影片
咁岩行街經過，見到佢寫住有買一送一優惠，所以就諗住試試佢。一開始以為係送返同一款飲品，但原來係可以揀其他野飲。😚金桔檸檬蜜幾好飲，飲完會想下次再叫黎飲個種。香橙多多都唔錯，但可能因為我叫左全糖，所以就有少少偏甜，不過都係可接受既範圍。
繼續閱讀
原來香港都有呢一間飲品店。好多年前喺大陸飲過奶蓋，今日就試吓其他啦。最後買咗仙草奶茶，半糖。奶茶味幾香，仙草偏甜，同埋比較淋 。$21大大杯，幾抵飲。下次試下其他先。
繼續閱讀
大卡司係大陸其實有好多，仲好平，去到香港都尚可接受（當然平就梗係好，我地呢d珍迷）🙏🏼。係大陸好係只係飲過吾知一次定兩次，我記得係太甜。但今日係香港就好想飲。我千挑萬選（其實中意黎黎去去都係個d😋）又係想飲綠茶！要左清茶芝士（即茉莉綠茶）我就梗要加我最愛的珍珠了。等左陣，就到，夠大杯夠份量，正！咁我通常會即刻試試個芝士奶蓋先既，先試個味吾好比其他野影響到嘛是最緊要。佢係好好好好好濃同好好好好好奶好稠的。我真係未飲過一間咁稠，係好足料，用左好多芝士先會整到既。飲落味道都ok。你知吾知佢係稠到我飲都有困難，係差吾多塞住支筒，冇誇張到的，是真的！佢咁足料，用心做，我係真係超欣賞，因為而家好多都係良莠不齊！不過我覺得佢真係可以稍稍稀番點，咁方便飲到d。但呢個真材實料的用心要一直保住！個茉莉綠茶同珍珠都一般。茶味吾夠出，兩種茶味都吾太出。茶都係要濃、香、有茶味的。呢個標準講完又講，最簡單但最難做。但呢個係最基本的。茉莉綠茶，顧名思義，要有綠茶又要有茉莉茶的味，才是完美配合的。我成日覺得呢兩者係可以相得益彰的，因為綠茶本身係清茶，開胃。茉莉又清雅脫俗，舒適宜人。所以舒適+清新=完美。個珍珠都係個句，我中意黑珍珠。呢到個珍珠好明顯就係吾係黑珍珠而冇黑珍珠個個獨特咬口。一定吾夠in un的。所以飲落，係吾夠完滿的，成杯野三個層次都太類似，因為個茶都較甜，珍珠又吾夠咬口，俗氣點。三樣合拼吾夠出。我之後就帶我個環保杯去買，佢夠哂大杯，岩用了！店員都鼓勵既：做得幾多得幾多！之後我又再試呢個白玊珍珠奶茶，個店員話即係珍珠奶茶，我就重覆要白玊珍珠奶茶，佢就話係一樣。咁我真係覺得有d混淆囉，一樣又講到好係吾同咁。因為白玊的定義係類似小丸子咁，用糯米做，吾係話將黑珍珠個樣變成白色就叫白玉（其實好多店都搞錯左）咁雖然佢呢到寫明白玊珍珠，但都好混淆，究竟係白玉/白珍珠？定又白玊+珍珠呢？最後我得知既時候已經太遲，原來又係上次飲過我吾太中意既個隻珍珠，車~~咁從此我就知道，大卡司用既都係呢款珍珠，無論珍珠又好定白玉珍珠又好，都係同一樣定義。所以我覺得佢要寫清楚d，以免誤會，佢好多飲品既配料其實都冇講清，其實吾知係咩。同埋佢個餐牌都係，d飲品寫得吾夠清楚，又吾列明所有飲品，等客人選購時可一次過參閱再揀，個sild show又得3,4秒，快到睇都未睇得哂，點揀。d列印單張又係印d吾印d，搞到合拼埋sild show餐牌同列印單張餐牌都吾知其實係齊未？搞到想一覽所有飲品都好困難。咁又好多飲品其實會因為咁而失去左好多曝光率的！客人又吾知有咩選擇而失去好多選擇就減少購買意欲了！其實佢整體感覺，係出色同靚既，記得飲品吾洗太甜，我地吾係要飲糖水，而係挑選個款飲品的原味才是，千萬不要忘了！！唯最重要的味道、材料多加改善，同宣傳資料要全面齊備，就好多了！
繼續閱讀
上次飲過登打士街分店珍珠奶茶，一般，太甜。今次屋企人經過想飲，決定再俾次機會。其實唔使擠朱古力星星😅呢間用白珍珠，飲落有濃濃抹茶味。不過可能搞拌時令抹茶粉痴左去啲珍珠度，所以好多粒珍珠都有抹茶粉味。服務員對每個客人都好細心提醒要搞拌多啲先好飲，服務搭夠
繼續閱讀
每次行街經過啲台式飲品店煮會忍唔住想買返杯，而旺角真係有好多選擇，單單係旺角中心已經有成5，6間俾你揀。 “大卡司”係香港都好似已經開左好耐，從來都無飲過，見佢都有出芝士奶蓋系列，就試下先。今次叫左芝士奶蓋烏龍茶($24)，茶味都好香濃，重點係芝士都好有咸香味，真係估佢唔到，而且價錢仲好合理。如果想止下芝士奶蓋癮，大卡司係唔錯嘅選擇。另外，裝作時間都好快，由落單都拎得都只係等左10分鐘左右👍🏻值得再飲！
繼續閱讀