大家樂 (康德閣)

營業中

休息中

行過入去食個下午茶。嗌左個J2 餐- 炸雞脾配西多士。 可見圖片，炸雞脾又膿又硬，攞明炸過龍。廚師個炸爐理應可以set時間，為何會炸到咁呢？ 似定係隔夜雞髀再返炸。繼而係個西多，放上牛油，完全無反應，溶都吾溶下。用手摸吓塊西多士，凍冰冰既。即刻同counter講，叫佢換個份。點知換完出嚟，塊西多係暖咗少少，隻雞髀係冇換過。終於明白點解咁多連鎖店執笠，我都希望佢哋快啲執笠，既然無心廚，那就不用做，浪費消費者嘅錢，影響社會質素。

疫情期間都會經常到呢間大家樂，記憶中都唔錯的。今日路過就去食個早餐，感覺大不如前！柴魚花生豬骨粥非常稀，蘿蔔糕好似隔夜番煎咁，個炒麵唔講以為幾碟食剩嘅撈埋一齊㖭，杯奶茶亦非常一般 ⋯⋯另外，發覺啲座位都非常污糟，油立立，清潔姨姨又會喺你食嘢期間用難聞嘅漂白水拖地，唔怪之得早餐啲繁忙時間都仲有咁多吉位⋯⋯總括而言，冇下次了！P.s. 去其他大家樂嘅質素都還可以，唯獨呢間攪得特別差，估計係個別管理問題⋯⋯⋯

今日11點才去大家樂買早餐，可以早午餐一齊吃，慳番一餐。我買左L12號餐，有一大塊鷄扒+2條火腿腸+一碗雪菜肉絲米粉，再加一塊牛油多士，一杯即磨意大利咖啡。鷄扒很厚切，味道一般，但雪菜肉絲米幾好味，喜歡雪菜的咸香，肉絲也很嫩滑，味道剛剛好！咖啡也是很香濃！👍👍這個早餐份量十足，價錢$44文，吃完太飽了！

蝦非常之甜，但不算大。金蠔肥美沒有腥味。燒鴨嘅皮唔算脆，但也燒得香口。白切雞非常之滑嫩。鮑魚唔算大隻，但也夠彈牙。裡面仲有髮菜，冬菇，芋頭，魚蛋。呢個價錢可以有咁多嘢食，都算抵食。

整體體驗好差 一個餐大概係40到60蚊左右質素麻麻地啲嘢食嘅質素一般算啦 重點係個收銀員嘅態度仲十分之惡劣一開始去嗌嘢食嘅時候個收銀員就好不耐煩成日催我我都唔係嗌咗幾耐啫以後永遠都唔會幫襯呢間大家樂寧願去食大快活算啦希望可以改善下啲收銀員嘅態度啲收銀員全部都係嗰啲大媽見到都想嘔服務態度又差希望可以炒咗個收銀員繼續留佢喺度 只會令到其他食客越來越不喜歡呢間餐廳我冇特別唔鍾意大家樂 只係唔鍾意呢這大媽收銀員希望可以改進

這間大家樂很多人吃，餐做好慢和等位太久，我今日吃牛扒全餐早餐($47)，包牛扒，炒蛋，煙肉，焗蕃茄和焗豆，還有多士或蘿蔔糕。一杯奶茶(茶走少甜)牛扒煎可以，蕃茄太酸。整個早餐味道豐富，吃得好飽。"·

4月25日，大约早上7時15分，在此店食早餐，排隊買票時，已聽到職員説收银机壞壞地，常跳出错的單据，所以她要再三看清楚，我自己没注意，没看清楚，叫的是麦皮，来了通粉，更換過程中，也受了出部那位叫餐小姐説了幾句，我告知～應該比錯我，她尋回單説，無比錯，喺通粉，我再説，可能机出錯，她再回我説，机唔會錯，一喺你講錯，一喺佢聽錯，只會你地錯，机喺唔會错，在這情况下，剛好打單的來了，我告知，那人説～錯咪换囉，咁简單。現在疫情下，唔咪要更好的服務態度嗎？何會得出呢D人！😡

夜晚屋企無煮飯，去左買大家樂外賣，食大家樂緊係要食大家樂既焗豬扒飯份量十足，豬扒好大塊，用左蛋醬黎煎個豬扒，食落有啲蛋係到，肉都算淋身，一開個蓋好多芝士鋪係個豬扒飯到，對於我呢個芝士控，我覺得佢個芝士好足料飯底係炒飯底，個飯反而麻麻地，有啲飯痴埋左一舊，個番茄汁做得都ok，但個炒飯底真係一般般。

阿華田西多茶餐配火腿通粉同野飲大家樂西多不嬲唔錯 今次貪新鮮試新口味阿華田淋既醬無咩阿華田味西多入面擦左類似榛子/阿華田醬有 細細粒nuts 味道無咩特別通粉食落就唔會太多味精或太鹹 清清地咁幾好~特色雞翅. 鼓油皇炒麵楓糖醬雞翅一直係至愛今次都無失望個炒麵都好多 做下午茶好夠飽! 整體黎講大家樂普通做下午茶一個人$30左右真係好抵食阿華田西多就唔洗試都得

