影片
是日因為外母下午沒有空，星期五就取了半天的假，早一點接兒回家。而我，中午就到了大埔，得知BB睡了而我又未食飯，也造就了我來一次尋幽探秘旅程。前一篇食評說這兒前身是四海，更前身的時候大家知不知，這一層，成為波樓之前，是一個大型的保齡球場。現令成為了波樓，而從小被家人灌輸的知識，桌球室是龍蛇混集之地，比機鋪更壞，在香港一直都少來。回想在英國時，桌球室，除了是放學放工必到之外，更是閒時大家，平平地用餐之地，於波樓打波飲酒、睇足球桌球、食薯條漢堡，是不少英國留學生的回憶。如今在大埔李福林的桌球城，也發現一間波樓餐廳，我就特登來到大埔的波樓，搵食。前身是保齡球場，所以這一個波樓的設計有點特別。而地方大就更是不用說，畢竟以前這是有16、7條 lane 以上的大型保齡球場。 用餐的地方，同浸樓高了幾級，也是保留了一般保齡球場的設計，而我坐的地方，只是近場館尾的1/3，已經離門口甚遠，可想，這一個場，係幾咁大。 小食部，主要提供食物給那些整日待在波樓，雖有飯麵供應，但設施則非常之簡陋，雖然是簡單，但看其 menu ，看看廚房的雪櫃，食材齊全，少人食就雪好，所以店員問我可唔可以等。有心食，當然不怕等啦。 我點的是一個醬爆豬扒飯，不過有一點奇怪，除了堂食也用上了飯盒裝之外，這一個醬爆豬扒，令我覺得佢似泰式豬扒，這一個醬，是帶點泰味道的甜辣醬，落重了茨汁的醬，杰杰的，好好送飯，好的是夠熱，不好的就是感覺有點不倫不類。 食品簡單，味道簡單，適合打通宵波，叫個飯邊打波邊當晚餐或宵夜，就啱晒。
繼續閱讀
小時候既四海，依家已變成娛樂城，可以打桌球同打機，樓上仲係李福體育館添。十幾年都無幫襯過不到十次，去體育館就多。早場時間空氣清新，冷氣又夠勁，環境清靜，坐得舒服。但越晏越多人就越大煙、空氣越污濁，當然會更嘈啦。女友經常嚷著要打英式桌球，今日放假就陪佢玩吓啦，十幾年都有黎打過幾次波，但係度食野都係第一次乍 ﹗亦係第一次打大廳，以前永遠都只會打房。小食部坐位對正波枱，可以一路食一路睇打波，但係煙霧彌漫，同有強烈煙味，好采冷氣夠勁啫。小食部可以送餐去波枱，一路食一路打都得架。黑椒什扒飯炒底 Assorted Steak with fried rice & black pepper sauce，傳聞依度既黑椒什扒飯幾好食，尊程黎試佢一試，食飽就去隔離打波，其實係我女友講好食。火腿腸仔，大路貨色，無問題。雞扒帶酒香，煎得鮮嫩有肉汁，都幾好。豬扒煎得香口，質感軟腍有趙口，不錯。黑椒汁都幾甜吓，不黑反而紅紅地色，唔覺有辣喎。炒飯底都幾好，有鑊氣、乾爽、香口。時菜牛肉飯 Fried sliced beef & vegetable with rice，醃過牛肉好嫩好滑好腍都好入味，濃郁既豉油芡撈白飯剛好平衡，西生菜爽嫩，合格。
繼續閱讀