26
13
11
港鐵旺角站 B3 出口, 步行約1分鐘 繼續閱讀
所有分店 (1)
營業時間
今日營業
11:00 - 22:30
星期一至日
11:00 - 22:30
付款方式
Visa Master 現金 八達通 銀聯
食評 (61)
等級3 2019-10-17
816 瀏覽
今日行TOP商場,地庫有個food court,黎咗搵野食。揀咗呢間邪惡既大力水手炸雞食。分別叫咗兩個炸雞餐(炸雞翼、炸雞柳)除咗炸雞都叫咗個炸蝦小食。炸蝦好失望。首先原來佢好細隻下,而且食落冇乜味好雪藏feel。至於薯條就一讚,係有黑椒係面,味道就算就咁食都夠調味,炸得都好脆,好香口。主角炸雞,感覺唔算好油,味道唔錯,雞翼似脆香雞帶點微辣,雞柳啖啖肉,個人幾喜歡,外皮好鬆脆,但放耐咗唔夠熱就即刻冇咁好食,熱辣辣食先夠肉汁。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-10-16
456 瀏覽
抱住滿懷希望 迎來無限失望先講野食 爆谷蝦難食 蝦肉化學加工得好犀利 好大陣鹼味。 一間炸雞店 點解唔可以好好地咁做炸雞?可以buttermilk, pickle juice 甚至唔醃 點解要用化學野搞到啲雞不倫不類?肉質食落竟然可以有橡膠的口感 驚為天人 睇到呢度 一定有人開始話我食快餐 要求多多 我成世人最中意就係食kfc嘅雞 兩間都係快餐 點解可以分別咁大呢? 優劣係相對嘅 兩間快餐對比真係高下立見 呢間真係垃圾到難以置信 最後講服務 一間快餐可以有咩服務? 我諗就係最低限度嘅 機械式嘅對話 幫客落單 但係有位傑出員工kris wong就加入自己嘅元素 西口西面 我完全覺得我前世欠左佢(我發誓間鋪無乜客 我行過去叫野食都係話唔該我想要..... 但係佢爆發性嘅演技即刻就開始震撼我) 無諗到我係open rice第一個食評竟然係呢間野。。。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-08-29
1281 瀏覽
TOP商場多野食就係人都知架啦,今次就試左下面有個food court,雖然係food court,但個味道都算ok嘅,今次就叫左個蘑菇飯配炸雞翼套餐個蘑菇飯就有少少伏,個賣相一般,而且飯又比較爛身,食落去個汁似係魚香茄子汁個種,不過好彩個炸雞翼加番分,個皮都幾脆同熱辣辣,而且可以點埋茄汁,因為個炸雞食落去有少少辣,而個茄汁甜甜酸酸咁就可以中和番👍🏻👍🏻,所以叫得大力水手炸雞🍗,就真係最好食返炸雞🍗 繼續閱讀
(以上食評乃用戶個人意見 , 並不代表OpenRice之觀點。)
等級2 2019-08-13
1300 瀏覽
同朋友們一齊去 Mong Kok Top 商場food court,見倒一直好想食嘅Popeye炸雞!之後機場禁區內有一間,總係無機會試下!所以今次就算食飽都要叫兩件食下!勁鍾意食炸雞嘅我,每次去泰國都會勁食KFC,呢度嘅炸雞可以拍得住!新鮮炸起熱辣辣😋皮薄唔會太多炸粉,有少少spicy。最重要係肉質鮮嫩,食落好juicy又無雪藏味!單買都係都$16至$20一件。果然名不虛傳!另外再叫左個scone, 有啲硬又無咩果咁,可以唔洗試。我覺得佢比蜜蜂炸雞好食得多,無咁油膩,唔會食完覺得好滞咁,單件買咁食無咁有罪惡感嘛! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-08-02
1008 瀏覽
T.O.P.地庫有個FOOD COURT,蠻多食店的,看見幾多人都食大力水手,有D好奇,就去食啦!比起KFC/MCDONALD'S快餐,這裡的價目相對較貴,而且份量不算多。為了感覺抵食少少,我選了個與別不同的爆谷蝦餐。食物已經一早弄好,所以點餐後已經可以即時拿到。第一個感覺是覺得爆谷蝦比想像中細隻,而且太多油,下面D蝦被油浸淋了。吃下去,蝦的肉質太有冰鮮蝦的口感,蝦的胡椒粉味太濃烈,有點辣辣的,鼻水都要流出來了。要飲汽水中和一下。薯條是黑椒的,與鹽的調味夾得很好。味道是小妹喜歡的!可惜是放了一段時間,有D淋淋地,如果是新鮮炸起就會好好食了。可能預期覺得會好食過大眾的美式快餐,因此有點失望。其實炸物只要新鮮炸起,停乾D油,保持脆身,就會好好食了! 繼續閱讀
(以上食評乃用戶個人意見 , 並不代表OpenRice之觀點。)