大家樂 (富東廣場)

營業中

休息中

實在太過分了。第一次遇到喺大家樂食海南雞飯會有呢個情況。一打開以為係人哋食剩嘅飯餸，見到都無胃口，成盒雞都冇一件係完整嘅😡😡之前喺其他大家樂食嘅時候都冇咁嘅情況… 如果唔夠係可以同個客講嘅而唔係唔知比一盒啲乜嘢人哋，以為人哋返到屋企冇可能返嚟換就求其俾。真係不吐不快。最後食咗兩舊，成盒掉咗… 除咗差，都唔知在點樣去形容呢盒嘢

位於東涌的大家樂全日早餐加雞扒再加鼓油皇炒麵，實在令人驚喜，因為加$21蚊就夠曬2個人食！魚柳，雞扒，煎蛋，煙肉，薯餅，炒麵，再配上多士與熱飲，簡單卻滿足。整體味道平衡，份量剛好，是一份性價比高的快餐選擇。環境：店舖整潔，座位寬敞，適合短暫歇腳。 價格：屬中價位，配搭靈活，物有所值。 食物質素：質量與分量都一如以往，整體出品穩定。 食物種類：選擇多樣，早餐還有很多不同的搭配。如果你喜歡經典港式早餐，這款全日早餐值得一試！

大家樂最近推出嘅鐵板牛扒餐，鐵板夠熱，牛扒有手掌咁厚，起碼有8吋長，足料。配菜有洋蔥青瓜同粟米，洋蔥夠新鮮，青爪同粟米正常。我推薦黑椒汁夠惹味，佢仲有洋蔥汁可以揀。另外有飯、意粉同麵包選擇，白飯無乜好講，意粉有茄汁撈過有誠意，餐包保持暖不錯，加埋個幾濃味嘅羅宋湯，65蚊乎復可求，食得飽又味道不錯，值得推薦。

真係嬲嬲地，食咗幾次，都估到啲水壩係咁垃圾，明明已經叫多冰多奶，最後出嚟杯嘢飲，少冰冇奶，有冇咁求其仲要攞到返寫字樓先知，可唔可以每次都睇清楚，少少嘢都做唔到。。。

東涌下午茶都冇乜特別好嘅選擇，喺附近買完餸就行咗上去一樓呢一間大家樂，佢喺譚仔米線隔離，角落頭嘅位置，依間大家樂都非常大間，下午茶時間嚟講人數不算太多，容易找到位置！✔️迷你叉燒飯，叉燒正正常常但係份量就唔算太多，我覺得叉燒有啲太瘦，不過肉質同埋未到食落去都正正常常，加埋佢嗰個燒味汁係幾好食嘅，下午茶嚟講都叫做飽肚，佢呢一個套餐就係$35，會包括一杯熱嘅飲品，如果凍飲嘅話就加$3，仲有其他特飲嘅選擇。我叫咗熱檸茶就冇乜特別，只可以話係合格嘅質素。

我今早去東涌賞櫻，順道在富東邨食午餐，環境闊落，地方夠大，原來有個收餐機械人為大家服務呀。我點左個滑蛋海皇飯$37，餐飲係黑咖啡。海皇飯配料豐富，蝦仁數量不少，黑咖啡好飲。

上個月都去左大家樂据左個雜扒餐，今次再encore，但就据個牛扒餐。呢個餐有一塊厚切牛扒、仲有一條玉米。 首先牛扒煎得幾好，雖然就熟左D，但又未去到overcook，整體上D肉又唔會話韌。塊扒都好大塊，所以肉量好多，就算係男人食都會覺得夠飽。而今次都係配左黑椒汁，個汁唔會好辣，但又夠味。反而今次個玉米就唔係好得啦，好似有D生。而今次個酥皮湯仍然係完全唔得。個湯都本身唔得，同上次一樣佢個所謂既羅宋湯係淡得黎得胡椒味，直情可以叫胡椒水。而今次連個個酥皮都衰埋，完全冇香酥味又淋哂。所以整體而言成個餐得塊牛扒係100分，其他都係0分。

行經大家樂。知道有個試食價焗素豬扒飯餐，售價$54。無理由唔去試食。價錢好優惠。個素豬扒食落入口有75%似真豬肉。其他配菜都係以素為主。有青瓜、蕃茄等素菜。個飯量好足料。個人推介給素食者。這個焗素豬扒飯味道有接近75%似真豬肉。大家樂橫裝好乾淨。

