大一海鮮火鍋料理 (已搬遷) 新店位置

平安夜黎食噶，咁岩平安夜開始降溫，最岩十下十下。位置：系寶勒巷噶萬事昌廣場2樓，無下面噶門面噶，系尖沙咀n2出口行過去比較快，大概3.4分鐘到。服務：我地無訂位，去到7點了已經，基本坐滿人，除了d6人桌，不過有好多系訂了位無黎，我地大概等了10分鐘都無就有位了，服務一般般啦，可能平安夜，多人，唔夠人手，我地每次叫，都好難叫到人。味道：叫了一個黑松露菌菇湯底，黑松露餃子，豆卜，青菜，安格斯牛柳小，檸檬薏米水，同埋墨魚滑，個湯底幾特別，不過距尼度唔添加味精噶，所以味道稍微淡了d，但比較鮮味，而且肉比較新鮮嫩滑，埋單好似系港幣700左右，因為唔系我埋噶

尖沙咀貴租係人都知道。普通食肆都會標高價。大一平時真是比較貴。但配料和火鍋都是比較特別。但到入夜之後有特價就不同。火煱底有多款不同款式。配料新鮮。價格合理。服務員亦禮貌週週。十分專誠推介

黎到啲個凍冰冰嘅天氣當然要食啲熱辣辣嘅野暖下身，今日就去左尖沙咀寶勒巷嘅大一海鮮火鍋料理DAIICHIHOTPOT打個邊爐喇。我自己真心要特別推介下個湯底：金湯腿翅鍋真係唔好好飲，湯底足料，又夠入味，完全超越左一個湯底啲個level！我地開始時係飲左一碗個雞翅湯先，有翅又有雞件，好好飲！之後再加湯打邊爐都仲keep到雞湯味。如果淨係個金湯腿翅鍋嘅為食指數，我比8分。(因為我好中意雞湯味）另一個湯底係大一花甲皇蟹鍋入面有超多黑胡椒，個人呢就覺得比較辣，唔係好食嘅辣。不過湯底都足料嘅，有唔少花甲仲有蟹添。火鍋料我地就叫左手切安格斯肥牛，肥瘦岩岩好啲雪花好靚仔，而且肉味好濃。另外黑松露帶子餃都推介，值得一試！除左打邊爐之外，仲有極上魚生拼盤 架，不過不失喇。 

#dinewifvivianfds 今次帶大家同埋網上平台的朋友仔 一齊去試食依個尖沙咀的大一海鮮料理呀😛👅😋作為一個貨真價實的港女 最吸引的就緊係最大碟的極上魚生拼盤啦🤤 整體都新鮮唔錯 拖羅肥美油香😋 但太多人啦試唔曬所有刺身😢 貪吃的吃貨覺得可惜😭😭 不過唔緊要啦有機會再試過啦～到主菜邊爐 未開始落野果陣 老闆起勢咁推介我地試試個雞翅湯底 哇一飲果然有驚喜 話就話湯底 但口感濃郁 飲得出好足料 個翅仲好軟好滑🤭雖然我覺得食翅好有罪惡感 但係佢唔煮都煮左囉 唔食曬佢仲浪費🤤唔理啦食啦食啦🤣🤣 火鍋配料方面整體平平 不過個平地新鮮手切肥牛幾香 值得一讚 期待下次再同大家以試食專員身分 周圍食食食😝😝😝✌🏻#zolar #zolarShare #zolarfoodie #zolarx大一海鮮火鍋料理 #大一海鮮火鍋料理 #DAIICHIHOTPOT #金湯腿翅鍋 #大一花甲皇蟹鍋 #極上魚生拼盤 #黑松露帶子餃子女

