1
2
0
港鐵荃灣西站 C1 出口, 步行約1分鐘 繼續閱讀
營業時間
星期一至日
06:30 - 21:30
付款方式
AlipayHK 支付寶 現金
以上資料只供參考, 請與餐廳確認詳情
食評 (5)
等級4 2021-11-09
348 瀏覽
海之戀商場內食肆林立我大部份的餐廳也試過了,早前看到舊凱柏冰室那靚位轉了手成大冰室,剛巧車爸爸奶茶癮起那就到新店去試試。大冰室門面跟凱柏冰室一模一樣,甚至手招牌也只拆下了凱柏二字,究竟是借屍還魂定慳裝修費就不得而知了!這天碰巧車爸爸要回公司抽檢所以趕得切來吃份大早餐,器皿仍然用上舊餐廳的碗碟好環保。我選吃榨菜肉絲通粉拼牛乳炒蛋配牛油多士$38,早餐賣相叫不上吸引但正正常常的,牛乳炒蛋尚算嫩口可惜牛油多士已淋。而榨菜肉絲通粉$38就是茶記味精湯底的味道,榨菜肉絲的份量跟味道也正常。車爸爸吃的沙嗲牛肉麵$38沙嗲味不夠香濃,他更說牛肉亦沒多好吃只是填肚的早餐。早餐包熱飲而我點凍檸檬茶需加$3,茶底清晰可惜茶味不出,幸好檸檬夠新鮮搭夠。車爸爸的熱奶茶味道口感也不算出色勝在夠大杯,配襯那美美的海景吸引力才好一些。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-10-04
254 瀏覽
食晏叫左4個常餐 有3個都落錯單😥 叫凍奶茶走甜冇走甜 叫凍檸茶黎左熱檸茶 叫餐腸黎左腸蛋 服務員態度仲要好差 落單好似催你咁 問佢野又唔應 好冇禮貌😡 野食就普通 價錢偏貴 唔會再幫襯 繼續閱讀
(以上食評乃用戶個人意見 , 並不代表OpenRice之觀點。)
等級1 2021-09-26
166 瀏覽
今日去到,太full,只能坐門口位,勁熱,食完執緊嘢,準備走,有個女侍應,坐收銀位果個阿姐,走嚟問我:「小姐,你走得未?」我即刻火起:「我執緊嘢,你見唔到咩?」作為一個服務性從業員,用眼都可以觀察到每枱客人食嘢嘅速度嚟判斷點樣安排座位啦隔咗一陣,佢仲要好唔忿氣咁同我講:「小姐,你嘅言辭好有問題,我自問已經好俾面你啦」喂,我係客人,你可以用咁嘅態度同我講嘢咩?我唔會再幫襯呢間嘢,如果大家想練吓口才同腦筋,就去踩場啦 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-21
582 瀏覽
之前試過凱悅冰室,你便知道為何會易手。當帶着興致勃勃嘅心情,上去地點優越、只此一家嘅茶餐廳,帶著期待心情嘅時候,發覺是換了名字,食物也是如出一轍。餐牌是大路的,遇上應該都是香港人喜歡組合,但水準就如以前餐廳一樣,沒什麼驚喜。炒蛋是炒老了,多士是脆脆的,不過夾雜着炭屎。奶茶也不夠香滑,相信預測到如上一手嘅命運一樣,如果不作出改善,就算是地理位置優越都好,我自己未必再來一次,不要浪費優越的地理位置和唯一一間茶餐廳吧。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-06
466 瀏覽
荃灣西終於有返間茶記好掛住港式早餐朝早呢間冰室都好多人不過勝在早餐時間至到11:30當然要幫趁下選擇唔算太多主要都係港式常餐類 但實已足夠畢竟如果想食西式早餐 可以入返商場西餐廳一間茶記 早餐得唔得我通常都會試沙嗲牛麵呢度係雞湯底 沙嗲牛份量足味道亦都合格 唔會過淡牛肉咬落都算淋但又唔係鬆肉粉果種多士係切左邊嘅 焗得香脆有趣嘅係 腿蛋係雙份嘅 都叫值呢個價另外 呢度嘅野飲大大杯熱飲都用高身杯茶走味道都合格有茶味夠滑身早餐黎講 雖然偏貴 但質素都值回票價 值得支持 繼續閱讀
(以上食評乃用戶個人意見 , 並不代表OpenRice之觀點。)