大家樂

營業中

休息中

今年朋友仔見有優惠$688（10-12人）所以一早訂左嚟試除咗哩個盤菜外，仲有個燒臘拼盤仔不過整體份量唔太多😬我地一行9人有3個係小朋友都要整多幾個烏冬先夠飽😮‍💨個汁剛剛好唔太鹹，冬菇支竹好入味😌魚蛋就一般，福袋入面魚蛋加小小蟹子仲有蠔豉，肥豬肉，瑤柱，鴨掌

繼尋晚食酒樓外賣八珍豆腐煲，今晚繼續食外賣，因為煮唔切，今晚食大家樂去骨海南雞飯餐，爸爸要紅豆冰，我要芫荽皮蛋蝦丸豆腐湯鍋，爸爸的餐$58，我的餐$60。今年大家樂的去骨海南雞飯沒有去年及之前那麼好吃，雖然味道一樣，啲雞熟得滯好硬；啲酸白蘿蔔和紅蘿蔔稔左啲；無啦啦喺海南雞飯上面耍左黑白芝麻味道唔夾，加重成本，畫蛇添足。一個餐的那碗白飯已經夠我們兩個人吃了，剩返嗰個聽晚用來炒飯吧！煮白飯的米的質素真的很普通，幸好不太硬不太軟。其實如果好似以前咁好味（以前當係100分，現在是75分），食這個餐很抵食，因為醋醃紅蘿蔔絲及白蘿蔔絲已經很難食到了；蘸料泰式海南雞醬及薑油的成本不平。以前我媽媽生日的時候指定要食大家樂去骨海南雞飯。大家樂的去骨海南雞飯好食在浸雞至熟的湯料的香料調味，不是無味的白切雞。

今日是搬到九龍城的第三日，在這裏地方不是很熟悉，加上要買些家庭用品。所以便來到附近看看。九龍城內很多食肆，不過價錢都不便宜。由於對其他食肆不認識，加上在九龍城廣場內看到有大家樂，便進來幫襯。最近大家樂推出下午茶，燒味雙拼30。叉鴨米，叉燒夠入未，不過偏瘦。燒鴨皮脆肉軟，尚算可以。

今日下午經過九龍城順便食返個下午茶先蜜糖雞翼: 蜜糖味唔算太重，但雞翼食落去算滑多士有一塊，味道幾好，好食29蚊算平公司三文治，好脆！份量都算大份，味道都ok加多碗米粉，呢個我覺得好一般，米粉有d硬

上次食大家樂是四年前，還記得是那個$30的青姐賣廣告的素鮑片飯。之後，直到這天才有機會吃大家樂！一份公司三文治配凍檸茶。你看三文治包到如此，一大片菜飛出來，是今期流行的style嗎？不過值得一讚，由於三文治有番咁上下厚度，所以口感還可以，有菜有肉有蛋雞翼配西多士和紅豆冰。先講紅豆冰，奶味欠奉，連基本的匙羹和飲筒都沒有給小弟吹漲！但西多士炸多不錯，夠大份雞翼是老問題，不夠多肉大家樂下午茶吃過一次便夠，下次試其他茶記好過

今天上午要外出工作，去大家樂外賣個牛扒腸仔餐，改蘿蔔糕，加個火腿通粉，盛惠42個大洋。雖然是快餐外賣，但要等上五分鐘，因為牛扒要即時煎的，食落味道都是一般，快餐的質素都不能有太高的要求了，但求食飽，這個餐真是好夠，午餐可以遲點先吃了！

是日part time 平時 我都會帶野食返工今日 因為 趕時間無準備就決定去大家樂買個下午茶食下係咁多選擇下 我就簡左個細既差燒飯差燒半肥瘦 燒得岩岩好 好腍❤️而佢地既醬汁 咸中帶點貼 送飯一流加埋杯凍檸茶都是$30份量又岩岩好低食好味😘

D紅腸真係嚇死人，爛到咁，用咗豉油仲可怕，都唔敢俾阿女食D人服務又差，唉，問d紅腸點解咁爛，收到既答案竟然係冇問題，係豉油汁，完全唔想理，原來d豉油汁會做成咁爛架，另外d雞又唔好食，完全失望

