164
24
5
港鐵荔枝角站 D1 出口, 港鐵荔枝角站 D2 出口 繼續閱讀
電話號碼
27438055
開飯介紹
主打新派粵菜,透過用料和做法將菜式 upgrade,以會員制經營,客人可以企業或私人會員形式加入,每晚播放不同的Jazz音樂,另外更會在不同日子邀請專業歌手到場演唱。 繼續閱讀
營業時間
今日營業
12:00 - 22:30
星期一至五
12:00 - 22:30
星期六至日
11:00 - 22:30
付款方式
Visa Master 現金 AE 銀聯
座位數目
232
其他資料
酒精飲品
泊車 詳細介紹
外賣服務
加一服務費
Live Music
室外座位
食評 (230)
等級3 2019-10-05
141 瀏覽
平時好少同屋企人係荔枝角食晚餐,咁岩想食中菜,又聽講荔枝角大公館好食,一直都想試試,但原來名過其實。大公館雖然係D2,但其實唔算商場入面,要係商場旁,辦公室大堂坐電梯上。到左10樓,一出lift 就見到富有中國色彩嘅兩道紅門。入去後,可能時間尚早,我哋walk-in都有位。大公館分西餐同中餐,用餐都會分開中西两邊同大廳。我哋被安排坐中菜房,一入到去已見到70%滿座,當中唔少係傾生意同一家10幾人。未坐暖張椅已經feel到係做熟客生客,因為經理待應明顯招呼得冇咁熱絡。亦因為係房,聲音根本走唔到,成個用餐時間都好嘈,成間酒樓咁嘅氣氛😑菜色方面係fushion,精緻/貴價食材等。睇菜名係吸引,但食落就唔算驚喜。黑毛豬叉燒($268):餐廳同OpenRice 上最多人推介。肉質不錯,大部分都肥瘦適中,但有啲一啖咬落食到一嘴豬油。個人覺得叉燒蜜糖醬太甜,蓋過黑毛豬肉味。值得一讚係叉燒用炭火烤過,食到炭燒味同有燒焦嘅邊。油泡魷魚:魷魚油泡後爽口,西芹鮮嫩,冇食到老西芹嘅絲,而且炒得爽脆。無聊食咗啖脆片,又淋又重油益味,似放左好多日⋯橙香桂花酥炸銀鱈魚球(~$288): 銀鱈魚本身魚質嫩滑,就算炸過都唔影響口感。脆漿唔算厚,但味道完全靠橙香醬,而且唔覺有桂花味。食兩件嘅話會好膩 豆漿杞子鮮黑腐竹浸時蔬($158): 幾特別,黑腐竹味道同平時腐竹差唔多。食嘅時候都食到啲豆腐香味最後一道菜等左好耐都唔到,結果我忍唔住想揾啲經理級幫手跟下,點知啲經理當睇唔到😡揾其他待應幫手,聽我講完咩都冇講就掉頭走,咁姐係點?又隔左一段時間,落單嗰位待應突然見到櫃上面有我哋碟菜,諗住上菜發現廚房煮錯,話再幫我地煮,個刻真係好想直接取消就算!的確,食得出係精湛嘅烹飪技術,喺擺盤,造型上亦落左功夫,但只限於此。食材新鮮?可能我叫個幾道餸食唔出。餸菜有驚喜?唔,還好。以呢個價位,大把餐廳好食過佢,服務好過佢,可能午市點心好啲,但我唔會再嚟食。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-10
1132 瀏覽
