影片
開飯介紹
裝修古色古香的中菜館，地理位置方便。價錢合理，份量十足，特別推薦人氣叉燒「第一叉」。
繼續閱讀
獎項殊榮
米芝蓮必比登推介 (2023-2024)
營業時間
今日營業
10:30 - 15:30
17:45 - 22:30
星期一至日
10:30 - 15:30
17:45 - 22:30
以上資料只供參考, 請與餐廳確認詳情
相關文章
大圍小館 @taiwaidining 📍：香港大圍積福街92號地舖🚗：大圍地鐵A出口 步行3分鐘📞：+852 2339-0189💲：~HKD430/head for dimsumquality✔️：沙翁、蜂巢炸芋角、薑米蒜香籠仔蒸蟹飯、壽桃、古早味牛骨髓、糯米包、宮廷荷花酥、准山雞扎👌🏼：灌湯餃、第一叉、大口金磚、薑葱牛肉餃、花菇吊魷鮮肉燒賣、鮮筍蝦餃、流心煎糯米雞、馬拉盞蝦乾肉未生啫芥蘭煲總結：🤔呢餐係慶祝我朋友生日 食得好飽 說實話因為佢名氣慕名而來 但失望而歸 唔係唔好食 而係冇驚喜比較平庸 試一次就可以🫨🤔佢嘅招牌第一叉 流心煎糯米雞同花菇吊魷鮮肉燒賣都冇咩特別🙊🤔另外比較多人點嘅灌湯餃 大口金磚 薑葱牛肉餃 鮮筍蝦餃 生啫芥蘭煲就唔錯嘅🫡😋招牌都冇驚喜 反而某啲懷舊點心值得試 糯米包 宮廷荷花酥 古早味牛骨髓同准山雞扎 唔係話好正但食手藝技術都值得‼️😋另外真係好食嘅有大大個沙翁 係你面前剪開 蜂巢炸芋角都係炸得好脆 芋角又夠淋身 係碟好食嘅炸物👍🏼😋薑米蒜香籠仔蒸蟹飯係整晚最出色 蟹🦀好鮮 但重點係飯頗乾身 蒜香一流 好食 😋朋友生日所以點咗壽桃 $38/個都唔平 但每個都有原隻鹹蛋黃同蓮蓉 雖然卡路厘爆崩 但新鮮出爐好食😜😨呢間餐廳十分有名氣 但佢哋嘅入座安排有待改善 成班人卡喺門口等叫籌都幾特別🥲
繼續閱讀
曾經吃過晚市覺得有少許過譽和服務一般，不過聽聞佢地飲茶都好出色，加上而家可以網上訂座，一於比多次機會佢😎復活節假最後一日準時中午12:00到達，跟住條隊好快可以入座|･ω･)ﾉ/(🌟為推薦)🌟沙翁 $48暖暖的冰花蛋球佈滿甜甜的砂糖，外脆內軟，充滿蛋香又濕潤，螞蟻人食到停唔到口🤭果然是名物，必試.ᐟ.ᐟ🌟蛋黃千層糕 $38千層糕的包皮比老鳳茶居更濕潤，香噴噴的蛋黃香，綿滑中帶輕微的沙沙口感；加入了脆脆的南瓜籽，口感更豐富👍🏻⭐️三色腸 $58 三色腸粉有鯪魚滑、芫茜牛肉和鮮蝦腸，一次滿足哂三個願望，唔洗選擇困難(✌︎˙˘˙✌︎)鯪魚滑嫩滑，加入了果皮去腥，挺有特色；芫茜牛肉有芫茜的芳香，牛肉軟滑，正常好味；蝦腸一條有兩顆巨大的蝦仁🍤三款腸粉都很滑溜，皮厚薄適中，個人最推介鯪魚滑腸，可單點！⭐️川芎白芷蒸魚雲 $58滿期待的魚頭稍有失望，因為是急凍魚頭🥹湯底甜，但藥材控的我略嫌欠缺藥材味.. 豆腐最嫩滑最好味lol🌟蒸韮菜粿 $38晶瑩剔透的軟黏粿皮，內餡塞滿鮮香爽脆的韮菜碎，而且加入少許蝦米，推介🙌🏻⭐️蒸南瓜糕 $48南瓜糕有啲似蘿蔔糕，味道清甜，餡料豐富，還有大量瑤柱絲，岩哂小屁孩🧡🌟花菇吊魷鮮肉燒賣(兩粒) $36燒賣比一般坊間大粒，燒賣皮薄；豬肉有新鮮肉香，質感彈牙，好味😋🌟鮮荀蝦餃(四粒) $58蝦餃也十分大粒，皮薄適中，包裹著大大隻爽口彈牙的蝦仁🤩加入荀絲，清新好吃👌🏻🌟流心煎糯米雞 $58煎糯米雞端上枱時中間有一顆又黃又漲卜卜的蛋黃，可惜店員剪得太快影唔切，蛋黃的汁液已滲透飯粒( ߹ㅁ߹)脆皮的飯焦，粒粒飽滿的糯米濕潤又軟熟，沾滿蛋汁非常惹味！內餡還有鮮冬菇和豬肉碎，是本日最愛，必食推介❣️/茶市溫馨地提供有長者咭免茶芥，即刻推父母出來認老🤣慳左兩位合共$50既茶位(✌︎˙˘˙✌︎)/另外加購兩個外賣盒，三大一細合共消$513.7，價錢合理！欣賞它們的點心不油膩，也有新穎的款色，加上兩老喜歡訂了枱一輪輪咁入座，為左隻煎糯米雞會想再encore，仲想試埋當日賣哂既黑芝麻卷🤤
