壽司出前 (已結業)

2022-07-07獨自去偷食😝去了九龍灣得寶商場😝有間日本料理叫壽司出前😉叫咗個三文魚親子丼飯，80蚊盒，送包紙包飲料🥤🍣三文魚有三文魚3切，火炙三文魚3切，仲有三文魚子齊哂成條魚，仲有中華沙律🥗三文魚超新鮮好食，完全無腥味，火炙三文魚豐富嘅魚油香，收得80蚊份量唔算多，不過勝在食材新鮮🥰🥰🥰仲叫了吉列炸蠔，32蚊四隻，熱辣辣仲出哂煙，隻蠔就超細隻了，不過都有少少蠔味，炸得好香脆可口🦪整體食材好新鮮，叫外賣等咗20分鐘左右，有得拎，價錢方面就貴咗少少，希望調低少少價錢，咁就無得彈，不過味道不錯值得推介👍👍#三文魚親子丼飯#吉列炸蠔…查看更多

壽司出前 (九龍灣)$62 雙色吞拿魚丼(7.5🌟/10)❤️Minced Tuna Donburi❤️丼飯🍚份量唔錯，吞拿魚🍣食落新鮮，魚生部位似介乎係赤身同中拖拿之間。吞拿魚片咬落唔會有根，🔪切得幾好，但厚身啲會更中意～吞拿魚蓉都唔錯，大部分吞拿魚丼會落洋蔥煮🧅，妮間無，個人比較中意。另外，飯都有額外落心思❤️，食得出係落咗醋，唔會太酸，唔洗點豉油都味道十足，幾好食。$68 芝士壽司盛盒(5🌟/10)❤️Sushi Set A❤️份量個人覺得唔多，壽司盛盒🍱以芝士做主題，壽司表面似係加咗芝士醬，唔係原塊芝士🧀，所以芝士味唔重。不過當中炸蝦卷🍤做得幾出色，咬落脆卜卜又香口。壽司飯同頭先一樣都有落醋。食物：6.5/10環境：7.5/10性價比：7/10📍九龍灣牛頭角道3號得寶商場地下木馬工房FC05號舖#hksushi #foodcourts #japaneselunch #sashimi #mincedtuna #cheesesushi #kowloonbay #quicklunch #saturdaylunch #sushiset #iamhungry #hkfoodpics #foodiehkig #hkfoodielife #九龍灣美食 #木馬工房 #得寶商場 #壽司出前 #吞拿魚丼 #吞拿魚蓉 #壽司 #抵食 #快食 #醋飯…查看更多

九龍灣抵食日式丼飯🍚*******************呢間係依個新開嘅Food court內唯一一間食丼飯嘅舖頭，由於無其他競爭對手，所以生意都幾好啊，外賣都可以食好西👀********************<蒲燒鰻魚丼飯> $58<出前角切魚生丼飯> $48丼飯有得選擇魚生或者熟食，魚生丼飯同卷物都用左赤醋飯，而鰻魚飯嘅賣相都幾吸引🤣價錢黎講真夠曬親民貼地，依家買滿一百蚊仲有卷物送，真係幾抵食🥳…查看更多

餐店位於商場入面嘅food court，唔熟路嘅人類千祈唔好跟地圖行，要行入商場再搵呀～food court似乎係最近有翻新過，乾淨又新淨，坐得幾舒服。food court裡面嘅所有餐店都可以透過qr code點餐，不過要登記都幾煩，唔想煩嘅可以直接去counter點餐付款。主角三文魚配燒三文魚刺身飯性價比極高！除咗有6件厚切魚生之外仲有蟹籽，另外亦附送飲品。魚生新鮮無腥味，依個價錢黎講質素相當唔錯！係附近嘅話可以一試。…查看更多

今日又去得寶食lunch喇～呢間小店喺food court嘅角落頭，的確唔算好顯眼，但今日想食日本嘢，就跟同事一齊食呢間🤤我叫咗火炙魚生丼 ($78)🤤因為舖仔細細，又係即整，所以都等咗大約15分鐘先有得食～個飯有好香嘅火炙味，而且都好豐富，有幾款不同嘅刺身，例如三文魚、魷魚、油甘魚、左口魚、帆立貝同赤蝦😍真係滿足咗我嘅慾望！其實每件刺身都好好食，不過當中最出色就一定係左口魚同赤蝦😍左口魚火炙一定冇得輸，呢件仲要超厚，成口都係魚油🤤赤蝦上面有啲蒜蓉牛油，燒到牛油溶溶地再配埋火炙香，真係好正😳飯仲要係赤醋飯，非常之有誠意，唔會太酸，啱啱好～呢個飯仲會有埋前菜同埋一包紙包飲品☺️可能你會覺得一個細商場入面嘅food court要$78太貴，我起初都覺得係，但食完之後發現真係一分錢一分貨架！😍…查看更多