連續兩日都嚟大公館食晏, 原因為同區樓酒嚟講最高質係佢, 二來中午同客食飯要係荔枝角區搵間座得舒服食物質數又有返咁上下嘅, 佢係其中一間。今日係嚟食晏, 講吓我哋食咗啲乜野先:蝦餃好食, 中蝦爽口, 有少少筍絲加添清爽感燒賣食味一般, 與坊間酒樓無異, 可以唔係到試黑毛豬叉燒依個好食, 應該係低温慢煮, 肉質係好淋, 又多汁, 真正半肥瘦位, 有燋邊, 邊位咬落脆口, 有香濃蜜牙糖味, 好食。叉燒包賣相吸引, 食落皮薄煙韌, 包內蜜汁叉燒甜度適中, 其包底有一層燒過的米衣, 添加脆皮口感, 食落更加有層次, 好吃。木瓜雪耳湯幾好飲, 飲落知道煲咗應該都幾耐, 有啲黏口, 好甜, 瘦肉係切粒方便食。鹹水角賣相吸引, 但皮較厚, 食味一般, 無驚喜。脆皮皇妃雞雞皮脆口, 雞有雞味, 鹹味適中。櫻花蝦蛋白炒飯成碟飯都好乾身, 飯粒質地好好, 炒得分別, 但櫻花蝦乾身, 飯粒乾身, 如加回一嘅肉粒油份, 食味會更好。蝦醬通菜煲蝦醬味濃, 熱吃好吃, 凍了就沒蝦醬味變臭就不好吃了。鼓油王炒麵唔會好油, 食到鼓油味, 麵都叫乾身手制椰汁山渣榚山渣酸味與椰汁味好平行, 彼此唔會太嗆芝麻卷食落好香芝麻味, 唔會太死實, 係咬得到嘅芝麻糊, 好食埋單一共2400, 人衡300, 荔枝角區嚟講食晏都算貴, 但食物質數佳, 同座得舒服, 同客或家人節日嚟食飯係會幾好嘅。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-09-02
1008 瀏覽
又到左Happy Friday, 今次揀左係D2既大公館食LUNCH之前食過一兩次,印象都好深,記得係好食既,只係偏貴。今日滿心歡喜打算再去食既時候,但最終都有D失望講左最失望個個先 就係一路覺得最好食既黑毛豬叉燒今次份叉燒 又細碟 又乾柴 又唔香仲差過茶餐廳 仲要成百幾二百蚊咸水角正常味野菌素粉果 朋友仔話偏淡 我又覺得OK最好食既金沙蝦腸皮夠薄 金網夠脆 蝦都無乜雪味 好食!真係好似蕃薯既蕃薯酥入面都真係蕃薯蓉黎 皮脆 都幾好食~總括黎講係唔抵食既有D overpriced 如非必要都唔會再去啦~ 繼續閱讀
(以上食評乃用戶個人意見 , 並不代表OpenRice之觀點。)
等級1 2019-08-19
1011 瀏覽
上星期慶祝朋友生日,要荔枝角附近,朋友説可試試這間大公館,就即管試試荔枝角有冇好野發現,朋友預先點了菜,看menu d名都幾得意,覺得都係果D果D野,點知😱,出來賣想好吸引,看得出大廚的心思及技術,味道配塔特別,我未試過囉😅,好想知道下一碟是點樣及什麼味道,大廚又出來解釋下是什麼,有意思有意思,食到好滿足,還想著下次再試其他未試過的,看看有冇鷙喜 繼續閱讀
(以上食評乃用戶個人意見 , 並不代表OpenRice之觀點。)
等級2 2019-08-11
1072 瀏覽
公司食飯一向都揀好野食,今次為左遷就地點,所以就揀左呢間茶樓食。 好在都有間房仔坐,環境算舒適,本身只知道係動物造型既點心,擺明sell外貌,所以對佢既味道無抱太大期望,估唔到味道都唔錯喎。加上有美貌加持,女同事們個個心心眼,實要相機食先。小籠包超多汁,食果時要小心。 金魚蝦餃足料,有放少少芹菜,味道比一般清新d。 箭豬係叉燒包,隻隻個樣有少少唔同,一大碟擺埋一齊都幾趣緻,味道就正正常常。豬仔咸水角值得一讚,我本身最怕食咸水角,不過呢個唔會好似其他咁油膩,加上夠脆口,食落肚絕對唔會後悔。蛋撻細細個易入口,我同事大力推介,因為佢有少少流心既效果,好有驚喜。以咁既顏值同味道,價錢算公道。尤其是一大班人食既話,絕對會係良好既選擇! 繼續閱讀
(以上食評乃用戶個人意見 , 並不代表OpenRice之觀點。)