繼續閱讀
住喺大圍嘅朋友一盡地主之誼，事先book咗呢間餐廳等我哋夜晚有得聚會～原來佢夜晚只係做兩場，而且有啲食物要預先預訂，所以建議大家都係book 左先穩陣啲😃🐮鹹香三鮮牛骨髓煲牛骨髓唔係周圍都有得食，試吓先～ 一上枱仲係熱辣辣，喺個煲入邊滾緊啲牛骨髓～ 食落口的確好有鹹香味🐷第一叉店員喺我哋面前用火槍將叉燒表面燒到焦香，肥瘦均勻，食落口好似慢慢喺口中溶化，不愧為天下第一叉🐔茶熏雞唔係講笑，呢個為小熊貓必食推介！ 用茶薰過嘅雞，非常入味，每一啖都有茶香，同時亦品嚐到雞嘅鮮嫩味🦀蒜香籠仔蒸蟹飯呢味餸又係另外一個亮點💛 蟹肉鮮甜，而且份量十足～ 蒜香飯吸收咗蟹嘅精華，食落啖啖滋味
繼續閱讀
【🍽️ 大圍小館｜人均$425食到傳統與創意嘅碰撞！】 🌟 必食推薦✅ 陳醋海蜇頭 $158 👉🏻 海蜇頭爽脆到彈牙！陳醋調味恰到好處，酸香開胃，一啖接一啖停唔到口～ ✅ 第一叉 $228👉🏻 叉燒嘅天花板！肥瘦均勻，蜜汁香甜，肉質嫩滑到難以置信，絕對係全場MVP！🔥 ✅ 特濃芝麻卷 $48👉🏻 芝麻香濃到爆！口感綿密又唔會太甜，飯後甜品首選，芝麻控必試！ 🤔 中規中矩➖ 魚香陳村粉 $168魚香同陳村粉感覺有啲格格不入，味道唔算差，但就冇預期中咁夾，可以一試但未必回購。 ➖ 烏龍茶 @$28/位茶味偏濃，飲落有啲唔習慣，但解膩效果唔錯，適合鍾意濃茶嘅朋友。 ⚠️ 有待改進✖️ 牛肝菌翠塘豆腐 $288牛肝菌同豆腐嘅組合有啲微妙，口感同味道都唔太融合，價錢偏貴，性價比唔高。 ✖️ 煎成魚蓮藕肉餅 $238肉餅煎得有點乾，蓮藕嘅口感亦唔夠突出，整體嚟講有啲失望。 🍵 環境服務• 店內裝修簡潔，座位寬敞，適合家庭或朋友聚餐。 • 侍應態度友善，上菜速度適中。 • 晚市有提供茶位，但茶味較濃，未必人人鍾意。 💡 小貼士• 記得埋單同佢講要儲積分，優惠券可以即日使用！ • 建議預留肚仔試吓佢哋嘅甜品，芝麻卷真係值得一試～ 總評：4/5🌟 傳統菜式做得出色，但部分創新菜仲有改進空間。如果鍾意粵菜，呢度嘅叉燒同海蜇頭絕對唔可以錯過！ #大圖小館 #粵菜推薦 #香港美食 #食評分享 #叉燒控 （P.S. 有冇人試過佢哋其他甜品？求推薦！）
繼續閱讀
大圍小館好出名，想飲星期六日早茶仲要兩個月預約，於是我同朋友決定過嚟試吓。入到去，環境裝修有特色，坐位算幾密，但點心款式唔多，令我有啲失望。.首先，我哋叫咗三色腸，$58。腸粉嘅皮做得幾滑，裡面夠多蝦米同蔥花，但味道唔算特別，冇咩驚喜。接住試咗沙翁，$48，聽講係招牌，雖然外面嘅蛋香味幾重，但等咗十幾分鐘出嚟都唔係熱辣辣，感覺有啲凍，食落去就冇咁香。.再嚟就係鮑汁炆鳳爪，$48，鳳爪炆得好入味，食落去肉質軟腍，味道幾ok，但整體冇咩特別之處，唔係我心目中最正嘅鳳爪。然後係川芎白芷蒸魚，$58，魚肉新鮮，蒸得幾好，但味道就一般，冇咩特別調味，吃完就算過得去。.之後，我哋叫咗流心煎糯米雞，$58，呢個算係今晚最好味嘅一品。外層煎得金黃，口感脆脆，裡面嘅糯米同豬肉餡都幾足料，加上流心蛋黃，令整體香氣更上一層樓，真係幾好食。.但係整體點心味道就普通，冇咩特別之處。味道份量正常，但有啲貴。加上$25茶位費，每個人均大約$180，整體開支對於咁多點心，覺得值唔值就見仁見智。.總體嚟講，呢餐早茶，食得唔算驚喜，雖然唔係話好食，但都唔算差。名氣大過實質，試一次就可以，冇必要特意再來，因為真係有其他地方嘅點心更好食。希望下次可以有更好嘅體驗！
繼續閱讀
您可能會有興趣的...