36
6
1
港鐵荔枝角站 A 出口, 步行約7分鐘 繼續閱讀
所有分店 (4)
電話號碼
26887833
營業時間
今日營業
10:30 - 22:30
星期一至日
10:30 - 22:30
*最後落單時間:22:00
付款方式
Visa Master 現金 八達通 銀聯
座位數目
86
其他資料
支持防疫 詳細介紹
外賣服務
加一服務費
食評 (50)
等級4 2020-05-12
7867 瀏覽
終於都嚟食到仲要唔使等位,真開心Menu比我想像中好似少選擇但真係大件夾抵食質素就唔好期望太高只可以話係中上,對得住價錢嗌完一輪又一輪中拖大拖依啲就真係一般般每舊都又足料又大件好滿足雜錦天婦羅都係抵食又正另外有幾樣唔錯:醬烤鰈魚鰭邊燒完之後香味更加出唔記得咗咩牛嘅壽司牛肉味重又嫩😆茶碗蒸蛋又滑又香仲要好足料,有蝦有帆立貝又有肉Cheesecake絕對係有驚喜芝士味好濃郁不過pat cream可以唧得有誠意少少第二次嗰舊就靚返少少🤏🏻Cream唔膩,深得我啲frd嘅喜愛但對我嚟講,奶味就重咗啲最後嘅戰績整體嚟講侍應服務態度好好,完全無因為多人而影響到每次有壽司送到嘅時候,部pad就響得勁大聲頭幾次都嚇一嚇仲有就係有啲好似酒樓式咁嘅感覺會有廣播介紹是日精選😦仲會有侍應捧住啲嘢食逐枱介紹😂朋友結論:最嘈嘅日本餐廳我嘅結論:性價比高,唔使排隊就絕對值得去食不過,要排成咁耐隊嘅話,就真係不了🤫 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-22
6724 瀏覽
20/04/2020-第7次食壽司郎而呢間分店都係第1次來🙈果然係比另外兩間分店細😂😂我自己一個人 朝早10:20左右就到排緊007號既籌😌😌不過職員都好好咁10:25就可以入座👍🏻所以呢 基本上係完全唔需要等就入得🤪正呀-先來一碗熱辣辣既蜆肉拉麵同埋面豉湯暖下個胃畢竟呢餐都係我嘅早餐😂😂但其實早餐前都有食啲野既haha😛拉麵其實都幾好食呀🙈煙煙韌韌咁我就最鍾意不過湯底好似比起烏冬既鹹啲啲而蜆肉都好味呀🤪海苔面豉湯飲完覺得好舒服😌我已經好似習慣左 好似日本人咁飲面豉湯😂呢個係芝麻漬真鯛👻鯛魚一直都係我比較鍾意既壽司🍣不過佢又係有筋😲😲唔知係咪所有鯛魚都係咁?定係咁岩我食親既鯛魚壽司都會有筋...銀魚仔拌麵我個人就唔係特別推介喇因為佢都比較油 好似啖啖都係油咁 食一次就好了不過個溫泉蛋烏冬係要不斷ENCORE再ENCORE因為真係好好好好食😋果然加左蛋就係冇得輸呀烏冬又係超級無敵煙韌彈牙 好想瘋狂叫來食但又要留返啲QUOTA食其他壽司😫食左個4月新品既海螺雙味 都唔錯呀幾新鮮螺肉彈牙爽口😚😚唔會話好似食緊橡筋咁咬唔開金碟既帆立貝係必食!相信我 鍾意食帆立貝既話就一定要叫呢個 但反而銀碟既帆立貝就好一般可能比較細粒完全滿足唔到我🤣🤣🤣🤣最後個人認為呢個茄子都幾好食😋佢應該係即刻燒出嚟所以都熱辣辣😃加埋甜味噌既味道岩岩好 呢個配搭不錯喔🙃因為之前係北海道食過一次茄子壽司不過個次既茄子🍆壽司🍣比呢個更加熱同油-整體而言 我都係會KEEP住食壽司郎暫時呢間分店最近我 期待佢遲啲再開更多分店最好新畀區就開多幾間啦Haha🤤🤤🤤🤤 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-27
8771 瀏覽
第一次試香港的壽司郎,雖然之前見過有人建議用APP即日拎飛,不過可能因為荔枝角店還是試業階段吧(?),之前經過問店員,佢叫我地可以11:-00到拎位,11:30正式入座。好吧,今天就就來試試佢!今日我地11點準時黎到,拎既已經係28號飛,不過見到座位表有成46張枱,都有信心可以第一輪入座(否則要等成個鐘,不了)。大約11:35被安排入座,店員問我地有無食過,並盡量踎低(以同我地保持一樣EYE LEVEL),詳細介紹落單方法,雖然介紹略有不足(混淆了兩款豉油),但態度都好好。用平板電腦下單,壽司每次只可叫四碟,應該係因為送餐帶每次只可以送到四碟,但組織同送餐都好快。整體係幾唔錯既!介紹碟款價錢的指示牌點餐平板電腦都幾好用,餐牌亦好多選項。下面三款係個人推介:荔枝角新店優惠$12大拖羅壽司——偏薄但都好抵食!原條海鰻壽司 ($27)——好食,仲可自己加穴子用既豉油。鹽燒三文魚腩壽司($12) ——都係抵食推介!其他都唔錯,埋單兩個人$360,以佢既價位黎講都食得唔平。我同老死兩個人都覺得食物質素係above average,可以一試。如果要排起碼半個鐘,我地應該都唔會成日諗去佢了。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-07-08
