大家樂 (富亨商場)

營業中

休息中

大家樂是我每天都會食的餐廳，每次都會打卡 最近愛上他家的日式黑咖哩吉列豬扒焗飯!真是一口戳中了我的味蕾，而且價格也是很優惠，超大一盤肉和飯才幾十蚊，簡直是性價比高 鮮嫩多汁的豬扒，炸到外表金黃酥脆 咬下去時「咔滋咔滋」的聲音真是外脆裡嫩，肉炸得很透，火候控制很好 再淋上秘密的日式黑咖哩汁，中和了炸物的油膩而且醬汁超級香一碗白飯直接就吃完了不愧是他們的招牌系列各種獨特又融治的香氣交雜在一起，份量充電，唔夠仲可以加飯

呢個星期份份免費報紙都大賣大家樂的雞髀茶餐，所謂雞髀打人牙較軟，週末訓到日上三竿，就決定自己打自己牙較軟一下。富亨的大家樂，假期早餐和下午茶都勁多人，所以就揀了炸髀同加2蚊轉紅豆珍珠奶茶再加多碗炸菜米外賣返屋企慢慢食。炸雞髀很香很熱也大隻。沾了少許包糠炸，雞皮的油全炸了出來且炸得很脆，雞髀有淮鹽香，吃到骨也有鹹味，味道不錯，不過就是炸得老了一點，整隻也很深色且邊位有點炸燶的黑焦。炸菜米粉肉絲不少，不過米粉有些硬同不是很熱。今期推介的紅豆珍珠奶茶，奶茶底算香濃，不過紅豆和珍珠很少，珍珠基本沒有味道也不算Q彈，且不能選擇甜度，所以整體只是一般

有次累，友人去大家樂，點了個下午茶，試過才發現大家樂的奶茶也味道不錯，不算太過鞋口，而且茶味濃郁。😯這次，友人又強迫之下，就吃了下午茶，本來想吃那些西多士拼雞翼或是拼別的東西，但好像沒有了。於是才吃了全份的西多士，西多士偏向普通，因為中間的花生醬也不算太多，但是炸得通透，牛油以及糖膠亦都不算太少，因此不會變得太過淡味。炸雞脾看來外皮炸得夠香脆，但是內裏的雞肉，看似醬汁不是太多，一般般。奶茶都確不錯，提神而不太濃太澀，還是不錯。

今天工作忙碌，放工時疲憊不堪，沒有動力製作晚餐，下車後急往「大家樂」購買兩個套餐回家撐枱腳算了吧。對聯營快餐店的食物不會抱有太大期望，只要求一個熱湯、一碗熱飯和主菜醫肚。嚴格來說，那個「西芹炒魚塊」做得也不錯。魚塊調上少許酒可僻腥味，但稍嫌不夠火喉；西芹炒得翠綠兼軟硬適中。大體上，水準可接受。至於「高菜肉排飯」中的肉排炸得香口而軟腍，伴而酸菜可中和熱氣度；菜飯則下油太多，入口肥膩。中湯配料包括粟米、紅蘿蔔和瘦肉。湯水尚算清甜，但鹽味過重，應該下了味精所致。

少有嘅無相食評，但仍然要寫昨日仲風和日麗，曬傷背脊今日起身竟然8號風球，真離譜咁唯有落街買早餐，本身富亨已經選擇少8號風球下仲要更加少買飛姐姐好快手，好似要將富亨嘅隊清曬拎食物果條龍真係大佬，圍咗成半舖整整一個圈冇電話係手嘅我，細心欣賞唔同綱位嘅員工工作執枱姐姐只有兩人，其中一位主動幫手包外賣，另一位努力不懈咁執枱，雖然食客多，但執枱姐姐都仲保持到客一離開，短時間内清潔枱面交飛時聽到經理向廚房怒吼人哋比錢嚟食嘢，d蛋可唔可以煎好d嘩，簡直係我心目中嘅英雄出嚟社會做咗幾年嘢，都明白講真話可能會遭人白眼經理，你係得嘅外賣比咗飛其實好快拎到，實在抵讚拎回家後，發現外賣準確無誤腸質素比平日更突出魚柳開蓋果下仲出煙多士冇因爲多人而變成一塊普通面包雖然平時經常嫌棄富亨選擇少但今日嘅富亨大家樂真係為你做足一百分抵讚

