多多雞大排檔

元朗有好多大排檔，但我比呢間嘅招牌燒雞吸引咗!! 一定要黎食!夏天食大排檔有風味之餘最緊要有冷氣，呢到有2層室內，都有冷氣，可以食得舒舒服服🥢炭火燒雞基本上每枱都必點! 建議一入座就叫左先，因為即叫即燒，要等30分鐘~原隻上枱，好有睇頭!! 一上枱已經聞到陣陣燒烤香味，雞皮燒到金黃色，仲有啲微微焦痕，帶少少油光，賣相超有食慾! 啲肉仲係嫩滑多汁，冇焗到乾晒。雞皮脆卜卜，咬落去先有炭香，跟住啲雞肉鮮味就爆晒出嚟，肉汁滲晒出嚟，每咬一啖都好滿足，再點啲淮鹽，味道即刻再提升🥢西蘭花炒鮮魷西蘭花炒得啱啱好，保持到爽脆同水份，咬落去有啲“咔嚓”聲。鮮魷片厚薄適中，唔會嚡口，彈牙又帶鮮味。成碟菜用咗啲蒜同清雞湯快炒，味道唔會太重，啱啱好突出晒材料本身嘅清甜同鮮味🥢啫啫魚頭煲成煲熱辣辣，香氣撲鼻，啲魚頭件件煎到金黃色，外皮微微焦香，仲滲住啲惹味醬汁，煲底鋪滿晒蒜頭、豆豉、乾蔥、辣椒粒同埋蔥段，全部炒到香氣十足，魚頭皮脆肉滑，魚肉厚實又多膠質，食落啖啖黏嘴，送白飯一流…查看更多

多多雞大排檔今次係我第二次嚟元朗食呢間大排檔叫「多多雞大排檔」，每次嚟到一定會叫佢哋招牌菜炭火靚雞，係用大瓦缸高溫碳即場燒制，大約要等半小時，輪椅人士如果要入去食嘅話，連我都無辦法，呢間大排檔門口係有兩級，好彩門口可以放枱，無論天氣幾熱都好，門口放張枱，食隻靚雞，飲飲酒，幾熱都唔記得哂，依家有新優惠就係用$48可以堂食飲38支啤酒，仲可以叫大支藍妹，只要求其叫一碟小菜就可以用呢個優惠，今日買明天就可以用，每次只可以叫2支啤酒，六人以上可以叫4支啤酒，有效期兩個月期要用，非常抵飲！1.招牌即燒炭火靚雞$198/隻（9.5/10）呢隻炭火靚雞係用大瓦缸高溫碳即場燒制，大約要燒半小時，靚雞真係靚雞，大大隻燒到好靚，外皮好薄脆，一剪開肉汁流哂出嚟，雞肉好嫩滑，好新鮮！2.沙嗲金菇牛肉啫煲$128（10/10）呢個沙嗲金菇牛肉煲個沙嗲味非常正，粉絲完全吸收哂沙爹汁，牛肉肉質非常嫩滑，大約都有10片牛肉，金菇都幾多，仲有三色椒同洋蔥等等！3.乾炒牛河$108(9.5/10)呢碟乾炒牛河唔會太油，牛河上面落咗好多芝麻粒，牛肉肉質非常嫩滑，大約都有10片牛肉，仲有芽菜同蔥等等，加埋辣椒醬更好味！4.罐裝忌廉$12（10/10）正常味道，果晚起碼35度，凍飲已經唔係凍飲！5.罐裝可樂$12（10/10）正常味道，果晚起碼35度，凍飲已經唔係凍飲！6.大支藍妹$32（10/10）正常味道，果晚起碼35度，有冰桶都好似飲緊熱啤！2人總共價錢$490個人口味總評分：9.83/10  @duoduojifoodstalls  地址：元朗又新街37-51號富祐閣地下14號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#多多雞大排檔 #元朗美食 #元朗好去處 #香港美食 #無障礙餐廳 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

