137
2
3
電話號碼
28139368
營業時間
今日營業
12:00-16:00
18:00-22:30
星期一至日
12:00-16:00
18:00-22:30
付款方式
Visa Master 現金
其他資料
電話訂座
食評 (146)
平食日式料理 焦點食評
等級4 2018-02-16
37 瀏覽
今天和朋友去大圍參加聚會,完成活動後就在附近吃個午飯,這一帶的餐廳選擇不算多,肉餅哥之前已經吃過,所以今次選擇吃日本菜。推門而入,是一家家庭式經營的餐廳。餐廳裝潢平實簡樸,黑色磁磚牆壁和地磚,天花是玻璃窗,引進自然光,設有不少卡位和圓檯,坐得頗舒服。午餐的價錢非常親民,價錢由$35到$88都有,以日式餐廳來說,非常便宜呢!不過我比較想嘗試其他菜式,所以點了幾款試一試。⭐️香芒龍蝦沙律$78這道沙律給了我不少驚喜呢!顏色繽紛,除了大大片芒果和沙律菜,還散上蟹籽和大米花,底下還有厚實的龍蝦肉,口感豐富,層次分明,入口酸甜開胃,不俗!⭐️鰻魚忌廉芝士卷$78以鰻魚包裹米飯,裡面還藏了一粒芝士,咬下去鰻魚肉質細嫩,鰻魚跟米飯和芝士融在一起,味道很搭,很滋味呢!⭐️蘋果豚肉卷串$22這款蘋果豚肉卷串很有新意,薄切的豚肉包著蘋果粒烤,清甜的蘋果爽脆多汁,平衡了豚肉的油膩感。⭐️牛脷串$22厚燒牛舌也相當惹味,肉質彈牙,看來這家餐廳的燒物相當有水準呢!▪️想不到大圍有家便宜又好吃的餐廳,食物設計頗有誠意和水準,有機會再試試其他菜式! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-01-08
1084 瀏覽
 假期入大圍搵朋友,夜晚帶我去咗間幾抵食嘅日本餐廳打邊爐!平時好少去大圍,原來街市出面有幾間好似獨立屋仔嘅都係餐廳嚟~  晚市時段有丼飯/拉麵套餐,亦可以散叫。另外仲有日式火鍋類,有雪酒准山雞、安格斯生牛肉同黑豚鍋。火鍋本身已包一盤蔬菜,如果想要多幾款就可以自行另加。 極上三文魚腩(6片) $98 [分數:8.5/10] 食日本野點都會想食下刺身!所以一開始就先嚟個極上三文魚腩!魚腩上面深深嘅格紋真係夠晒吸引! 食落爽爽地,之後係陣陣油脂香!魚油多得黎又唔會太漏!開飯前每人2-3片就啱啱好~ 藍旗呑拿魚蓉帶子蟹籽丼飯 $98 [分數:8/10] 自選配搭晚餐有平有貴,最平只係$38蚊就有份!我地就分別叫咗兩個飯~ 分別係:藍旗呑拿魚蓉帶子蟹籽丼飯同蟹特盛! 藍旗呑拿魚蓉帶子蟹籽丼飯,個名夠晒長,認真架勢!出到嚟實物一樣令人眼前一亮!呑拿魚蓉夠晒多!上面仲有蟹籽、芝麻粒同帶子做陪襯~ 啖啖都感覺到呑拿魚蓉嘅軟綿、蟹籽嘅鹹鮮同淡淡嘅芝麻香,每啖嘅口感都非常豐富! 蟹特盛 $88 [分數:8/10] 如果唔鍾意食生野,就可以揀蟹特盛!入面有松葉蟹膏、蟹肉、蟹柳同蟹籽~同呑拿魚蓉丼一樣咁豐富!平時食有蟹肉嘅野,啲蟹肉多少撕到碎濕濕,得少少蟹肉絲咁,但呢到嘅蟹肉真係一舊舊!所以食落唔會太淡,而且飯上面仲加咗味素,再加上蟹膏,味覺絕不單調! 