影片
去元朗揾食😋😋遇著啱啱天氣轉凍要食返鍋暖暖嘅羊腩鍋😋🍺肉嫩鮮美,味道一流鮮蝦鮑魚炒雞鍋🍻好特別,一定要試加埋個酸菜魚,魚片嫩滑鮮甜酸菜開胃芽菜爽口簡直一絕,如果唔夠飽重可以加米線😘去開元朗搵食可以不妨一試呀
繼續閱讀
元朗新開特色雞煲店 好近平時去既西菁街約咗幾個朋友去試食 入到去店員好細心 知道我地唔食辣就介紹我地叫呢個炒雞煲另外可以再加配料 我地加佐魚卜同蘿蔔雞煲唔辣都好香 非常入味魚卜大大隻好淋好入味 蘿蔔爽口好甜 無渣我地另外買佐海鮮加料打邊爐鋪頭幫我地洗海鮮 唔會hea洗 全部都好乾淨雞煲仲送佐個蔬菜拼盤 最後加佐少少配料已經非常飽非常抵食 好有人情味總括黎講都好岩聚餐 會再去食餐牌仲有其他雞煲 海鮮煲 望落都非常吸引下次可以試下蟹鍋同午餐既米線
繼續閱讀
食過幾次，晏就我食既係藥膳雞米線，頭一次食可能岩岩開業，味道有改善既空間。第二次去再試好食左好多！啲湯味濃郁，足料。價錢都唔算貴。希望可以Keep到。初初諗住湯底會蓋過咗啲雞味，但原來都唔會。老板用既走地雞好有雞味👍🏻👍🏻唔似一般既霉雞好老。夜晚食過一次既炒雞煲都唔錯。食完個雞煲仲可以加湯打邊爐，唔怕唔夠飽。下次會試埋個醉雞煲希望食物可以一路保持水準另外店就唔算話好大間，都坐得舒服唯一嘅不足就係餐廳冇廁所，要用共用嘅廁所
繼續閱讀
平日夜晚九點 夜麻麻諗唔到食咩見到依間舖頭 有醉雞米線⭐️但係門口 見到入面無人食 心諗少伏😓唔知咩勇氣 就衝左入去😂一入到去超香 花雕酒味攻入鼻但係今日唔係太餓同朋友每人叫左1碗米線⭐️雞好嫩 好足料 足足有6,7件大雞酸菜魚 無骨 配料好多湯底好正 feel到用心製作既小店靚女樓面 好好人 好有禮貌用心介紹 好細心性價比超高$48 真係搵唔到！！下次會試花膠雞 雞煲💜💜絕對會翻兜
繼續閱讀
意料之外好食的餐廳因為落雨， 原本想食嘅餐廳提早關門， 沿路睇下有咩食， 剛好我朋友因為嗅到味，所以想食雞煲。價錢睇落又唔貴， 所以就入去試下。叫咗個辣雞煲(半隻雞), 味道濃，雞滑, 幾好食 ， 有啲意外。 中間員工會過黎幫手攪勻雞煲，之後加水打邊爐會先兜走啲油先加。 👍🏻我地再叫咗啲瓜同菜， 種有烏冬，牛肉。 瓜菜烏冬嘅份量比想像中多好多， 牛肉叫咗平啲嗰種， 就不過不失。 老闆同員工好好人， 健談有禮貌， 有親切感， 服務態度一流。 👍🏻👍🏻👍🏻👍🏻👍🏻下次會去試下叫一個個餐啲米線。
繼續閱讀