壹玖陸零 (已結業)

免開瓶費！一間餐廳會番頭食幾次，對我黎講係少嘅，只有抵食好食環境唔錯我先會重複幫襯前菜：蕃茄多士Bruschetta對上兩次幫襯係跟餐Salad，呢次有所改變多士脆，蕃茄可以多少少調味香煎紐倫堡腸配薯蓉及燒汁 $ 78以小食計真係太大入量，仲要配埋薯蓉好有睇頭香煎蝦肉意大利飯配龍蝦汁 $ 158廚房速度好快，主菜都陸續上枱！呢個意大利飯嘅龍蝦汁缺乏蝦味，飯粒太淋。。。。上面果隻蝦冇落調味，令成件事好似就咁將所有材料堆砌出嚟烤焗羊架配秘製香草乳酪醬 $ 168成數冇問，不過上枱都有六七成熟，依然有少少見紅羊架4支骨，肉嫩羊味重，非常濃郁嘅羊羶味香煎比目魚柳配香草忌廉汁 $ 168魚柳皮脆肉滑，兩塊大大件烤西班牙栗飼豬腩肉配秘製燒汁 $ 168呢個價錢居然有 3 大片厚切西班牙豬腩肉，只有工廈餐廳做到味道唔錯，感覺豬腩用咗黑醋醃浸，食落帶少少酸甜味，而且豬瘦適中，入口都係軟滑，有果種豬肉嘅彈性仲要巨量嘅薯菜：泰國茄子、椰菜仔、法邊豆同車厘茄，實在太豐富！Chocolate Brownie $ 42好實淨好濃郁嘅朱古力味，份量可比街舖嘅切餅加泰羅尼亞焦糖奶凍 $ 58超滑嘅口感，加上濃郁奶

餐廳裝修有著一份7,80年代的味道，內裏用了紅磚牆，好有懷舊嘅風味，試左佢地嘅1960全日早餐，兩條粗粗嘅德國腸，外皮烤到啡啡地，好脆口，而且啖啖肉，十分香口。同樣多士烤到好脆，有少少燶邊，非常正。蔬菜、茄汁豆都唔錯，成個breakfast 份量十分足。可以係一個咁嘅環境chill住食，十分享受呢!

壹玖陸零 @1960_hk 📍：觀塘成業街19-21號成業工業大廈1樓26號舖🚗：觀塘地鐵B2出口 步行4分鐘📞：+852 3619-7096/9690-1960💲：~HKD68-88/head for lunch Food quality✔️：黑醋夠薑煙鴨肉忌廉意大利飯、是日沙律👌🏼：義式風味交叉窿醬扁意粉、是日餐湯、廚師精選甜品、凍檸水❌：陳皮冰糖燉檸檬總結：😋整體係間中等偏上嘅餐廳 但由於我太喜歡佢嘅黑醋夠薑意大利飯所以都係推薦畀大家 中西合璧fusion嘢好易兩樣嘢唔夾 好似佢嗰交叉窿醬扁意粉咁🥲 但反而嗰意大利飯兩樣嘢好融合 十分好食 可惜係得佢係驚艷位‼️😋我幾鐘意佢嘅環境 走美國50-60年代復古風 啱哂我呢啲old school嘅人👋🏼🤔️交叉窿醬扁意粉明顯都係想行中西fusion路線 但呢碟就相形見絀啦 xo醬真係唔太夾 食落太隔硬嚟 唔推薦❌🤔️餐湯就正常 沙律好食 原因係佢落咗黑醋 食得出佢哋啲黑醋唔係hea你☑️🤔️甜品要額外+$12 我覺得冇咩特別 普通 唔值得推介但想食下甜嘢嘅朋友不防可以叫下😋😨佢杯陳皮冰糖燉檸檬🍋實在太伏 完全唔知飲緊咩 只係知飲完初四咁嘅樣

。O小姐。懷舊。日常。今次約咗舊公司同事，佢係一個退咗休嘅爸爸呢，為咗襯返佢嘅身份，咁梗係要去返一間懷舊啲嘅餐廳呀所以就揀咗呢間1960～佢喺觀塘工廈樓上既。Lunch 既品質正正常常啦，佢嘅價錢唔係特別貴（$100樓下，有湯、主菜份量OK，仲有嘢飲），其實都大碟嘅，味道都唔差，以攻下嘅水準來講，都算中上㗎啦，另外重點係，唔限時間，可以坐得耐啲，可以傾吓偈。依家要搵唔限時嘅地方真係唔係好多🥹如果想感受一下舊時代嘅感覺，可以上嚟感受一下。佢嘅牆身都睇得出係有落過一番心機嘅，你會見到有啲年代嘅黑膠唱片呀、貓王嘅相等等😃

