影片
營業時間
今日營業
11:00 - 21:30
星期一至日
11:00 - 21:30
以上資料只供參考, 請與餐廳確認詳情
今日午餐就嚟到呢間位於北角書局街既大叻越南牛肉粉餐廳，店舖細細，都有十幾廿個坐位，略嫌有d迫夾。午餐時段都坐滿一半座位，我就搵到個卡位坐低睇下餐牌，今日想食d有湯汁既，所以就點咗碗生肉粉。碗粉一陣就送上，先呷一口湯汁，濃濃既牛骨湯，好啱口味，加d檸檬汁，辣椒，薄荷葉同埋九層塔，整個湯變得十分醒胃。牛肉份量都好多，十分嫰又夠牛味，加上滑嘟嘟既河粉，使到整碗生肉粉變得十分好食。口味：🥚🥚🥚🥚环境：🥚🥚🥚服务：🥚🥚🥚🥚性价比：🥚🥚🥚
繼續閱讀
星期五放工時天氣不好唔出街食，老婆話又唔想煮飯，所以放工經開北角順便買埋外賣，在MTR search OpenRice, 見到依間越南野都多人like , 咁就不妨try try 啦⋯⋯入去買見店內都比較細但也多枱，Order 左晚市一人餐，E 和 F…. 等七分鐘左取得…..要咗一個蕃茄牛腩湯河，另外叫咗一個扎肉雞絲檬粉，兩個我都有食過，啲味道真係唔差嘅，啲牛腩適中唔會太韌，個檬粉都唔差好多料好惹味，所以下次有機會外賣我會再次幫襯的….
繼續閱讀
每次經過北角，多數去這個小店，它的豬扒飯是炭烤的，不是常見的油炸的。味道不錯，又便宜又好吃。當然這個餐廳還有其他料理、炭烤肉雞扒也不錯。還有河粉、牛肉河粉。奶茶也正宗喔
繼續閱讀
🥸平時好少嚟到北角呢頭，今次又因為有事，所以都要特登再食大叻！🤩 因為佢嘅炭燒嘅豬頸肉令我好回味，好大份，我已經算大食 都覺得份量好多！好好味真系 因為燒得好香 味道吾會太濃又吾會太淡 啱啱好👍🏻 檬粉都算多，我落好多汁（好重口味哈哈）～ 另外，可能系閒日嘅下午 所以吾太多人～所以好快有得食，另外再加多杯凍咖啡😛真系冇得頂！環境衛生都ok 卡位都舒適～我見去其他地方原來都有分店，所以我會再去食咖我🥳未試過嘅人值得一試✌🏻
繼續閱讀
一如以往，每次去大叻我地兩個都係叫炭燒香茅雞扒飯第一👍🏻 雞扒份量多，抵食，補充蛋白質之選😌 第二👍🏻 雞扒嫩滑，燒得香，好滋味😋 第三👍🏻 雞扒底有一少撮菜，稍稍補充蔬菜量。lunch 食呢個性價比確實高，然而若果少點油會更好。 由於餐廳偏細，座位都係4人座，所以2人來通常都要搭枱。
繼續閱讀