壽司郎 (T Town South)

營業中

休息中

一行三人食晚餐，去到號碼叫到440，兩個幾鐘等待只叫左100個號碼，全部入2人枱唔駛拎飛就入得，3-4人嗰啲你願意等就等，唔願意等就由佢走，食完走埋都未到我！主任解釋更令人費解，話有啲客坐到夠鐘先走，講完都唔知講咩，咩理由唔可能18:39-20:55 都未入到，以前嚟100個號都係等1個鐘左右，冇人投訴，今日安排其差！食左咁多次都未試過安排成咁！建議如果叫50個號都要等一個鐘的話好早啲去食第二間！今日主打不設回頭客！

我今日先知道原來壽司朗有下午茶嘅，所以就試下呢個下午茶，我地點咗兩個下午茶一個係烏，另外一個係拉面，加幾件壽司咯。咁價錢都係唔貴嘅，性價比幾高，下次可以再試下👀🤝推薦。

平時食嘅壽司我就唔多講喇不過呢度嘅炸蟹柳壽司，真係喺公眾假期（多人幫襯）嘅時候係最好食，送到嚟放入口都仲係熱辣辣👍試咗兩樣新嘢（伏）：炸鵪鶉蛋去粟米沙律軍艦+炸蘑菇海苔包配芝士醬我覺得呢兩款就真係唔使試喇，個粒鵪鶉蛋食落又冇平時嘅香味，配粟米沙律仲奇奇怪怪咁。嗰舊炸蘑菇就更加唔掂，睇落個樣好大件點知原來是一大舊都係粉，得好細粒係菇😑今次嗌咗個壽喜燒溫泉蛋撈烏冬，味道唔錯喎，壽喜燒牛肉甜甜地，加埋隻溫泉蛋，撈落烏冬到掛汁又滑。今期仲出咗個港式奶茶口味嘅卡達拉娜，奶茶嘅苦澀味中和咗甜味，再加上面嗰陣焦糖脆皮，食落都ok唔算好中伏。今次壽司郎仲咗隻水怪公仔聯成，整咗幾款期間限定嘅甜品。我哋嗌咗杯芭菲，當然就唔係為咗隻公仔啦我都唔係佢粉絲。成杯嘢藍色啫哩嘅造型再加雪葩肚同埋cream都幾夢幻嘅。我覺得最好味就係面頭嗰舊雪葩同埋灑落去藍色嗰幾粒糖🤣食落好似係波子汽水味。抽中咗隻可以掛杯嘅公仔都幾得意嘅👌

壽司郎係就係食得多，雖然比較唔到全港各區邊間質素較好，或較差。但上得山多終遇虎。。。呀。。係食得壽司多有心得😂就係揀人多既日子去食，中伏既機會遇少。最起碼唔會食落啲紫菜係淋哂，炸物唔會係擺到凍哂既先🤭當然人多公眾假期既日子等位就要耐架啦，不過而家網上預約咁方便，咪提早book定位，咁就唔怕冇得食啦。講返食物，壽司水準都keep到，性價比真係非常高架啦👍炸蟹柳天婦羅壽司到食既時候都仲係熱既！！但今次揀左款咖喱烏冬就真係麻麻地，唔會再試，啲咖喱好似即食嗰啲咖喱磚咁，一舊舊，啲汁又唔掛麵，好似汁還汁，麵還麵咁🤷想食烏冬建議都係揀返其他款比較好😌

大家好，今晚來到天水圍頌富的壽司郎，提前兩天訂位，訂星期四，選擇時間只剩下6時及之前，壽司郎果然深受港人歡迎，6時已大排長龍，幸好訂了座，等不用5分鐘我們一家人便進內我們一家人叫了很多東西，其中最喜愛的是茶碗蒸，蛋嫩熱辣辣亦有不少海鮮，赤蝦便宜又大只，吞拿魚蓉壽司12塊錢又新鮮又好吃，味道一絕，虎蝦壽司份量十足，配上一些新鮮疏菜，口感不錯，另外天婦羅雜錦炸十分穌脆；但也有部分壽司做的欠佳，這期的新推薦吞拿魚手卷比起魚菩味道差很多，不用試也可以；醬油大拖羅也做的一般甜品方面，千層蛋糕維持一向的水平，還不錯；芭菲前段時間改進了，由35塊改到27，但份量也少了，這期芭菲有四種口味，桃、咖啡、綠茶、巧克力，過去我也嘗過桃、綠茶跟巧克力的，咖啡是新口味，所以這次試了一下，咖啡果凍很多，味道是濃郁咖啡味，配上冰冰的牛奶及曲奇雪糕，個人認為相當不錯壽司郎做為人氣餐廳，新鮮的品質加上價格不貴，是十分值得做為晚餐的選擇，唯一值得詬病的是排隊的人真的太多，沒有時間記得提早訂位

