華力腸同出面既冇咩分別。意粉都算ok既，都煮得夠林 。個黑椒汁都幾好咁 ，不過食落就好似太辣，cover左塊牛扒既味 。唯一真係好好既就係店員既服務態度好好 ，又主動問我使唔使幫我拎個餐去個位度 ，真係好好態度!

見到報紙上有買焗飯送汽水嘅優惠券，即刻剪低佢黎食先。午市黎到，唔算多人，好快揾到枱。但係焗飯賣哂，收銀話要等三十分鐘先焗好第二輪喎，無計啦，佢個焗豬真係好好食，耐啲都等。千呼萬喚終於出黎嘅皇牌焗豬扒飯，賣相好正，睇見到流口水。厚切豬扒有咬口就唔會韌，焗到啱啱好，飯炒底再加上焗出飯焦，好香口。蕃茄菠蘿鮮甜，紅汁亦唔錯，好好撈飯。友人食嘅焗海鮮飯，配料有魚柳，魷魚，蝦等，都幾豐富，飯同樣炒底，雖然話係白汁，但黃黃地又甜甜地，友人話可能加左南瓜喎。汽水要有可樂，大大杯又夠凍，啱哂夏天。

下午茶，成日食開茶記，咪轉下新口味囉!!! 無咩好叫，叫左個茶餐，有炒麵有腸仔有墨魚丸。黎到有2塊腸仔，腸仔味道正常，但係凍的!墨魚丸2粒，都係凍的，一團粉，但味道總算可以炒麵，真係難食得好過份! 好乾、d麵又淋、有d甜甜地的醬油味、真係唔知點形容，總之難食!奶茶，無茶味，唔香，得個甜!我都知去食大家樂唔應該有咩要求，我只係想正正常常有一餐! 雖然係大集團式，唔該都用心做! 依個難食茶餐都要成$25架! 同茶餐廳價錢差不多，但食物真係有質素好多!!!!!唔該俾值$25的食物俾客食!

大家樂，間中也會來幫襯，趕時間，快餐店,又是最好不過了。今天到粉嶺行山，早上來到這裡的大家樂，要了一份早餐。當中南冰魚柳，魚柳口感比一般龍脷柳好，但外層炸粉有點過厚及硬身，感覺到...水準似不及以前好。原本想要滑蛋，但今天只得煎蛋供應，無辦法中要了熟蛋。那片烘多士還算脆口，塗上牛油已是不錯了。而凍奶茶，似乎亦欠缺了茶香，但仍能盡喝...。早餐算是合格的，盼望做足壹佰分啦!餐後，時間亦不早了，立即趕出粉嶺車站會合隊友了。(No.610)