大家樂 (已搬遷) 新店位置

身為學生,應該對今日並不陌生吧!由於今日係假期,造就左我係屋企過悠閑的一日!再加上賴的關係,唯由叫家人幫忙買早餐吧!叫了一個牛乳炒滑蛋早餐!牛乳炒滑蛋早餐(約$24)選了吉列森巴豬扒,一向大家樂的吉豬水準不差,今次沒有失望,豬扒依舊鬆化、入口脆!但豬扒的質素平平,只能靠沙律醤作搭夠!雖然炒滑蛋有D老,但牛乳味濃、又不太多蛋汁,Good!脆多士配上牛油一起吃,分外香口,不錯!!火腿通粉(約+$3.5)大家樂的早餐一向不飽,個個都會加個粉麵,而我今次選了火腿通粉!火腿質素平平,但配上通粉一起吃,倒是不錯的!!以大家樂的快餐店服務來說,今次水準算是不錯,忙裡偷閑的早餐,值6.5/10分!

Pork chop riceOrdered pork chop rice with egg based!The tomato source is great, I can eat a lot of rice with it, it’s not very sour !The pork chop is very thick and large in size, not very tough and I know it dun hv many soda powder.Rice is not very wet, quite dry which is good.It’s freshly baked after ordered so yummy and hot!the service is fast as they are well trained and they smile when taking order

天氣漸涼，又係打邊爐既時候。對於我呢類懶人黎講，快餐店既火鍋就係我杯茶啦。話說大記出左個新既鮮茄龍蝦湯，好似好吸引。咁呢晚有時間，就過左黎食。湯底呢個龍蝦湯算幾鮮甜，好有蝦味。而且不乏蕃茄味，個湯黎打邊爐真係唔錯。不過我細佬都係覺得豬骨湯先係皇道。配料講真，年年都係差唔多。講番例牌野，肥牛肥瘦均勻，算係預測之內。而豚肉既質素都唔錯，比我預期既好。但我都係鍾意食肥牛多，始終佢係我杯茶。每年都有新野既，好似係布袋豬肉丸。即係豆卜釀上豬肉之作，呢個出品都唔錯，幾得意架。而其他野，好似係蝦滑，都算幾新鮮入味。去到最後，點都要整個烏冬食下，做個美好既作結啦。另外，想提下醬汁。除左辣椒同醬油之外，仲有個芝麻醬點牛肉，呢個同牛肉真係好夾架。飲品今年新出鹹檸檬雪碧，飲落好清新。鹹檸既味道好重，而且飲落好舒服，絕對係打邊爐既良伴。整體上都幾好，服務真係唔錯。加水加得及時，而且野食都唔錯，無乜野可以挑剔。

大家樂貴為一哥咖喱，間中都會改良其產品。除左食材方面作出修改，估唔到今次會辣度作出調整。製作出微辣同激辣版本，等我地味覺有新既體驗。千層香咖喱燒雞個燒雞既感覺同炸雞沒有兩樣，不過我覺得燒得過左火。肉質好乾，但又有醃味。都過得去啦，我覺得叫豬扒會好過雞。講番個主角....咖喱汁。其實又幾辣，但辣得黎又帶有咖喱應有既香味。而且個咖喱味比以前既黎得重。雜果爆珠特飲呢個又幾得意，估唔到台式飲品店既爆珠會出現於快餐店。個飲品有小小似雜果賓治既味道，個爆珠又幾彈牙。好得意架。整體上都唔錯，咖喱既辣度適中。用黎送飯真係一流。

果日同朋友普普通通咁去食Lunch結果揀左頌富既大家樂入到去超易搵位可能係因為午市呱之後買野食-日式吉列豬扒飯唔錯 但塊豬扒唔太脆但配菜都算係入得口既豬扒如果可以脆啲就好喇-焗肉醬意粉整體好好,份量亦都好夠而且啲肉醬都好香好好味^^-特飲感覺上唔太抵飲,但係總比台式飲品平~~巨峰提子入面有啲乳酸粒粒,配合埋甜既巨峰提子汁幾好

今晚食完就今晚寫啦，呢排成日都見到大家樂出既三文魚海鮮焗飯。味道好似唔錯咁，今晚終於開齋啦。放左學之後就黎到呢間大家樂，話哂係晚市，人都幾多下。酥皮周打魚湯即係忌廉湯啦，料就唔算太多。但勝在酥皮好好食，就算浸左落湯到都唔會咁快淋哂。同意粉屋既酥皮係兩個層次，不過佢都唔錯既。三文魚海鮮焗飯三文魚既份量算幾多，焗飯既野菌汁有小小似金寶忌廉湯既味道。而呢個炒飯炒得好煙韌，粒粒都咁好食。而個飯都有好多料，有蝦、青口、魚柳等等啦。要彈既係，個飯始終犯左焗飯既通病，就係唔夠多汁。凍奶茶好好飲呀，又香又滑既凍奶茶。味道唔錯。實有下次既，個焗飯味道唔錯。價錢又唔太貴。