同老best真心想感受一下熱熱鬧鬧嘅夜生活😂決定找間人氣大排檔食飯吹下水，開開心心過一晚。✨招牌即燒炭火靚雞✨上枱就忍唔住 「嘩！嘩！嘩！」🤩🤩🤩，聞到超香，望落金黃靚仔，打卡一流👍🏻👍🏻 一啖下去，雞皮烤得香脆，雞肉滑嫩，名副其實皮脆肉嫩😍肉質不柴且見到不少肉汁，真的令人好滿足。✨王牌多多雞小炒王✨超級多料，內裏大有乾坤，有韭菜、蝦米、腰果、花生、白飯魚、魷魚及洋蔥等。超有鑊氣之餘，炒得極其乾身且非常香口，真的十分惹味，令人胃口大開，馬上叫碗白飯一齊食🙌🏻。✨椒鹽鮮魷✨炸衣薄，完整地包裹着鮮魷，不會有食粉的感覺，零粉感。一口下去，香酥且脆卜卜，彈牙又爽口，好食到舔舔脷😋餐廳非常熱鬧，可以開心暢談，氣氛超正👍🏻想睇更多介紹，馬上Follow我啦😁。#多多雞大排檔 #big_big_foodie #big_big_foodie食勻元朗 #big_big_foodie食勻香港 …查看更多

元朗算是少有還保留到很多大排檔的地方，晚上都非常熱鬧，而且是愈夜愈多人吃飯的。今天吃的這間更是特別用上炭火是燒雞燒叉燒排骨的，更是比較少見的。即燒炭火靚雞（１９８元）真的是即叫即燒，來到熱辣辣的，還聽到雞皮還在加熱的聲音，上桌可以叫店員幫忙斬或是自己剪，我們就選了自己剪加手撕的方法，這樣較能保留雞的肉汁！雞吃起來帶點沙薑和鹽焗的香味，不會醃得太濃味，保留了雞本身的雞味，皮脆肉嫩的，雞胸也不會太老，有肉香。ＰＳ雞腿真的好好吃！揀手梅頭靚叉燒（１２８元）叉燒的份量比想像中的要大，切完以後滿滿的一大盤，而且真的燒到帶點燶邊的，吃起來脆脆的，又能吃到柔軟多汁半肥瘦的叉燒， 而且真的能吃到炭火的香味。芋頭蒸扣肉（１４８元）這個份量真的挺足的，滿滿都是芋頭和扣肉，芋頭又香又滑，吸飽湯汁，醬香十足。扣肉燉煮得非常軟爛，入口即化的口感，滿滿肉香和油香。r…查看更多

今晚同朋友嚟到元朗多多雞大排檔歎鑊氣小菜，筆者最鍾意食燒雞，睇住經典港產片食大排檔，特別有風味！1. 馬介休魚香茄子煲 這道菜融合了魚肉（馬介休）與茄子，搭配傳統的魚香醬汁，味道香濃微辣，茄子吸收了醬汁的鮮味，煲煮後口感軟嫩，十分下飯。2. 西蘭花炒帶子 清淡又營養豐富，將鮮嫩的帶子與翠綠的西蘭花快炒，保持食材的鮮甜與脆嫩，簡單健康，清清淡淡為健康之選。3. 即燒炭火靚雞 傳統的炭火燒雞，經過高溫炭火燒烤，雞肉外皮酥脆，內裡多汁，而且10分滑嫩，香氣四溢，風味獨特，色香味俱全。筆者最愛食燒雞。必食之選！！！📍 多多雞大排檔 (元朗)📕元朗又新街37-51號富祐閣地下14號舖…查看更多

最近見到元朗這間餐廳每晚都要排隊，竟然咁多人冇人講。咁熱嘅天氣門口都坐滿晒人就知道佢有幾好食如果鍾意飲啤酒嘅話其實都不能錯過，見到佢做緊推介$48/30支啤酒，每六位每台就可以攞兩支，同朋友嚟食燒雞飲返兩啖啤酒，其實都幾透心涼直燒炭火靚雞佢最出名就係佢隻燒雞用炭火烤，真係有陣陣柴香嘅味道香氣撲鼻，皮脆但係肉質好軟滑，影完相之後就會幫我哋拎去斬，外皮咬落口好似薯片咁樣，一啖咬落去雞肉仲係好Juicy西蘭花炒鮮魷成日去到大排檔我都會食炒西蘭花，因為好鍾意佢哋嗰啲鑊氣，魷魚炒得乾爽得來唔會韌雞腎啫啫煲我平時最鍾意食啫啫煲，醬香濃郁，雞腎爽口彈牙飽滿，啖啖都都融入醬汁…查看更多

