壹陸捌火鍋 (已結業)

12:45 入店舖，見到一個人都冇，嚇親，有啲怕係伏🙈 不過都係坐低準備試下。店內裝修比較簡約，有少少工業風。勝在枱都舒服，坐起黎唔逼。冇幾耐就有其他人入黎堂食。中午選擇唔多，決定叫個乾炒牛河。佢地上菜速度唔算超快，但牛河上枱就真係熱辣辣，似係即炒。河粉算係好大碟，河粉味道幾好，入而仲有好多牛肉同芽菜，算係幾足料，但係可惜牛肉係打邊爐個d 肥牛，仲有少少雪味。午市可以跟湯/汽水，唔使加一。食食下聽到隔離枱話個滑雞煲好食，下次有機會可能都試下

此店屬於街坊小品，裝潢有小小coffee shop元素，添上微微的現代氣息。花膠雞鍋用料十足，湯頭夠濃，煮配料前來碗湯開胃一流，惟花膠有點硬，軟多一點會更好。豬潤不錯，沒有腥味。桂花膀還可以，爽脆。手切肥牛就感覺有點普通，脂肪比稍高，肉味欠一點點。韭菜餃餡料有点不同，豬肉比例較韭菜多，沒有什麼韭菜味，正所謂「如果超多韭菜味， 豬肉味冇掟企，等到豬肉味返番嚟，韭菜味又唔爭氣。」。2人光顧，點餐如下：醬料費 x2青島啤酒養顏花膠雞鍋本地手切肥牛（小）豬潤桂花蚌自製韭菜餃竹笙鮮枝竹冬瓜片加一後，合共HK$1,067。

今日涼涼哋想打邊爐，人在北角，自然想到黎呢間小店再幫襯多次。今日兩個人叫咗美國雪花牛肉（$118）、黑豚肉（$108）、水餃（$78）、手打墨魚丸、厚切午餐肉（$48）、炸支竹、蜂巢豆腐同烏冬。 全部材料都好新鮮，推介手包水餃、手打墨魚丸同午餐肉，墨魚丸手打之餘，仲好足料；午餐肉煎脆咗先上枱，外脆肉軟。樣樣食物都好味，保持水準，由於太肚餓，影唔切相，只有狂風掃落葉完嘅一張相，再次推介呢間小店，值得支持！

第二次黎幫襯啦～上次食重慶雞煲食過翻尋味，作為食🐔愛好者，今次試下花膠雞煲。又幾有驚喜喔，花膠足料，湯底好濃，仲有半隻雞係個煲裡面！老闆建議先飲湯再淥其他食材落去，個湯頭真係唔錯👍好啱女仔食。如果鍾意食辣同習慣重口味嘅，我就推薦重慶雞煲，真係好香好入味。最後叫佐個厚切餐肉同烏冬，好滿足！鍾意食餐肉同烏冬嘅一定要叫！韭菜餃都係my fav之一，皮夠薄，韭菜夠多。有個叫墨魚脆脆嘅都唔錯，係其他火鍋店食唔到，好似係自家製。總體黎講價錢唔算貴，份量都幾多，夠新鮮。會再黎幫襯，下次試埋個卜卜蜆煲先😋

剛好朋友生日想吃火鍋，於是就選佐呢間北角新開嘅火鍋店。環境算安靜，不過鋪頭就比較細，一次容納唔到太多人。但勝在裝修夠現代，感覺好chill 好適合一班frd聚會傾下計打邊爐，所以坐得都好舒服😌不過如果有埋音樂就perfect d～更加relax好鍾意距呢個霓虹燈設計～總體menu價錢都好合理，最後埋單真係超抵，叫埋象拔蚌都係人均三百幾，但我地已經放開肚皮食，真係平靚正❤️湯底我地叫佐花膠雞，有驚喜，超足料，而且d湯係濃到起膠！小食嘅黃金魚皮真係好好食 好有驚喜～唔會太鹹，但蛋黃味非常濃郁，新鮮炸起真係食到停唔到口！象拔蚌非常新鮮～而且咁大條1000蚊都唔使😂但就要提早預訂，唔係日日有手切本地牛色澤都好紅潤好新鮮，好欣賞距地呢度好多都係純人手製作，韭菜餃，丸都係自家制。特別係個墨魚脆脆，好有咬口，而且仲有2種味呢個個牛百葉都好特別 唔係用白色果d，反而係黑百葉，感覺無咁化學 哈！最後個午餐肉真係好食到爆燈！煎得好香脆，外脆內軟，真係好好食❤️一試難忘，我覺得以後可以成為我地一班滾友嘅飯堂 哈哈

剛好來到北角，本身想落銅鑼灣打邊爐，但無位，見到這間新開的火鍋店，就試一試啦。沒想到驚喜十足！試了他們的蜆煲湯底！非常足料！洋蔥味道濃郁，蜆粒粒肥美，完全沒有腥味，蘿蔔絲更是精華所在，吸收了湯底的鮮味！只是食個湯底都已經值回票價！一試難忘！可見餐廳的用心！見到menu還有雞煲、番茄濃湯、花膠雞湯，好想好想試埋！下次再來試！牛肉非常肥美，牛肉味重。鮑魚和蝦都好大隻，好新鮮。鹹蛋魚皮是驚喜。最後再下一個稻庭烏冬，配上鮮味十足的湯底，為這個火鍋晚餐畫上完美的句號。埋單每人才HKD400有找（provided that 我們叫左好多海鮮加肥牛）這個價錢不要說在銅鑼灣、尖沙嘴，北角區內都很難找。是性價比超高的火鍋店。更要讚一讚非常年輕的老闆，好有heart，周圍問每一檯客人意見。看得出他很想做得好。所以我們都食得好warm 好 happy! 會再來支持！

湊巧於北角工作，放工後想打邊爐，於是揾到呢間開咗無耐嘅小店。店面唔大，得幾張枱，但環境餐具等都好乾淨食物價錢喺北角黎講唔算貴，但用料都幾新鮮點咗：湯底叫咗南瓜湯（$88）唐生菜（$38）洗得好乾淨 👍🏻👍🏻👍🏻炸枝竹（$38）厚身無油益味黑豚肉（$98）彈牙有豬味雪花肥牛（$98）份量好多，有肉味厚切午餐肉（$48）煎過先上枱，厚切，好好味炸魚片頭（$55）好多舊，炸得好香口除左呢啲，我哋仲叫咗桶蠔同赤貝刺身整體黎講，係一間值得支持嘅小店，價錢比起九龍城/銅鑼灣呢啲邊爐熱門地方平，但啲料一啲都無將貨就價，所以特意寫食評支持下！👍🏻👍🏻👍🏻