大力素食

朋友推薦我到朗屏試這間大力素食，聽聞疫情前經常大排長龍。雖然近日香港經濟不景，但店內仍然座無虛席，客人絡繹不絕。一個人叫咗佢嘅欖角蜜汁烤叉燒同埋豉汁雞卷唐生菜，預咗食唔晒打包，但一場入到嚟，當然要試多啲名菜。老闆很好人，知道我長途跋涉特登由紅磡入嚟，送咗例湯同埋一兩款小食俾我試吓。粉葛素湯煲得非常鮮甜入味，一啲都唔係出邊嗰啲例水。春卷同炸雲吞都係新鮮炸出嚟，脆卜卜之餘又皮薄餡靚，條春卷啲素菜滿滿咁充斥喺春卷皮內，而炸雲吞內亦有雲耳及與蝦肉非常神似的素肉。欖角蜜糖烤叉燒做得像真叉燒一樣，每件叉燒的邊都是有少少焦燶，蜜糖表面調得恰到好處，像在吃真的叉燒一樣。豉汁雞卷唐生菜的雞卷內有紅蘿蔔西芹及素肉條，西芹仍然爽脆，雞卷亦包得紮實。豉汁涼瓜粒一起炒，顯得雞卷更加鮮味。整體來說這間大力素食非常值得推介，食物美美，店面乾淨二工人手充足，服務態度亦10分良好，不枉我長途跋涉去吃。…查看更多

餐廳空間寬敞，適合小聚或家庭用餐。店內簡約裝修，牆上嘅觀音菩薩像帶來寧靜氣氛，整體環境乾淨舒適。服務員態度熱情，點餐後上菜迅速，服務效率令人滿意。今次試咕嚕肉排骨飯、椰汁南瓜鰻魚同齋滷味，每道菜都各具特色：咕嚕肉排骨飯：素排骨用高蛋白植物成分製成，外皮炸至香脆，內裡軟嫩，配上酸甜汁同新鮮菠蘿粒，酸甜口感平衡，飯香濃郁，份量十足，食落令人滿足。椰汁南瓜鰻魚：呢道菜充滿創意，素鰻魚條外皮似用紫菜包裹，煎得外脆內軟，浸喺椰汁同南瓜嘅濃郁湯底，帶來天然甜味同椰香，湯滑口不油膩，口感層次分明，回味無窮。齋滷味：傳統滷味嘅素食版本，用高蛋白植物食材滷製，醬汁入味，帶濃郁中式香料風味，口感軟糯又有彈性，適合愛食滷味嘅朋友。分店地址大力素食元朗媽橫路35號福昌樓地下7號舖環境衛生：4/5（整潔舒適）食物質素：4.5/5（創意十足，味道出色）服務效率：4.5/5（快捷親切，態度佳）性價比：5/5（價格合理，優惠吸引）整體體驗：4.5/5（寧靜美味，值得推薦）…查看更多

最近我試咗一間素食打邊爐，呢度性價比真係高。價格合理，食材選擇又多，令人驚喜。每樣食材都處理得好精緻，無論係豆腐、素肉定各種時蔬，都好似傳統火鍋食材咁，口感一流。打邊爐嘅湯底選擇多樣，清湯同香辣湯都好好味，層次分明。而且最特別嘅係，食完之後完全唔會覺得油膩，反而感覺清新，真係好適合鍾意健康飲食嘅人。總括來講，呢間素食打邊爐無論係食材質量、湯底選擇，定整體享受，都俾咗我一個好滿意嘅用餐體驗。我會推介比所有素食愛好者同想試新口味嘅朋友！…查看更多

今日過來元朗, 今日唔食車仔麵, 叫左一碟細齋鹵味, 一碟散叫鮮百合炒菜心苗, 另外叫左一個午餐~茄子🍆腐球炆米線, 再加8蚊要左一個椰子🥥湯, 等左一陣椰子🥥湯送到, 好香好香的🥥椰子味, d湯好清甜, 入面有d粟米同眉豆👍夠清潤, 之後再來齋鹵味, 叫店員比多d酸齋, 每款都整得幾好食👍, 夠淋夠入味, 又唔會硬硬的, 又唔會過酸過咸😋, 再之後送來鮮百合炒菜心苗加左d本菇, 炒鮮百合個人真係好少食, 食落爽脆清甜👍, 菜心苗炒得脆綠, 不過唔算好甜, 但都唔老🤣, 再之後送來茄子🍆腐球炆米線, 入面加左d本菇同菜心, 茄子走過油, 食落多油左😆d, 不過炆得幾入味, d汁包住條條米線, 但食落口感結左😂d, 如果個汁唔好太濃, 或者會好一點😃下次再試其他午餐款式🤩…查看更多