呢晚同屋企人黎呢度打邊爐，由於呢間都幾多人。好彩有人搵定位，唔係就要等好耐。我地叫左兩個邊爐，一個豆乳湯同豬骨湯。食物講一講個湯，個豆乳湯好香豆味。比之前既好食。而個豬骨湯都唔差既，又唔會太鹹。食物都唔差，牛肉好新鮮同肥瘦均勻。蝦滑就好新鮮，又無乜雪味。好正架。肉丸就好入味，唔差啦。個火鍋下面係菜啦，無乜特別，不過都算幾新鮮既。八點半之後可以半價加配火鍋既食物，我地加左肥牛同響玲。響玲都幾好食，浸一陣就可以食架啦。飲品都係青檸梳打冰，好清涼。好有青檸味。服務由於係星期日既緣故，所以好多人。我地叫左呀姐加水，都要好耐先幫到我地。不過算啦，始終人太多，好難做得切。

今日食左個焗豬(外賣)....唔知係外賣定點...d用料小唔再講...我攞走件豬...見到d飯有d淋應該係外賣放左係到都幾耐下...下次有機會影張相比大家睇 總之相當disappointment

呢間大記都開左十年左右，最近裝完修。呢日又唔知食乜好，就黎呢度食啦。星期六算係幾多人，真係一位難求呀！焗豬扒飯都唔知幾耐未食過，味道依然唔錯。豬扒好大塊，肉質又唔錯。豬扒又夠大份。焗飯係我最鍾意食既炒飯底，整得好好食，煙韌好味。豬軟骨拉麵我無乜點食，但我媽子都話普普通通啦，無乜特別既。我覺得個拉麵都係咁，唔係特別好食又唔係特別難食。楊枝甘露冰冰比青衣果間好飲好多，個色水都對既。而芒果味算幾濃，又多芒果粒，幾好。不過我都係鍾意珍珠奶茶多點。裝完修之後，希望食物既質素可以保持下去咁好。

是次跟朋友仔去左鋸扒...個扒好似幾吸引...$44..有酥皮湯...西冷扒...焗薯...等十分鐘到...餓到傻...個酥皮湯真係讚!!!應該係岩岩焗好..個皮超好食..個湯夠哂正...唔知係咪因為等個湯...個焗薯凍冰冰...唔好食...-"-個牛扒岩岩好...不過有小小太熟...應該九成喇...不過快餐唔要求得太多喇...配洋蔥汁...唔錯...都唔太難咬...唔算太大塊...冇飯冇薯條...男仔可能會唔夠飽....女仔就岩岩好...$44晚餐鋸扒算平....個湯已經值回票價...

今日同屋企人黎呢度食飯，見出左個意粉餐，就試下啦。叫左個千層闊麵同青口意粉。仲可以加錢要羅宋湯同蒜蓉包。羅宋湯雖然係細細碗，但幾好飲架。裡面有好多料，而且個味幾濃郁。蒜蓉包大大塊，但我覺得唔夠脆口，個味道有似pizza hut既蒜蓉包。不過加五蚊，算係咁啦。千層闊麵個汁係配忌廉汁既，但個汁唔算太濃。而闊麵既肉醬太乾，唔係太好食。而個麵仲有個蕃茄汁，但同個闊麵既味唔夾。青口意粉青口有八隻，但都係好細隻既。而炒意粉都算爽口，但意粉好淡。味道不見突出。凍奶茶呢個係最好既，奶同茶又好夾。雖然出新產品係好既，但味道同我預期既出入好大，有失望。

家長日後學校補假一天,同家姐早早8點幾起身(神奇)我提意食大家樂早餐蜜汁烤雞扒+炒滑蛋+厚多士+番茄肉碎通粉+熱0水 $24.5雞扒個sauce好正呀..甜甜地 撈埋一齊無問題我幾鐘意炒滑蛋..有蛋汁,有牛油香..吾錯厚多士,,加哂成盒牛油..正但衰在吾夠熱 (可能因外賣)通粉..幾好wor..吾錯清哂總括咁ge價錢我好滿意家姐 腸仔+ham+太陽蛋+番茄肉碎通粉+厚多士+熱0水 $21大致一樣..但佢都ok滿意ps對上1次食大家樂早餐已經係4年前ge事na (6年級)

又經過大家樂,於是入去睇睇有咩食啦~見到佢地都有菜飯食哦~於是就要左個上海菜飯啦~我覺得成個餐真係唔錯架~ 成個飯睇得出係用白米撈d菜碎落去,仲有些些薑碎,哈~ 真係幾懷念ge味道排骨都做得唔錯,好鬆化,好好味~ 而且個餐仲附上小小ge前菜,味道一樣好好食^^~仲試飲埋佢地ge杞子花棋參蜜蜜飲,好正呀~ 杯底有蘆薈的!!!以快餐店ge食物,呢個飯值得一試再試