觀塘工廈真係超多嘢食😆次次諗食乜都要揀好耐(˶‾᷄ ⁻̫ ‾᷅˵)今次嚟到位於觀塘工廈嘅一間西式小店 性價比都幾高 估唔到weekend都有lunch set!❣️黑松露雜菌意粉 ᴍᴜsʜʀᴏᴏᴍ ᴘᴀsᴛᴀ ᴡɪᴛʜ ᴄʀᴇᴀᴍʏ ʙʟᴀᴄᴋ ᴛʀᴜғғʟᴇ sᴀᴜᴄᴇ ($58)一上枱已經聞到陣陣黑松露味 但食落又無我想像中咁重黑松露味 味道偏淡 意粉唔算掛汁 其實佢可以揀risotto 我下次應該會揀飯🥺蘑菇同意粉都份料十足 呢個價錢嚟講都幾抵食(๑´ㅂ`๑) 是日餐湯為忌廉蘑菇湯 比較杰身 而且都幾重蘑菇味 都睇得出係幾足料🤤推薦指數：🌟🌟🌟🌟【𝐏𝐫𝐢𝐜𝐞: 4.5/5 𝐅𝐨𝐨𝐝: 3/5 𝐄𝐧𝐯𝐢𝐫𝐨𝐧𝐦𝐞𝐧𝐭: 3.5/5】

已經有一段時間冇食呢間餐廳了😙原本係想食第二間但要等太多個位就去咗第二間了👐🏻🔺經典牛肉漢堡配薯條 $98完全冇抱有任何期待食點知有驚喜喎😳牛肉漢堡好厚身而且係handmade所以牛味都偏重少少🐄牛肉都有肉汁配埋車打芝士番茄洋蔥都好夾🍔而麵包都有用牛油煎過微脆身🍞整體好夾同好好食!!配菜仲有薯條同少少沙律🥗🔺意式巴馬臣芝士烤雞配薯條 $78本身以為係本隻烤雞就知係炸雞扒🙂其實係咪貨不對板🤣Anyway 雞扒都幾好食都算嫩但就冇咩肉汁🍗雞扒上面有芝士同茄汁都幾夾的~同樣配菜有薯條同少少沙律🍟🔺雜菌意大利飯配黑松露菌汁 $68上次都有食過但就普通,黑松露味都偏重🖤蘑菇唔係有好多,意大利飯就偏硬身🍄不過不失~🤤好味度 : 7/10🔙回頭率 : 6/10

原本想食嗰間餐廳原來星期日冇開 揾揾下就揾到依間樓上舖頭 氣氛嘅話 依間餐廳真係好有vibe 好有古典復古嘅氣息，埋啲古典背景音樂真係好舒服不過我自己會覺得黎依到係食個vibe多過食啲嘢食❣️黑松露烤大啡茹野菌意大利飯好重菇味嘅risotto 食落口好香好重野菌味 但係我覺得可以再濃郁少少 冇咗risotto嗰種好厚實嘅感覺 tho鍾意野菌類嘅朋友可以試下💰64.❣️北海道帶子配香草汁意粉帶子煎到外硊內彈牙 鹹味亦到啱啱好 真係好彈牙好好食 🤤💰68.❣️紐西蘭肉眼牛扒配薯菜Medium嘅牛扒 食完之後我自己都係覺得牛扒配黑椒或者洋蔥汁最後食 tho 少少sorry我真係唔係好知黃色嗰個醬係咩 如果知嘅話可以同我講😹 冇乜味嘅醬…💰148.❣️忌廉蘑菇湯(跟餐)Not that good ah ha 感覺似係用粉開出黎嘅湯 加啲粉都未溶哂…🫠.❣️荔枝蘋果梳打飲品係我覺得最讚嘅嘢😹 荔枝加蘋果真係好match 兩個加埋一齊好似變咗隻新嘅味道💰28. ❣️無花果蜜香紅茶想講個frd 問咗個幾白痴嘅問題😹佢問依個係咪凍㗎但係隔離已經寫咗冷泡茶😹 好香好重無花果味 好fresh 好清新💰28.Tota

今日收工經過見到一間西餐廳，店內環境裝修舒服，法式蜜糖芥末雞翼，味道超正，外表脆口，加埋蜜糖芥末醬，酸酸甜甜，非常開胃，香煎比目魚扒配薯菜，比目魚扒肉質嫰滑，薯角卜卜脆

