影片
食家推介
呢日中午出開元朗，由於天氣非常之熱，所以決定入元朗廣場搵食適逢lunch time，入面好多間食肆都排隊，行過見到呢間日式拉麵店有位，而且見到唔係得麵仲有飯可以揀，價錢又ok所以就決定一試。叫咗個溫泉玉子叉燒丼配汽水其實齋睇相都已經見到d叉燒充滿乾紋，食落口完全又乾又鞋，而且肉質好韌，真係仲衰過食煲湯瘦肉🙁，味道又唔太入味，完全唔明白點解咁嘅質素都可以拎出嚟比客人😤另一重點係，午餐時段都收加一，食物質素咁差仲好意思收加一，亦冇乜服務可言，唔怿得lunch time都唔爆，絕無下次！👎🏻👎🏻
繼續閱讀
下午食lunch叫左個牛肉丼飯。肥牛份量只得6片⋯⋯飯就大半碗，洋蔥仲多過d肉。 如果係咁我不如去食吉野家。員工有一個。係服務好好。不過個經理竟然淨係企埋左一邊望無出黎幫手。
繼續閱讀
唔可以用正常來形容海老拉面上的雞肉係凍嘅可樂係唔凍嘅（又剛好壞冰機冇冰底）百佳冇雪都凍過佢入來前又冇講飯賣晒落咗炸豪又漏單平日完全唔打食評嘅我，真係忍唔住，未出餐廳就打
繼續閱讀
因為位置方便嘅関係，同朋友試食呢間麵店，見佢寫住元祖沾麵就點了個治麵套餐，套餐包餃子及汽水或茶，一上枱餃子個樣幾吸引，味道亦唔錯，點知個沾麵上來時見到個沾汁油淋淋咁已經唔多開胃，麵質我選了正常也算不錯，有彈口感，可惜沾汁真係太咸又黏口攪到唔多想食，我估湯麵會好D，因為十枱有九枱都叫湯麵。
繼續閱讀
2月5號諗住心情好好咁去食沾麵點知比我遇上到一間咁難食嘅日本過江龍拉麵舖大概1點幾去到舖頭 正常星期日應該餐廳午市都會滿晒人 估唔到等都唔使等 入邊就有空位 諗住都有人喺到食緊 應該唔會中伏 點知真係瀨晒嘢🙄-辛沾麵(暖 1辛) $80 一上到枱發現原來呢個價錢唔包叉燒，如果要加叉燒就要加錢，有一塊同三塊嘅選擇俾你揀。冇叉燒都唔緊要，因為驚會太辣，所以辣度揀咗1辛。諗住試吓個湯先，點知一試，係可以唔辣。本身就咁試個湯都可能覺得唔錯，點知一拎起啲拉麵，係可以擺到上枱已經黐埋一舊。唔緊要，再擺落個湯入邊浸佢一陣，點知可以做到麵同湯嘅味道係分開，就算擺落個湯入邊浸幾耐都好，個味道都可以分開，拉麵就係拉麵，湯就係湯。仲要拉麵入邊個魚蛋片，係淋都冇得再淋，都唔知佢煮咗幾多次。-鹽味沾麵(暖) $72同樣都係，啲拉麵一擺到上枱就黐埋一舊。諗住試吓啖湯，試完真係知道完全冇呃你，真係鹽味湯，飲一細啖已經要灌好多水，真係鹹到傻左。唔明點解可以做得出，仲要賣比客。都係下樣，湯同麵嘅味道係分開🤷🏻♀️-炸魷魚 $38炸鯎魚應該係唯一呢間鋪可以食到嘅嘢，對比沾麵已經算係好好。不過都可以炸到啲炸粉黑晒，好在佢冇陣油味。-炸蠔 $38炸蠔真係經典冇得再經典，個粉厚度唔知做乜，個蠔仲要有浸腥味，食完返到去屙到七彩，到今朝都仲屙緊。-呢間嘢真係可以話係不知所謂，真心如果係一個普通人去食餐飯食到咁嘅質素，係唔係個個都可以開餐廳。加埋兩杯嘢飲同加一，埋單要成280幾蚊，咁嘅價錢，食咁嘅質素嘅嘢，真係慘過食💩
繼續閱讀