富亨邨內的食店不多，沒有得選擇之下，惟有光顧這間連鎖餐廳。步進餐廳，看見每枱也坐滿人，可能剛開始下午茶時段，故較多人，幾經辛苦才找到坐位，需要搭枱。朋友點了炸雞脾配雪糕紅豆冰，加多一客細的雪菜肉絲米。炸雞脾外表很吸引，外表香脆，朋友說味道也可接受。雪糕紅豆冰實在太邪惡，十分吸引味道一定不會差，而且紅豆十足，佔了半杯，但略嫌雪糕球較細。雪菜肉絲米水準一般，不過不失。我自己則點了一客燒鴨米及熱檸茶。燒鴨多肉，少肥，很好味，但份量太少。米粉味道普通，沒有特別。檸檬茶的有點澀。

阿仔放完學 ，有啲肚餓 ，一齊入嚟坐一陣食下野。 雖然有啲位畀啲嬸嬸坐咗喺度傾偈 ，但係都仲有位。 阿仔叫咗個雞翼加炒麵加咗杯凍綠茶 (唔使加錢)， 呢度啲燒雞翼一向有水準 ，金黃香脆， 唔會燒燶 。炒麵都係我哋鍾意食， 唔會炒到淋曬， 早餐有時都會點來食。 我冇理由坐喺度睇住佢食， 呢度可以加六個半就加多個湯粉， 我就加咗個雪菜肉絲米粉， 不過不失。 喺度食少少嘢 ，都係一個唔錯嘅選擇。

兩個人唔知食咩好見大家樂有火鍋供應所以就同老公叫了一個火鍋加錢要了兩杯飲品和一個海南雞飯套餐。火鍋食物看上去叫做新鮮食物分格擺放。湯底要了沙嗲味算香，蔬菜碗有生菜、豆腐、少許秀珍菌底好像是烏冬。主要食材有牛肉是一盒用膠紙封好。入口算是有肉味不鞋。餃子皮很厚味道一般。海鮮格有一隻蝦、一隻帶子和幾片魚片可能是雪藏貨所以無咩味道但好彩不至於入口“霉”！總括而言以這個價格有這麼多食材已算不錯。海南雞飯不過不失當然不能和真正海南雞飯對比。

去完南京追星，一早搭飛機返嚟返下奏工，好耐無食大家樂，見超值選有珍珠帶子海鮮飯，連熱飲先32蚊，當然揀得落手，去水吧攞野時，職員就係放托盤的熱櫃拎碟飯俾我，見到乾爭爭都覺有啲唔對路，但成朝未食野，硬食，結果錯晒，無呢味道，啲飯乾到有啲硬，感覺好似整好攤左好耐，撩左啲餸爬左大半飯，食唔落啦…………值得一讚，經理好殷勤，十分樂意幫僱客，員工都有禮貌

午餐都算扺食，三十元便有埋野飲，可選湯或飲品，出面的餐廳起碼五十元。佢的午餐還久不久都會換一下款式，有些新鮮感。我食的一次是鮑片雞粒炒飯，味道和賣相都不錯。鮑片當然不是鮑魚啦，我估是在凍肉店可買到的倣鮑。最可惜是細碟左些和好快便售罄，如果大食的可能不久，又想食到的話便要早些去購買啦。講到燒味就一般，好看師父的心情，好似叉燒咁有時好食，但有時就好柴皮。

同男朋友一齊食早餐佢叫左個有牛乳炒蛋，魚柳，蘿蔔糕同凍奶茶ge早餐，around $24，我原本都諗住自己叫一個，但原來佢個餐加$5有通粉／即食麵，咁我就加$5食即食麵啦！！雖然好耐都唔食一次，但我其實好鍾意食即食麵！尤其係呢款係扁身ge，合味道果種口感，我超鍾意！！雖然$5，但size唔細，真係比夠一個麵我，仲有dd火腿tim~除左麵，我仲試左牛乳炒蛋，我本身以為係普通炒蛋，可能加左牛奶滑d咁，但原來真係好大陣牛奶味架love it!蘿蔔糕我冇試，但睇個樣就係粉頭，冇料，試都廢事

