營業時間
今日營業
10:30 - 22:30
星期一至日
10:30 - 22:30
*最後落單時間：22：00
食家推介
因為疫情關係，無得返家鄉，早咗一個月係App拎飛黎食壽司🍣抹茶飲幾多自己沖調味料有柑橘醋、壽司醬油及甜醬油。個設計好貼心，一滴滴咁滴落壽司上，唔會好似以前咁一野就浸到好咸。油甘魚：食落無筋，魚既油脂感十足，係個口到散開，相當唔錯三文魚：中規中舉，唔會有腥香，就是普通質素蒲燒鰻魚壽司：食落無骨，蒲燒汁味道剛剛好，甜甜好味道，同埋個鰻魚好大塊醬烤鰈魚鰭邊壽司：呢個食落係偏向有咬口既，上面有炙燒醬油淡淡既香氣，比較少見茶碗蒸：每次黎都必叫既，因為只係$19就食到好滑溜既蛋，蛋係加埋高湯一齊蒸，入面既配料有蝦、白果、帆立貝、雞肉粒、冬菇粒。小小既茶配蒸可以做到咁有層次又美味既效果，真係好令人驚喜。抹茶芭菲：芭菲我最中意個位係面頭既牛奶雪糕，幼滑得黎富有牛奶香，紅豆蓉棉滑得黎係食到紅豆粒，但下層既抹茶cream抹茶味不太足。但係值得試一次既，一次就夠。壽司郎好壽司如果話要同高檔既比較，咁一定無得比。但勝在款式多，岩曬貪多款既香港人，而且佢地好似不時會有期間限定作推廣。兩個人食咗300蚊左右食咗15碟幾有性價比，真心希望佢地每區都會開，咁就唔使咁難book位同大排長龍。
繼續閱讀
聽晚就開始冇堂食，心諗有咩想食就好去食喇！正所謂「有得食，好食喇！」呢個時勢，我知道少出街為妙，只係我呢d孤兒仔唔係街搵食，邊度有好野食？壽司郎開左係香港都一段日子了，吸引到我既就只有今次呢個北海道限定！北海道超特大帶子$27即係咁既，超大呢又唔係話大到好勁個隻，但真心個樣係新鮮，而且食落口感覺都係正既，有鮮味~北海道產海螺$17呢個超級超級爽口，正！燒明太子海苔包 $12呢個麻麻地，可以不試~鯡魚卵昆布$17冇乜特別味道既卵🤭芥辣八爪魚$12呢個係食壽司必叫既，指定動作黎既~食落去同其他餐廳既一樣，睇黎貨源都係來自同一間！北海道產沙甸魚天婦羅$12呢個係最後加既，我就係知道佢地既炸物係好野，所以加個一碟炸既！基本上佢地既炸物係即叫即炸，所以任何炸物我都推介~呢個炸沙甸魚我都係第一次食到！幾過癮丫~北海道產粒鰈$22唔係太食得出魚既味道，因為比紫蘇葉蓋過晒一切！可以不試~長鰭吞拿魚$12普通貨，可以不試~油甘魚既唔知咩位$17好好食！又滑又香！值得一試！今次香港壽司郎體驗唔錯唔錯~食物一般都OK，難怪到依家都仲係咁多人排隊去食！而我推介既就係超大帶子同埋炸物！一個人食左九碟，算唔算大食呢？下次會係幾時？希望快喇~
繼續閱讀
「壽司郎」無人不識，隨住佢愈來愈多分店，開到連長沙灣同荔枝角交界都有一間。位置相對隔涉，但人流仍然好高👏，呢個世界上已經無嘢阻止到香港人對日本菜嘅喜愛。朋友喺長沙灣嗰邊返工，由於佢好想食，我又仲未試過，所以佢等餐廳一開門就去㩒飛仔，你知啦壽司郎個App長期都無哂即日籌，甚或訂到2046都無㗎嘛😂。意外地呢日早上11點半左右㩒飛，20分鐘內應該就入得；但我未嚟得切，所以佢唯有拎後補飛(即叫原號碼後30分鐘內適用)。我哋最終12點3左右入得，雖則拎飛嗰陣有分迴轉位或者卡位，不過原來安排入座時都係無分，但都會問聲你O唔OK迴轉位嘅。嗌飛次序我唔知係點，你唔會估到補飛幾時會嗌😅。唉，我仲發現一樣幾令人失望嘅事情😞，就係餐廳多人等位某程度上係故意「造」出嚟。本身我天真以為餐廳為符合防疾要求只開一半座位，所以門口望到嘅迴轉枱無坐滿係正常。但點知原來唔係🙄，例如我坐11號位，旁邊10號位根本唔係有上一台客食完要執枱抹枱先唔嗌住，而係等張枱足足空咗15分鐘、我哋開始食嘢，先至有個男仔入座。我相信門口見到嘅座位亦係同一情況，目測唔覺之前有人食完。今時今日嘅壽司店竟然仲有迴轉帶，真係有點匪夷所思、多此一舉！