大三圓

此店前身為 粵園
4
0
0
港鐵銅鑼灣站 A 出口 繼續閱讀
電話號碼
29839899
營業時間
今日營業
11:00 - 15:30
18:00 - 23:00
星期一至日
11:00 - 15:30
18:00 - 23:00
付款方式
Visa Master 現金 銀聯
座位數目
204
其他資料
Wi-Fi
自帶酒水
加一服務費
有關餐廳
大三圓酒家 ▹ 粵菜
「粵菜」乃中國漢族八大名菜之一,亦稱為「廣東菜」,粵菜由廣州菜、潮州菜、客家菜及順德菜組成。粵菜烹調食材涵蓋範圍很廣,其主要特色在於著重食物原鮮味和配合,為了保留原味,一般比較清淡,多以清蒸方法烹調,使其鮮而帶有濃濃味道。

食評 (8)
等級6 2018-01-04
5245 瀏覽
作為一個土生土長地道香港人,隔了一段時間冇飲茶食點心,就會渾身不自在 ⋯⋯ 所以今日就揀了這一間開張不久的【大三圓】以滿足口腹之欲。去到門口,已經覺得似曾相識;等位期間,望望擺放在前台旁邊的餐牌,名字竟然係【粵園】。記憶立即湧上腦海,大約半年前正是在同一地點飲茶食點心,只不過當時酒樓名字是【粵園】,今日已經變成【大三圓】。室內裝修及陳設基本上完全一樣。特別為了酒樓改名一事問經理,只尷尬地笑着回應:「都係同一個老闆,只不過想改個名字罷了!」心中嘀咕:「開設傳統中式酒樓的老闆都應該有返咁上下年紀、又多數信風水,一定係為了增加生意而改名吧!」既來之則安之,儘管試一試有沒有進步。出於八卦心理,即刻搜尋半年前的食評,將當日和今天的點心價錢作一個比較 ⋯⋯ 雖然兩次飲茶所食的點心差不多完全不同,但從點心紙的大中小點價錢就發現,重新裝修之後大約便宜了10~15%。名牌小籠包(大)($36)。自從試過幾次很難吃的小籠包之後,除非有特殊情況,不會再在廣東酒樓點這一個點心,今日因為見到鄰枱叫了一籠,遠望過去好似幾好食,就俾一次機會。一籠只有三個,雖然皮薄(可以隱約看見內裏湯汁),但整體賣相不算理想;尤其小籠包的摺紋唔均勻、又包得唔工整,每隻做唔到大小一致,小籠包頂端的麵粉皮明顯較厚。用匙羹托着一隻小籠包,原來包底夠皮薄,比表面賣相優勝,湯汁在小籠包內蕩漾。湯汁夠鮮甜、豬肉餡料又刴得幼細無渣,以廣東酒樓標準來說,算相當不錯了,雖然自詡名牌似乎有點自大。鵪鶉蛋燒賣(中)($29) 是個老派點心。燒賣皮包裏著切幼粒免治豬肉,上面放粒預先烚熟去殻鵪鶉蛋一齊再蒸,多了一些工序。鵪鶉蛋雖然細細隻、蛋香又稍有不及雞蛋;但鵪鶉蛋的蛋黃蛋白比例較雞蛋大,烚熟了的鵪鶉蛋黃也雞蛋黃幼滑,用來做點心就很合適。不同於乾蒸燒賣,鵪鶉蛋燒賣的免治豬肉餡料應該較濕潤、有咬口之餘要鬆軟,類似好食的豬肚燒賣或豬潤燒賣的那嚿切幼粒免治豬肉球;但這三粒鵪鶉蛋燒賣的切幼粒免治豬肉餡就很一般了,做不到要求。春風得意腸(大)($36) 是近年出現的變奏版腸粉(其實也有了十多年吧?),每間酒樓的餡料及造型也有差異,這𥚃的炮製方式就相當好。餡料是鮮蝦春卷,以切粒蝦肉為主,沒有多餘材料;春卷皮外尚有一層脆網,除了提升賣相,也可增加鬆化口感。腸粉皮夠薄,只是薄薄一層包裹著新鮮炸起的脆網鮮蝦春卷,而且唔會黏著筷子。咬下去有四重口感:腸粉皮的滑溜、春卷表層脆網的鬆化、春卷的香脆、切粒蝦肉的爽口鮮甜。無論蘸豉油、麻醬及甜醬任何一款傳統廣東腸粉醬料皆好食。懷舊馬拉糕(大)($36)。比起【粵園】年代的 $55 一籠便宜很多,但印象中【粵園】大籠很多。將兩者照片比較,半年前一籠可以切成 12件;由於馬拉糕細個了,今日只能切 8件。馬拉糕呈極深褐色、有啲過份,而且表面唔夠平滑,賣相唔算吸引。馬拉糕的橫切面及中心部份沒有明顯及大量氣孔,唔夠鬆身,雖然形態都似幾十年前老派廣東茶樓的原蔗糖馬拉糕,但只有其型、欠其實。咬一啖馬拉糕,果然唔夠鬆軟,蔗糖香味亦唔夠明顯,只是一件麻麻地的懷舊馬拉糕,【粵園】年代更加好食。迷你蛋撻仔(中)($29)。