又係觀塘尋寶記😼 其實觀塘都有好多樓上小店值得大家多多留意🤤💓今次呢間復古風餐廳叫壹玖陸零 1960🙈 店名都好得意☺️✨呢次Dinner Menu係Christmas Special，唔知道大家下次黎呢間餐廳仲有冇呢😆- 廚師精選濃湯：周打蜆湯🥣 (Dinner Menu附送)奶白色湯底幼滑～配上大量蜆肉、小量魷魚仔🦑、歐芹葉點綴，口感豐富🫣但味道略鹹、有點油膩💆‍♀️- 牛肝菌汁芝士焗雙花😗 (Dinner Menu附送)雙花即係西蘭花、椰菜花🥦🥦配上大量拉絲芝士，邪惡之選🧀但牛肝菌汁味道不突出🙉- 鹽燒鯖魚柳🐠 (Dinner Menu附送)餐廳出手大方～ 真係冇諗到竟然係大大條鯖魚上碟🐟味道正常發揮，但又係太過油膩🥲- 英式甜芥末紐西蘭牛柳粒意大利粉🍝 $188牛柳粒份量不少，偏厚身😍😍切開可以見到肉質粉嫩，較為軟腍🐄表面亦煎得很香脆，肉味頗濃郁😋😋甜芥末汁、蒜蓉酱配上意粉，味道又甜又有惹味蒜香，不錯！- 鳳尾蝦黃金燴意大利飯🥘 $158大蝦彈牙爽口🍤鹹蛋黃燴意大利飯，味道不突出🌝以意大利飯口感較為生，應該烹調時間不足🙉個人來講，較推薦意大利粉😈- 燕麥曲奇🍪 (送的)雖然燕麥曲奇

二月食過一次，收費唔貴，要鋸扒都唔洗$200落樓，仲包沙律同湯，餐飲半價加配母親節又再幫襯多次，同樣免開瓶費，酒杯都唔錯幾靚仔嘅食物價錢合理，以西餐計屬於唔貴原煲意大利茄蓉白酒青口 $ 98個汁底非常惹味濃郁，蕃茄味超濃，如果有麵包可以蘸下汁就正。青口就失色少少，肉質過火唔滑，以口感同殼睇屬於超市果種已熟智利黑青口，法式蜜糖芥末珍寶雞翼 8隻 $ 78個汁非常開胃，酸酸甜甜雞翼都剛好熟，嫩滑入味炸甜蕃薯配秘製芥末籽醬 $ 48正常發揮，個醬其實同雞翼嘅汁一樣味道每叫一款主菜都會包埋湯同沙律，雖然普通，有比冇好楓糖燒法國尼斯原條石斑伴帆立貝 $ 158以叫法就有啲違反「商品說明」😅呢度就唔講喇石斑柳煎得唔錯，肉質嫩滑魚皮香脆，不過冇楓糖燒過嘅味道，顏色亦睇唔出焦糖嘅啡色，帆立貝偏細隻北海道帶子配墨魚汁意大利飯 $ 138帶子有三大隻，煎得非常靚，意大利飯味道剛好唔會過鹹，飯粒偏港式嘅淋度，冇飯骨，都好食55度慢煮黑椒無骨鹹豬手 $ 158超推介😍 豬手超級軟彈，有肉汁，唔係炸果種乾柴，非常好食，又唔會過鹹法式蜜糖烤無骨鴨 $ 148超推介😍 鴨應該有半隻，肉質唔乾有肉汁，又係軟滑好味鴨

【觀塘區】【壹玖陸零】交代少少近況，除咗大家見到我又將 post 嘅文字內容縮短之外，就係出 post 唔再局限於十八區用餐體驗。只不過最近真係忙到諗唔到有咩題材可以搬出嚟寫吓，因此先拎住啲舊稿出嚟，照做住老本行先，畀啲時間我先得。嚟到觀塘做嘢，唔知食乜好就自然諗到要向高空發展，見到呢間好似幾好就去食吓。佢係食西餐嘅，不過大攪文青工業懷舊木系風格咁，都幾吸睛。午餐餐牌有飯意粉嗰啲，見到個特別貴嘅係牛扒嚟，咁好啦，就叫呢個啦。大拿拿 $148 嘅「美國 CAB 安格斯西冷牛扒伴薯菜」，塊扒都可以，對得住個價錢有餘，我唔記得我有冇揀生熟度，不過以我習慣同標準我會覺得佢有啲熟，味道上佢係唔差嘅。嘢飲我加 $18 要「Dirty」，呢杯只能講係正常。佢呢度仲有甜品供應，我用多 $18 食埋佢哋嘅「白兔糖奶凍」，喺第二度未見過類似嘅產品，都幾得意。味道上佢係有啲白兔糖味，不過都係傾向純奶味多啲咁。咁樣食咗 $184，其實有扒鋸有甜品都好合理，冇咩好抱怨嘅。。。（地址：觀塘成業街19-21號成業工業大廈1樓26號舖）#1amfoodie #foodie #hkfoodie #thatfoodiet

