港鐵荔枝角站 D1 出口, 港鐵荔枝角站 D2 出口
繼續閱讀
電話號碼
27438055
開飯介紹
主打新派粵菜，透過用料和做法將菜式 upgrade，以會員制經營，客人可以企業或私人會員形式加入，每晚播放不同的Jazz音樂，另外更會在不同日子邀請專業歌手到場演唱。
繼續閱讀
附加資料
大公館推出副線火鍋品牌《大公別館》，於餐廳內劃出特定區域享用火鍋，由行政總廚陳偉庭師傅主理，特別設計了八款各具特色的湯底選擇，如招牌極品佛跳牆湯鍋等。
營業時間
今日營業
11:00 - 15:30
18:00 - 23:00
星期一至五
12:00 - 15:00
18:00 - 23:00
星期六至日
11:00 - 15:30
18:00 - 23:00
公眾假期
11:00 - 15:30
18:00 - 23:00
公眾假期前夕
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
相關文章
之前同屋企人嚟食冬至飯見OpenRice評語唔錯 碟碟餸都幾精緻靚仔咁睇成個格局都已經feel到好high class餐牌勁多勁多菜式! 我哋主要都係揀啲廚師推介嘅💫《前菜》▶️ 清香柚子凍鮑魚 ($148)賣相超型 用咗乾冰 所以不斷散發「煙霧」🌫️每人一粒鮑魚仔 食落口感韌韌地彈牙底部有好多西柚 西柚食落有汁帶苦味 配上少許柚子醬 成個combination幾特別▶️ 話梅鐵棍淮山 ($78)淮山切到一粒粒外面啲汁令到佢黐笠笠咁 食落甜甜地 不過就冇話梅嗰陣味而淮山質地好爽口 咬落以為係硬啲嘅啤梨🍐個人覺得呢個唔算特別好食▶️涼拌海蜇頭 ($138)呢個海蜇頭同出邊買嘅好唔同 大塊又厚身另外加咗啲青蘋果 黑木耳 芝麻全部咬落都好爽脆 醬汁酸酸地 好開胃▶️ 川味口水竹絲雞 ($118)因為用咗烏絲雞 所以係黑蚊蚊嘅🖤個醬油係麻辣醬 好在唔係好辣🌶️因為係前菜所以凍嘅 雞肉幾腍 質地有啲似啫喱 似上海肴肉嘅做法▶️ 金甲脆魚皮 ($78)自己唔食魚皮所以冇試 但係應該幾香口 因為魚皮炸完之後外面仲落咗啲鹹蛋黃《肉類》▶️ 招牌黑毛豬叉燒 ($248)望落去同一般叉燒唔同 雖然叫咗瘦 但係其實都似半肥瘦呢個就冇想像中咁好食 叉燒冇乜嗰種烤過嘅味 豬肉偏韌🐷▶️ 黑糖龍井茶燻雞 ($228)望落雖然似正常嘅油雞 但食落反而幾特別佢嗰種煙燻味 加茶味好出🤤連皮食都唔會好油淋淋🐔肉質滑嫩新鮮 仲要多數係肉冇咩骨《蔬菜》▶️ 珊瑚蟹肉脆茄子 ($218)嚟到以為係炸豆腐😂茄子一片片咁 之後炸咗佢 成金黃色旁邊有一壼蟹肉嘅醬汁俾你淋落去 真係超級多真蟹肉🤩好正多到可以用嚟撈飯食 唔太脆口 純粹有炸嘢嘅香味 茄子幾淋🍆好食！推介呢個試吓▶️ 豆漿杞子黑腐竹浸時蔬 ($158)今日嘅時蔬係豆苗第一次見用豆漿煮菜而非上湯 豆漿奶白色 偏杰身 少少Creamy 🥛上面一啲深紫色嘅腐竹 然後有好多粒杞子 望落去清淡而滋補😌豆苗好新鮮好清脆 唔太食到豆味 但係好鍾意佢個醬汁口感呢個都好值得叫🥬《飯麵》▶️ 金蒜瑤柱蒸冰島鰈魚鰭籠仔蒸飯 ($268)一個竹籠裝住瑤柱香蔥炒飯 上面鋪咗唔少魚片 最後灑上蒜蓉個魚同一般食嘅龍躉好唔同 呢個好黏身 同埋軟到似肥膏咁 入口即溶🐟帶有少少魚油味 好在冇骨冇皮🍚炒飯唔會太油膩 飯都係粒粒分明嘅 調味唔會太鹹 不過感覺就差少少鑊氣炒入咗唔少瑤柱 同埋應該落咗啲薑呢個就一般啦 份量足夠分四碗《甜品》▶️ 金箔懷舊芝麻卷 ($48)因為搶手 所以要預訂架🔥芝麻卷整到好似腸粉咁 其實食落個feel幾似😆只係黏身啲的確幾好食嘅 因為佢個黑芝麻味好香濃 又唔會太甜👍🏻想食記得提前落單！