正正因為壽司要即叫即整先新鮮，放喺度嘅往往無人問津，所以趨勢先將迴轉帶淘汰🤔。我肯肯定同你講我自己就唔會拎迴轉帶上嘅壽司食。同時，餐廳亦因為有迴轉帶而令埋單時要店員嚟數碟...，又無聊又嘥大家時間。點餐係用電子屏幕自行落單🖥，每次只可以點四款食物...，有啲煩，要分好多次，但可能因為佢知迴轉枱唔夠位擺😜。價錢算OK嘅，大致上分為幾個價格，消費幾多自己話事，最平$12嗰款都有好多選擇，豐儉由人。未食之前已經再有另一樣嘢令我幾唔高興，就係大部份壽司碟嘅碟邊都唔太乾淨，掂完隻手有油😖。利申我係用筷子食壽司，而唔係用手。其實睇相(下面介紹食物啲圖片)都見到囉，就知我無講大話。終於入正題，到食物部份🙈。先講整體感覺就係味道好普通，唔想承認都要講某集團嘅X氣壽司係明顯好食啲，價錢定位亦差唔多。炸甜蝦($17)，呢個係全餐最正㗎喇，亦係唯一可以用好食😋嚟形容。甜蝦無刺身嗰啲咁奀，成隻炸脆哂連頭都食得，熟咗嘅甜蝦肉無咗份甜味，但就反而帶有燒蝦嘅香氣🍤。成份大約有六至七隻，兩個人都勉強夠食。茶碗蒸($19)，朋友話之前食過覺得好高質，又多料，點知打開第一眼見到嘅係蒸蛋面皺哂皮，朋友頓時變得尷尬😳，因為剛剛仲大推哈哈。我估計應該係蒸耐咗或者疏唔到氣先搞成咁，但味道都過得去嘅，料亦真係多，有雞肉同帆立貝等。和風鹽味炸雞翼($27)及炸雞軟骨($17)，兩樣都相當唔掂，🐔雞翼個樣唔吸引，外皮好似蒸雞翼咁，但食落脆嘅，之不過一咬亦覺得好多油。雞翼中間斬開一分為二，唔係單骨咁分，其實夾埋只係得兩隻而已，唔多抵食。🦴呢度嘅雞軟骨係史上最Fail，沒有之一。首先雞軟骨大小不一、連體怪嬰咁已經超樣衰，食落更加發現「骨」嘅含量勁少，似炸雞(脂肪)多啲，皮又唔夠脆，0分。藍鰭大吞拿魚腩($27/1件)及厚切黃鰭呑拿魚($12/2件)，兩者都係呑拿魚🐟，前者貴後者幾倍，但同出面嘅拖羅質素完全係兩回事，油香欠奉...，無得比；聽啲人講到有幾正，食後感真係得啖笑。反而後者性價比高，亦無筋位，食落舒服。大吞拿魚腩海苔包($17/1件)，造型係幾吸睛嘅，墊底有塊紫菜，上面就加嚿飯同呑拿魚蓉。最敗筆係塊紫菜係淋㗎...，成件事錯哂，大大扣分👎🏻。味道其實同蔥花呑拿魚軍艦($12/2件)相若，都係層次單調，我喺第度食嗰啲中間會夾埋爽脆嘅醃漬蘿蔔以提升口感。如果真係想食呑拿魚蓉，我建議嗌後者，起碼抵食啲。Btw，軍艦我無影到相。另一碟係三文魚牛油果卷($22)，呢個真係喊出嚟，卷物內容超頹，就係得三文魚加牛油果🥑；再者，上面嘅三文魚超劣質，勁多筋，靭到咬唔開，要吐...。厚切三文魚($17/2件)及炙燒羅勒三文魚($12/2件)，前者味道正常，紋理怪怪的，並未覺厚切，不過都大大片嘅。後者亦係失望之作，自問唔係壽司達人，只係識好皮毛咁話好唔好食，亦唔怕食蟲(三文魚)🤣。平日最鍾意食炙燒三文魚嘅我將後者放入口後，不禁懷疑自己係食緊邊件，炙燒嗎？炙燒一般能將魚脂帶出，就算唔係食腩位都會變得好食。可惜今次嘅炙燒魔法失效。昆布漬比目魚($12/1件)及北海道產稻烤三文魚($12/1件)，兩款好似都係期間限定款式。前者特別在於魚生同飯中間加咗塊香葉(昆布?)🌿，散發住獨特嘅香氣。後者嘅實物同相片差好遠，果然食物相片只供參考，所謂嘅烤邊消失了，只係得一片較厚嘅三文魚，上面加幾粒三文魚子，同樣地搭多塊香葉，但味道算唔錯。油甘魚($17/2件)及壽喜燒牛排($12/2件)，前者我無食到，不過見幾厚切。後者係創意壽司款式吧，傳統料理店應該無？味道還可以，🐮醬燒牛肉夠惹味，但肉身偏薄，唔太夠喉。牛油果熟蝦($12/2件)，最後講番款好啲嘅，🦐熟蝦基本上唔會難食或者有腥味，呢度嘅出品亦然。我比較欣賞係壽司配上大量生洋蔥絲，重口味得嚟幾清新，又好爽口，成個組合好搭調。