第一個驚喜是一碟有四個,而且唔算超級迷你,比起很多酒樓的蛋撻仔點心只有三個,感覺良好。標準酒樓出品,肯定係預先焗定一盤,很難碰上剛剛新鮮出爐;雖然唔算熱辣辣,但廚房有用電熱板保溫,尚算夠熱。味道不錯、唔會太甜,而且是酒樓少見的酥皮。難得酥皮夠牛油香、又夠酥化,並沒有因為長期用電熱板烘焙而變乾變硬;估計並非超大量預先焗制備用、乃分批焗制,抵讚!蝦子海參炆伊麵($148)以乾燒伊麵為基礎,炒得夠香口,尤其毫不嗇惜加入了大量蝦籽,每一箸伊麵皆滿口蝦籽甘香。海參份量之多更加可以說是超值,即使不是甚麼高級乾貨,但腍滑、有膠質,唔會好似浸泡時間唔足夠、或者貨源差而又硬又爽。其實碟伊麵已經好好食,如果乾濕平𧗾做得更佳會更美味。上次給【粵園】的標題是「定位問題」,對於改名後的【大三圓】整體出品質素印象較佳,而且價錢定位又便宜了少許,比較下自然要給予「笑臉」。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-04-08
269 瀏覽
唔係數十年前那間大三元,環境價錢唔同但同樣是吃點心,我最開心是芋角(看照片就知),好多茶樓唔做,有都唔係好掂,啲油同火都重要㗎,油舊會好難吃; “翠玉軒” 不妨一試,呢間就真係要試,仲要價錢平些 繼續閱讀
(以上食評乃用戶個人意見 , 並不代表OpenRice之觀點。)
等級1 2018-03-15
525 瀏覽
本人於年初三(即2月18日)跟公司同事一行17人 喺呢間酒樓食開年飯。揀呢間酒樓唔係因爲啲嘢好食,只係因為佢話會畀房我哋,同埋喺公司附近。 點知就食到一肚氣。我哋喺2月14號預訂枱嘅。因為我哋多人所以訂枱時已清楚要求要有房。 而當時佢哋亦喺張訂金收據上面寫咗話會比房嘅。 仲帶去訂枱嘅同事睇到 時會間房個位。點知當晚我哋去到嘅時候,變咗係坐大廳。 我哋當然嘈佢啦,佢又話我哋冇講。 跟住我就拎張訂金收據出嚟,咁佢就冇得出聲啦。但係因為 當時所有房已比其他檯嘅客人用咗,最後我哋就焗住要喺大廳食。呢啲咪叫做貨不對板囉。做生意唔係咁做嘅。啲嘢食係點,都唔好嘥氣講啦。去過食嘅人都知, 唔可以叫好食囉 。以後唔使錢我都唔會去食囉! 繼續閱讀
(以上食評乃用戶個人意見 , 並不代表OpenRice之觀點。)
等級1 2017-10-16
7137 瀏覽
月前朋友生日,在大三圓宴客,試過了很豐盛的一餐。食物質素跟很多中餐名店相比,不相伯仲。很久沒有品嚐過的靚乳豬,上面是一層薄薄的脆皮,下面則是肉質幼嫩多汁的豬肉,值得推薦。當然還有其他食物如脆皮雞,水煮魚等等菜式也是可以加入推薦行列。今天特意與朋友再度上去試試午餐,看看質素又如何?估不到價錢原來十分相宜,點心與一般銅鑼灣酒樓差不多,但是質素較為優勝。除了點心外,我們點了兩客龍蝦168套餐,每人除了有半邊清蒸龍蝦外,尚有點心,內容豐富的例湯,很鮮味的魚湯浸時蔬,义燒雙併,炒飯等等。每款都味道啱啱好,超值。極力推介。如果服務能夠改善一點,將會是近來去過的最好食店。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-10-11
5742 瀏覽
原來高水準,不一定高價錢,大三園就是—個好例子。今日同老板出席商务午餐,有同事推薦了這家飯店,這裡的點心價錢公道,手抓羊腩味道豐富, 潮州粉果晶瑩通透皮薄餡香, 叉燒味道濃郁 肉質鬆軟 入口即溶, 最要讚的就是那個花生鳳爪,鳳爪非常之淋, 好食到連花生都食埋, 整體非常超值。老闆們一路講他們的百萬大計,我就一路吃我的美味午餐,最後還要提一提那個手撕雞,同蝦仁炒蛋,這兩個菜式貌似簡單,但是那手撕雞入味到要連骨都要食埋,那個蝦仁炒蛋,我老闆說啲蝦應該是新鮮蝦,不像雪蝦,我就真係唔知道嘞,蛋可能是湖南蛋,因為色澤很黃,其實我都係睇電視聽鼎爺講,知少少扮代表咋。 繼續閱讀
(以上食評乃用戶個人意見 , 並不代表OpenRice之觀點。)