吃肉肉的快樂，來大排檔吃盡不同的鮮肉😍。🍗招牌燒哆哆雞招牌果然名不虛傳。焦糖般的色澤的外皮令人唾延三尺，皮脆肉嫩。雞肉燒得剛熟，微微紅色，而且醃得鹹香。打卡後，燒雞可以選擇自行手撕或請廚房師傅斬件靚仔。🍖碳燒排骨本以為是普通細排骨，沒想到是一整塊豬助排，超超超大舊啊😱足足有10支助骨，認真抵食！配著啤酒，與三五好友見骨拆骨，一定好滋味。肋排微甜，有蜜汁叉燒的味道，炭燒至流油燶香。🦪酥炸生蠔雖然一碟只有6隻，但但但！每隻都是極之巨型😍每隻生蠔有一碗白飯那麼大😱建議趁熱食最爆脆❤️以免放涼後回潮。脆漿下是 Juicy軟滑的蠔肉，大大口海鮮味，不沾酸竦醬味道也一絕啊！…查看更多

之前喺YouTube見到有人介紹呢間大排檔，見到佢嘅炭火燒雞同其他小菜都勁吸引！咁鍾意食中菜嘅我今晚就捉左屋企人黎試下😌❤️炭火燒雞招牌必點！👍雞皮燒得好香脆，夠薄唔肥膩就算係雞胸位都好彈牙唔鞋口😲調味適中😋早幾日食咗深水埗另一間出名嘅中菜半隻雞都要$168，呢度全隻先$198好抵！👏🏻❤️咕嚕斑腩我又不敵甜酸嘅引誘叫做咕嚕菜式😆醬汁包裹得好均勻，炸粉夠薄，咬落去仲係脆，斑腩肉厚冇骨啱晒我食！份量仲非常足👍❤️雞油炒芥蘭豬油炒就見得多，雞油炒真係比較少見所以試試佢！食落有鑊氣，我覺得冇豬油咁油，而且仲多咗雞嘅雞油香，唔錯👍炒得啱啱好保持住芥蘭嘅爽脆整體非常高質😋如果有朋友黎元朗探我都可以帶佢哋黎食😁…查看更多

🙌🏻元朗必食大排檔 食物即叫即整 燒雞真心超好食 香口又多汁 係呢度嘅大皇牌💖 手快有手慢冇 一坐低要即落隻雞先 其他再慢慢睇😛💗即燒炭火靚雞 $198/隻燒雞皮真係好脆口 脆感就係似炸子雞個種 食到嚓嚓聲 而且雞肉嫩滑 一路手撕 雞汁雞油係咁滴出嚟 真心正👏🏻 💗金銀蒜蒸開邊海中蝦 $158蒜蓉好香口 唔會苦唔會辣 蒜蓉蝦膏蝦肉一齊食 真心又鮮又好味👍🏻 💗椒鹽九肚魚 $128即叫即炸 熱辣辣 外層脆口 內層食到啖啖鮮嫩嘅魚肉真係好夠鑊氣又惹味 叫埋支💗Asahi 啤啤佢 真心爽 又滿足🥳💁🏼‍♀️8pm 前離座 全單88折💁🏼‍♀️仲有好多啤酒套餐優惠 …查看更多

多多雞大排檔｜元朗又新街51G號富祐閣14號舖｜炭燒雞一上枱全場嘩嘩聲！今日同班friend去咗「多多雞大排檔」開餐，果然名不虛傳！重點係佢哋隻炭燒烤雞，成隻金黃色咁捧出嚟，夥記仲要特登拎過嚟我哋面前「展示」一下，皮脆到反光仲滴緊雞油！肉質滑到似食緊棉花咁，仲要juicy到爆，連雞胸都唔「鞋」口，真心驚豔！ 其他小菜都冇hea做㗎～ 蒜蓉生菜：炒得夠鑊氣，蒜香撲鼻，菜葉脆綠冇出水，簡單但好食！ 嘟嘟滑牛煲：牛肉嫩到唔使咬咁濟，醬汁濃得嚟唔鹹，撈飯可以食三碗！ 椒鹽鮮魷：外皮脆到似天婦羅，魷魚彈牙唔韌，撒滿炸蒜同辣椒粒，送酒一流～ 環境就典型大排檔風味，枱櫈擠少少但夠熱鬧，夥記仲好風趣，成日同我哋講笑。下次一定會再encore隻燒雞！…查看更多