我哋總共食咗紅色碟8隻[$12]、銀色碟4隻[$17]、金色碟1隻[$22]、黑色碟2隻[$27]、白色五角容器2隻[$17]、黑色容器1隻[$27]同蒸蛋[$19]，連加一服務費$352，人均$176，價錢中等啦，畢竟都食咗好多件😚。壽司郎長沙灣呢間分店有樣好嘅地方就係，目前喺該商場用電子消費滿$300有一張戲飛送，食夠三百其實唔難。總括嚟講，壽司郎真係被人吹大咗好多，壽司質素平庸到不得了，個人認為稱唔上好食。排隊三十分鐘以下先可以考慮一試🍣，如果要用上幾個鐘等候或者上網「買籌」就不了、不了、不了！我明白好多人嘅心態係想食壽司，但又唔會再幫襯某店，壽司郎因此而變成唯一選擇。不過佢無論喺味道、衞生同入座安排都未能令人滿意，有極大改善空間🙏🏻。
繼續閱讀
終於食到 壽司郎，很努力用APP 來book位，揀左下午2:15，準時去到要先去簽到，待多15分鐘左右，就可以入座，由於用lunch hour來食，所以最後我好快食完就趕住返公司。第一次來會有講解，壽司價錢$12-27，還有其他熟食甜品......用平板電腦下單/直接回轉帶取壽司，芥末亦放在回轉帶，下單的壽司會由上層的帶送到，亦在平板電腦提示，感覺都幾貼心，最後食完揀結帳，有店員來計碟數，再自行到收銀處結帳。先點7月限定 【賞味北海道】的壽司北海道產超特大帆立貝$27，真係堅大粒，要3-4啖先食完，超級鮮甜，肉質嫩腍，必食推介。北海道產稻烤三文魚$12，三文魚肥美，但唔太食出有稻烤味，只係好似微微煙燻表面咁，反而喜歡三文魚籽，令壽司提升鮮味。北海道產鱈魚子海苔包$12，好特別又少見的款，鱈魚子跟沙律醬一齊食，口感更滑更creamy，粒粒魚子比蟹籽更細，口感更豐富，味道係咸鮮濃郁，配壽司飯一流。6月份的爆盛甜蝦$12，層層疊到3層高，真係好好多甜蝦，甘甜鮮嫩，好好味。厚切三文魚 $17，厚身真係啖啖肉，更有魚脂香。芥末章魚軍艦 $12，味道都幾好，芥末味重，章魚彈牙好咬。北海道空運直送海膽 $27，呢個都係限定，售完即止。份量唔算好大，海膽賣相靚仔又精緻，睇得出新鮮，味道濃郁鮮甜，而且甜味好突出，入口溶化滿口海膽味。蟹膏軍艦$12，都係濃味選擇，蟹膏幼滑帶鮮味，有濃濃蟹味，而且味道回甘。最後用油甘魚同中拖結尾，好幸福好滿足。油甘魚 $17，夠肥又厚身，油光滿滿好吸引，入口果然有魚鮮同魚脂香，味道比三文魚更好。特選中吞拿魚腩 $17，睇d脂紋都分佈平衡同豐富，魚味濃且油份豐富，味道很好。最後放齊碟，等店員計數就可出去結帳。整體用餐感覺都良好，只係估唔到book左準時到都要再等15分鐘，令我失去預算要食得好急，價錢合理，食物質素好，服務都貼心有禮，當然有部份店員未盡心服務，只係不是服務我的店員，我諗walk-in排隊比較麻煩，希望日後改進。
繼續閱讀
終於都嚟食到仲要唔使等位，真開心Menu比我想像中好似少選擇但真係大件夾抵食質素就唔好期望太高只可以話係中上，對得住價錢嗌完一輪又一輪中拖大拖依啲就真係一般般每舊都又足料又大件好滿足雜錦天婦羅都係抵食又正另外有幾樣唔錯：醬烤鰈魚鰭邊燒完之後香味更加出唔記得咗咩牛嘅壽司牛肉味重又嫩😆茶碗蒸蛋又滑又香仲要好足料，有蝦有帆立貝又有肉Cheesecake絕對係有驚喜芝士味好濃郁不過pat cream可以唧得有誠意少少第二次嗰舊就靚返少少🤏🏻Cream唔膩，深得我啲frd嘅喜愛但對我嚟講，奶味就重咗啲最後嘅戰績整體嚟講侍應服務態度好好，完全無因為多人而影響到每次有壽司送到嘅時候，部pad就響得勁大聲頭幾次都嚇一嚇仲有就係有啲好似酒樓式咁嘅感覺會有廣播介紹是日精選😦仲會有侍應捧住啲嘢食逐枱介紹😂朋友結論：最嘈嘅日本餐廳我嘅結論：性價比高，唔使排隊就絕對值得去食不過，要排成咁耐隊嘅話，就真係不了🤫
繼續閱讀