今日又入來元朗, 再過來幫襯, 今日要左上海麵加沙爹醬加時菜☘️加炸豆腐加魚蛋同加蠔仔, 今日例湯係椰子🥥, 今日好多人, 唔知係咪因為聽日係初一呢🤔等左一陣椰子🥥例湯送到, 清甜有椰子香味🥥有d豆, 也夠熱👍👍, 飲落好舒服😄, 之後送來車仔麵🍜加左沙爹醬, 有d香味😋今日時菜比娃娃菜😜魚蛋味道幾似真魚蛋😙炸豆腐入面都好滑😀蠔仔食落爽彈😛😛, 上海麵浸左湯也好食😁😍份量也十足🥰😄今日星期六有加一服務費架😗…查看更多

今日又過來大力😚今日叫左沙爹醬加上海麵加時菜㨂左菜心, 再加炸豆腐再加蠔仔同羊腩, 另外加左個例湯, 今日係蓮藕紅蘿蔔🥕🫘粟米🌽湯, 等左一陣, 例湯先到, 好夠熱😄好清甜, 入面好多料👍👍, 加8蚊查實幾抵😚😁, 再等左一陣送來上海麵, 好豐富😅, 飲啖湯先, 混左沙爹醬幾好味😋, 羊腩同蠔仔都好食, 但比較之下, 我個人比較喜歡蠔仔多d😍😘, 菜心都比得幾多, 條條細細又清甜😙😙好滿足的一頓素食🥰😍…查看更多

今日又過來元朗, 唔洗諗, 不如又過來吃素😍, 都係食番三餸🥬麵同加例湯🥣, 今日係粉葛湯, 三餸🥬麵要左上海麵, 要沙爹, 時菜, 排骨和魚蛋, 等左一陣送來例湯, 入面有粉葛🌽粟米🥕紅蘿蔔亦有眉豆, 味道唔錯😋夠熱又夠濃😄👍, 之後送來湯麵, 份量足賣相好😍, 初初唔見有沙爹醬, 原來係底😄撈左d醬先食, 味道唔錯😀, 今日時菜比娃娃菜🥬, 排骨個樣同顏色真係做得好似🤣, 魚蛋再叫來食, 也唔錯😃排骨食落質感都幾似肉, 好利害😅 依度都係我喜歡的素食店, 靜靜地唔會好噪😁😁…查看更多

今日過來元朗, 又幫襯大力😀, 也是叫三餸麵配例湯😍, 今日也是要上海麵, 試下麻辣醬, 揀左娃娃菜🥬, 炸豆腐同蠔仔🦪, 今日湯係蓮藕粟米🌽紅蘿蔔🥕豆🫘湯, 等左一陣湯先送到, 好多料😁清甜又夠熱😋 隔左一陣湯麵也送到, 份量十足, 餸也好多😄👍, 原來麻辣醬係分開上, 敢又幾好💞, 加左少少落碗粉度, 感覺好味d😁 唔算好辣又幾香😀 但直接加醬掂餸吃, 就覺得咸左d😀, 清清地唔錯😃…查看更多

今日又過來大力, 今次試下沙爹湯底, 配上海麵, 另外加時菜芋頭炸豆腐同羊腩, 今日例湯係西洋菜, 等左一陣湯先送上, 好濃的湯水, 勁深色, 入面有西洋菜, 紅蘿🥕蔔, 陳皮, 飲落夠熱, 好舒服又滋潤😚👍好好飲, 等左一陣三餸麵也送到, 今次都係叫上海麵, 試下沙爹湯底, 配菜心, 芋頭, 炸豆腐同羊腩, 飲啖湯先, 飲到有d沙爹香味😁, d上海麵浸左湯好食🥰, 芋頭食落好香好粉😍, 炸豆腐雖然炸過, 但唔會炸到好老, 入面都食到豆腐的香滑😘, 羊腩的形狀真係成舊肉敢😂食落都幾好味😋因為今日係星期日所以要另加一服務費, 見佢可以買飯券🍚, 捐左100元支持一下🥰幫助有需要的人💞…查看更多