今日到了富大埔的大家樂午膳， 這次不吃焗豬扒飯，貪新鮮點了客吉野牛肉炸蝦飯，加杯熱奶茶($31)。吉野牛肉炸蝦飯以日式定食的四方形黑底紅邊的飯盒盛著，打開盒子，只見數塊肥牛、一些雜菜及一隻炸蝦鋪在珍珠米上，牛肉上的日式醬汁，味道甚似吉野家的，但這裡的味道過甜，個人不太喜歡。牛肉雖不算韌，但味道真的很一般。炸蝦更是一看到就知不好吃的那種，雖然外層麵包糠炸至金黃且脆，但有點死實，而且粉漿亦過厚，最大至命傷是不夠熱，只有room temperature而已，再加上蝦肉一點也不爽，失敗!!!!!這個吉野牛肉炸蝦飯，價錢不平，質素不濟，真的中了伏......

大家樂~一哥火鍋出左啦...火鍋的材料 肥牛係不可沒有因為我愛食肥牛..仲有好多新出食物 值得一食!!!我天天也食阿 真的好味這隻肥牛東星斑火鍋 我成家人也愛食我家4人 叫4個 1人1個很開心 連我個仔都要每天也落樓下食正呀邊個未食就去食laaa

年初二晚,係呢間大家樂訂左個盆菜..本身睇落去個款都幾令...點知食到底果陣先發覺墊底果d蘿蔔痴晒底...仲窿晒! 一舊舊蘿蔔變晒黑媽媽既炭! 叫人點食...我真係吾明佢點解可以吾係個底到加塊隔盤....人地果d一路食一路用gas爐加熱既...可能仲窿得多!成盤吾洗食都似.....後尾拎番去佢間分店度俾佢睇......個店員一句對吾住都冇講! 就咁拎番盤盤菜,拿拿聲呢番入廚房!跟住就再冇出過黎講句野.....呢d咩態度!呢種情況吾只係我地身上發生.....等佢果陣仲見到另一位太太都拎住都係窿左既盤菜黎投訴!佢d職員之後不聞不問....係咪想就咁不了了之?!好好地一餐開年飯俾佢搞成咁...真係令人好失望!!

在家閉關多天~難得今次得到父親大人之邀請共進午饍~就選了最接近家中的大家樂~伴我成長的大家樂~小時常常會在這裡解決~它看著我成長~我看著它加價^^"ha!!回到正題~今天就要回到過去~再光顧貴店@v@!一向應為大家樂最好吃的東東就是一哥焗豬扒飯~雖然現在升級為厚切一哥焗豬扒飯~但仍是吸引力高的主打不過...自從聽到好友說原來其豬扒飯是由2份"豬油"加1份茄膏而成~之後對它的興趣已大減~其次本人認為是大家樂的第2標誌~則是其焗肉醬意粉~當然~它也不甘示弱也升級為芝士焗肉醬意粉~幸好暫時還未有聽到它的壞消息~它的苦苦堅持終可到了榜首的位置~奪去豬扒飯在我心中的地位好像回到過去得太久~haha又要回到今天的午餐~原本都是想吃肉醬意粉~但這家大家樂竟可恨地沒有了這重點菜~...失望...頓時不知所措-3-"看見餐廳內正show著新菜色~咖哩乳飼牛坑腩飯$30~雖然也不是太新~只好說我太久沒有光顧這裡=v=~就選了這個..牛腩入味~小辣~著仔軟硬度適中~咖哩味有點過濃@@"令人有種吃了過多味精的感覺!!事日沒有加$1的餅餅換~@3@整體來說這個飯也可以接受~父親大人選了事日的優惠精選~焗海鮮飯~