大家樂

營業中

休息中

本來還想說宜家百物騰貴，大家樂的價格還算良心，最便宜三十幾都叫做有個餐。但最近越吃越難頂，用料上應該換左劣質料，只能勉強叫可以裹腹。米飯不知道選用咩米，入口無米味不單止，口感都唔似米。以前食開嘅咖哩牛腩飯，牛腩換左牛內臟，難食到一言難盡。一哥豬扒應該係標準嘅流程化產品，唔明點解味道都可以變差。唯一可以維持到嘅係得餐廳工作人員一直都好規範管理，同熟客一直都好有禮貌。環境各方面都維持到水平。食左好多年，希望可以維持品質

早幾天，我去咗大圍金禧花園的大家樂買外賣咖喱牛腩飯及羅宋湯，返到屋企之後打開，嗰盒飯啲牛腩根本少之又少，另外有一嚿薯仔、一嚿茄子加1夠茄蕃，個飯賣$57，我都經常光顧呢間大圍分店，佢哋啲外賣通常都係比較縮水，博你哋走咗冇人反映，我今次就要反映，佢哋都唔係第一次㗎啦，次次都係咁。 依家附近都開咗d兩餸三餸飯店，人哋賣d飯盒都係$32-$42，啲料同份量多過佢，啲食物仲係即整，睇來大家樂都要檢討一下啲食物份量及價錢了。

尋日猴子鋸咗個百幾蚊嘅西冷扒，今日早餐都盡量慳得一蚊得一蚊，所以幫襯平少少嘅大家樂。呢間喺金禧花園商場嘅大家樂早排重新裝修，家陣面積得返以前嘅一半，所以經常都擠滿客人，猴子唔想同人逼，所以平時好少幫襯。猴子都係今日先發現，原來呢間大家樂引入咗自助點餐機，顧客可以用八達通、Alipay HK，或者WeChat Pay嚟畀錢。操作方法同麥記嘅點餐機差唔多，超級方便快捷。講返個餐，今日叫咗個紅燒牛腩粒煎蛋上海麵，因為呢兩日天氣好乾燥，唔想食多士麵包嗰啲「乾爭爭」嘅西式早餐。牛腩粒都幾夠味，食落口都幾煙韌，蛋黃汁撈埋落啲麵度就更加滋味，不過略嫌啲麵煮得腍咗啲，搞到冇乜口感。

裝修後第一次幫趁，我嗌的是炸雞脾紅豆冰再加一個雪菜米粉，出餐速度很快，等了十分鐘都沒有已見到螢幕上我的外賣號碼由準備轉去可取餐，我由收銀位置行去取餐處，但發現我的外賣根本還未由廚房送出來⋯負責pack餐的姐姐問我叫的是什麼，然後很好心幫我check單，等了一會櫃臺才準備我的外賣，正當姐姐準備幫我pack外賣時，我發現只有雞脾和紅豆冰，少了一碗米粉，然後這個姐姐又很好，二話不說幫我追了米粉，此時櫃臺內帶黑色膠框眼鏡的那個啊姐沒有了解發生什事事就大聲喝我「未到你就唔好行過黎啦！睇清楚有得拎先好黎啦！」我就係睇清楚個外賣有得拎而個姐姐已經幫我pack緊個外賣我先行過黎櫃檯，而且仲已經企埋一邊又冇阻住出餐又冇阻住其他人行😒幫趁過咁多次大家樂實在很少遇過咁冇禮貌嘅員工⋯螢幕顯示器與出餐速度不同，而且有漏單情況，櫃檯員工之間又不協調，希望這個情況之後會有所改善吧。

