影片
港鐵大學站 D 出口, 步行約8分鐘
繼續閱讀
附加資料
必須是中大教職員或持有校友信用卡
營業時間
星期一至四
11:00 - 19:30
星期五至六
11:00 - 22:00
星期日
全日休息
以上資料只供參考, 請與餐廳確認詳情
食家推介
第一次寫openrice 食評, 皆因今次真係有喜出望外既感覺。作為中大舊生, 之前從來都唔知道有呢間餐廳, 係見到有Fb 廣告先知, 上星期六即管去試下.地方唔難搵 (係中大保健處附近) 不過如果唔係揸車或唔識坐校巴會難少少.去到餐廳, 人唔算好多, 除左我地得三四台左右, 侍應俾左張窗口台我地, 望左嶺南場同馬料水, 無遮擋無敵夜景, 拍拖一流 !!!晚餐有三款, 不過其實我地一早已經揀左, 因為據聞有石燒 (Stonegrill), 所以特登黎食. Stonegrill 都有三款, 有西冷牛扒, 羊扒同三文魚. 套餐連湯, 沙律, 茶同雪糕, 結果我地揀左兩份牛. 餐湯係野菌忌廉湯....一個字.... 正! 沙律好新鮮! 不過最正都係塊扒.... 足足有手掌咁大, 目測有8-10oz, 自己燒好玩, 想幾生幾熟都得, 超多肉汁, 不過掛住食, 繼續燒既扒好快熟晒, 好彩塊扒夠靚, 全熟都冇渣其實早幾年Stonegrill 執晒之後, 都唔知邊到有得食, 而家就好似發現新大陸一樣, 最驚喜係以前食Stonegrill 最少要$500 , 今餐埋單每人$200有找, 抵食到笑!!!
繼續閱讀
好耐冇入過中大，亦都冇去呢間教職員會所餐廳一排，皆因佢之前close左一陣。聽朋友講佢轉左人做開番，好彩同之前一樣，唔駛係教職員，係中大訪客都食得，即係任何人都得。入到去第一個感覺係比之前光猛左，同擺位都比之前闊落左，可能星期六冇咩堂，又或者大學開始放假，人唔多唔駛等位。叫左個西冷牛扒5成熟同咖哩豬扒飯，跟餐有湯有包有餐茶。牛扒5成燒得剛剛好，味道同肉質都絕對係可以媲美出面高級扒房百幾二百蚊既扒，一大驚喜。更喜出望外係咖哩豬扒飯，咖哩唔係甜咖哩 (我鐘意，加晒分) 有點辛口，咖哩味超香。豬扒份量十足，炸得外脆內軟。可惜太好味，食完先醒起冇影相。埋單要加一，不過如果用恆生中大咭好似加5%。感覺比之前好左唔少，加上唔駛同人逼，絕對值得推介。
繼續閱讀
上次到中大，即興失敗，滿座。是日小朋友到中大出席活動，想起這間餐廳，即日下午3時預約6時，成功了，終於可以到這間餐廳進餐。時間尚早，在中大閒逛，不知不覺走到這間餐廳，約6時，一枱客人也沒有，侍應安排入座。女侍應，又唔算冇禮貌，問她問題，她一邊玩下手機，一邊回應，給人懶洋洋的感覺。因怕熱怕蚊， 選擇坐室內，，但也走到室外拍照，看看風景，可看到中文大學運動場和雍雅山莊，風景優美。發現室外的桌子很多塵，難道選擇坐在室外的客人不多?3個人叫了兩個SET DINNER和1個沙律吧配是日甜品拼盆$68。原來還有其他晩市套餐。侍應生按餐份給了3個餐包，是硬身餐包，熱度不足。忌廉湯是自取形式，蜆肉非常多。芝士椰香忌廉汁鮮蝦蟹肉意粉--份量多，蝦和蜆肉非常足料，味道好。意大利香草茄醬燴迷你鮮魷魚寬條麵--寬條麵較硬，魷魚切得幼身，鮮味不足，味道一般。沙律和甜品是自助形式，可無限添食，有煙三文魚，數款甜品。款式和味道尚可，當然不能跟酒店質素比較。進餐途中，食客也陸續入座，最後也沒有爆場 ，相信一般情況下也不會滿座，但還是預先訂坐為佳。餐廳環境比食物優勝，我未去過成日都好想來試試，但試過後短時間都未必會再來。一試無妨。