今日去大家樂食左個早餐,平時返工都冇咩機會可以食到, 原來而家早餐係去到11點半。我叫左個蜜糖雞扒煎雙蛋餐($33.5),另加腸仔2條(+$8)。蜜糖雞扒煎雙蛋餐($33.5),另加腸仔2條(+$8)。大家樂的早晨蜜糖雞扒,咁多年來都係咁正!幾間連鎖快餐店早餐既雞扒, 真心係佢最好食!個雞皮係脆脆地的~仲搽上左蜜糖甜甜的~雞扒嫩滑,再加埋個洋蔥汁,真係好好食!煎雙蛋,係了,而家早餐冇得叫腸蛋各一咁, 1係2條腸, 2隻蛋, 一係就少蛋咁。所以我加$8要多2條腸仔~佢呢度煎蛋煎蛋好靚, 係太陽蛋~腸仔都好食!重點都係個洋蔥汁, 腸蛋點個汁都好好食!最後仲有牛油多士,我都幾中意食, 夠脆, 又飽肚。間唔時放假可以食到早餐, 真係好開心!

喺元朗買餸' 經過大家樂見新推出超值套餐系荷葉飯或鴛鴦飯 '都是我的至愛!入去買飛荷葉飯售罄' 點了鴛鴦飯~茶走 $35炒飯乾身紅汁幾粒雞肉仔同洋蔥🙄👎👎白汁五隻蝦仔' 3片磨菇片🤔 碎碎蟹柳片🙄蟹柳解開再切碎👎👎上面加幾粒青豆話超值套餐三十五蚊'質素太差了 '中曬伏再講個收餐職員!😫😫剛剛放低個匙羹拎起奶茶飲就嚟收我個托盤同碟 ' 左手拎奶茶右手拎杯茶畀佢收， 真係有啲唔開心😤😤作為一個食客 ' 感覺係好差

經常會去大家樂食下午茶，因為佢都有好多選擇、定期會推出新嘅產品。今期推出吉列豬扒讚岐烏冬及雞扒讚岐烏冬，不仿來一客看看又如何吉列豬扒配讚岐烏冬下午茶$28🍜期間限定系列，首先唔講其他，淨係價錢$28已經好吸引，套餐仲包飲品，可揀即磨咖啡☕️、茶🍵或汽水🥤平時不太鐘情吉列嘅我俾個👍🏻佢，豬扒酥脆外皮，內裏鬆軟，鳥冬煙煙靭靭非常彈👏🏻👏🏻除了豬扒還有一件好似是魚腐的東西，這個就冇特別。整體而言，價錢及食物值得一讚😀

開年個個都瞓到傻，起身嘅時候都12點幾，梳洗得來都1點，快快買個外賣填填肚先！朋友仔唔知係邊度搵到幾張大家樂$10券，就食大家樂啦！我以為每張單只可以用一張券，點知收銀姐姐好好幫我分單，一個餐一張券！叫左個燒鴨瀨粉，扣埋券都係$28咋，抵喎！佢好細心咁將湯同粉係分開裝，咁啲粉就唔會過分吸水而太淋！啲燒鴨排得整齊，不過佢肉比較薄，味道咸左啲，但湯底又無咩味，而個瀨粉一餅嘢，好似裝好放左好耐咁，只係合格囉！

團年飯唔想同人迫，唔想自己煮，最好嘅選擇就係買盤菜！希望新一年賺到盤滿缽滿，豬年大吉！今年就試大家樂盤菜，雖然我地人少少，但都想食豪啲，揀個鮑魚瑤柱福袋盆菜，10至12人份量！幾日前就用信用卡早鳥優惠訂定先，今日襯屋企人齊，提早食先！到訂嘅時間攞貨，攞到返屋企都仲有熱力！但都用電熱爐燒住食，熱食正啲！佢有兩盤，整齊排列好！有齊訂購表講有嘅食材！有瑤柱、蠔豉同福袋....睇落去都唔錯！不過可能煮住，一路食就覺得越濃味，飲住汽水食寫意啲！另一盤有鮑魚、茄汁蝦、油雞同燒鴨！味道都唔錯，都係新鮮！同廣告相相附食均全部快餐店盤菜嘅我，覺得大家樂嘅都唔錯，可以encore！

呢日下午拎左半日假,因為男朋友生日, 拎左半日假去買餸煮大餐佢食~但買之前, 都要醫左肚先~近近地就喺合益街市間大家樂食個下午茶啦!其實咁多年來, 大家樂嘅食物都變左好多了~好老實講, 好多都變差了~好多時食扒, 食火鍋呢D特別少少嘅,都唔揀佢了~但偏偏, 佢最最傳統,最最舊嘅菜式, 仲係KEEP到佢嘅味道,亦係回憶兒時的味道除左焗豬外, 仲有呢個: 公司三文治!公司三文治 配汽水 ($34)呢個, 絕對係我兒時最中意食嘅茶餐!我好記得細個中意食呢個, 除左因為個三文治好食, 仲因為佢上面會放一大堆薯片嫁!!!但而家, 價錢貴了~薯片都冇了~但三文治仍然係兒時的味道,仍然好味!有火腿炒蛋煙肉生菜蕃茄配沙律醬,其實真係好好食