壹號漁船

壹號漁船  位於旺角荷李活商業中心, 人氣地點, 交通極方便.   此店在 2  樓, 很有規模.   面積大,  漁船形的大魚缸, 海鮮生猛活躍.  餐廳設計明亮整潔,  通道闊,  有窗邊梳化卡座, 大圓檯.   空調好好, 無油煙味.   店員 招呼好有禮貌.我們訂了位, 準備食個放題火鍋 120分鐘套餐.     星期六日 成人全日任食不限時段,  $138/p.  (午市加 $30, 晚市加 $60  無限時飲食優惠)   星期一至四, 只係$98/位.放題鍋有兩種選擇, 我們揀了A餐:  山野無花果滋潤湯鍋  滿山跑脆皮雞.侍應有效率為我們安排座位.   湯鍋及五盆雞件立即送上.逛逛自助飲品物區, 大型雪櫃多個, 飲品任飲, 有啤酒, 氣水, 果汁, 竹蔗水, 健康茶...., 我們取了冰凍啤酒, 氣水.熟食區有燒鵝, 牛腩, 花生炆豬手, 炸蝦.   自助醬料區, 擺設整潔衛生, 有辣有吾辣, 自由添加.   火鍋配料可以到冰櫃自取.   有魚蛋, 魷魚,  魚/牛/豬肉丸, 菇, 菌........時蔬, 雲耳, 淮山, 腐皮, 生根, 生菜, 南瓜片........ 蔬菜新鮮擺放得好整齊.另有3 個涼食:  涼伴雲耳, 蕃茄.泡菜.電磁爐很快熱,   湯鍋好足料, 有山野無花果, 滿山跑脆皮雞, 雞件啖啖肉. 雞肉嫩滑, 肉質不錯, 油脂不多,  滋潤火鍋湯底, 先飲碗湯, 無花果湯好清甜滋潤.大家用 QR Code  點了肉類, 餃子:   肥牛,  豚肉片, 爽豚肉,  食物很快便由專車送到, 用膠盒子盛載.鮮滑牛肉, 魔鬼辣牛肉,  手工餃子,  可以無限添加.我們樣樣點齊,  一一擺滿台, 勁豐富.  顏色鮮嫩, 脂肪分佈平均,  滾兩滾就食得, 牛脂香味濃,   肉質鬆軟,  魚皮, 生根,  滾滾就食得,  可口.海鮮:   鮮海蝦 (自費）$24-   4隻, 上檯仍然生猛,  巨型又新鮮,  蝦肉彈牙爽口.海斑片（自費）$20-   3塊, 好大塊, 魚肉新鮮, 味道鮮甜, 十分可口. 鮮鮑魚（自費）$36 兩隻.  大件鮮甜無比.熟食取了牛腩, 花生炆豬手, 炸蝦 熱辣辣, 好香囗. 熟食烹調好味, 有質素, 食得滋味.牛丸, 蝦丸, 墨魚丸, 豬肉丸,  彈牙爽口. 手工餃子,  餡料滿滿, 入口好滑. 新鮮好味,  粉, 面, 也吃不落了.  清清味蕾, 吃些翠綠 蔬菜, 有唐生菜, 油麥菜, 娃娃菜, 西洋菜, 菠菜, 菜心, 南瓜片, 芋頭片....食完火鍋, 還有時間食雪糕. 吃了雪糕,   精神哂!!壹號漁船 食物新鮮, 款式多至吃不完, 座位環境好, 招呼好, 是間超值火鍋店.…查看更多

百幾蚊就食到火鍋放題😱好抵食！仲食到脆皮雞配山野無花果湯鍋，多款自助區配料任食，同埋牛肉無限追加。✨ 山野無花果滋潤湯鍋 湯裡面有吾少無花果，紅棗，味道相當清甜。✨滿山跑脆皮雞個名過癮🤣將脆片雞擺入湯裡面，口感爽脆，雞肉吸收清甜湯底後更添滋味。✨自助小食區有蒜香芝士雞翼同埋避風塘炒蝦，雞翼蒜香芝士味好濃郁🧀避風塘炒蝦少少辣夠惹味🔥✨鮮滑牛肉 滑牛肉肉質軟腍，牛味香濃🐮✨精選靚肥牛脂肪較牛肉部份多，所以都好易入口。✨鮮海蝦呢樣我覺得係咁多樣火鍋配料入面最好食嘅，一嚟到睇個色已經知係靚蝦🦐整熟之後相當鮮味。✨鮮鮑魚鮑魚同樣新鮮，口感係充滿嚼勁。✨斗門墨魚丸/ 鮮爽蝦丸兩者同樣爽口，個人喺火鍋店一向鍾意食丸類。…查看更多

