大家樂

營業中

休息中

今日早餐冇係屋企食，所以去左大家樂買左個外賣，最後選擇左豉油王炒麵配厚切午餐肉。之前呢個set係由豉油王炒麵轉左做炒米粉，唔知咩原因，米粉真係好硬掘掘，變左成個set都唔好食，但佢而家轉返做豉油王炒麵，一來炒麵既「淋硬度」適中，二來味道都好好炒得好入味。如果以早餐來計份量黎講，飽肚度一定滿滿。午餐肉都係非常之厚切，味道又夠濃，一啖咬落口真係非常之滿足。最後，配埋杯熱既意式咖啡，咖啡味都好香濃，非常之好。

今日屋企無水，就買外賣回家享用。經過大家樂，就想起一哥焗豬扒飯。一哥焗豬扒飯係大家樂嘅招牌菜，每次我都係食呢個，今次買多一個咖喱牛腩飯。一哥焗豬扒飯，唔跟嘢飲，要45元。豬扒飯最出名係塊豬扒夠晒厚，新鮮蕃茄、青豆、粟米粒、菠蘿，加上芝士和醬汁，撈埋炒飯底食一流。咖喱牛腩飯：入面有兩大舊薯仔，，牛腩就細細粒，覺得太少了。咖哩汁嘅辣度適中，又唔太辣，食落仲有椰香味道，又配上椰菜和紅蘿蔔絲，要52元如果我想食焗豬扒飯一定會食大家樂嘅一哥焗豬扒飯。

呢一間大家樂唔算大，但都坐得舒服，唔會覺得太逼夾；大家樂餐廳的晚餐選擇都唔少，不過今晚想試吓佢嘅牛扒！晚餐選擇雖然多，但好似偏向中式為主！叫咗呢個紐西蘭西冷牛扒餐，承惠$70牛肉肉質鮮嫩，煮得剛剛好沒有過熟，口感不錯，黑椒汁味道卻一般！焗薯仔味道正常啦！

接完個囡放學仲有一個鐘先學併音去商場大家樂食個下午茶消磨下時間大家樂緊係要食佢炸雞髀🍗加西多士大人小朋友都岩食西多士配埋蜜糖我最愛囡囡最愛炸雞髀，啖啖肉正～正～正食完時間剛剛好去學英文

大家樂都係香港人既食堂🤩🤩🤩🤩🤩其實都幾頹下🤣🤣🤣🤣, 不過我自己食過不同餐廳既焗豬扒飯, 都真係覺得大家樂既一哥焗豬扒飯錦多年都真係無得輸🥳🥳🥳首先價錢合理啦😙😙😙!!仲要佢都會即叫叫整, 佢既茄汁份量夠, 所以唔會食一半就冇汁食飯, 加埋抄飯底 🤤🤤🤤🤤🤤🤤

大家樂這個老字號的連鎖快餐店一直是香港的標誌，價錢一直保持便宜而且售賣的食物水準也能保持。大家樂最引以為傲的美食有一哥焗豬扒飯，厚厚的豬扒配上黃金炒飯，份量十足，不能不試。今天早上差點剛不及早餐時段，否則用餐的費用大大提高。我點了每週推介的超值選早餐，皮蛋瘦肉粥配上炒麵和蘿蔔糕，再撘配熱奶茶，這就是港式早餐的完美配撘。每樣食物水準都不低，而且能一直保持，很少會感到失望。最推介的絕對是熱奶茶，我敢說這是全港最好頭三位！

今日係屋企附近諗緊食咩野之後就睇下有咩現金券見倒支付寶有$10現金券用$30就可以用啦所以我就揀左大家樂食個焗豬扒飯原價$47左右，用埋現金券都係三十幾四十好正喔但今次等左勁耐大約等左20分鐘倒先有得食呢個焗豬扒飯都好足料，好多蕃茄

一條友，又想獨食，竟然俾我發現大家樂有呢個海鹽檸檬烤雞二人超值外賣套餐！正呀！無人同我爭⋯⋯套餐內容：烤蕃薯角，烤雞一小隻，兩支粟米，一盒肉醬意粉，兩個人可算剛好，而我一條友，當然食唔晒！（餘下第二日帶飯）皮脆肉滑，大型連鎖店不過不失。肉醬意粉就失左少少水準～味道不像昔日了，炸蕃薯都OK，粟米好香牛油味。整體都不錯，價錢都好公道，閒時食下，都好爽！

放工沒有晚餐吃，唯有買外賣，想起很久沒吃的焗豬扒飯，便想起大家樂。幾年前還十分好吃，今次一吃，有點失望⋯⋯大型連所店，沒辦法！豬扒還好，個汁就⋯⋯唯一大家樂的奶茶仍然係我至愛之一屋邨飯堂，平日晚上不用等位，但一個人都係買外賣。

其實連鎖式嘅餐廳都可以保持到水準,好似呢間大家樂咁,每次食早餐都能夠食到預嘅效果,咁多早餐當中首選必定係香煎雞扒,D皮夠脆,肉夠滑,最緊要配埋個洋蔥燒斗,多士烘得夠香脆,通粉穩定,3十幾蚊已經算底食