又講大家樂.颱風天兔訪港, 限制了活動範圍, 記得早幾日見過大家樂推新下午茶, 一於走去試試.是次主打雞全翼, 味道有黑糖雞翼, 芝士雞翼及麻辣雞翼. 茶餐有自選雞翼一隻, 另配一款或兩款食物, 加熱飲.點了兩個餐, 一款黑糖雞翼配果占西多士及雪菜米, 連飲品$27; 另一個則芝士雞翼配春卷及雪菜米$26.取餐時才發現, 無論是那種味道的雞翼, 都是上碟時才淋上黑糖醬, 芝士醬或辣醬... 所以其實只是外層有味道, 撇開那層雞皮後只是普通雞翼一隻, 毫不入味.明白只是快餐一份, 個人來講我可以接受.是次試的兩款味道之中, 以黑糖較為突出, 畢竟雞翼配甜味醬始終較易入口, 而且黑糖味道尚算濃郁. 至於芝士醬雖然夠杰, 但芝士味不夠濃, 個人不太喜歡.無心插柳, 今次黑糖雞雞翼拼西多士, 有少少黑糖醬沾到西多士上, 黑糖西多的味道原來都OK喎, 可以不用原來的糖漿.不過, 想講講那件西多士, 餐牌上清楚寫著'果占西多士', 但不怎食到果占的味道. 西多士中心明顯是已經切開, 但內裡只有微量的果占(我估那些淡黃的是果占吧?!).是次經驗, 西多士明顯有問題, 可幸雞翼尚算OK, 而黑糖配西多

近期喜歡到大家樂試新推的超值選系列.今日大家樂賣免費報紙的頭版全版廣告, 繼上期的鴛鴦炒飯及荷葉飯後, 今期有'珍珠帶子福建炒飯'.見大力宣傳,那我當然要一試龍與鳳.三十蚊有飯有飲品絕對吸引, 明顯地很多人都點這個超值炒飯.是次載飯的器皿與上次鴛鴦炒飯的碟一樣, 份量不變.'珍珠帶子福建炒飯'主要材料為珍珠帶子及雞肉粒 - 珍珠帶子細細粒很有趣, 食落有口感, 但有少少腥; 雞肉粒較珍珠帶子再細些少, 肉質不算嫩滑但可以接受, 味道亦不錯.反而對炒飯底有點失望, 可能因為多人點, 那個飯底就似是倉促地以白飯撈些微蛋絲而已; 幸好有汁撈飯, 內裡的冬菇和(芥蘭)菜粒都不少, 味道剛剛好.是次我收貨, 不過仍有地方需要改進, 特別是那珍珠帶子, 若夠鮮味的話會為炒飯生色不少.

今日早食lunch,加上天氣凍左好多，特別肚餓諗住過黎九龍城搵地方買啲街頭小食做下午茶點知未過完馬路已經開始落雨喇，唯有走入商場經過大家樂見有個新推出嘅茶餐，放是坐低一試$23 日式炒面茶餐包括：1. 日式炒面~ 估唔到可以咁搵笨，無色無味嘅一個公仔面加左幾條甘筍絲同椰菜絲，仲有日式代表魚旦片個面仲要凍冰冰嘅，乾爭爭又過淋，真係好難食2. 章魚丸子~ 一串兩粒，莫講話日式燒汁，就連沙律醬都無滴又係微暖而已，咬開中間又乾又粉，有少少wasabi味其中一粒係有八爪魚粒喺入面，但係好腍無味無口感3. 香蒜煙腸成碟最似樣係佢，至少係熱嘅，腸片脆皮有嚼勁，上面配上少許炸蒜粒，香口惹味，同樣係一樣兩片## 茶餐配有汔水或茶，$23 好似淨係食左兩片腸咁真係估唔到咁耐無幫襯大家樂，今日一試便觸礁@@*

食素後與大家樂絕緣多時，今日終於有幸重臨試素食午餐(​星期一至三供應)。叫左兩客$32嘅意大利香草番茄野菜​意粉+鮮奶粟米湯/​凍低糖綠茶。材料尚算新鮮豐富，有南瓜，西蘭花，粟米仔(​一條)，蘑菇，鮮冬菇(粒粒都有沙)。味道還算合格，係​快餐店有素食選擇係件好事，值得讚揚.

沒有心情的一個早上，沒有吃早餐，到了下午二時，才想吃點飯，但胃口不太好。這裡的茶餐有細碼叉燒飯，最適合我想食飯但又唔想食咁多的人。一邊吃一邊看看雜誌。舒舒服服沒有人打擾才22蚊，大家樂算是一個hea的好地方呢！

豬扒: 今天的豬扒有一點兒的怪味，難道是隔夜的?還是變壞了?腸仔:今天的腸仔有些油膩的感覺，如過少一點油會更好。多士:今天的多士不夠香，不夠脆，好像濕了和潮了，還需努力。奶茶:跟平常的差不多，不過不失。

甘岩有d事要去九龍城,屋企人話想食咪去左大家樂食.我食既係咖哩海鮮飯(5記得全名係咩): 一望就以為好辣,好彩都仲接受到...個汁冇乜咖哩味,好似得個辣字甘跟住d海鮮又得果幾種,好似好求其甘,魷魚都係得1舊昨仲有2舊魚2舊蟹肉2舊薯仔!!!仲有野要彈既係果杯紅豆冰,好少冰,,d紅豆又細粒又碎!不過...都有樣好食既,就係果個香芹大豆芽,調味得好,但係唯1不足既係冇乜我最中意食既香芹!總括黎講...d野食真係一般喇...可能淨係我個餐5好食啦...見屋企人食果d都幾好食甘...未至於比負評既...