話說旺角有好多間放題或打邊爐任君選擇，我同另一半想食得養生少少，呢間壹號漁船一定會滿足又好味又養生的大家~湯底兩款都好特別，我地選左山野無花果滋養湯鍋，山野無花果湯清甜而帶天然淡淡果香，淨飲湯底都非常美味，菇的鮮味滲入湯中，喝得暖胃又滋補。滿山跑嘅脆皮雞份量都好多，雞肉係鮮切的，保證雞片啖啖肉無骨。呢間餐廳用的雞種很特別，雞肉片好似脆肉鯇一樣彈牙爽口。脆肉雞骨用黎煮湯底一流。枱面仲貼上教學:黃金18秒,皮脆肉香任食的黑豚肉片和爽五花豚肉都切得薄薄，輕輕在湯中涮幾秒即熟，入口帶脂香。重點每一塊黑豚肉片油花都幾均勻，每塊肉片都大過一隻手掌，肉汁多又鮮嫩。鮮滑牛肉和魔鬼辣滑牛肉片亦相當新鮮，辣牛肉帶點麻辣刺激，滑溜溜好味。抄手細緻美味，韭菜水餃皮薄餡多，韭菜香氣十足。熟食都好多款選擇，豬軟骨非常軟爛入味，愈食愈香。蝦件都幾惹味，如果覺得單吃肉肥膩，除左自助區有超過30幾款蔬菜同邊爐肉丸可以自取之外，亦都有涼伴小菜，有甜酸醃蘿蔔、冷盤手拍青瓜、雲耳、蕃茄等等，令整餐口味層次多變，爽脆清新又解膩。甜品除左有中式煮芝麻糊，仲有雪糕及大量飲品可以自取，款式很多。總括來說，湯底主打健康滋補，價錢以晚飯黎講都幾實惠，食材方面脆皮雞肉真係特別的，又新鮮，味道豐富令人回味。非常推薦愛打邊爐又想吃得滋潤的你試試呀！🔥🍲…查看更多

試佢哋嘅放題火鍋，成人每位$138，揀咗A餐 - 滿山跑脆皮雞餐，仲額外加$36試咗鮮鮑魚，幾抵食😆湯底我哋揀咗山野無花果滋潤湯鍋，味道清甜，帶有無花果嘅天然香氣，飲落好滋潤，完全唔會覺得膩，簡直係驚喜！配上主角滿山跑雞，效果更加出眾👍🏻 呢款雞肉係任食，切成細條，超新鮮，只需喺湯底燙18秒就食得😍 咬落去，肉質嫩滑、脆口又彈牙，完全唔柴，食得多都唔會覺得重口，點醬汁更加惹味！雞翼同雞腳就用來煲湯，滾一陣後，湯底滲出雞嘅鮮味，變得更加濃郁🤩鮮鮑魚（2隻+$36）雖然要加錢，但質素好高，爽口彈牙。自取區選擇多到令人開心！炸雞翼外脆內嫩，咖喱魚蛋香辣惹味，炸蝦同炸魚皮炸得夠脆，響鈴吸湯好正，超滿足😌 蔬菜新鮮，款式又多，配搭火鍋好perfect～…查看更多

喺旺角諗住食個快飯，行經多間茶餐廳食個碟頭飯都要80蚊以上，放棄選擇。諗起呢間酒樓有火鍋放題一於睇吓，目標係平放題就食最平的火鍋放題。走地脆皮雞，真係未食過超彈，層皮係彈到咬唔入，雞肉唔滑，唔啱我。肥牛就係最便宜嗰種，不過唔算好韌，還可以，滑牛肉口感比肥牛更好，豬肉片普通。其他火鍋配料在自助區，主要係丸類，蔬菜有好多款，質素正常。熟食區有豬軟骨唔錯，蘿蔔牛腩碎一般，花生豬手出咗一轉幾好食，另炸物有雞翼，蝦，南瓜都係普通，有燒鴨普通，芝麻雞無驚喜，燒雞皮有啲脆比較好食。啤酒汽水任飲，雪糕杯雪條任食。食物質素認真一般，唔算難食，價錢反映一切，任食嚟講覺得幾抵。…查看更多

