97
1
3
電話號碼
28139368
營業時間
今日營業
12:00-16:45
18:00-22:30
星期一至日
12:00-16:45
18:00-22:30
付款方式
Visa Master 現金
其他資料
網上訂座
電話訂座
賞訂座積分
有關獎賞計劃
食評 (103)
等級4 2017-11-17
54 瀏覽
去開大圍,就一定會過黎呢度食飯。貪佢大件夾抵食!呢度啲枱夠晒大張,成班人一齊黎食都會坐得好舒服。兩個人食飯,點咗晚餐。今期啱食蟹肉,所以點咗個蟹特盛丼!HK$88 好大份,當中有「松葉蟹膏、蟹肉、蟹籽」。蟹肉拆得好碎,再溝埋蟹膏,更有鮮味。而蟹籽就令到食起上黎更有口感。蕃茄豆腐沙律HK$65我哋再散叫咗款沙律,但又唔想食平時食開個啲,今次就改食呢款蕃茄豆腐沙律。豆腐厚切,加上新鮮大塊的蕃茄,很新鮮!燒魷魚筒HK$88原筒的魷魚,鮮燒,加上特製燒汁,食起上黎,更加有風味。而且燒到唔會過火,適度好處。霜降和牛粒串大大粒的霜降和牛粒,燒到啱啱好,有著炭火香,而牛粒也很嫩滑。燒帆立貝大大粒的帆立貝,用著炭火燒,更加香口惹味。有點點微脆,而帆立貝也香嫩惹味。鰻魚炒飯HK$88大大碟的鰻魚炒飯,有著我最鐘意既鰻魚粒,加上有鰻魚醬,食起上黎更加有日式鰻魚的風味。咁多嘢,價錢唔貴,真係好抵食! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-15
90 瀏覽
男友住在大圍附近,聽聞美林村近期有新的日本料理進軍此地<壹級日本料理>,街坊的他不坊一試是否有所驚喜。入內的環境相當大,而且有圓桌及卡位之分。食物種類繁多,有丼飯、刺身、炸物、串燒、卷物等應有盡有。壹級自選配搭晚餐由$38起,跟餐支裝汽水加$8,包裝飲品加$5並有加一收費。小妹最愛丼飯,藍旗呑拿魚蓉帶子蟹籽飯跟味噌湯 $98。有一種回到日本的味道,臥虎藏龍之物。呑拿魚蓉是出自於藍旗可見上乘之物,而且份量相當多,味道提鮮並且有味。旁邊更有帶子及蟹籽配合得美輪美奐,不用添加芥末及豉油也是津津有味。平常入到屋村有如此高質食材完全值得再來。凡惠顧晚餐只需添加$18便可有小食,小妺最愛炸物的關係;決意點下忌廉蟹肉薯餅。即叫即炸熱騰騰並相當脆身,輕輕咬開後忌廉汁相當漲湃綻出蟹肉並帶絲而且少許薯香,令人想添加多一口的理由。卷物方面牛油果魚籽軟蟹卷 $88 ,牛油果的綠色加上魚籽的橙色非常匹配,包著即炸的軟殻蟹後相當澎湃而且帶脆。喜歡卷物的朋友可以一試。突如其來又想吃串燒不過肚子已經半飽狀態,倒不如吃一串焦糖菠蘿擺了。大條串燒燒得恰到好處,師傅更切好一片片上桌相當細心,菠蘿香甜有味不錯。明太子手羽,我的最愛雞翼輕輕包著明太子後漲卜卜而且輕輕咬開鹹味恰到好處。炸至金黃色脆的外層,油份也不算高不錯。估不到此店的天婦羅也有驚喜,雜錦天婦羅 $72。普通的食材變得不平凡,確實難得。全部炸物是即整的關係熱辣辣,脆身並足料沒有半點挑剔的理由。屋村下有隱藏著高手,將普通的食材化作上乘之物而且街坊價錢確實值得重來。午市更有套餐優惠,下次可與男友再次光顧。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-13
73 瀏覽
有時去食飯未必一定要去D有豪華裝修食肆,才有美食品嚐,反而有些食肆裝修普普通通又唔起眼或者地方較為隱蔽,都一樣會食出驚喜之餘,食品質素一D都不會輸蝕,而且價錢亦會親民好多,份量足料又飽滿,當然有時行街睇見都會留意一下,待下次有空去品嚐一番,是日又去食日本料理,去了屋邨冬菇亭開飯,不要以為係屋邨食就係普通嘢食分分鐘食出驚喜呢度除咗有自選配搭晚餐,仲有其他不同口味種類選擇,當然唔少得有築地鮮魚刺身和食(二人盛)套餐供應仲有3款不同口味已包含多款美食係度,價格亦有小小分別,啱晒幾個朋友一齊分享我地就點咗(梅)二人盛食住先,頭盤蕃茄豆腐沙律,入口蕃茄鮮甜,豆腐滑溜香濃,配上秘製醬汁食得開胃清新,而另一款小食芥辣八爪魚,八爪魚粒爽口之餘,仲食到微微芥末香辣味,真係唔錯小食主菜有刺身七點盛,分別有帶子,三文魚腩,赤身,油甘魚,北寄貝,珍寶赤蝦,同八爪魚,刺身色澤鮮明,未食已知好鮮甜,而且刺身係厚切份量十足,而我就比較