影片
招牌菜
呢間日本餐廳一年前同媽咪食過一次, 當時散叫, 記憶中當時叫o既壽司同埋脆豆腐都好好食。不過餐廳就無乜客人咁。事隔一年, 話說逛團購時見倒屯門有日本放題, 好似幾吸引, 當日又唔知點解睇唔倒個地址就係呢度, 買左之後先發現, 原來係呢間餐廳, 立即上黎openrice望下食評先~嘩...都幾多差評不過買都買左, 又懶得退, 又近自己屋企~ 於是就抱住即管試下o既心態黎試試...當日book左2位, 黎到完全唔需要等位。餐廳商場內入口位置多數係迴轉壽司位, 行入小小就係卡座。店員安排我地坐左入雙人卡座, 雖然係2人位, 但唔迫, 旁邊放曬手袋大褸都仲有鬆動, 唔錯。跟以前裝修有小小唔同, 感覺呢度裝修都幾花心思。食物落左order後黎得好快。刺身-新鮮, 三文魚肥美, 其他刺身我一向不太愛吃, 朋友話好鮮味, 即時再order！蟹子沙律-好味燒蠔-個汁係沙律醬汁+芝士等風味, 好味, 隻蠔就太細粒, 再order o既時候有兩隻大隻少少, 即時覺得好好味, 另外一提開蠔開得唔好, 有蠔殼>.<雞軟骨串-我好鐘意食雞軟骨, 每次食日本野都一定叫, 估唔到佢燒得咁好, 唔乾, 啱啱好脆身, 而且椒鹽味適中。燒和牛壽司-和牛燒得好, 唔會韌, 個汁亦好味燒三文魚壽司同鰻魚壽司都好好味燒羊架-ok, 燒得唔韌, 味道亦好牛肉粒-一般, 稍為韌左啲~蕃薯天婦羅、吉列炸蝦-好食, 脆身, 唔厚粉=]年糕魚餅-好 好食~! 好特別o既口感炸芝士、炸西蘭花薯波、炸雞- >.<呢幾樣好難食, 層皮勁厚呢, 又厚又硬, 咬唔開咁滯... 本來薯波入面個薯蓉味道好好, 因為個皮所以完全扣分。希望遲d佢地會改善一下個炸漿... 天婦羅同吉列係完全無問題o既, 點解其他炸物會搞成咁?其他食物仲有牛油粟米、炒雜菜、麵豉湯、三文魚魚胶...等等, 全部都屬正常至好味, 唔再詳細講。飲品除了有汽水, 有啤酒, 仲有三個口味o既梳打, 我點了巨峰梳打, 朋友點了水蜜桃梳打, 不過味道偏淡, 如果濃返少少就好味。食到好飽, 最後出去甜品櫃望下先~~只係9點鐘, 個甜品櫃已經比人掃得七零八落, 得返一款芝士餅, 幾杯啫喱, 本來有5個口味o既Dreyer's雪糕, 只剩芒果同士多啤梨味=0= 其實時間唔晏, 11點先close, 建議見客人食曬D甜品, 應該添置返少少。食左杯啫喱, 都幾好味=]走o既時候見倒大門口有個價錢牌, 即日5pm前訂座有9折, @@其實唔買團購黎食o既話, 都差唔多價錢, 團購上寫一位正價$4xx任食5小時, 有點太過了啊~!今次好有驚喜, 下次會再黎試多次 亦有興趣到同集團o既元朗&葵芳分店試下。
繼續閱讀
因同事介紹話佢抵食 (可能係講緊放題！)我夜晚成 9 點先入去，已經冇乜人，得返少貓三兩隻，但因為湊住對B，冇可能慢慢食放題！唯有點 2 個麵 + 散叫壽司啦得幾個客，但烏冬都等左 20分鐘先第一碗到，再等 10分鐘先第二碗黎 (即30分鐘)d 餸少到喊, 1. 叉燒拉面, 得4舊, 好多肥位, 仲比勁多唔好食既菜！ D 拉面又"林"晒, 發脹咁！2. 豬扒拉面, 炸得太勁, 炸粉多過乜 .. D 烏冬好普通 ..d 散叫壽司仲衰, 舊飯勁大，d 飯好硬。全部都係靠豉油1. 三文魚壽司, 三文魚 d 勁細 .. 2. 熟蝦壽司, 舊蝦好似擺左好耐咁, 好乾身！冇蝦味！3. 紫菜卷 d 紫菜"林"晒, 都唔知包左幾耐！4. 櫻花魷魚 / 黃金魷魚, 紫菜包住, 但 d 櫻花魷魚 / 黃金魷魚直頭少到數得出得幾多條！面頭望落去見到有飯添！可惜我帶住d仔去，冇時間影相 post 上黎！如果我係放題，我就會預左！(但得幾個人，冇理由唔知我係散叫)但我係散叫！又等得耐，d野食又差！