家庭聚會就選擇在這間酒樓用膳，來之前還打算早一點準備排隊的，到達以後才知道入座率大概一半而已，時間是中午12點30分，也許是我太來沒有飲茶吧，現在市區的酒樓普遍也不需要輪候。直到大概兩點離開時，才出現一些輪候隊伍。餐廳分了兩個部分，一邊是打邊爐，另一邊是常規的飲茶，仍然閒置的是打邊爐部分。一行四人，派發了一個茶包，大概能夠沖到五次。由於我吃素為主，未能在菜單找到多少合適的吃，就叫了一下腸粉，這是街市的那款，而不是廣東有餡料的羅漢齋腸粉。…查看更多

壹號漁船120分鐘全日放題有2個餐選擇A: 山野無花果滋潤湯鍋配手功無骨走地雞B: 香辣脆魚煲（可選大、中、小辣）因為我不吃魚，所以就選了 A 手功無骨走地雞。自助區有火鍋配料、火鍋調味料、4款熟食、糖水、雪條和飲品，都是可以任攞任食。而火鍋肉類除了雞可以任食外，還有3款牛和2款豬，也是可以任叫任食。火鍋肉類我主要食牛，叫了精選肥牛。牛肉質素不要抱太大期望，始終價錢是$98任食。但是，以$98任飲質素來講，牛肉質素是可以接受。食物款式選擇不多，但$98+10%可以任食120分鐘，肉類還可以任叫任食，都算性價比高。…查看更多

很久沒有食過令人滿意嘅小菜，廚師廚藝佳，小菜絕對有用心去做，鮮味龍躉兩味好抵食，翠玉瓜炒魚柳及古法蒸龍躉，雖然係優惠小菜組合但味道有水準份量足，再來咕嚕肉粉薄肉靚口感佳，可以食多幾舊不會感覺肥膩粉重，最後紅燒花膠豆腐都好吃，豆腐嫩滑可口，配合冬菇花膠同美味醬汁，用來餸飯一流，長者也可食得好滋味，下次會再光臨及試下任食打邊爐，聽講好抵食還有“大家好”姐服務態度非常好，殷勤又親切，難得遇到咁好嘅服務員👍…查看更多

😋實測旺角邊爐店舖🍴旺角有間自助任食邊爐嘅餐廳呢度嘅邊爐放題價錢平實，平日人均$98加一俾你輕鬆享受到滿滿嘅火鍋樂趣！🤩🍲我最近試咗佢哋嘅招牌邊爐，選擇多到你眼花撩亂！有各式各樣嘅肉類，丸類，蔬菜，全部都可以隨你搭配。我試左山野無花果滋潤湯鍋，個湯底淡淡地幾健康。✨呢度提供兩個鐘嘅用餐時間，俾你可以慢慢享受😎餐廳環境舒適，適合同朋友聚餐或者家庭聚會。值得回訪！😋…查看更多

這次我們選擇了套餐A：「山野無花果滋潤湯鍋」配手功去骨走地雞，湯底果香濃郁又帶淡淡草本氣息，清潤不膩，非常適合喜歡清爽口味的食客。雞肉滑嫩、肉質緊實，吃得出手功處理的細膩。雖然整體肉類選擇不算多，也不見海鮮身影，但120分鐘任食的設定令人安心——可以慢慢煮、慢慢吃，享受與朋友的悠閒時光。自助區的配料種類適中，有蔬菜、麵食及各式醬料，雖不算多元，但足夠搭配主鍋。甜品部分也算有驚喜，為餐後帶來圓滿句點。以$128的價位來看，性價比不俗，若在指定時段享有$98的優惠，絕對是划算之選。整體而言，是一次舒適又滋味的體驗。…查看更多