觀塘區lunch一向都係人多到爆，聽同事講呢間餐廳好評都唔少，去到又唔洗等位就一於試下。 於是就叫左一份148$既3成熟西冷牛扒 ，同埋一份玉子燒既茄汁意粉入座到埋單既服務都係有滿分，但係當西冷牛扒送上既時候係一塊已經凍左而且係接近全熟既西冷牛扒，馬上同員工講番係要3成熟，但換過後都係一塊7成塊既西冷。都算，lunch趕時間，但牛扒肉質非常硬又難切。所以主要食哂配菜就算。另外既玉子燒茄汁意粉玉子燒十分厚實，但都係凍左，咬起嚟會起渣茄汁亦都無咩調味，意粉都偏向淋身我同同事對今次用餐都感到十分失望😞不會考慮再給予機會

朋友慶祝生日，但本身book個間有啲問題取消咗，所以需要臨時book第二間。around 7點，臨時打去1960問仲有冇得book 8點半位，3條友，餐廳話有。感謝餐廳臨時臨急都有得book。同埋係因為有frd個女朋友話1960好好味，一個月內食咗4次，LOL。所以諗住try。個人覺得雞翼、泰式冬蔭功個意粉好味。但全部菜式偏甜，成餐飯食到有啲甜+膩。同埋，叫嘢飲，frd個啲檸檬茶梳打、荔枝蘋果梳打都好飲，我個杯烏梅湯力就又苦又甜真心伏唔推薦。嘢食，其實肉眼扒真系好好味，配埋個source都好格。但真系唔系熟得好均勻有一細part生到入唔到口有血水。但個晚真系超多人，所以都體諒，會遲啲搵日唔系咁多人，再試多次。希望下次黑松露意飯唔會賣曬啦。想試。

收工去觀塘整耳機，順便食個晚飯。今次揀呢間小店，見佢做緊優惠，除左晚市消費滿$300送小食外，原來滿$300仲會立減$30，最後兩個人點左兩個Dinner set、2個小食、1杯飲品，埋單$372。 跟餐餐湯+沙律湯係忌廉菇湯，加左黑松露，飲落松露味幾出，之後先有菇味，略嫌鹹左少少。送嘅吉列芝士條唔知小店係咪想減低芝士條嘅油膩感🤔，所以用氣炸或者焗嘅方法烹調，個人理據1摸上手同碟底都唔油，理據2吉列皮唔係炸出嚟油淋淋酥脆口感，而係乾硬脆，咁樣好唔好就見人見智。黑松露芝士焗薯條 $58當晚其實有$28薯條/蕃薯條，但朋友中意食松露，所以點左呢款薯條。上枱果陣見到個燶燶地嘅芝士真係好有食慾，加上飄出陣陣芝士香，真係令人食指大動!!🙊黑松露醬食落酸味好出，所以無咁快食滯；整體味道唔差，可惜薯條因為有醬嘅原故而變淋，如果中意食脆口薯條嘅朋友，就會好失望。松葉蟹肉蟹籽芝士意大利飯$138意大利飯無生米感，蟹肉同蟹籽分量都算多，配料仲有紫洋蔥、蘆筍同磨菇。芝士汁有拉絲效果，微微酸。香煎比目魚配薯菜$158比目魚煎得好靚、外皮焦脆、肉質滑溜、魚油甚高、但又唔會有腥味。落柯打果陣無留意，食食下先發現，

Intro: 上次喺假日嘅午市幫襯過1960，發覺佢地午市套餐唔算貴，味道質素都有保證， 唯一不足嘅係意大利飯偏硬；而假日就比較少人流，但坐得非常舒服，今次就決定試佢地嘅意粉同埋chief special～___________________🍽 泰式冬陰功什錦海鮮意粉💰 68（午市，配湯/沙律+飲品）⭐️ 8.5/10✍🏻 真係好好奇呢個配搭會唔會有驚喜，發現比想象中更好食，呢到嘅意粉比意大利飯更出色，唔會乾而硬；✍🏻 個人唔算話好好冬陰功，但估唔到冬陰功其實幾夾意粉，帶點辣幾惹味，意粉仲好滑幾彈牙；✍🏻 什錦海鮮好多，有小八爪魚、小蝦同小蜆，但煮完唔會覺得有雪藏味；🍽 chef special - 豬肉眼扒配蕃茄意粉💰 78（午市，配湯/沙律+飲品）⭐️ 8/10✍🏻 切豬肉眼扒嘅時候覺得好韌要用大少少力切，心想以為煎過火，但食落發覺真係唔錯；✍🏻 其實肉眼扒咬開嘅時候好軟稔，肉汁豐富到爆左啲出黎，而醃料都好足，唔會過鹹✍🏻 蕃茄意粉正常發揮，甜酸度適中，只係無乜特別之處，但起碼好夾呢個餐。🍽 海鹽薯條💰 +18 ⭐️ 8/10✍🏻 薯條今次算無咁厚肉，但炸得香脆；✍🏻 食唔到海鹽味，似