影片
又貴食物比以前差了，灌湯餃及腸粉皮厚，味道一般但收費高，七點心共六百幾埋單。昨日兩人去食，都有起碼二年冇去，第一沙翁冇咗，個侍應話請都冇人食，所以元朗唔做，只有大圍才有，我估可能廚房師傅走咗呱，第二鳳瓜好普通，同一般酒樓一定樣，個煎薄撐太多樱花蝦啦，煎得個樣好似好脆咁，但咬落去冧嘅，重麵粉勁多冇香味，三色腸粉皮厚但蝦爽口，灌湯餃皮厚皮內湯水不夠多，有啲乾爭拿感覺，叉燒有番D水準但可惜唔夠味，啖咗少少，希望佢再努力番少少啦。
繼續閱讀
1048開枱，服務員說明12點交枱1140服務員槍結賬1143至1157期間有3個服務員過黎提示我地要12點交枱，再加埋幾位服務員喺我地周圍行來行去，示意我地夠鐘離開最終我地係1158交枱問題係佢12點入場嘅客人跟本不多，未真正需要用到我地原本嗰張枱有個男服務員仲大大聲講：留港消費我地5人坐低不足1小時30分，消費1200（午餐），不是高消費但以午餐計算，也不是低消費，雖然食物質素都算ok, 但啲咁嘅服務，叫人如何樂意留港消費
繼續閱讀
只接受訂枱，但係電話係永遠都打唔通的，不接受生客，熟客唔洗訂都有檯問有冇外賣，服務員態度十分惡劣，表明自己間舖好膠級，唔做外賣，我呢啲人都係出返去尖沙咀飲茶/返大陸先啱香港飲食業都多謝佢唔少
繼續閱讀
佢入位既方式好特別，係一個時間入哂全部人，所以訂位夾岩時間入會較好，以免無位/要等下一節先入等。坐得好舒服，兩人都俾左張大枱，服務都好，難怪係米芝蓮級。茶叫左鐵觀音，但佢係自家特別傳統拱焙，感覺有小小似焙茶。蛋黃千層糕，顏色無圖片咁靚，但都好香咸蛋黃味，奶黃味就無咁出。三色腸 好特別，十分適合貪心既我。淮山雞扎（一件）我唔食既，朋友話好出色。叉燒包，食得出同平時既唔同，無平時酒樓咁甜。茶香鮮筍蝦餃（兩粒），皮摺得好靚，唔算厚。蝦無好彈牙，但都好大粒，又有筍。花菇吊魷鮮肉燒賣（兩粒），一粒花菇，一粒吊魷，味道不錯。食材食到都算係靚料，味道唔錯，但茶位要$25位同點心價錢係元朗區算幾貴，實在拍得上五星級酒店（午市），聽到隔離枱話係長者免茶位。不過就唔肯定，未證實。
繼續閱讀
大圍小館成日都聽㗎啦！好多朋友都試過。今日終於輪到我啦，不過就冇book到大圍嗰間，因為大圍嗰間常常爆滿。今次就試吓元朗嗰間啦！今次係朋友一個星期前book位，都仲有位。 當晚我就早到咗，去到坐低落嚟啲座位都幾闊落下枱，而差唔多抬抬都係中枱大枱。我連埋朋友四個人都好似係坐七至八人枱。食物方面，朋友一早就訂咗個 仙鶴神針。如果啲傳統菜式都要訂位時預訂。朋友嚟到之後我哋都係睇Menu嗌，叫咗個 第一叉、冰梅鹹檸骨、椒鹽九肚魚、啫啫生菜煲同埋泥鯭粥。最後加咗個 脆皮炸白兔牛奶糖。最後大概每人約$450，都10分飽！如果未去過嘅話，都值得去試吓啲菜式！
繼續閱讀