琴日收工同朋友去咗旺角嘅1號漁船試一試呢個 $98 120分鐘嘅火鍋放題火鍋可以揀魚煲或者雞煲加個$10就有埋豚肉任食我哋揀咗雞煲 豚肉就冇加到啦除咗雞之外 牛肉都係任食嘅出面有火鍋配料例如蔬菜同埋丸類可以攞飲品種類都好多汽水啤酒等等都係任飲甜品有芝麻糊同埋雀巢同牛奶公司雪糕雞肉嘅份量好足而且亦算嫩滑😋牛肉片同滑牛都正常👍🏻價錢每人大約$108連埋加一其實真係好抵食 值得推介👍🏻📍壹號漁船 (旺角)旺角彌敦道610號荷李活商業中心2樓A及B號舖…查看更多

整體來講海鮮真係好新鮮！特別係個海鮮拼盤，有蝦🦐、帶子、魚片🐟、魚肚、鮑魚、魷魚🦑同生蠔，最震撼係啲蝦上台仲識郁下郁下！湯底揀咗麻辣🌶️，但辣度唔係好夠 ，湯底偏淡，配料區都幾豐富，有齊響鈴、菇類🍄、蔬菜同各式調味料，自由搭配度十足～熱食方面有驚喜✨，會定期有新野，今次試到豬手🐷同雞翼，入味又嫩滑！…查看更多

今晚同同事出旺角食飯，選擇咗呢間喺旺角荷李活廣場嘅任食火鍋。上到去先發覺原來佢係有分小菜同埋火鍋，因為我哋想食火鍋。 所以就 去咗火鍋嗰邊。服務員都好好。 我哋有朋友遲到佢都肯幫我哋改遲咗半個鐘，所以服務尚算不錯。 佢仲因為我哋有8個人安排咗一間房。 俾我哋 自成一角，我哋選擇咗比較靚嘅牛肉套餐, 套餐裏面，仲可以選擇要海鮮拼盤或者乳鴿或者龍蝦半隻。 我哋一行八人，全部都選擇咗海鮮拼盤。 拼盤裡面亦都好豐富，有元貝，有鮑魚, 蠔等等。 另外，仲有好多其他嘅配料。 我想特別一提嘅係，佢嘅牛肉真係非常之有牛肉味，所以就算加貴少少都好值得。 另外，仲有可以值得提嘅係，佢外邊嘅小菜，有啲已經煮熟咗嘅小菜，可以食佢嘅牛腩好好味。 另外，仲有豬手，豬肚炆枝竹等等，都係非常好味。 然後當然，有多款飲品任飲。 同埋雪糕甜品等埋單時我哋每人達約300幾蚊，我覺得性價比仍然算是高的。…查看更多

5月5號趁假期去試個$98另外原價加一嘅火鍋放題，難得假期同平日同價。11點開始任食兩個鐘，特登11點去到，早去嘅話優先坐卡位，算係幾好，同埋無咩人，所以拎嘢食都好流暢。枱面有垃圾袋同湯底，幾方便。本身想拎雪糕，但成個櫃吉嘅，問咗職員，話因為放假所以無返貨，心諗吓？成間餐廳可以無準備，我唔係特別想食高級嘢，但求便利店見到嗰啲普通大路嘢過吓口癮都好，話晒放題。經理一句唔會另作通知，貼張紙喺門口都唔肯，大條道理同我哋講係咁做生意，明白晒，有時唔好怪啲人唔留港消費，連基本嘢都唔做好。講返嘢食，前菜涼拌木耳幾好，牛腩都ok，飲品淨係茶類同啤酒無汽水，丸同菜嘅種類都夠同ok ，湯底雞或魚（要另加$），電話可以落牛豬羊雞同幾款餃，牛要早啲落，唔係好易無同埋等，雞係雞絲，羊少少騷味但接受到，豬一般，餃有隻餡有蝦幾好，其餘一般。唔知夜晚都係咁定係歧視食午餐嘅人，都聽到唔少人講以前見到嘅熟食今次見唔到，又漏單又俾多咗，last order前最少半個鐘都見唔到落完嘅肉，唔要求俾足，有俾到部分落吓肚都好。我keep住留港消費係相信仲有啲餐廳係值得幫襯，但呢間平都好，我相信我唔會再去。…查看更多

座位寬敞，地方整潔乾淨，食晚飯時沒有人常常催促，平日去沒有限時，食物質素也不錯，價錢尚算合理，整體推薦朋友聚餐可以慢慢傾談，地方也不算太嘈吵，下次可以再去幫襯食飯！…查看更多