一碟三卷▶️ 清心柚子糕 ($45)賣相幾靚 分成兩層 上面透明粉紅色嘅 下面就白色一層透明嗰層入邊有真西柚粒 同前菜嘅西柚粒一樣 食落又酸又苦個人唔鍾意食呢個 一來覺得佢個糕整得太甜 二來覺得加左西柚唔係好夾🫢▶️ 流心南瓜球 ($45）味道同南瓜餅差唔多 只係圓轆轆 整成南瓜形狀 (其實似吉仔多啲🍊)外皮炸到超香脆 入面就好煙韌好似mochi咁因為落咗芝士 所以甜中帶鹹🧀本身冇咩南瓜味 亦冇南瓜蓉但係呢個好熱氣 食完即刻少少喉嚨痛🤏🏻-食物超級精緻而份量正常 (唔係fine dining咁細碟)用料靚而足 對得上價錢每道菜式都有佢特別之處 唔係一般中菜館會叫到嘅 感覺創新有趣😍服務超好 啲姐姐好nice 點單仲會同你介紹邊啲係必要菜式成個環境氣氛都好舒服 因為分成唔同廳堂 所以坐得空曠又唔會好嘈入面用上紅色配黑色嘅格調 感覺高檔平均每人$400左右 間唔時食下貴嘅好西😆
繼續閱讀
呢間位於荔枝角區，長義街9號D2 Place 一期10樓A號舖，店名”大公館”。疫情放寬後，今日公司安排午餐飯聚，因此能夠有幸認識呢間”隱世”高級食府，呢間食府以中菜為主，有小菜及點心等各種不同選擇，我老闆比較喜歡食小菜，所以特別預訂左這間食府最出名的菜式給我們品嘗，每一道菜都好有水準，味道非常好，而且餐廳環境非常舒適，服務態度非常好，這個午餐真的令我味蕾有滿足、回味的感覺😁。先介紹一下菜式先清香柚子鮑魚話梅鐵棍准山七味黃金豆腐招牌黑毛豬叉燒黑松茸豆醬炒龍躉球懷舊鍋貼大明蝦蒜蓉扒豆苗黑糖龍井茶燻雞鮑魚海味雞粒窩燒飯甜品分別有蛋白杏仁茶、金箔懷舊黑芝麻卷
繼續閱讀
🖤黑白配⚪️嚟到D2 Place大公館，之前上網已經睇過呢一間野都幾多人介紹，話佢哋中菜好味，同埋點心有特色，不過今次我哋就過嚟食晚餐，遲啲有機會要試埋佢哋嘅點心先😗呢度嘅中菜款式大部份同出面嘅酒樓同埋中式餐館差唔多，不過味道真係好出色👍🏻👍🏻👍🏻另外賣相擺盤亦都好靚仔，所以亦都係一個視覺嘅享受😎餐館環境都幾闊落寬敞，典型中國風嘅風格，坐得幾舒服香茅沙薑銅盤焗龍躉球 $288龍躉都幾大片，每一塊都有好香嘅香茅味道，同埋食到龍躉嘅鮮味😍脆米蒜香雞（半隻） $228呢款菜式係廚師推介之一，薄薄嘅雞皮🐔 咬落去好脆口，然後啲雞肉食落去好滑好嫩，完全食落去冇乜皮下脂肪嘅油膩感，入口亦都有啖啖的蒜香味🧄西班牙火腿琥珀米種浸時蔬 $158蔬菜我哋揀咗芥蘭因為係當造季節，蔬菜配埋米漿再加埋啲西班牙黑毛豬火腿，配搭的確好新鮮😹，但係食落去有驚喜！火腿嘅鹹香味配搭煮蔬菜再加埋啲米漿一齊食，幾特別嘅味覺👏黑松露和牛砂鍋飯 $268呢個砂鍋飯係一鍋鍋上盤！份量都幾大，而且一擺上盤已經散發住好香嘅黑松露味🤩飯粒炒得都幾濕潤，吸收晒黑松露同埋和牛嘅精髓，食落去啖啖油香味粒粒分明🥹🥹🥹
繼續閱讀
一行八人在此處晚膳慶祝生日。一去到入座後，服務員說轉頭來介紹菜式，過了超過15分鐘鐘，仍沒有回來介紹。上菜速度十分快，但食物上桌時只是微熱，食物味道也只是一般，性價比低。特別是個薑汁炒芥蘭，居然有獻汁，又冇鑊氣，味道也比不上一般大排檔，但價錢就係大排檔嘅一倍。其他食物也沒有什麼特色，個吉列和牛，食落好似將啲牛肉打爛，用吉列粉將牛肉包住嚟炸，好失望。生炒糯米飯唔似係生炒，亦都好油。全晚最好食嘅居然係羊腩煲，但用嚟整熱個煲嘅蠟燭試過兩次未用完就熄，所以都係喺微溫嘅狀態下進食。估計大部分價錢去咗裝修同租金度。今之用餐嘅體驗十分不理想，餐生日飯食得麻麻，幾掃興，食大排檔會好好多。唔會再幫襯，亦唔會介紹俾朋友。
繼續閱讀
早前order了一客食神叉燒蛋飯外賣裡面的叉燒味道同香味係OK嘅但係5塊叉燒，除咗燶燶哋嗰一小塊係肉，其餘四塊全部係肥豬肉+咬唔開嘅筋連住少少肉。$74 一客飯，我expectation唔係咁。之後我打電話去餐廳講返，其實可唔可以換返一碗，因為小朋友同老人家食唔到咁靭嘅筋，連我自己都咬唔開。佢哋解釋，佢哋嘅叉燒飯係有啲部位係咁，只可以我哋下次幫襯送返碗糖水俾我哋。真係好失望，$74我係買咗白飯，+一小塊燶咗嘅瘦肉+一隻煎蛋。之後我都有再去幫襯，係炆米。但真係勁咸，食完之後我都有同職員反映。希望你哋真係改善下食物嘅質素。
繼續閱讀
您可能會有興趣的...