我真係想講Sushiro真係會食極都唔會生厭，早兩日食左Sushiro既8月新番，今次再次返黎Sushiro食晚餐，咁就返回基本步啦，今日主打佢地既HKD$12紅色碟。係紅色碟黎講，我覺得藍鰭吞拿魚壽司，因為好食得黎又夠平，大食夾抵食呀。不過食左3-4碟之後，都想食下其他野Refresh下個口，就ORDER左碟紅碟既三文魚壽司，不過食落就真係差好餐，不但係太過油，魚肉亦都好薄，即時忍唔住ORDER返碟$17既三文魚壽司。BTW，OVERALL黎講Sushiro係好食既

壽司郎有好多分店🌟其中一間最近我嘅就係頌富商場嘅壽司郎餐牌好多唔同顏色🌈，代表唔同嘅價格。自己計返條數，想食咩就嗌咩，算係吃咗好多，都唔會心痛價錢💰❗️特別的地方❗️喺每一枱不會有水瓶，只會有出熱水口，喺迴轉帶上面的杯就可以裝水💦，簡直十分之方便👏✅點餐好方便，只要係小電腦上點返自己想食的，迴轉帶就會將你的食物運到你面前✅喺我食呢幾款當中，我覺得炸蝦壽司係最好味🤤嘅，其他就普普通通✅不過壽司郎係有人氣係真嘅，我哋都需要等咗一段時間🕰️，才能夠進入店舖從開舖到而家都一樣，沒有誇張😄😄😄

天水圍壽司🍣，如果話質素最穩定莫過於壽司郎，仲要難得今日唔使點排隊！一入座即刻試吓期間限定，拖羅好吸引🤩我最鍾意係佢食落口啲筋唔多，雖然唔係話超級肥嗰一種，但係都近乎去到入口即溶，壽司嘅醋飯，又啱啱好可以中和嗰個油膩感！茶碗蒸都係我每次必點嘅單品，簡單而美味的料理，滑嫩的雞蛋，裏面有蝦仁帆立貝雞肉粒青豆，加上高湯的調味，一絕唯一一個敗筆，是其中一個期間限定單品，舞茸牛肉紫菜包飯，如果10分滿分我會給2分… 10分

壽司朗嚟咗香港都有一段日子，分店越開越多。今日去天水圍T Town行街，見唔係好多人排隊，就去攞張飛睇吓要等幾耐。我前面有成40幾張枱，不過枱嘅流量都好快，唔使20分鐘就入座。通常我一坐低就睇吓有乜嘢期間限定，見有黑鮪吞拿魚鮫腩，劍魚大拖羅同特選松阪和牛，唔好講咁，每樣一碟先。嗰兩碟魚嘅油脂真係無得頂，入口即溶。跟住又試咗大切油甘魚腩、鱈魚白子軍艦、拖羅池魚同極上脂鰹魚。又叫咗幾碟平時都鍾意食嘅例如三文魚腩同吞拿魚腩蓉軍艦。最後嚟多碗寒鰤魚黑湯拉麵，咁就為之very good喇！佢哋除咗好多大路嘅魚生壽司之前，每隔三幾個禮拜就推出唔同嘅期間限定去吸引客人。

間唔時想食壽司郎都會黎呢間，貪等位唔算等得耐，早少少去通常30-60分鐘都入到。巴斯克蛋糕食過都知咩味，通常都唔會差，呢個又幾好食，有芝士味濃而不膩，食落又幾輕盈，家人食完一件再encore 多件，推薦。呢款就差D，白桃肉芝士蛋糕，呢款係芝士凍餅，預咗芝士味唔會好濃，但呢個芝士味有D太淡，唔係好出，白桃ok甜，比起黎呢個唔太推薦。三文魚腩配脆脆蘋果飛魚子係比較特別既配搭，如果食厭左普通三文魚腩可以試下，家人唔太喜歡，我自己就覺得不錯三文魚親子茶碗蒸每次黎到必叫普通版茶碗蒸，呢款係期間特別款，覺得配搭上普通版更豐富，配料款式多，好食D洋蔥醬炙燒三文魚腩特別配搭，但一般甘口醬油漬炙烤吞拿魚口感特別，試一次ok炙烤喜之次係白魚刺身，味道很淡，唔咩特別蝦三味，每次黎到有貨都叫，因為抵食，虎蝦鮮甜，肉少少彈牙，甜蝦都鮮甜，肉質比虎蝦淋，推薦