元朗一向多大排檔，今次去試一間叫多多雞大排檔，貪佢有冷氣。但這裡的地道風味卻讓人驚喜！一進店內，濃郁的香氣撲鼻而來，令人垂涎欲滴。我點了招牌燒雞和臘味煲仔飯，果然名不虛傳。燒雞上枱時外型獨特，睇完賣相之後，店員會幫你切成一塊一塊，而燒雞外皮金黃酥脆，肉質鮮嫩多汁，在烤時已把很多油逼了出來，吃的時候不會太油膩，而且食落啖啖肉，難怪是這裡的招牌菜。而臘味煲仔飯則是一大亮點，米飯煮得恰到好處，粒粒分明，底部還有香脆的鍋巴，少少焦香更加吸引。臘腸和潤腸不但份量足，而且味道濃郁，與米飯的香氣融合，層次感十足，讓人驚喜。小店相當熱鬧，我見旁邊枱叫的小菜全都非常香和有鑊氣。今次個煲仔飯有些大，叫唔到其他小菜，下次要再嚟試下其他小菜~…查看更多

我近排留意到呢間小店吸引咗唔少元朗街坊去食，招牌燒雞非常吸引，於是就同屋企人去試吓【蒜蓉粉絲蒸開邊蝦】蝦肉鮮甜，開邊後更易入味，蒜蓉爆得香，鋪底嘅粉絲吸盡蝦汁同蒜香，一啖粉絲一啖蝦，送飯一流【炭火燒雞】雞皮燒得金黃微脆，炭火香逼入肉層，如果唔夠鹹仲可以蘸少許鹽，最正就係雞髀位置，咬落嫩滑多汁【雜菜粉絲啫啫煲】熱辣辣上枱仲滋滋聲，白菜、菜心、金針菇等堆滿煲，份量夠大，粉絲索晒蔬菜甜味，湯底仲有少少胡椒味…查看更多

朋友介紹去元朗食最近好出名嘅炭火燒雞， 附近都係大排檔，夏天都好多人。原隻炭火燒雞係佢哋嘅招牌菜，每張枱基本都會食一隻燒雞，燒好會先拎出嚟畀客人影相，之後再幫你哋斬件。 我哋燒到脆卜卜仲有炭火香味，食得出係炭火原隻燒， 用沙薑醃製過連骨都入味， 一隻雞份量好多，抵食。招牌小炒王食大排檔我鍾意食小炒王， 因為一定要夠鑊氣先好食佢哋嘅小炒王都炒到好香，蝦米，魚乾，腰果每樣嘢份量都好足夠，送啤酒一流。新鮮菠蘿咕嚕肉咕嚕肉用咗肥瘦適中嘅豬肉,每一嚿都唔會好‘’鞋‘’, 酸甜汁做得好好，送飯唔錯亦都唔會好油膩。唔怪得咁多人食，燒雞果然係唔錯，而且佢嘅小菜都好有水準。…查看更多

做咗OpenRice 十年沉默食家，今次真係忍無可忍要開火！！！！！叫了隻招牌雞，結果足足等了90分鐘，等到其他菜一早食曬，嘢飲都一早飲曬！！！！！！！！！！！！！！！！！！！催單四次，伙計只會機械式回「快到了」！！！！！！最過份係第一次催單時明明話「就快得」，結果等極都冇影，結果足足等多了一個小時，擺到明仲未開始燒。這種效率對得起價錢嗎？餓到怒火中燒，等得連食慾都等沒了！！！！！！！！！！！！！！…查看更多

今日我去咗「多多雞大排檔」食晚餐，真係食到好滿足！😍 首先，椒鹽粟米一上嚟就吸引到我，粒粒都香脆，味道濃郁，吃一口就停唔落！🌽✨然後，啫啫通菜煲都好正，熱辣辣嘅通菜煲，加上啫啫聲，真係好有氣氛！🍲💚 通菜鮮嫩，配上特製醬汁，令人一試成主顧！接住就係炭火靚雞，雞肉外焦內嫩，炭香四溢，食落去好有口感，真係一流！🔥🍗 朋友都話好味，人人都想再嚐多一口！最後，瑤柱蛋白炒飯就係完美嘅結尾，米飯粒粒分明，瑤柱嘅鮮味同蛋白香滑，簡直係人間美味！🍚🥢仲有，記得八點前埋單可以享有八八折優惠，真係超抵！🎉💰 整體而言，「多多雞大排檔」嘅食物質素高，環境輕鬆舒適，服務態度都好好，絕對值得再來！下次仲想試多啲其他美食！✨🥳地址：多多雞大排檔 (元朗)香港元朗又新街37-51號富祐閣地下14號舖…查看更多