繼續閱讀
約了同Yan and Yin去中大的Staff Common Room Clubhouse,最初以為是教職先可以去,原來任何人都可以去食,聽聞都幾抵食同水準不俗,於是就去試下了,較為偏遠的地方,但環境寧靜,遠離煩囂。BOOK左7:00。內堂面積好大,是西式的設計,牆上有中大的校徽及一些關於中大的照片。要了兩個set dinner ,有沙律吧、主菜、甜品拼盆及餐飲,都只係$128-168不等。要了一個house dinner selection,都一樣有沙律吧、主菜、甜品拼盆及餐飲,平均$100內。自助沙律吧。火腿&煙三文魚等。各色各樣的沙律。 蛋餅,賣相好似芝士蛋糕呀。三款沙律醬,意大利黑醋醬較為少見。餐湯。餐包。忌廉湯,味道香濃,較杰身,不俗。沙律,生菜新鮮爽口,粟米沙律比較特別,味道甘甜,好味。焦點係蛋餅上,蛋餅口感嫩滑,味道似日式蒸蛋,有少少鰹魚湯味,不俗。煙三文魚,正常味道,試了意大利黑醋醬酸酸地好開胃呀。澳洲穀飼牛小排配青胡椒粒燒汁,$168,賣相好吸引,薯蓉份量好多,幾好味。牛排,看起來鮮嫩,口感韌左少少,牛肉味濃同多汁。香煎大蝦拼三文魚柳配青芥忌廉汁,$148,上菜時已聞到蝦香味,煎大蝦香口鮮味,三文魚柳肉質軟,保留了三文魚的香味,不俗。芝士椰香忌廉汁焗鮮蝦蜆肉意粉,$98,足料的焗飯,好濃椰香味,是可借芝士不夠濃郁。自助的甜品拼盆。雖然款色不算太多,但都幾吸引。要了幾款甜品開心share,朱古力蛋糕,濃郁朱古力味,口感濕軟香滑,好味。朱古力合桃蛋糕,,好多合桃,口感同味道都有少少似合桃酥,朱古力味濃。水果酥餅,酥皮香脆,配上生果同忌廉,幾好味呀。因為甜品幾好食,禁不住食多轉。凍檸茶。食完飯係餐廳外面行下,露天的位置都不俗。仲可以睇到夜景。好滿足的一餐,食物味道有水準,特別是自助沙律吧及甜品,味道比主菜還要好,價格尚算低食,每位只是$200內,地方係少少偏遠,但間中去下優靜的地方,感覺幾舒服。
繼續閱讀
星期日到朋友介紹的中大大學教職員會所吃晚餐，踏入餐廳感覺環境不裕。晚餐都包括沙律吧，飲品還有任食甜品，很豐富呢。 沙律吧選擇颇多，沙律醬都有三款，個人喜歡意大利黑醋醬，味道特別又開胃。 我們一行三人分享三個餐，點了主菜香煎大蝦拼三文魚，穀飼牛排和芝士椰香焗鮮蝦蜆肉意粉。大蝦好吃有質素，牛排略嫌較靭，而意粉則偏淡味，但椰香味頗特別。到甜品時間了，當天有三四款選擇，飽著肚子的我本來不抱太大期望，怎料一試卻有驚喜，甜品都有質素，當中朱古力蛋糕有濃濃朱古力味，酥皮的也很香口 總括來說這裡的晚餐絕對物有所值，沙律和甜品已經令我滿足，相比下主菜反而普通，如果主菜能夠再進步就完美了。
繼續閱讀