和風炸餃子(2隻) 跟餐+$18 忌廉蟹肉薯餅(2件) 跟餐+$18 [分數:8/10] 小食炸物方面,晚市套餐可以加$18就有兩件!我地加咗炸餃子同忌廉蟹肉薯餅。餃子炸得好脆身,個外皮卜卜脆好香口。而蟹肉薯餅就表面鬆化,入面就係滿滿嘅薯蓉,而正中間位置就有少量忌廉,令薯蓉保持濕潤同口感更加順滑,大大件好抵加! 安格斯生牛肉鍋 $188 [分數:8/10] 其實今次嚟最主要嘅目的就係打邊爐,天氣凍凍地食就最啱~3款鍋底之中我地揀咗牛肉~啲安格斯生牛肉片切到成塊牛扒咁!當然係薄切啦!但望落巳經夠晒吸引!另外仲會跟埋一大份蔬菜,有豆腐、冬菇、金菇、小唐菜、紅蘿蔔等等⋯連埋大大個鍋可以另外加料打邊爐! 安格斯生牛肉鍋 $188 [分數:8/10] 牛肉鍋本身無跟麵食,我地追加咗份手打烏冬!安格斯牛大大片,相比起平時嘅肥牛,脂肪比例明顯少好多,食落肉味會重啲,再配埋烏冬底同啲蔬菜,真係成碗牛肉烏冬咁!最好嘅係佢地嘅烏冬夠彈牙有口感!最怕食到啲軟淋淋嘅,真係會影響晒成個鍋!抵加! ****************************** 壹級日本料理 (大圍) 大圍美田路30號美林邨熟食亭1-4號舖 ****************************** 以上消費:$582 味道:7.5/10 環境:8/10服務:8/10衛生:8/10抵食:8.5/10 繼續閱讀
(以上食評乃用戶個人意見 , 並不代表OpenRice之觀點。)
三度壹級 焦點食評
等級4 2017-12-31
811 瀏覽
全港第一間位於屋村冬菇亭的日本料理,首先你不要理會它是否正宗不正宗,但先贏綽頭。當然,落入屋村的日本料理,大約都想到是甚麼格調,你斷估沒有可能走高級江戶前路線之級數吧。第一次來,為我的報章專欄做採訪,當晚試了不少菜式,平均也有一定水準,還是那一句:(百貨應百客)或許有人覺得這是港式,但你付出這個價錢,你就要知道會得到甚麼。第二次來,就是我的窮X飯局,其實,當晚我沒有時間坐下吃東西,只是淺嚐少許。今次的飯局純屬即慶,有人中午吃罷一頓豐富的海鮮餐,待我下班後私訊給我:(今晚得唔得閒食飯?)不如土瓜灣?(唔好喇,都係去壹級,就番啲住喺鐵路沿線嘅朋友。)周末的壹級,接近全爆,有家庭客、有行山客、亦有年青一輩,我們一行三人,其中一位朋友仍未太肚餓,我先來一碗油甘魚刺身丼,食住等。六十多元一碗,還包一碗麵豉湯,每一片油甘魚刺身都叫新鮮,你沒可能拿它與高級壽司店相比,畢竟這裡只賣六十多元一碗而已。額外加$18,即可享用忌廉蟹肉薯餅,外脆內軟,creamy的忌廉與蟹肉,的確美妙。或者你可以在放題,吃到相若的東西,但是放題對我而言太辛苦了,好像逼住你要吃很多東西,我不如逐樣點,自己話事。額外點了螢光魷魚等小吃,用來配自攜的清酒,鹹鮮味美。馮京作馬涼,本來我們點了安格斯生牛肉鍋,價錢為$188,上桌時卻是安格斯牛肉鍋,不過價錢便宜$100。既來之則安之,湯頭有點像壽喜燒的甜,牛肉嫩中帶嚼頭,肉味濃,配以這偏甜的湯底亦不錯。坐在遠處的兩口子,共享一個生牛肉火鍋,包一碟菜加一碟牛肉,除開每人不用一百大元,抵到爛。最後怕不夠,再加個墨汁海鮮炒烏冬,魷魚與帆立貝做主角,漆黑深不見底的墨汁,盡情地掛在每一條爽滑的烏冬身上,吃到變成一頭烏咀狗。要用濕紙巾抹兩遍,才能抹掉咀唇上的墨汁漬。 繼續閱讀