#金湯腿翅鍋 $399冇諗過打邊爐都有咁好味既湯底☺️成煲湯d料勁多,一條條翅好有口感，令女們要飲多幾啖補充下骨膠原🤣#川芎百芷魚頭鍋配鮮雞半隻 $289聽講入面系用漢方藥膳做湯底，有幾種藥材，建議打邊爐前飲一碗湯暖暖胃先😚 之後再加雞落去，咁就好補啦🤗#極上魚生拼盤好正好鮮甜，有馬糞海膽半版，牡丹蝦，吞拿魚腩，赤背，帶子，三文魚腩，劍魚，咁多選擇吾系樣樣食既我都有幾款岩食❤️ .#本地黑毛豬腩片 $239今次打邊爐食左好多豬肉 ,因為口感太正切得好薄#新鮮本地手切肥牛 $339肥牛有肉味香濃之餘牛肉既雪花仲好靚每一塊都切得好平均 碌一碌就食得 好正啊👍🏻 .#黑松露帶子餃 $129咬一啖好香濃嘅黑松露味飄哂出黎，啱晒我呢種松露控😋.#松露芝士墨魚丸 $129呢個又系冇得彈 芝士同墨魚超夾整體好味指數： 7/10———————————————————-#大一海鮮火鍋料理電話 : 📍地址：尖沙咀寶勒巷3-7A號萬事昌廣場2樓1室營業時間： 11:30-02:30

係呀，我又打邊爐啦🥘✌🏻冬天唔打唔通夏天打咩😝講番正題先，今日呢個煲又有啲意外驚喜喎😋🦈🐷金湯腿翅鍋 $399金湯腿，本來以為係金華火腿，腿就係腿，不過係西班牙火腿，首先煎香火腿，然後再加雞湯餚足6個鐘，令到成個湯味道濃得黎又唔會太咸，再加埋大大塊嘅翅，每啖都係精華，煮出黎嘅邊爐食材唔洗點豉油都夠晒味😋記得要飲湯先！飲湯先！飲湯先！ 🦀大一花甲皇蟹鍋 $349一煲裏面有成兩隻蟹係咁多，加埋成鍋蜆，用料十足，不過略嫌胡椒重手咗，食唔真海鮮嘅鮮味 🐟極上魚生拼盤 $699一出場，個個都Waaaa一聲，仙氣飄飄咁飄入黎，呢個出場真係冇得輸！ 🦢日式鵝肝墨魚丸 $149呢個幾特別，用手打墨魚滑🦑包住鵝肝，好彈牙，又有香濃鵝肝味🦢 🦐鮮打海蝦丸 $109有煮開嘢食嘅都知道，要手打蝦膠，其實都幾多工序，首先要去殼去腸，再拍再刴，再搓再打，無限輪迴，先可以製成一粒蝦丸，呢個蝦丸蝦味十足🦐🦐，而且彈牙唔粘碟，全靠師傅嘅純熟手勢先做到，值得推介黑松露帶子餃 $129滿滿嘅黑松露加帶子，加埋金湯嘅加持，鹹香得黎，又帶點鮮味

來去一試大一海鮮火鍋料理的水準如何~😉有卡位有房,空間寬敞及私隱度高,總體環境不錯,地方坐落舒服,聊天聚餐是不錯的地方~👍.*金湯腿翅鍋 $399 及 *川芎百芷魚頭鍋配鮮雞半隻 $289-金湯腿翅鍋 湯底選用36個月以上Ibérico黑毛豬風乾肘子🌟及老雞熬制配上6兩魚翅及半隻嘉美雞💫,魚翅量多足料同雞肉,味道香濃豐富,相信煨制時間不短有火喉👍-川芎百芷魚頭鍋川芎能舒緩頭痛,白芷袪風止痛,消腫排膿,魚頭有暖胃養血,養生功效不錯🌟*大一刺身孖寶 $599海膽味道甘甜，質感細膩,拖羅紋理漂亮，幾乎入口即溶,😜三文魚及劍魚腩大片厚切，質感肥美啖啖肉☺,牡丹蝦肉質腍身滿滿蝦味,帶子同油甘魚也不錯*新鮮本地手切肥牛 $339油花滿佈的肥牛吃起來特別軟滑好味✨*本地黑毛豬腩片 $239黑毛豬比白毛豬好動，肉質更結實，更有口感，撐本地~!🔥*黑松露帶子餃 $129 及 *松露芝士墨魚丸 $129飽滿的黑松露帶子餃,松露味道適中,帶子具鮮味，兩者配搭不錯😙黑松露把墨魚的鮮味提高了幾倍，加上漿爆的芝士~COOL~😄.這家店內有設140多個座位可以坐，座位亦寬敞舒適，如果和朋友行到累來吃火鍋刺身野和聊天