提早慶祝聖誕.幫襯左佢訂三年火雞啦!但賣相及味道一年比一年差！今年隻火雞也比去年細隻.隻雞取回家只需5分鐘腳程.發覺隻雞係冰凍的而且很乾.家人都話冇味！重有其它如沙律及意粉都唔好味！下年唔會再幫靚！

腸胃炎的第三天，又是無什麼胃口，不過點都要食下野的﹗要不油膩﹑不吃肉類﹑份量要少...在新年時候找到以上條件實在困難。鮮有在大家樂食午飯，原來多增了一個素食餐，目的是推廣食客要一週一餐素。其實我在上班日子都盡量維持要一天一餐素的。(呵)雜菜蕃茄醬意粉，有南瓜﹑西蘭花﹑椰菜花﹑冬菇﹑草菇及蘑菇，色彩美麗，用料豐富。蕃茄醬內充滿不少鮮茄蓉，酸酸甜甜，可以令我開胃下。意粉軟硬度煮得剛好，是意料不及的呢。以免刺激胃部，所以有咖啡因及奶類的飲品都暫停不能飲用，幸好大家樂不時都提供幾款特飲，用七元加配這杯柚子雪梨蜜，大大杯，飲完實在好滋潤呢~

此一星期內其中五日無住家飯食(哭)!第四天就幫襯大家樂,因為老友贈上一張$45餐飲劵.呵呵妹妹選擇食打邊爐,我就先去問店方此劵可點乜餐?攪了好耐(感覺到她們是第一次遇上這餐飲劵XD),先知道除了打邊爐以外,其他套餐都可以任點其一.(發達$$$)無什麼心水又是食雞最安全.這個明爐頭抽走地雞,貪心的我當然選最強大套餐陣容$44!!包白飯,茶和湯.雞肉地就薄左少少,不過以份量取勝,而且每部位都上幾件,有胸亦有脾,肉質非常嫩滑可口,頭抽汁以香甜味為主,雞肉充滿著頭抽的香甜,真的非常不錯,有食緊豉油雞之感.底部墊有一堆椰菜,勁爽脆,雖然我鐘意食爽菜但認為如果用頭抽汁炆淋佢會更加好食!白飯份量只佔飯碗八成,好在今日不肚餓,夠食有餘了,飯身硬了少少,可惜戒了汁撈飯,如果不是我心信此頭抽汁撈飯是一流味道的耶~中湯是原壺上,今日是無花果紅蘿蔔雪梨雪耳豬肉湯,雖然…油是多了少少,不過湯汁確實在滋潤喉嚨,特別是幾天沒湯水飲已經達到DRY爆的我來說此湯是福音來的了.料又夠足,每樣整幾件,甚愛清甜雪梨~普洱茶濃過墨汁,將一杯變三杯才飲得下.食完先發現此雞無跟爐上喎,標明是”明爐”系列…不過原煲上都好夠熱…無所謂

本來想落樓下食個早餐, 點知訓得太晏變左lunch... 我地2個人, 叫左1個咖哩牛腩飯, 1個油雞切雞飯, 再加1杯sprite! 個咖哩牛腩飯有d怪味...所以之後換返個焗豬扒飯食...個雞飯呢...就ok啦... 我覺得大家樂而家好鬼貴呀, 以前30蚊已經有飲品, 而家有d飯成34,35蚊都仲要另外買飲品...所以盡量盡量都唔會去!

今晚媽媽要外出所以沒有煮到晚飯。巧遇今晚天氣轉冷，放工後沒有閒情在市中心找食的，還是即返屋村商場，去大家樂吃個簡餐好了。早前看過廣告幾次，對這個爆汁又識得彈來彈去的鮑魚非常有興趣，今餐就吃這個吧﹗不難發現連鎖式餐廳的晚餐餐價越加越貴了，原來這款鮑魚餐至要少$50，幸好本身很少出街食飯，否則餐餐都係咁就肉赤非常﹗因為今晚不太肚餓，只選了南非黃金鮑併雲腿竹笙濃湯雞餐，配一碗白飯，我再加多$4.5飲蘆薈花旗參蜜。整個餐之份量之意外咁細，都是那句，好在不太肚餓，如果唔係會不夠吃的了~T_T廣告是吸引人的，所以現實版鮑魚當然是細細隻，小口吃的話只有三啖而已，不過其質素和味道算是不錯，肉質彈牙有勁，醬汁亦炆到入心處，另有兩件蝦膠釀鮮冬菇，蝦膠薄薄一層，不過表面帶點硬身，應該略為炸過了，冬菇大小是一口一個，邊邊的小棠菜亦用上湯燴過，很鮮甜。至於雲腿竹笙濃湯雞方面，最特別是一煲一爐，爐底的蠟燭份量是店方預前計算好，約滾十分鐘左右就會用完，但這已足夠供客人在進餐時段內都飲到熱辣辣的湯水了，夠哂細心。湯內有津白﹑幾塊竹笙和一大隻雞脾(!!)，津白鮮甜，雞脾超大隻勁多肉，肉地嫩夾滑，而雞湯鮮甜，最後湯渣中發