(以上食評乃用戶個人意見 , 並不代表OpenRice之觀點。)
聖誕歡聚冬菇亭 焦點食評
等級4 2017-12-26
530 瀏覽
我最喜歡的節日一定係聖誕節。普天同慶,大家可以同朋友聚會一下!今年揀咗喺大圍食日本餐!午餐時份去到,先挑了刺身及日式壽司飯午餐。刺身拼盤$420每次來,都會揀幾款喜歡的刺身食,今次挑了赤身+油甘魚腩+帶子+珍寶牡丹蝦。刺身是一貫的厚身,新鮮又鮮甜。油甘魚腩肥美,牡丹蝦爽口,帶子就清甜。刺身拼盤性價比也不錯。藍旗呑拿魚蓉帶子蟹籽飯跟味噌湯 $98分量十足的藍旗呑拿魚蓉帶子蟹籽壽司飯,幾個人分,也每人一大碗呢!柔軟的吞拿魚茸混合飯來吃,加上有帶子蟹籽、芝麻、紫菜等相伴,非常不錯。和風炸餃子午餐加$8就可以有兩隻餃子。本來對餃子沒有太大的期望,但係上桌後,發現是即炸暖熱,很不錯。 清酒煮蜆 $78 大大隻蜆,肉厚嫩滑,份量也很多。冬天最正就係可以飲埋個清酒湯! 安格斯牛肉鍋$188  最後來了個店主推介的牛肉火鍋🍲。至少3-4 人份量,很適合小家庭食的!豬骨湯底再配上高質素嘅肥美鮮嫩的安格斯牛肉,已經值回票價啦!還包了一大盤yummy優質的日式蔬菜,菇類菜類、豆腐都非常入味,所以非常值得推介。此店乃做街坊生意的日本菜,水準也算不錯呢! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-12-20
594 瀏覽
今晚又難得約到一大班朋友食日本菜,今次去嘅地方好特別,喺大圍較入嘅位置,屋村附近嘅一個冬菇亭內。入面樓底幾高,座位寬敞,可以靜靜地傾計,又有大枱,感覺都幾舒適。估唔到食物款式都幾多,仲有二人套餐,感覺好抵食,特別是午市,幾十蚊就有個刺身飯,學生仲有飲品送。我哋最後揀咗二人餐—梅 $638芒果龍蝦沙律因為當日沒豆腐,所以轉了這個沙律,芒果非常香甜而且份量好多,沙律菜亦夠新鮮,底部有大量龍蝦肉粒,配搭好清新。芥辣八爪魚八爪魚彈牙爽口,芥辣亦夠辣,入口十分刺激。刺身七點盛內有三文魚腩、赤身、油甘魚、帶子、北寄貝、珍寶赤蝦及八爪魚。三文魚腩厚切,脂肪分布均勻,好肥美。油甘魚魚油豐富,入口充滿油脂。赤身魚味較重,味道香濃。北寄貝及八爪魚彈牙爽口整碟刺身十分豐富而且好新鮮燒原隻魷魚筒好巨型的魷魚筒,上面充滿惹味醬汁,入口不韌而且富彈性。和牛串及帆立貝串霜降和牛粒串燒得剛剛好,咬入口充滿肉汁,而且夠腍身,而帆立貝亦好大粒,燒得好香又惹味。壽司四件有三文魚籽、三文魚、赤身及油甘魚壽司,質素和刺身盤一樣,飯粒結實有口感。鰻魚炒飯鰻魚炒飯炒得夠鑊氣,入口飯粒軟綿而且夠乾身,鰻魚醬汁亦好入味,鰻魚份量亦夠多。最後還有甜品和飲品供應,呢個二人餐非常抵食,份量可以足夠三至四個人分享,而且材料新鮮豐富,性價比十分高。 繼續閱讀
(以上食評乃用戶個人意見 , 並不代表OpenRice之觀點。)