2019年和今個冬天的第一次打邊爐，一班人一齊去<大一海鮮火鍋料理>烚吓烚吓，傾吓計，開開心心又一晚點了兩個湯底，各有千秋，<金湯腿翅鍋>，以老雞和西班牙風乾火腿熬製成，配上鮑翅，像雞煲翅打邊爐，好奢侈的感覺起筷前🥢，飲返碗湯先，味道濃郁，並帶有鹹香。另一個湯底<大一花甲皇蟹鍋>，大量花甲和兩隻🦀，加上一大堆菇菌，材料一樣豐富，當然都飲返碗先，湯底有胡椒的關係，所以味道鮮甜外，更有胡椒的香味。一大班人，點了個<極上魚生拼盤 >熱鬧下新鮮就當然係一定，口感厚肉肥美，且鮮甜這火鍋之夜， 好多配料都好正，如果要私心推介，我會揀以下這三個💖<頂級安格斯肥牛>，油脂均勻，厚薄適中，賣相靚，牛香味濃，肉質一d也有嚡，正👍🏻💖<黑松露帶子餃>，皮薄餡靚，餡料中間真的有大大粒帶子肉，豬肉加入了黑松露，用了十足，食落有黑松露的香味。💖<女皇粉>，聽起來好有霸氣，原來是自家製用粘米粉做的，未煮前是白色，有點像椰子肉，煮好後，呈半透明，吃起來口感煙煙靭靭，幾得意

今日同男朋友同埋男朋友一家人黎食飯，叫咗個花膠雞湯底，價錢係貴嘅，但個湯底未落火鍋材料前先會讓你飲兩碗湯，湯底足料同好味。其他火鍋料亦算新鮮但價錢偏貴，叫咗隻阿拉斯加長腳蟹，都算多肉同有海鮮味。場內侍應服務一般，以呢個價錢去食飯會希望有更好嘅服務質素。環境亦不算寬躺會聽到隔離枱傾計， 所以整體來講，呢餐飯性價比不高，仲有啲偏低添，未必會特登再去食。除非價錢改平一啲，又或者服務質素提高一啲，令到價錢同服務成正比。

公司聖誕聚餐年年都吃火鍋。今次二十幾人，提供的所謂’包房’, 只是有一半牆與大堂之間多了兩塊薄板。大堂全晚噪音鼎沸，全無任何隔音、私隱可言。所叫四個湯底：松露、花膠雞湯、沙爹，即使食到最後，個個淡而無味。材料質素非常普通，價格卻是過往十几年公司聖誕火鍋最貴的。食客似乎多為游客。全晚多次叫侍應加飲品，卻一直冇人。房間坐得非常迫，全無服務。冇下次！

Service is horrible. We ordered black truffle cheese balls but came with squid balls. Since this is the first time we are here, therefore, we have no idea whats the cheesy squid balls going to look like. After we have tried the squid balls, we realised theres mo cheese. Then we told them this werent the one we ordered. We have been questioned that “so why you ate them “ for 2 times from different staffs. We felt humiliated because if we dont try it how would we know if they have cheese inside ??

成班朋友好耐冇一齊出黎食飯，決定係尖沙咀方便大家。有人推薦左大一火鍋，話平靚正！於是大家都決定一試。一坐低就揀湯底，要左一個黑松露雜菌湯，一個海鮮番茄湯。真係唔錯，湯底足料，又夠入味！火鍋料叫左一碟牛魔王同豬八戒（牛同豬既各部位），值得一試！而黑松露芝心墨魚丸係當心既必食推介👍🏼👍🏼其他食材亦不過不失。11個人，大家食到飽飽都係$3300可以落樓，非常抵依。唯一美中不足係衛生比較差，我地食食下會見到小強🤦🏻‍♂️總體而言，可以一試！

