壹號茶記 (已結業)

今年book咗朋友生日加團拜就喺呢一度灣仔茶餐廳舉行又平又抵食，直頭食到私房菜嘅味道啊。個瀨尿蝦全部有膏的，仲有嗰個松茸燉湯勁好飲。我哋係七至八個人囉，因為有一個人生日，所以冇除佢人均都係$380。$380就可以食到新鮮嘅蟶子王椒鹽瀨尿蝦仲有成條鱔仲有好多餸，仲有隻炸子雞。總之好抵🥰價錢舒服啊。食得開心！仲有卡拉OK房啊可以唱新歌全部首首都係新歌估唔到茶餐廳有咁嘅服務我都大開眼界！😹定會再嚟。真係好抵。…查看更多

今日食咗好多好味味嘅嘢，特別係呢個咁靚嘅荔枝樹，個荔枝樹裏便呢係蝦膠嚟嘅，實在好特別好好味外邊脆卜卜，真材實料，而且仲可以打卡影相添。另外仲有食咗好多特色嘅菜式，尤其是係個招牌豬扒包，醬汁非常之特別，而且仲有個鮮牛蛋治包，實在係鮮嫩可口嘅牛肉再加上滑滑嘅雞蛋包住，實在太美味大滿足，今日嘅菜式全部我都好滿意，實在太多我都數唔晒，推薦大家一齊去食，重點係性價比高價錢實惠。服務非常之好，又有禮貌又細心體貼，搞到我都好似唔好意思，交通非常之方便，環境非常之乾淨衛生整潔，而且洗手間都好企理，我好滿意，所以推薦俾大家。…查看更多

有朋友生日想食齋，同老闆娘講可否叫師傅做到。她和師傅很好幫我安排。齋菜做得好好。因為師傅不是做開齋菜特定幫忙做。也能做得好用心好好味，朋友們個個都滿意喜出望外。真心講真係好美味。多謝師傅及老闆娘。下次再食過服務員態度又好，食得好舒服好有親切感，不但食物好還有人情味。有朋友有机會可以一試無介紹錯。…查看更多

大家食得很開心，份量十足美味，大家可以試下。訂了1圍16人餐，同長者慶祝70大壽，包房，可以唱k, 環境清潔整齊。食物ok, 份量十足，唔洗再加餸。侍應服務良好，有禮。😃😃😃😃…查看更多

諗住灣仔冇乜嘢食，求其入咗一間茶記都食到咁嬲，一坐低即刻要你搭枱搵一個人坐你對面。然後見隔籬枱阿姐又比餐具，跟住我冇餐具有禮貌地問阿姐攞問阿姐即刻西我面打開個櫃桶好似覺得我唔肯自己攞咁樣其實我係唔知道有然後啲嘢都好遲先嚟，又冇特別。食一個快餐都要50幾蚊，所以同樣價錢唔會再揀呢一間嚟食，性價比又低，又唔好坐，態度又差到死。食嚟食個飯都好似欠咗你咁嘅樣，唔會再嚟囉，灣仔有咁多選擇，使鬼再嚟你依間茶餐廳。食到一肚氣。最尾食咗15分鐘都冇就即刻走，以後唔會再嚟呢一間希望大家都唔好中伏，嚟受氣…查看更多