今日又過來大力, 都係依度啱我食d, 本來想叫店員幫我叫時菜魚蛋湯粉走魚蛋🤣🤣, 店員話敢咪唔抵😅, 之後另一位男士唔知是否老闆, 叫我不如要三餸麵, 敢樣更抵食, 要左上海麵加蕃茄湯🍅加時菜🥬加芽菜加蠔仔, 另外加一個例湯, 等左一陣送上例湯, 今日係椰子🥥紅羅白🥕粟米🌽湯, 見到顏色好濃, 飲啖先, 飲落好香甜👍😚真係好好飲, 真材實料, 之後送上湯粉, 紅紅色😁其實有d假😀有幾件蕃茄🍅係面, 上海麵都比得幾多, 菜心份量也不少, 條條好食好清甜💕👍再食蠔仔, 其實唔知係乜嘢, 但食落好爽脆👍幾好食, 由於份量太多, 上海麵都食唔晒😅😅但店員服務好好又有禮貌, 要繼續支持小店🥰…查看更多

有陣時自己都會食吓齋菜元朗可以選擇嘅都係得幾間而我由細食到大嘅，當然係大力齋廚大力齋廚係喺元朗素食餐廳的老字號今次我係午餐時間去到餐廳我選擇咗咕嚕酥排骨飯 再加一杯凍豆漿午餐嚟講，呢度都唔係收得好貴價錢合理…查看更多

未食過元朗大力😚今日過來元朗, 不如試下佢的素食😁輕鐵落車跟地圖找😄原來唔係好大☺️望下餐牌都好多選擇👍但自己又唔想食太多😙最後揀左魚蛋時菜湯麵配伊麵底👍😆另外加一個例湯😜一入門口見到煲粉葛🤭 等左一陣先來例湯😘😋顏色好深, 夠濃, 聞到好香, 飲一啖夠熱🤩 入面好足料, 有粟米🌽粉葛赤小豆😁雖然係加8蚊, 但都唔細碗🥰 再隔一陣送上湯麵, 又係習😄慣先飲啖湯, 清甜, 店員問我要唔要辣椒醬🌶️果然好服務, 抵讚🫶👍不過魚蛋味道一般😜再食伊麵😙☺️份量唔少, 浸左湯好食, 食落都唔油, 另外配娃娃菜🥬份量亦都唔少, 食晒二樣也夠飽😀 不過大家留意今日假期要另加一服務費😚😙下次來元朗一定要再來食過😅…查看更多

見十五響大力素食外賣一個香芋素仙斑同一個白飯，素仙斑即係芋頭魚，芋頭魚咬落外脆內軟，入口嘅芋頭彷如一口即溶咁香軟，一口芋頭魚同一口白飯又好夾芋頭魚份量好足，作為一人餐食完佢同白飯之後已經十分飽，好彩未有叫其他素食。…查看更多

元朗黍講呢間大力齊廚都算唔錯…而且佢仲會有特價午餐添今日我就同老友來食午餐散叫熱辣辣，所以我叫咗凍檸樂我老友就飲豆漿呢個係我嚟到必食嘅咖喱薯仔羊腩…真係好惹味送飯一流另外叫咗個蟹柳時蔬….又係，非常有質感再叫多個沙嗲肉片炒河粉🥰🥰🥰咕嚕肉飯不過令我最吸引嘅….喺呢度嘅老火例湯…坦白講，如果你計元朗幾間素食店來講….例湯嘅質素，最好都係大力齋廚值得一讚佢哋嘅例湯係非常用足材料….每次嚟都係必點嘅😝😝😝😆😆😆…查看更多

同家人會定期品嘗素食，食得適宜一來可以減少對肉類的吸收，二來亦可以嘗試唔同的健康素肉食材。今日決定幫襯大力，自從開始品嘗素食，都有定期幫襯大力，由過往堂食及外賣自取，到疫情後經外賣平台送餐，都有繼續支持。叫咗2-3人套餐甲，有3個小菜，1個湯，2碗飯- 豆腐火腩, 素火腩賣相吸引，而豆腐亦算入味- 欖角蜜糖烤叉燒, 呢款係我同家人都好鐘意的菜式，口感及味道都OK- 沙嗲魷魚蠔豉時菜, 如果菜的份量可以多啲就好- 竹笙富貴素翅, 食材夠多，好味如果唔叫套餐，其實大力個餐牌都有好多選擇。另外一樣要提，大力近來亦開始使用較環保的食物盒，幫襯外賣的街坊多多支持！…查看更多