最近得寶商場food court 翻新咗，整體光猛咗好多而且又坐得舒服啲🥰仲多咗好多餐廳添！出前北海道壽司盛合 $88估唔到 food court 都有咁高質既壽司食， 北海道壽司盛合包括咗有：帶子、海膽、甜蝦、赤蝦、象拔蚌同埋馬刀貝，跟餐附送一盒紙包飲品。象拔蚌好爽口，海膽好creamy 唔腥，所有壽司都好新鮮！我最愛既帶子仲加入咗柚子既味道，勁fresh 😳建議可以唔洗點鼓油食。另外特別既地方壽司用咗赤醋😯真係幾驚喜！$88有6件咁高質既壽司，值得推介…查看更多

本來晚上打算外賣，試吓得寶新裝修後嘅food Court。本來都對屋村嘅日本餐廳有啲戒心，企咗一陣見到有很多app嘅單，又有疑似住客選擇丼飯選咗好耐，再決心試吓呢間嘢啦。舖頭前面貼住嗰啲款式，張外賣餐單沒有。所以我就睇圖決定咗要火炙魚生丼飯。 個等候時間都好耐，叫完餐有個取餐提示器，我諗差唔多等咗10至15分鐘。如果係慢工出細火，都唔緊要😂 期間我見到一個堂食井飯，真係排得好靚。每一本魚生都孖上，好新鮮，好鮮甜，每一件都係入口即化，只有新鮮嘅魚生先做到。 食過返尋味。仲有一個配菜沙律和一包嘢飲🧃…查看更多

-🦄壽司出前 -火炙三文魚壽司 Hkd9Rating🌕🌕🌕🌕🌑帆立貝壽司 Hkd15Rating🌕🌕🌕🌘🌑深海池魚壽司 Hkd25Rating🌕🌕🌕🌑🌑活赤貝壽司 Hkd30Rating🌕🌕🌕🌘🌑蟹肉蟹膏軍艦 Hkd35Rating🌕🌕🌗🌑🌑-係FoodCourt入面 呢間壽司店都幾抵食架😜本身我自己都係叫咗8件壽司 其他個啲都係送嘅只要讚好社交平台 就會送蒜味螺肉而買滿100蚊或以上 又會隨機送唔同嘅卷物變咗我呢個餐好豐富 大約160蚊就有咁多嘢🤤不過好可惜嘅係 本身我剔咗想食海膽壽司而日本🇯🇵個邊無法供應 所以我今次都食唔到壽司即叫即整 落咗單之後等一陣就好快拎得☺️最有驚喜同最好食嘅竟然係火炙三文魚壽司果然燒過嘅壽司真係無得輸 逼哂啲魚油出嚟而且佢只係需要9蚊 呢件係最抵食又最好食 推介而我最愛嘅帆立貝壽司都唔錯 帆立貝都厚身見到帆立貝面頭上面有啲小心思 有啲柚子皮入口啖啖肉又夠新鮮 如果有炙燒帆立貝簡就好喇深海池魚壽司雖然賣相一般 但入口都唔差做到微微入口即溶嘅感覺 魚肉好嫩 唔使點咬都得活赤貝壽司係限量架 赤貝厚厚一片 口感唔錯而且都好新鮮 如果佢識彈就更加正 30蚊都抵食蟹肉蟹膏軍艦就稍微有少少失望 蟹膏份量比較少因為蟹膏太少 所以基本上都唔係好食到蟹膏嘅味本身Suppose呢件壽司嘅味道會較濃 不過佢就相反整體來講 以壽司小店而言 160蚊埋單都唔錯壽司店仲用咗赤醋飯 呢個有驚喜 會先作調味 有心思不過啲壽司飯稍微有啲爛 口感上有進步空間如果啲飯做得好啲 整體上會更加高質 更加平靚正有好多套餐都好抵食 雖然我係散叫佢啲套餐仲會包埋飲品同前菜 咁平嘅壽司係邊度搵-…查看更多

