影片
港鐵西灣河站 A 出口, 步行約3分鐘
繼續閱讀
電話號碼
25681388
營業時間
今日營業
12:00 - 15:30
18:00 - 21:30
星期一至日
12:00 - 15:30
18:00 - 21:30
以上資料只供參考, 請與餐廳確認詳情
食家推介
今晚同朋友喺西灣河搵野食，揀咗出名抵食既大壽司。呢間出名份量大，刺身厚切、壽司都大大舊，食得好滿足！🍽️三文魚刺身半磅三文魚刺身半磅份量大得誇張，好少可會見到刺身可咁厚切，魚肉新鮮油潤，入口滑溜又帶濃郁鮮甜！🍽️原隻大甜蝦原隻大甜蝦個頭超大，蝦肉結實juicy，頭尾一齊食甜味爆棚！🍽️鹽燒三文魚頭鹽燒三文魚頭份量十足，烤到皮香脆肉軟，魚肉厚實同油脂混埋一齊，食落暖暖地好滿足！🍽️什錦壽司A套餐壽司件件好大大舊，五款海鮮各有風味：三文魚油潤厚切，油甘魚微甜爽口，北寄貝同大赤貝彈牙，帆立貝厚實juicy，飯粒軟硬啱啱好。
繼續閱讀
食左好多年的壽司店，平時已經好多人幫襯， lunch 被學生佔領。 難得今日附近做野，又可以早少少食飯，終於可以食返我個 # comfort food , 幾次都唔記得星期三休息，冇冇食。😭😭😭今日介紹同事嚟， 同事大讚抵食 好味 😋 隔離檯頌要係日本人，有品質保證。 三文魚係真挪威， 唔係紅鱒魚。 雖然好飽， 但都清曬。 光盤行動。
繼續閱讀
媽媽生日🎂點名話要去大壽身食生日飯🤭每次食大壽司，我地屋企必嗌有兩樣野❤️三文魚刺身1磅真係好正，入口好香三文魚香而且非堂厚切，每啖都好滿足！第二樣必嗌係：❤️加州卷6件（$50）叫左兩客🤭依味係細佬嘅至愛佢唔太鐘意食刺身，依味岩曬佢佢一個人都食左一客！❤️蒲燒鰻魚壽司2件（$22）個樣送到上黎覺得好普通但食落去有驚喜唔係平時食開好霖嘅口感反而係好彈牙😮幾好！❤️鹽燒鯖魚定食（$58）（唔記得影相）定食包括：一碗飯、一碗湯、一碗沙律燒得好香！外脆內軟！❤️蔥燒牛肉玉子石鍋飯（$72）滿滿嘅牛肉！隻温泉蛋好正！而且個飯重有飯焦！👍🏻❤️海老天婦羅5蝦（$66）炸得好鬆化，而且蝦肉好彈牙！😍唔夠喉😆再Encore❤️三文魚刺身一磅+帆立貝三文魚刺身加埋紫蘇葉食好襯帆立貝夾住塊檸檬咁食，原來又配搭得好好 ！❤️三文魚頭鍋（壽喜燒汁）（$75）最後仲有個熱騰騰嘅鍋店員好有心思，將個蘿蔔切成鱷魚同埋長頸鹿形狀😆叫我哋一定記得要影😆呢餐超級滿足💯十分推介呢間壽司店俾大家！又抵食又新鮮！
繼續閱讀
嘢食非常之一般，完全唔係幾年之前街坊不斷盛讚嘅大件夾抵食。壽司完全冇落到壽司醋，面頭嗰件刺身未去到話唔新鮮，不過就唔係特別好食。Wasabi就用超級多先會有味嘅低級Wasabi。然後服務態度先係最極品，有位男職員，問佢蜂蜜綠茶有冇得少甜，佢又唔答我，淨係行去廚房嗰度，拎咗成支大陸蜂蜜綠茶過嚟我度。我心諗，咩事呀？請我飲成支？佢過咗幾分鐘之後行過嚟，就同我講，話攞支嘢飲俾你，原因就係想俾你知道唔可以少甜。咁我當堂就明白點解佢好似做嘢要做到咁忙咁樣，因為佢會做一啲冇需要嘅額外工作。直接同我講話係現成嘅，唔可以少甜唔可以咩？然後朋友話其實全部嘢都唔好飲，只係得朱古力叫做入得口，咁我就轉左飲朱古力。都係唔掂，淡過水。飲左兩啖，成杯唔要。
繼續閱讀
週末同屋企人出去食晚飯，小朋友話想食壽司，第一時間就霖起屋企附近果間“大壽司”抵食夾大件，先可以滿足我128G既胃🦐火炙芝士牛油香草赤蝦壽司：牛油稍過之後好香，芝士未都好濃。🐟辣味三文魚手卷：小小辣帶出三文魚鮮味，整個手卷滿滿都系三文魚。🦑芥辣八爪魚軍艦：芥末有點多，可能因為我本來唔太食得芥末，所以覺得接受唔到，食得既可以試試。🐷黑豚軟骨拉麵：湯底豬骨味香濃，軟骨軟糯，容易嚼開。拉麵軟硬適中。🐷吉列豬扒拉麺：豬扒香脆金黃，系即點即做既。🐮石鍋蔥燒牛肉玉子飯：牛肉嫩滑，打開溫泉蛋搞勻d飯再加d醬油落去，我可以一個人食完一碗🐮牛肉溫泉蛋胡麻撈讚岐烏冬：麻醬同烏冬原來都幾夾，唔會有太膩既感覺。🐟三文魚腩刺身(1磅)：斤兩足，油脂分布均勻，紋理清晰，色澤鮮艷，入口金香，鮮美好甜。🪿鵝肝壽司：鵝肝肥美，帶有少少淡淡既奶香味。🍣帶子壽司：帶子新鮮清甜，基本沒有腥味。🪿石鍋鵝肝帶子軟骨芝士飯：鵝肝同帶子加起身簡直就系鮮上加鮮既組合，除佐好食真系蚊唔到其他更貼切既形容詞環境：地下入門上2樓，餐位唔算太多，所以想食需要早d去，避免要排隊，7點後人較多。服務態度好，上菜快。
繼續閱讀