要講到平靚正嘅壽司店一定係壽司郎，而我已經食過好多次壽司郎，但今次係第一次喺天水圍食。人流超級多，排隊排咗兩個鐘先有得入去食，排到懷疑人生差點放棄。最後堅守信念，終於入到去食。我諗下次都係去返第二啲分店好啲。

每個月黎壽司郎一次，試試新餐點同每月限定菜式已經變成習慣。今個月「鮪」、「鮭」系列好吸引，有好多新配搭～「鮪」系列三文魚腩配脆脆蘋果飛魚子 $12新鮮的蘋果切片，清甜爽脆，再配埋飛魚子，一次過感受多重口感，好特別。香蔥炙燒三文魚腩 $12炸香蔥的香氣，令整體層次增加，與燒三文魚腩配合得很好👍🏽。洋蔥醬油漬炙烤三文魚 $17醃漬過的三文魚再炙烤令香氣更突出三文魚親子茶碗蒸 $22三文魚肉粒鋪滿碗底，加入蝦、雞肉、菇，以及上湯蒸蛋，十分嫩滑，充滿蛋香，面頭再鋪上三文魚籽，多重口感，賣相更加吸引🤩。「鮭」系列特盛蔥花吞拿魚軍艦 $12口感綿密的吞拿魚蓉，淡淡魚油香，吞拿魚份量提升更加滿足甘口醬油漬炙烤吞拿魚 $17醃漬過的吞拿魚再炙烤令香氣同油份更融合炸天婦羅魷魚配壽司$32厚厚的魷魚筒塞滿了壽司飯，魷魚彈牙，配上炸魷魚腳，一味兩吃，增添層次～｜甜品｜粒粒桃肉芝士蛋糕 $27有白桃芭菲味的影子，今次有5-6粒大大粒白桃肉，十分香甜，配上輕量鬆軟的芝士蛋糕，入口清新同桃味好融合。｜恆常款式｜三文魚籽海老海苔包- 鮮美滿滿，入口溶化蝦三味 - 一次食曬3款蝦口味，好鮮甜天婦羅炸蝦湯烏冬 - 烏冬

今日先知原來天水圍壽司郎可以係手機拎飛🤣🤣勁方便！18:25分左右係屋企拎定飛，19:10左右去到就有得食！壽司郎黎講都算快🤔🤔每次都一定會叫鰻魚壽司，大隻又多醬汁😋😋唔洗蘸豉油都已經好好食😋薯條都係每次都一定要叫😋😋香脆可口，鹹度適中，越食越停唔到口，屋企人仲話我食太多唔留比佢地🤣🤣蟹肉忌廉可樂餅，好似唔係成日有，我地3個人都叫左兩舊🤣食落去外層香脆而且一啲都唔油膩！入面係滿滿既忌廉蟹肉，超滿足😋😋熱辣辣上菜，食個陣要小心啲啊～甜品蜜柑牛奶冰菓，呢個我就覺得麻麻地，就好似食緊冰咁，就只有蜜柑有味，白色個啲唔係幾食得出有咩味🤔🤔

壽司郎相信個個都認識,啱啱好我樓下就有一間,所以特登過嚟攞咗飛之後過嚟食，今次兩人行坐卡位首先啊你講平價刺身5盛合,性價比較高一次可以食到五種刺身叫左2碟然後叫做火炙三文魚壽司，鰻魚壽司，同埋魷魚壽司都係質量比較高係新鮮做的，最驚喜嘅係鰻魚壽司因為佢嗰個比較大！油甘魚壽司油香味較濃郁甜品方面我都覺得幾出色,尤其係下邊呢個抹茶雪糕，佢有紅豆容抹茶粒同埋牛奶雪糕千層蛋糕:千層蛋糕同外邊嘅質素一樣,唔會話太甜呢間餐廳嘅缺點係等位耐建議如果係比較市區嘅壽司郎就要早啲過嚟排隊

壽司郎剛開果陣你早上唔拎飛係食唔到，多人到早上啲飛多到派埋夜晚，好誇張。過左成年終於回復正常，真係可以等到有得食，半個鐘左右就可以入座呢間質素都OK，壽司都係差唔多冇咩特別，南瓜天婦羅有時南瓜唔甜睇好唔好彩壽司郎嘅壽司性價比比較高，大件啲。依家爭鮮三文魚都$12碟，有啲款都提高左價錢，令我覺得食壽司郎性價比高左壽司郎嘅甜品會定期轉款，比較多元化，有新意，但其實價格偏貴，尤其卷蛋，係好食，但係Chateraise買其實都係$14,15，又大件啲