年初三到車公廟後，本想找個地方飲下野，休息下。看到這大大個招牌，一於沖過去。真係超級多人，又要排長龍，又要等位。全部都是新春套餐，粉麵肉類煎炸焗，看到也覺得飽。其實由小米生日再到農曆新年這十天內，食左咁多底糕，好多雞，好多豬手，盤菜，還有各親友的團年飯，小米生日飯，情人節，真係食到飽飽滯滯，仲要菜都唔多條。竟然在套餐之中發現可配沙律，真係驚為天人。死都要一份沙律。點了二份套餐，肉類，炸春卷和甜甜的紫米露都交比家人處理。自己則獨享沙律。沙律有軟棉棉的薯仔，清甜爽脆的蘋果，清新的生菜，仲有唔酸唔膩的沙律醬。雖然份量真細小，但是食完真係覺得身心康泰。跟之前所食的甘肥厚味的盛宴，真係很大對比。　第一次感到，鮑參翅肚，都比不上這個美味的沙律。原來身體是很誠實的！！

呢日早收工，又覺得好肚餓，就去大家樂睇下有咩食。去到發現仲有得叫下午茶，好耐冇食喇，即刻嗌番份試下。揀左炸雞髀，加火腿通粉。隻雞髀係預先炸定既，唔夠新鮮，不過都好脆，味道唔錯，幾好食。而火腿通一向係我既至愛之一，個湯就略為咸左小小，通粉彈牙，好食，但係淡d會更好。食完飽曬精神曬，好滿足呀

我認為早餐係全日最重要既一餐，食飽飽會好有動力去工作！今早早左出門口就去大家樂食個靚早餐∼呢個餐都幾鬼豐富，一個炒麵不單止，仲有兩片餐肉加一碗粥，炒麵初食都唔覺得好油，食到接尾聲d油就浮出黎了，仲要係好油那隻！麻麻地，味道尚可，但係多油扣晒分，餐肉反而不錯，有兩片唔孤寒！餐肉煎過先上碟，煎得幾香口！今早叫左柴魚粥，粥一d都唔綿，無乜味，雖然唔係好稀，但係都唔覺得太好味，最出色係餐肉吧！不過呢個餐唔配野飲的，大家留意啦!

筆者經常都要外出工作，係job 同job之後，有時間都會去大家樂食下頹飯，勝來夠平。大家樂呢個頹飯真係錯，洋蔥汁雞排飯。味道都ok，可以接受。份量真係好多，筆者一個人食唔哂，我相信呢個份量應該要2個人先食得哂。而且真係好抵3x蚊就可以食到，仲連埋一杯野飲。係而家呢個年代，3x蚊可以食到個lunch真係好難得啦。不過係限量發售既，所以如果想食，12點鐘到就要黎買，唔果唔係就會比人買哂嫁啦。

唔知係咪新年食大左個胃，宜家日日都要食個full set先夠今朝去大圍開工幫brother裝野，開工前外賣個早餐去brother公司食。黎個天天超值選既炒米粉配火腿，火腿係完全無味，同米粉亦唔夾，古怪配搭，我覺得只係叫做加多樣食物比你令個早餐無咁dry。炒米粉有蛋絲，洋蔥，少少菜加蘿蔔絲做配料，食材黎講算幾豐富，但係炒得好油，食第一啖時已經覺得，食到最後我淨左少少唔想食，因為直頭見到成層油做得早餐炒米粉，當然唔可以expect好似星洲炒米咁咁有鑊氣！呢個米粉算炒得幾好，都有d咸味，下次嘗試少d油可能仲好味！

到大圍接小情人, 早咗到達就食個早飯先啦~初o黎步到, 咩都唔識, 行錯去D唔應該去嘅地方就一定嘅喇~出咗大圍港鐵站, 好大個招牌指示你點行, 諗住上市集團應該唔差得去邊, 點知…素菜意粉 – 嘩!!! 個賣相好肉酸, 食慾盡失, 材料大部份係我生平最最最憎的冷凍粒粒, 粟米芯同蘑菇… 我可以食的就只有西蘭花!!! 個醬汁唔止賣相恐怖, 味道更係唔知咩味, 正常黃色多數係粟米汁, 但佢無粟米味只有鹹水味, 齋食意粉得唔得? 答案係唔得囉!!! 個意粉好似烚咗半日再攤咗半日咁, 淋到就o黎溶開, 又唔熱涼浸浸咁… 呢碟o野邊個煮o架? 我地獄廚神都甘拜下風!!!天呀!!! 我真係吞唔落, 食咗2啖被迫放棄, 對唔住呀, 我都唔想浪費食物!!!咁就4十幾蚊喇~~~ 好唔抵呀!!!點解咁嘅質數店內仲咁人頭湧湧o架? 我好辛苦先搵到1個座位...

