3
1
0
以上資料只供參考, 請與餐廳確認詳情
好久沒來到新北江商場了,多了很多食店,除了舊的食街,商場後方亦開了不少食店,間間都好多人,是晚就黎試下大地粉麵。除左粉麵,仲有粥品腸粉等賣。枱上醬料應有盡有。叫了碗牛腩河,加油菜($38),價錢上幾抵喎,試下味道先。牛腩不算很軟腍,但都入味,河粉嫩滑,湯底清甜,加了少少韭黃提升香味,整體不錯。是晚時菜有貢菜,菜心,本來仲有生菜但賣哂了。要了貢菜,配腐乳醬,菜本身清新爽脆,配上咸咸辣辣的腐乳醬很配,簡單又好味。特價粉麵好受歡迎的。
繼續閱讀
今天天氣依然寒冷我決定再以粥作為午餐這間粉麵店有特別套餐是由粥和小食組成而我選了皮蛋瘦肉粥和齋腸皮蛋瘦肉粥中的皮蛋和瘦肉味道不錯皮蛋有點香瘦肉易咬兩者與粥的比例是大約2:3尚算恰當可惜整碗粥的份量不多如果用大碗裝滿粥則更好雖然齋腸有點厚幼身卻不太滑但是口感挺好的份量亦較多腸粉很快變冷因此我放在粥內保溫由於不少腸粉都沾上了豉油把相對清淡的粥增加味道也不錯原本我以為豆漿是熱的便加了這個飲品後來店員拿凍豆漿和飲管過來我才知道這店沒有提供熱豆漿幸好凍豆漿未開封我才能退回及轉其他熱飲皮蛋瘦肉粥和齋腸合共32元熱飲加5元最後結帳付了37元吃完6成飽不算太抵食
繼續閱讀
夜晚唔想煮又想平平地解決算,緊係過新北江啦,今日就試下已經開左一排嘅大地粉麵。佢個到D中式枱凳,都幾靚同有特色,另外有幾枱仲係有限嘅空間吊左盞燈籠,相信都花過下心思。行埋去未坐底已經聽到侍應姐姐講今日得番D丸類,豬手,乜乜物物之類,個下仲心諗乜咁好生意,咁多野都賣晒嘅。點知原來係佢地6月20號開始裝修,7月1 號先開番,清緊貨-0-"咁睇睇張餐牌,都唔係貴,原先諗坐叫個豬手撈麵食,之後啊姐姐話撈麵都幾大兜架啵,驚我食唔晒,提議我叫麵細兜小小會好D。咁我就試下個京都炸醬麵($26)啦,再加碟菜全走($12),原本想叫炒芥蘭,點知得番菜芯, 是但啦。話咁快黎左碟菜芯,色水幾靚,好綠,分段切左兩份方夾同食,因為我叫左全走(唔落蠔油又唔落腩汁),所以碟菜好清,冇乜油 。食落冇楂,味道尚算清甜,唔錯。跟手黎埋碗炸醬麵同湯,我個人習慣淋幾羹湯落D麵到,冇咁亁同易撈D。炸醬D豬肉偏瘦但唔鞋,醬汁酸酸甜甜得黎又帶辣,有陣黑椒嘅香味。麵條爽口彈牙,一D梘水味都冇份量都OK,夠食。以D個價錢同質素,係一間值得再黎食嘅店!
繼續閱讀
薑葱撈麵不是常常在元朗這地方找到,這間「天地麵食」有此美食,薑葱炒得好香口,配以麵食,絶佳組合。此間一開業就立即想去試下,麵爽我喜愛,湯有韭王。愛吃豬潤麵朋友更不要錯過。天地麵食絶對可以以豬潤麵起家,她的豬潤麵也十分美味,整碗麵的佈局是滿滿的豬潤,貨真價實是實話。豬潤絕對爽口彈牙,沒有豬潤的腥味道。至於麵條也比坊間的彈牙很多,完全沒有失色美味的豬潤。之後,就是韭王湯,湯品送來時熱燙,入口清香又帶濃濃的韭王味道。清淡清湯再配合韭王的精華,進而變了獨特味道,令腸胃的油膩感消減了不少。
繼續閱讀