繼續閱讀
係雅X團購放題,係食過最難食既日式料理店! 刺身有雪藏同腥味,天婦羅皮厚餡少,串燒又乾又硬,火鍋肥牛唔新鮮同硬... 比較好食既係甜品,因為唔係佢整,係買番黎 不過Dreyer雪糕得4隻味,自己挖,空左3桶都唔換 我同朋友一齊食,由於佢D串燒同天婦羅太難食,我地只食入到口既部份,例如唔食烤硬左既串燒皮同天婦羅皮,食肉食餡,點知店員指責我地浪費食物,要求我我地食番已同食物殘渣放埋一齊既皮,否則罰錢 ,好核突,差差差~ 我地都唔係食開好野,放題都係食開百幾蚊,但呢間真係完全唔店,仲令我要食兩日粥清腸胃,真係中哂伏
繼續閱讀
星期六晚上同老公食放題, 因為第二位有半價, 超抵! 原來最近裝修過, 氣氛還不錯. 最緊要有卡位, 可以坐得舒舒服服.食物算多選擇,刺身壽司和食都很多款. 刺身也很新鮮.最愛他的自助甜品櫃. 鍾意幾時拎都得~ 等緊正餐時可以食住甜品先, 唔洗等... 正下次會再幫襯~
繼續閱讀
求求其其的一餐半餐飯我已經不會再寫，但今早食這個麵餐真是食到我火都黎，不發洩不行﹗因為住在附近，以前周不時也有在這裡吃早餐或下午茶，不過自從餐價和份量的比例差距越來越大後，已經好少過去食。早前聽媽說早餐又回復當年勇，今天便拉著妹妹去吃，只因早餐有拉麵食，放假，想食一些平時返工吃不到的東西。A3咁大張的早餐牌，字體特大，可讓老人家看得清楚，其實這集團的老闆也算有善心，由開業至今都推出十元扶老攜幼餐。以前吃拉麵餐還配有一份雜果沙律，我每次都會退回，所以今次拉麵餐已沒附加，更好，不用煩。麻辣雞扒拉麵(可走辣,可選烏冬)，是全場最貴的早餐，賣二十五元。看到餐具全部換過哂，麵碗又是那種大大個容量特細的那款，心想應該是FOR跟餐的粉麵吧，拉麵餐是正價餐喎，我相信不可能用那個碗的﹗(加上以前拉麵餐是用正常湯碗上)等了好耐先有得食，哇，真是烏鴉口，原來拉麵餐都是用這種呃秤碗。妹妹吃走辣的麻辣牛肉拉麵，肥牛肉有四﹑五片，拉麵只有一飯碗量，半隻蛋，少少海帶，幾粒粟米及一片嗚門卷。連不大食的她也覺得太細份了。之後才有我點那碗，配料一樣，但主菜更少!!!!!!!!一塊雞扒已分開五件，看似有五件，其中兩件是雞皮來，(這一刻我好想XYZ...加即場退貨﹗當然我沒有這樣做...orz)，那三件雞扒我不應該用件去度量，而是用片，薄如紙的雞扒我真是第一次見，三片串起來才等於外面吃到的一件雞。味道都不想有什麼形容，我對食要求不高，入得口已經OK，而且入得來就預左是食港式拉麵啦。只不過今天不想吃蛋，才不點那些配套多多的西餐....看到旁邊食客點的'和風扒餐'，有大大塊扒，有蛋有多士有焗豆添，而跟餐的湯粉仲大碗過我們面前的拉麵!!!!!都只是二十四元。店方如要拉上補下也不應那麼著眼吧，最後食完只有五成飽，慘~我去大家樂食好過了!!!今次中伏鳥。
繼續閱讀