有日去左九龍灣做嘢，一直忙到要下午茶時段先可以食午餐🤢 本身打算近近地喺德寶商場食完就即刻搭車返公司繼續做嘢，點知有意外驚喜(?) 🥳🥳🥳一入到得寶呢個新裝修既food court 就已經覺得環境好舒服、乾淨😚 更有不少嘅菜式俾大家選擇😛 而我就揀咗食壽司獎勵吓辛勤工作嘅自己🙊呢個$78既「出前上壽司盛合」一共有六款壽司，排名不分先後，包括三文魚、海膽、油甘魚、帶子、火炙左口魚邊 & 赤蝦🍣 最令我喜出望外嘅係海膽壽司🐽 令我有再嚟食嘅決心🤣🤣…查看更多

得寶商場food court有好多唔同選擇，其中有一間係賣壽司魚生飯。價錢好大眾化，而且選擇多。魚生飯由$48至$108不等，價錢已包括一個青瓜絲沙律同埋隨機嘅紙包飲品。出前角切魚生飯賣相好靚，魚生鋪滿飯面，魚生以三文魚為主，有少少三文魚籽、飛魚籽同蟹柳碎。另外有青瓜粒食落好清新。飯底係平價壽司店少見嘅赤醋飯，呢個價錢有赤醋飯可見師傅用料唔馬虎。伴碟嘅柚子漬蘿蔔都好好味，可見小店有誠意碎葱吞拿魚飯吞拿魚蓉有魚味唔會腥。份量都唔少，夠送晒成碗飯，以$58嚟講真係抵食。新張期間買滿$100仲有一份卷物送，係鰻魚青瓜反卷，味道都唔錯。…查看更多

放假同朋友周圍搵嘢食，見得寶個food court啱啱裝修完，竟然有間壽司舖，決定一試。.應該係即整嘅關係，所以要預番少少時間等，我哋大概都等咗半個鐘左右就有嘢食。.出前上壽司盛盒x2呢個係兩份嘅份量，一見到赤醋嗰下，哇咗聲，估唔到係food court嘅壽司舖都咁有心思，同埋舊飯握得幾好，應該唔係機整，用嘅刺身都幾新鮮。有三舊應該係軟殼蟹壽司係佢送嘅，新店嚟講都幾有心思。海之幸魚生丼飯份量幾大，用料都算足，食得出啲刺身好新鮮。最後埋單$264，留意番唔知係咪因為新舖所以要俾現金。…查看更多

❣️CP 值高所有🍱丼飯配有盒裝飲品🧃🐟呑拿魚腩蓉丼 $58💰價錢非常合理呢個配搭🍽送飯一流！赤醋米專用🍚吞拿魚蓉未算話💯 但勝在份量頗多🤤食到最後一啖飯都仲有魚蓉撈飯😯口感滿足🤩 蒲燒鰻魚丼飯 $58角切魚生丼飯 $48…查看更多

最近先知得寶呢邊原來個foodcourt轉晒d舖好耐無來過啦估唔到有驚喜呢度有多款唔同地方美食環境幾乾淨尋日試左間日式餐廳估唔到好高質叫左個腐皮烏冬套餐估唔到個腐皮咁好食甜甜地開頭仲霖住好普通如果多d蟹柳會更好不過個salad好好食😋因為好fresh成個set感覺好豐富有炸雞、炸蠔同炸蝦卷因為即炸所以好脆口炸物好出色特別係炸蠔好juicy好正整體d野好好食個烏冬好滑成個set咁多野食$60有找好抵食下次會再來…查看更多

九龍灣德寶商場-平民日式料理今日試左個角切三文魚親子丼 我認為cp值幾高一個餐 有丼飯之餘 仲有沙律同一包紙包飲品 50蚊有找 單單價錢已經夠吸引而食物質素方面 三文魚雖然數量略少 但里個價錢絕對合理 而且有三文魚籽 作點䮕 十分滿足到想平食日本野既人…查看更多

今次一個人食lunch，俾我搵到一間可以食壽司嘅餐廳，就係佢啦😆係food court入面價錢當然唔會太貴，而且餐單壽司選擇款式都幾多🙈出前上壽司盛合 $78壽司包括有三文魚、赤蝦、帶子、火炙左口魚邊、油甘魚和海膽。跟餐仲送蟹籽沙律同飲品，78就可以食到6件壽司，仲要有海膽同火炙左口魚邊食，可以話好抵食！最好食係火炙左口魚邊，入口即溶🤤btw呢到壽司飯全部都係赤醋飯…查看更多