影片
附加資料
無肉餐單詳情: 逢星期一、二及三午市供應素食菜式。
營業時間
今日營業
07:00 - 16:00
星期一至日
07:00 - 16:00
以上資料只供參考, 請與餐廳確認詳情
招牌菜
朝早下個中港城諗住食個早餐。周圍又冇乜餐廳又好評，所以嚟咗大家樂。嗌咗個$33特價餐有菠蘿油同火腿扭紋粉，見佢預備嘅時候將個菠蘿包擺咗落微波爐都心知不妙。出到嚟個菠蘿包我懷疑係隔夜嘅，面嗰陣菠蘿皮變咗糊狀，（大家如果買過菠蘿包擺過夜都知道我講咩）經微波爐叮完之後個包硬過紙皮入邊啲水份冇晒。下次都係唔好嗌特價餐。成個餐得個烚蛋係正常。熱檸茶用紙杯上，而家唔係興環保嘅咩？檸檬仲要勁細塊。可能位置比較偏僻，所以餐廳冇乜人坐得舒服嘅。另外餐具都算洗得比較乾淨。
繼續閱讀
意粉硬到似皮筋，太过火了，調味一般般，堂食居然都系拿外賣包裝上菜，的確夠效率啊哈，出餐的確快，剛落完，叮一下就得了，收银员一开始落单又黑住块面，真系難頂，今時今日甘噶服務態度真系唔得咧
繼續閱讀
香草蜜糖雞脾炒麵下午茶連熱檸茶都係$30幾蚊 大家樂係香港人飯堂 岩香港人口味 簡單又好食款式又夠多簡單係窮人恩物！所以其實有時候旅客嚟到香港我都會推介佢哋試一試大家樂因為我覺得係最能夠代表到香港嘅美食同埋本地夠地道
繼續閱讀
今日同大家介紹一下我平時嘅飯堂 - 大家樂佢位於商場入面，冷氣充足，唔需要擔心日曬雨淋風吹雨打，任何天氣都可以輕鬆到達餐廳嘅菜式好多，而且菜單上面有埋圖片，喺落單之前已經為大家帶嚟視覺享受今日外賣自取嘅菜式係芋頭葡式雞皇飯餐後感：整體來講唔算特別出色，不過勝在地點方便同價錢合理今次呢個飯葡汁唔算太濃，雞肉都太大嚿，芋頭係有不過細細粒同埋好少唯一要讚餐廳貼心嘅地方就係佢喺外買袋入邊會附上呢一張字條，食得多外賣自取嘅人都知道經常會發生餐廳俾漏嘢，調轉左訂單等等情況雖然我今日用唔着，但係呢樣嘢我都覺得要讚一下餐廳嘅貼心
繼續閱讀
好多連鎖式快餐店都會因應唔同嘅時節， 推出一啲有節日色彩嘅食物出嚟，大家樂都唔例外，係呢個夏天就推出咗好多冬瓜盅+不同食物嘅款式出嚟。冬瓜盅拼魚蝦餅套餐，套餐包括一個瑤柱素翅冬瓜盅、魚蝦餅、白飯一碗、中國茶冬瓜盅當然是 mini size 的，雖然係細但係都係原個， 除咗素翅、瑤柱之外仲有金華火腿、蝦粒、肉粒、夜香花，飲落都幾清甜，好有消暑嘅效果，而且有好多冬瓜肉，好好食。魚蝦餅有三塊，唔係魚餅同埋蝦餅，而係魚加蝦餅，即係一塊炸餅裏面，有魚肉加埋蝦肉，金黃香脆又彈牙，好好味。
繼續閱讀