年三十晚度度都係逼到無朋友，所以公主我地家年年都唔出街食同埋老佛爺年紀都開始大喇，為免佢太辛苦，於是我地就買大家樂盤菜用咗coupon平咗，不過無得送外賣，要自己去拎。但好勁，拎到番屋企都仲係暖暖地盤菜有蝦、鮑魚、豉油雞、燒鴨、福袋、鴨腳、冬菇、魚旦、豬皮、蘿蔔、芋頭.......公主我覺得燒鴨同芋頭係最好味平時最索味嘅應該係蘿蔔，但呢個芋頭真係煮到超入味，而且粉粉地入口即溶燒鴨皮超香，如果啲肉冧少少就仲好鮑魚都幾冧，唔會超硬淨硬到咬唔爛。豬皮爽滑又入味。魚旦都幾彈牙，福袋係腐皮包住豬肉餃子餡，又幾特別嘅，搞下噱頭咁啦不過蝦就梅咗啲，算啦，大時大節最緊要大堆頭！！總結：過年最緊要大家齊齊整整，食咩都好開心，但真心大家樂嘅盤菜係又大堆頭又好食！

根據傳統，初三赤口不拜年，所以我們去了拜車公。每年只會到大圍一次，對附近食肆毫無頭緒，本來想試的餐廳又沒有營業，有營業的又人山人海，令我卻步，最終決定到大家樂草草了事，沒想到也不壞呀！我們吃了兩個下午茶餐，包括朱古力西多士餐和迷你熱狗餐，除了有飲品，亦有一碗雪菜肉絲米粉，二十五元有找，經濟實惠。朱古力西多士有半份，賣相尚可，朱古力醬不算濃郁，勝在西多士熱度足，像即叫即做般新鮮，亦不會過分油膩。雪菜肉絲米粉一如預期，份量合理，米粉軟硬適中。其實我不喜歡雪菜，慶幸那些雪菜和肉絲都不多，味道亦不強烈。上星期我在大快活吃了迷你熱狗，對「迷你」有一定的心理準備。豈料大家樂的迷你熱狗不算細小，香腸有完整的一條，亦有蕃茄、青瓜和大量沙律醬，可謂物有所值嘛！

每次去親大家樂食早餐, 我一定食佢既雞扒!  楓葉蜜糖雞扒, 配火腿及包 - 雞扒肉質好嫰滑, 蜜糖味入晒落塊雞扒度, 其他食肆點都無呢隻味~ 但如果可以再大塊d就好喇~ 

今日叫左個鐵版雜扒試,呢個餐都幾好跟埋杯大可樂,雜扒分別有:雞扒,豬扒,珍寶長同埋少量薯條先講雞扒炸到d皮超硬,肉質差唔夠滑,豬扒多骨難切,但都算入味,珍寶長就正正常常無乜特別,薯條就太少只有4條呢個餐我食完都唔夠飽,份量真係少得驚人

大家樂呢個咖哩飯見左成年有多一直都好想試試終於今日都叫個黎試下啦!我夜晚大約8:00到,呢度成日都好多人邦親的,今日都係一樣等左成10分鐘先有位我叫左個咖哩雞飯食,等左15分鐘先有出菜好鬼慢,見到個飯一出覺得好鬼大碟,低食,點知....坐底開始食第一啖咖哩先,個咖哩都幾辣幾好味,跟住係咖哩裡面搵左好耐先發現得幾舊雞,大約3舊成碗咖哩得3舊雞.....其它都係薯仔,都唔知有無攪錯,我都比成4x先得3舊雞食,好似比人騙左咁.....不過d雞都算滑幾好味(可以物以罕為貴關系),但係下一次我一次唔會再食呢個飯囉