鐘意食珍寶赤蝦入口肉質鮮嫩又香甜,帶子彈牙又爽滑,油甘魚入口鮮甜肥美,就連裝飾配菜海帶食落一樣咁新鮮刺身食完又到燒原隻魷魚筒,魷魚燒得火喉啱啱好,肉質吸收咗醬汁香甜,咬落外脆內軟口感十足,美食一輪又接一輪,和牛串同帆立貝串,和牛粒脂肪香濃多肉汁,帆立貝大隻又多肉夠鮮甜再來有壽司四件有魚子,三文魚,油甘魚同帶子,食埋熱辣辣鰻魚炒飯,飯粒呈現金黃色炒得好香甜,仲食到鰻魚粒嘅鮮味,食完一碗又一碗,食得飽滿之餘又品嚐不同口味菜式,如果嫌唔夠飽仲可以點其他美食,而我就會必食三文魚頭鮫同牛油果魚籽軟蟹卷呢兩款特色美食,最後食埋甜品已好滿足,不知不覺又食完一餐豐盛日本料理價錢又合理 繼續閱讀
(以上食評乃用戶個人意見 , 並不代表OpenRice之觀點。)
二訪冬菇亭 焦點食評
等級4 2017-11-10
156 瀏覽
在下班後,去吃晚餐往往是令人期待的行程這晚決定二訪美林邨冬茹亭 餐點的選擇相當豐富,還有超值的晚餐價格由$48-$128起,很平易近人更有不少套餐選擇 梅(2人餐,$638,免加一)蕃茄豆腐沙律,芥辣八爪魚芥辣八爪魚蠻有咬勁的 味道不錯,微辣的口感挺開胃刺身七點(師傅發板)這晚有三文魚腩、赤身、油甘魚、帶子北寄貝、珍寶赤蝦、八爪魚各三3片每一片都切的很有厚度 看得出店家的誠意 裡面我最愛的莫過於又厚又大顆的帶子入口Q軟又鮮甜壽司四件三文魚籽、三文魚、油甘魚、赤身透亮的三文魚籽會釋放著鹹鹹的大海鮮味,還不錯吃串燒霜降和牛粒串跟帆立貝各2串烤過的牛粒串,很軟 很嫩 偶爾吃到有帶筋的也滿好咀嚼的燒魷魚筒有一點厚度的魷魚,沒想到肉質並不柴鰻魚炒飯鰻魚柔嫩細緻的肉質真得很誘人每次吃到好吃的鰻魚飯入口時那種爽度真得是發自內心香甜醬汁沾在白飯上,很俗套的想說超級下飯 大圍美田路30號美林邨熟食亭1-4號舖 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-07
155 瀏覽
有朋友住係大圍,間唔中都會踏足呢頭覓食。今日一行六人上朋友屋企開party,決定係附近食埋野先至上去。行到去美林村巴士總站隔離嘅冬菇亭,相對其他舖位軟暗淡嘅門面,原來係一間隱世日本美食,唔係街坊都絕對唔會識得搵到呢度。入到去,裝修富日本風味,店舖都幾大,平時一大班人食野都係不外乎打邊爐、大排檔,依家又多一個選擇。同一大班人食嘢最開心就係可以試到唔同嘅美食,我地基本上叫咗餐牌上面四分一嘅野食,最令我地驚喜嘅係食物全部都平靚正,價廉物美,又好食。先由前菜講起,明太子雞翼($48/2隻),炸雞翼入面釀左份量唔少嘅明太子,但唔會好好鹹。外層炸得香脆,又唔會油膩。日本前菜小食又點少得串燒,雞軟骨串($12@)、牛脷串($38@)、霜降和牛粒($38@)、帆立貝($22@)、蘋果豚肉串($22@)、迷你甜薯($12@)等等,各樣野食都叫咗啲黎一齊分享。霜降和牛粒價格最高,同樣亦都係最好味。牛肉鮮嫩多汁,食到大家都再encore。蘋果豚肉串算係特別之作,蘋果減低左豚肉嘅油膩感,而且爽口美味,令串燒更有口感。所有串燒其實都幾好味,睇下大家中意食啲咩就叫啲咩,全部都值得一食。晚市有不同嘅套餐,都幾抵食。我地亦有啲食物係跟餐叫,好似蒲燒鰻魚飯跟味增湯,都只係$78。再加$18,仲有不同小食可選,忌廉蟹肉薯餅($18/2件)。鰻魚夠肥美夠厚身,燒過之黎略帶焦香,仲要完全無骨。忌廉蟹肉薯餅外層香脆,餡料都幾煙韌同滑溜。晚市套餐再加$5就有一包紙包飲品,見到有久違嘅蜜瓜荳奶,就忍唔住叫左黎飲,係呢間屋村食肆入面重拾童年回憶。牛油果魚籽軟殼蟹卷($88),都係另一好食推介。熟牛油果鋪係壽司面,口感軟滑creamy。軟殻卷炸得剛剛好,夠晒鬆脆,唔會稔晒。另一個晚市套餐,叫左藍旗吞拿魚蓉帶子蟹籽飯($98)。去過築地以後,拖羅近年變左我嘅至愛,可惜係香港食始終同日本無得比。不過呢度嘅吞拿魚蓉都算帶油脂香,而且有厚厚一層鋪面,份量之多,十分抵食。帶子新鮮,唔會似有啲地方有種雪味。整個飯簡簡單單落少少豉油再蘸上washabi已經好好食。大圍屋邨入面竟然有水準如此高之日本野食,叫佢做隱世美食,實在當之無愧。 繼續閱讀
(以上食評乃用戶個人意見 , 並不代表OpenRice之觀點。)