位於東涌富東商場既「大家樂」位置方便而且又平又抵食～下午茶肚餓最岩就係食碗叉燒賴～叉燒賴粉$31半肥瘦叉燒，分量剛剛好～Cp 值好高👍🏻👍🏻最驚喜係呢到既員工服務質素👍🏻👍🏻👍🏻會主動黎問每一枱客人需要水嗎、需要紙巾嗎十分周到！ 好驚喜👍🏻

早兩日八號風球，好在屋邨商場食肆都仲有餐廳開，嗱嗱聲買兩個外賣返屋企喂飽自己同屋企人首先係我嘅松露忌廉汁焗海鮮飯，所謂海鮮？有兩粒炸魚、兩粒急凍蝦仁，再加上少少蟹柳😥 咁就四十幾蚊😥 不過個汁係好食嘅，撈飯一流跟住跟餐十蚊杯特飲：蝶豆花薏米檸檬柚子蜜🙈 密集恐懼症人真係要小心，味道亦麻麻地，特別係薏米泡到好似發泡膠咁，質地係劣呀！仲有個屋企人食個例牌安全牌一哥焗豬扒飯就不過不失啦🙂 可以餵飽個成年男性咁囉

晚上朋友訂咗大家樂嘅盆菜，自取形式回家品嘗，呢啲食物家庭式party最啱。揭蓋後仍見有些微熱氣上升，天氣熱保温正常。#盆菜味道不俗，材料新鮮，西蘭冇黃到，原本諗住會好多汁，好在食到中間先有，食舊雞唔會撈太多其他肉味。#雜菌伊麵，很入口，不會濃味，麵條條分明，唔會因為焗住糊咗一舊變面餅，菇嘅份量都相當唔少。蝦仁叉燒粒蛋白炒飯，好味道，飯同料比例適中。#芒果布甸，同樣落足料，似楊枝甘露，每一勺都多西米、柚子肉，不過有少少甜得滯。

一人鍋打邊爐而家天氣開始轉涼～突然之間好想打邊爐。自己一個人可以去邊度食呢？我就諗到最受街坊歡迎嘅大家樂。這家大家樂樓面廣闊，有幾十張枱， 裝修簡約，地方算乾淨衛生。這次我點了丹麥優質豬肉豚肉鍋，配牛尾湯湯底， 另外選了米線和菜盆。打邊爐最緊要湯底。這個湯底牛肉味重做得幾濃， 也有些鮮茄和配菜。這個豬肉是丹麥優質豬肉，肥瘦均稱，看上去非常新鮮有光澤。 另有我最喜歡的餐前小吃炸魚皮， 皮脆新鮮。 而生菜非常新鮮嫩綠， 平日快餐的生菜可能比較老，這家就非常新鮮。 肉丸不算爽口， 但加上一些馬蹄肉，口感特別。

已經唔止一次執漏野，啱啱買個冬瓜2人餐外賣可以執少左盒叉燒。之前買早餐都試過漏野但今次真係堅慶! 係咪次次都蝦外賣既人唔識返轉頭投訴?好喇跟住都係講返個味道，無左叉燒之下，個餐好似唔夠野食咁。好彩我本身有再加多左個38蚊餸，先至啱啱好夠2個人食。味道都還可以，個西蘭花魚同咕嚕肉都值60分。冬瓜就淡味d, 個湯都似係溝左水咁。同埋攞到返去都涷哂，要再返叮先可以。好再個冬瓜size都ok, 都算多冬瓜肉可以食下。

做得相當唔錯，小編都比較喜歡係一啲人情味濃厚嘅小區裏面光顧餐廳，因為每當俾錢或拎餐嘅時候，服務員面上都會好親切嘅笑容，單單呢一份嘅笑容就已經足以令到顧客留下深刻嘅印象。當然食物質素方面都好緊要，不過大家樂有佢哋自己一貫嘅水準，所以食物質素都相當唔錯。

如果有留意開我寫嘢(講啫，邊有人留意🤪，因為我只係一個平民，冇細緻嘅形容詞，亦冇咩點去高檔地方)，應該知我勁愛焗飯焗意粉，尤其係白汁(>^ω^<)上次已拜訪過呢間大家樂，想試呢個新出嘅焗飯，點知話冇 ╮(￣▽￣"")╭ 今日，又死心不息咁再嚟一次，竟然真係比我見到佢。因為真係有太多人，冇可能等到位，所以都係外賣返去自己個位度食好了。講真，冇期望有蒜香味，心裏面都係諗有白汁就好了。點知一開蓋，真係好勁嘅蒜香，而且芝士汁好重，抵讚！仍然係一貫的炒飯底，有雪魚兩件，都有幾多細細嘅蝦仔同蟹柳。Anyway conclusion, I will be back ٩(˃̶͈̀௰˂̶͈́)و