出奇地竟然今日冇full-house,聽人講平日呢度都會full-house, 好好食架, 所以就黎試啦...星級之選因為原來呢度好多明星黎食架,所以就黎睇下佢有幾正啦..book左位所以唔洗等即入, 但係都冇乜人可能中秋正日好多人都驚出面多人掛..一開始食刺身類別先ge,我地叻仔同有用餐經驗ge人套定料, 留定左象拔蚌同凍蟹(個蟹d人話好食過好多長腳蟹), 仲叫左個劍魚腩.加拿大A級象拔蚌(32兩) -> 一個字 ->正爽.甜.鮮. 深色少少位置佢放開左的, 用黎淥兩下食都好正~~~~~凍花開蟹 -> 好鮮, 佢開得好好, 完全唔洗自己開的, D肉完全冇痴殼, 分數同象拔蚌差不多高..劍魚腩 -> 幾甜同入口即溶, 但相對上$99/6塊有少少貴因為唔太大, 同埋佢係有3塊厚切, 3塊薄切.不過冇計啦, 有d打邊爐正ge食店, 刺身類都係新鮮d, 都不得不試..........講返打邊爐o個part先, 我地揀左鴛鴦鍋 - 野菌黑松露湯鍋+杏汁白菜豬肺鍋如果鐘意黑松露的你地一定要試, 啖啖湯都有滿滿的黑松露, 好濃好香...杏汁白菜豬肺就有少少稀, 唔太

夏日火火亦無阻我同朋友打邊壚既心，，經朋友介紹話呢間好好食，又就腳，即時要訂定台，即晚食。野菌湯就試得多，加埋黑松露，呢個新嘗試好特別，原來都幾岩打邊壚。另外叫左碟手切安格斯肥牛，肥瘦岩岩好，肉味好濃，食到停唔到口。呢個椒鹽粟米都好岩餐前食下，又香口，粟米又爽口。魚三角，新鮮，肉又滑，連我唔食魚都搶住同我朋友食。黑松露餃同雲吞都皮薄餡靚，味道濃，值得推介。牛丸同墨魚丸都好彈牙，應該係手打，墨丸魚好新鮮，有食海鮮既感覺。油炸鬼原來用嚟打邊爐都好好食，講起都想再食，蝦膠都好彈牙。

大一海鮮火鍋，再來一次。火煱點左個自家製湯底，一半係野菌黑松露煱，另一半係杏汁白菜豬肺湯，上到枱打開蓋已經聞到好重黑松露味，好香。而杏汁白菜豬肺湯，湯水奶白色，好足料，平時呢個老火湯竟然用黎打邊爐真係非常特別。個湯底每日由大廚新鮮淆製，無添加仼何味精，十夠自家湯水一樣。野菌黑松露湯，黑松露味濃，配合埋多種野菌更加突出。杏汁白菜豬肺湯，白如牛奶既湯，飲落口好似飲緊杏仁奶咁，而豬肺係用黎煲湯前明顯有處理過，完全無酥味，一流。火煱配料叫左個兩款牛，有牛胸爽同本地手切肥牛，牛胸爽真係唔係好多地方有，食落牛味好重，而且好爽，遠睇以為係牛既脂肪，原來都係牛入面肌肉既一部份。滾一滾見到牛胸爽收縮就食得，食落口好爽，但牛味好重。而本地手切肥牛，肉花分佈均勻，食落口唔會韌，油花睇落都幾平均。仲有一碟，本地黑毛豬，無咩太大驚喜，尚算不錯黑松露帶子餃同芥末蝦餃王，入面有足料黑松露而且好香濃，反而芥末蝦餃王，熟左之後芥末只有香但唔會辣，好食。松露芝士墨魚丸拼牛筋丸，呢個牛筋丸好彈牙但稍為偏硬左小小，但整體都幾好，唔似得機器造個種，而且裏面好多肉汁。最後仲有一個冰菜，外貌似結左冰一樣，當然係假嫁啦。但發覺滾完之