大家樂 (已結業)

是年在家舉行的聖誕派對, 選擇了這裡的聖誕外賣美食.套餐A $987: 7分, 要了套餐A, 共有8款食物, 最喜歡香濃咖哩雞, 咖哩是幾香濃的, 用來撈飯是相當之惹味. 另外, 焗意大利番茄肉醬意粉也是不錯的, 熱度對辦, 不過馬蘇厘拉芝士焗時蔬就不太受歡迎, 菜焗得太老了, 個汁也比較杰. 甜品方面, 芒果布甸簡簡單單, 也幾香滑的.當然, 在這裡吃外賣是相當方便, 省掉不少時間, 加上價位相宜, 也是理想的選擇.

朋友話想食廣告賣既鐵板餐，咁既然我都和應了「朋友係要見架」既口號，無理由say no la...於是我地兩個都分別點了牛扒鐵板餐，我仲加錢要了一杯特飲︰士多啤梨乳酪。黎大家樂要食到六七十蚊，其實都真係幾唔快樂...算啦，希望好食，咁就抵番。酥皮湯︰酥皮蠻不錯，算鬆兼有牛油味，但忌廉湯超咸，實在喝不下第二口洋蔥圈︰見到個樣已經唔想試，很幼的一個圈，而且看上去是乾爭爭的，就像隔了幾夜的樣子。一咬下去，洋蔥真的幼如絲，廚師的刀功真一流鐵板牛扒︰牛扒很林，林得沒有肉的咬口，就是被梳打粉狠狠地拿完的結果吧......無可否認很足料，但...我真係唔會浪費我的quota去食唔好食的士多啤梨乳酪︰很甜，重重的士多啤梨果醬味，乳酪味欠奉唔...快餐店.....下次有人再提議，.我還是要狠心say no !!!

今日超肚餓，本身想去PIZZA HUT食TEA，但餓到死死吓，都係去D速食快餐既地方喇~個幾月無去過大家樂，有新發現WOR~魚肉春卷+魚蛋+魯蛋+肉燥新竹米粉 配熱檸水($22.5)咁多款餸，好似好豐咁，不過事實永遠同相片有分別的~見到碗粉既賣相都唔係太吸引，唉，食落仲要唔夠熱的，暖暖地不過D米粉都幾爽口，唔係淥到過淋，都收貨LA~魚肉春卷好一般，仲索哂油，差~魚蛋反而OK，居然仲有D彈牙~魯蛋係無魯到咁，無乜色水，仲要我好怕食生生地既蛋，個黃仲流流地餐飲:熱檸水 (正常味道)如果想快速醫飽，依度係一個好選擇LOR

天文台話6點前會掛八號波，但係太餓了，照出去食TEA~平時依間大家樂下午茶時段勁多人，可能天文台宣佈將掛八號波，少左好多客~啱哂我依d最怕同人迫既人了~唔知幾時開始，大家樂無掛公司三文治既餐牌出嚟，但係問收銀有冇公司治又會有得叫嗰喎，真係離奇喇~公司三文治+熱檸水 $25公司治要等成10mins先有，係即制的~ 可惜d配料同塊包都係凍的，不過嚟得連鎖店都係為求飽肚，食味就唔要求得咁多，而且茶記叫公司治無飲品都唔止賣$25 la

我家為無飯家庭 所以晚餐常常買外賣 上月與家人買了為你做足700分的大家樂回到來吃到一半...我真好彩中獎了~~~~~看到已經黃甘甘的牠咩胃口都無晒-.-即時拍下照片和send email向大家樂集團投訴上網search"大家樂 曱甴"原來已經是家常便飯這次失誤並不是個別事件 而是關乎一整鍋咖哩汁! 除了我見到咖哩曱甴後把整盒飯扔掉之外不如大家猜猜一整鍋咖哩汁可以serve多少客人(笑...無奈@@)雖然家常便飯也屬事態嚴重吧~我便再send email向食環署投訴最後食環署都有再去分店廚房看已經打掃乾淨不打緊 天網灰灰 煲咖哩就是沒有蓋好真的希望飲食業不要做食物太那咋啦~亦希望大家也不要太好彩遇到這些朋友仔