0 瀏覽
今日去mcl睇完戲,一出黎就係壽司郎,見門口唔係好多人,雖然有80個位係前面,但以為d人攞完飛就走左,應該唔使等好耐啦,點知都要等1個鐘(雖然都真係飛左好多張枱)等咁耐唯有係門口等下meau睇下一陣叫咩食啦!入去之前職員會先幫我地探熱,又會提我地用酒精洗手,入左去就會俾2個膠袋我地裝住個口罩,防疫措施都做得唔錯!入到黎即刻叫左我最鍾意既蝦三味,超級推薦,性價比極高,17蚊就可以食晒3款蝦(赤蝦、熟蝦、甜蝦)3款入面最鍾意都係赤蝦,超級正!所以我地之後都再叫多左碟蝦3味再加一碟香蔥赤蝦!既愛赤蝦又愛蔥既人一定要叫,蔥味勁香,同就咁食赤蝦係唔同感覺!其次,三文魚都係我食壽司必叫既,但普通三文魚($12)同埋厚切三文魚($17)比,我會建議大家叫厚切三文魚,雖然貴5蚊,但係值得既,因為普通三文魚塊魚超薄,舊飯大過舊魚太多,唔多享受到三文魚既美味,但原切三文魚就大塊好多,而且魚油味更重同香(唔知係咪因爲大塊d定真係唔同部位😂)第3樣推薦既就係帆立貝壽司,個帆立具超級大件,超新鮮,雖然偏貴,但值得一試!第4樣推薦既就係醬烤特選大吞拿魚腩,魚油香味超級濃,雖然係最貴既碟,而且唔大件,但魚油味勁香濃,食完之後成個嘴都係油,又唔腥,大家可以一試!我朋友就推薦大家試呢個和牛壽司,上面有蔥同堆薑,食落好有牛味,但因為我個人麻麻生牛肉所以就冇試到啦!我朋友強烈推薦食軍艦壽司,所有軍艦壽司塊紫菜仲係脆既,超正!鍾意醬汁既人可以多試軍艦,因為佢呢度既款式較外面其他連鎖式壽司店多,而且都好新鮮,正!至於甜品,我推薦既就係岩鹽焦糖卡達拉娜,食落口感似雪糕,但味道就似拖肥糖,雖然係岩鹽焦糖,但完全食唔到鹹鹹地既味道,焦糖味濃,但建議大家2個人share 一件會比較好,因為食落去既味道好膩!但有一樣比較失望既就係真烏賊壽司,雖然食落都係好新鮮,但就超韌,就算佢面頭己經𠝹左好多刀,但都係完全咬唔爛,所以如果大家牙力較好都可以一試! 繼續閱讀
(以上食評乃用戶個人意見 , 並不代表OpenRice之觀點。)
等級2 2020-07-06
0 瀏覽
用膳時間:6/7/2020(星期一) 下午3時20話說今日放假,上開飯網睇話下午四點黎等半個鐘到,我就打算過左午餐時間黎睇睇啦諗住頂多等一個鐘,點知最後等左成1.5個鐘,不過值得等🥰十分欣賞餐廳係衛生狀況方面無鬆懈,每個客人用膳完都會清潔乾淨,唔單止係桌面,我見到店員連鼓油個樽同埋個點餐平板都會清潔,值得一讚。由於我係自己一條友用餐,明知咁多人,佢地都照安排我坐兩人位,唔使同人share一格吧台,坐得好舒服😋用餐時間一個鐘,對於我一個人黎講十分充裕,但如果係幾個朋友一齊黎我就覺得唔夠,畢竟都會傾下計🤔,好事不宜遲,即刻介紹下個餐單先,提提佢係無刺身提供既:(一)壽司(二)炸物、烏冬、甜品(開飯網只可以12張相比唔到大家睇)(三)7月限定壽司同其他食物種類唔算超多,不過食材種類就好多啦,有好多唔係平時食得到,難得黎到,非常建議大家試下每月限定同埋一d其他日式迴轉壽司店無既😛以下食物按個人喜愛度排序1. 海螺壽司 (紙餐單無、平板有)海螺切開五片,每塊簿簿地,非常爽脆、鮮甜,出乎意料地好食😋2.中吞拿魚腩 - 入口有油脂香、無咩筋3. 大吞拿魚腩碎海苔包(紙餐單無、平板有)- 比中腩更肥味,入口甘甜,配埋紫菜一口食,滿足4.昆布魚子(7月限定)- 好似蟹子咁脆卜卜,有塊昆布會有少少咸味,味道再豐富點,正5.醬烤日本產帆立貝 - 大大粒,咬落去有炙燒香,好滿足6.鱈雪子海苔包 - 佢無明太子既辣味,但一樣有咸香7.炙燒赤蝦啖啖肉8.油甘魚肥美9.甜蝦壽司-腥味有少少明顯10.蔗燒三文魚三文魚子-即係煙三文魚,我麻麻埋單170蚊,撇除要等咁耐,係好抵食! 繼續閱讀
(以上食評乃用戶個人意見 , 並不代表OpenRice之觀點。)