大家樂 (耀東商場)

營業中

休息中

好耐冇食炸雞髀，中年人都只能夠間中食，間中邪惡一下都可以嘅！哈哈哈！Lee碗喳咋真係無得彈！紅豆綠豆綿密，蓮子粉糯，西米吸盡椰香，甜得啱啱好，凍冰冰一碗過癮到痹～Lee隻炸雞髀外層脆到卜卜聲，肉質嫩到流汁，調味夠惹味，咬落齒頰留香，熱辣辣食真係過癮到喊！凍檸檬咖啡夠晒醒神！咖啡濃香夾檸酸，冰爽透心，甜度啱啱好，一口落去超舒服～

放工去耀東商場智能櫃拎件，晚餐就順便買隔離大家樂外賣。平日八點左右，已經賣晒咕嚕肉果類小菜，我就叫咗無骨海南雞飯，扣左會員優惠盛惠$52。我未食過呢個飯，本身冇期望，但返到屋企一打開，發現原來都切左幾多肉比我！跟餐有比薑蓉同甜酸醬，開胃。而雞肉下面就鋪左好多用醋醃過的蔬菜，又係非常開胃。至於果盒飯，原來係用蛋炒過的紅米飯，雖然我食落乾乾地，但覺得大家樂都幾有誠意。呢個飯仲會跟野飲，我叫奶茶少奶，店員都係即刻沖，唔係比果啲唔知放左幾耐嘅奶茶比我。好耐冇食過大家樂晚市，估唔到有驚喜，會再幫襯。不過耀東呢間太多大叔客人，我就唔多敢堂食，，

order咗個下午茶餐豉油王炒麵花生醬豬仔包熱咖啡出餐嘅時候, 個豉油王炒麵個份量比我圖中的少咗一半, 我同個經理講--乜個豉油王炒麵分量少得咁陰公？ 佢仲答我- 係呀係咁少㗎, 跟住好似好施捨嘅語氣-- 咁你要多啲就畀多啲你囉, 我同佢講, 嘩！我感覺我係乞衣, 喺做吃食咁呀！！個豬仔包係凍嘅個豉油王炒麵只係微暖乜而家啲餐廳供應熱嘅食物畀客人都咁難咩？！講真因為趕時間先至嚟到呢度食呢間, 簡直係求其填飽個肚, 食物差到一個點！！！

鳳爪排骨煲仔飯（原煲外賣價連飲品$59)賣相：🐧🐧🐧🐧味道：🐧🐧🐧煲仔飯只需加8蚊，便可原煲外賣取走，十分不錯。內裡餸菜份量理想，兩大隻鳳爪原整奉上，排骨大大粒啖啖肉。精華所在的飯焦量嚴重不足，可能跟外送煲仔熱度不足有關。跟煲奉送煲仔飯豉油一小個，份量頗少未能應付整大煲飯。味道方面，由於煲仔飯有加辣椒調味，所以整體有點偏辣刺激，怕辣人士慎選。鳳爪有點偏乾，味道一般不過不失。排骨頗為入味，肉質偏冧軟嫩，十分不錯。白飯雖然焗在煲仔內一段時間，但未有變冧變爛，十分不錯。可惜豉油量不足，令整體偏淡未夠惹味。🐧❤️結語：煲仔飯還是堂食為佳。

我明明講緊係要杯熱檸茶, 佢就無心裝載去聽又態度差咁, 做乜鬼答我咩凍檸茶要加3蚊 真心9唔搭8, 熱同凍呢2個字嘅音有差咁遠 咁難分嗎? 平時外賣成日都比漏野都算數, 連堂食都唔做好啲, 個呀嬋居然連凍同熱2個字都唔識聽 唔識分, 過唔過份咗啲😡

今天下午茶想食燒鵝瀨，看到燒味店的餐牌都覺得10分昂貴，突然想起大家樂的燒鵝瀨便宜而且味道不錯，便馬上到大家樂吃。大家樂的燒鵝瀨雖然是快餐店的價錢，但10分好吃，更配上一杯飲品，係經濟差嘅情況下，這份下午茶真是不錯。我更發現在免費報紙上，會有大家樂的優惠券，下次會帶同一起去吃下午茶。

唔係太肚餓 又唔想食咁貴 又唔想行得遠唔食正餐等3點3食下午茶嘅我 決定左大家樂呢個下午茶啦 雞翼配多士再加個米粉夠哂飽肚又抵食 大滿足 好多人左啲姐 今次雞翼即炸即出 好香口 唔燶

去到大家樂食lunch，我只會食兩種食物， 1焗豬扒飯，2 咖哩牛腩飯，只係呢兩樣， 而其他嘅根本無需要去試， 無謂去嘥咗個胃嘅容量。雖然係連鎖店集團式嘅出品，乜嘢都喺工場搞掂曬，但係每一間分店食到嘅味道都總有唔同嘅，因為總要廚師煮，一定有分別。今日食到呢個咖哩牛腩飯，個咖哩汁都唔錯， 味道唔算太辣，亦冇話水汪汪淡茂茂咁唔夠味道，牛腩煮得好入味又夠淋，而且廚房仲俾咗好多牛腩俾我，正常情況底下應該冇咁多嘅， 總之咖哩多多好好食。點解我有咁多牛腩，唔同我靚仔，一定係。

耀東村餐廳唔多，野食選擇較少，有時都會落筲箕灣街搵野食！係村最放便既就係呢度啦。今餐叫左無骨海南雞飯，跟中湯，50蚊。如果轉素翅就59蚊。飯係珍珠米，油係多，但無雞味。個雞幾唔錯！嫩滑，無骨，入味，凍凍地！但底有啲酸瓜，開胃。雞點埋個醬更加好味！湯就唔夠熱，味精湯啦，正常野。整體上唔錯，但愈食愈貴，平啲就好啦！

熬夜了幾天，又沒有滋補住家靚湯，來一客清熱下火的芫茜皮蛋肉丸湯鍋，就最好不過了!湯鍋套餐，還包小菜一款，白飯一碗和普洱茶一杯。白飯一碗滿滿的，軟硬度適中，略帶飯香。西蘭花炒魚塊伴入紅蘿蔔片同炒，稍嫌西蘭花炒得過火，欠缺爽脆鮮嫩口感；魚塊肉質嫩滑，入口帶陣陣泥腥味，略感可惜。芫茜皮蛋肉丸湯鍋用料甚豐，湯水清香萬分，芫茜味濃鮮香，豆腐嫩滑豆味濃，皮蛋也不賴，肉丸混入爽口馬蹄，更添一份咬口。

這裡不是第一次幫襯,但今次真係唔掂,油脾都可以會煮唔熟,又唔炸脾,炸脾就話驚炸得太耐會過燶,會賣唔到o者!油脾煮耐d都唔駛驚呀!(下午茶:油脾+飲品)

野食就普普通通啦~ 一般大家樂水準~ 凍奶茶真係幾好飲o既~ 我要讚o既係o的人o既服務態度呀~ 有禮貌又好笑容~