鐵板餐並非新產品只係晚上9點幾去到大家樂冇咩好揀有一段時間冇食牛肉於是就揀左 "紐西蘭爵士牛扒+雞扒+煙腸 鐵板餐" 盛惠$44"紐西蘭爵士牛扒+雞扒+煙腸 鐵板餐" 配一碗炒飯 同埋一碗中湯牛扒 係早餐、午餐都賣既貨色 = 又薄又韌又冇牛味雞扒 都一樣係早餐、午餐既貨色 不過雞扒就算數啦煙腸 即係腸仔一條 仲有肉味過塊牛扒炒飯 = 焗豬扒飯果d炒飯底中湯 = 味精紅蘿蔔粟米豬骨湯早餐 午餐 晚餐 都係一樣咁既質素加多幾隻中文字做噱頭 就賣貴廿蚊錢真係易賺

好少係大家樂食早餐～叫左個楓糖雞扒+北海道牛奶炒蛋+多士+可樂 $20幾(唔記得)個扒....勁普通! 連一D蜜糖味都無=.=.........楓糖呢?!個蛋就真係有奶味~奶味唔重.....其實用咩奶都無人食得出~多士淋的......吃了一口便放棄......>.<好差的早餐!!!

平時，小弟返完學，就會勞煩呀媽落街買下午茶。今次就食大家樂la......個外買一嚟到，咦！點解咁樣衰嘅（熱狗）？？（見圖）熱狗：oh no ！！個樣已經唔好（散曬），個麵包仲要濕嘅！！（仲要有少少怪味）　　　　　唔通係發水麵包？西多士：都ｏｋ，無咩特別。唔知會唔會肚瀉呢......P.S.嗰張唔係大家樂嘅相，嗰張係椰林閣嘅門口......

Yesterday I went to the Cafe de Coral of Tai Po Centre to eat my dinner and I have ordered fried garoupa rice with tomato and the coconut chicken soup. The rice is delicious as the garoupa is deeply fried with the tomato sauce though the tomato and onion is quite raw.The soup is quite disappointed as it tasted light just like boiling waterno taste. I hope they can put some salt to have taste in the soup.After all it is quite reasonable in price totally HK$39 except the soup. Hope they will go

11-8-2008約會朋友前先來一個午餐，在眾多選擇下，要了輕盈午餐套餐有輕盈肉醬意粉、蒜蓉包配蘋果沙律及飲品。肉醬意粉是正常板份量的一半，不過份量一點也不輕盈的!意粉保持一向水準，焗得美味，肉醬夠多，但由於盛載意粉的碗子較細，食的時候有點兒不方便呢!蒜蓉包新鮮烘好，熱熱的，蒜蓉不多不少，不過麵包是軟身款式的，若果用脆卜卜的包就更加好了。沙律除有蘋果外，還有粟米粒同菜絲，用料款款新鮮，不過個沙律醬就淡味左喲。雖說輕盈，但其實已經好飽了，而且30元就包埋飲品、沙律，對比其他大家樂的餐已算便宜。

經過大肆翻新，形象高級了，但人多如昔，每逢周末例牌找不到位。星期六跟妺妹買電腦，但因為未吃lunch，又撞正下午茶時間，便入內來番個質素不錯的下午茶，順便儲分換現金券。要了熱狗配雪菜肉絲天使麵，pizze 配鴨胸沙律。熱狗賣相奇差，個包烘到燶晒，而且支離破碎，醬汁溢瀉，拎都拎唔起，簡直「恐怖」，味道幸而ok，天使麵個湯底較淡；pizza 幾香，芝士味尚算濃，應該叫之士包會更貼切，鴨胸沙律啲菜好新鮮，dressing 也調得不俗，是唯一可稱讚的地方。

呢度裝修完開番,好靚呀...叫左:鮮茄斑腩飯<$31>:個汁甜左d,多左糖啦!d飯好多,我中意食硬飯所以我覺得好食,而且有兩大碗份量!d斑腩有7舊,好多茄都足料!佢地話即叫即做,真係既!!!!加左$4.5要珍珠奶茶,明知佢地一般,但係突然好想飲,只有叫啦!d珠太林喇,又冇味,奶茶太甜喇!!!唔係好掂wor!overall,講真大埔區有咁多選擇,又抵又好食,唔洗去大家樂,唔知點解成日都咁多人,不如去咖哩至尊度食!!!!

做野做到5時先可以食晏仔...突然想食瀨粉走入大家樂叫左個下午茶燒鴨瀨+熱檸茶($16), d瀨粉唔錯仲有幾條菜心都幾甜, 燒鴨就一般啦...不過杯檸茶就麻麻地啦.其實下午茶來講, 連鎖快餐店真係首選啦.

很多人都有同感,焗豬扖飯退步了!本人覺得豬扖大塊但飯不夠多,美中不足,味道沒有以前般好食.

新出的鐵板乳豬餐真的很抵食，都幾好味，值得一試。