125
4
0
港鐵旺角站A出口,步行約10分鐘 繼續閱讀
電話號碼
37912680
附加資料
星期一至五(公眾假期除外) 6:30-10:30 國際自助早餐 $50 12:00-14:30 日泰式半自助餐 $58起 15:00-19:00 任飲清酒白酒+精選刺身一份 Happy Hour $98 (任飲2小時) 18:00-23:00 精選火鍋 $208up 星期六日及公眾假期 6:30-10:30 國際自助早餐 $50 12:00-14:00 中日泰式自助餐 $128 15:00-19:00任飲清酒白酒+精選刺身一份 Happy Hour $98 (任飲2小時) 18:00-23:00 精選火鍋 $208up
營業時間
今日營業
06:30 - 00:00
星期一至日
06:30 - 00:00
付款方式
Visa Master AlipayHK 支付寶 現金 AE 銀聯
座位數目
120
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
VIP房
泊車
電話訂座
賞訂座積分
加一服務費
室外座位
當面支付
有關獎賞計劃
食評 (138)
雖然小妹年紀漸大, 對Buffet的熱情說實有點冷郤, 因為人大了, 胃口比年輕時明顯收細, 以前食到滿瀉的腸胃, 現在都不能了, 對於Buffet就更有點卻步, 幾百蚊有時不能回本, 着實有點難過嘛... 不過最近有點改觀, 媽咪說她與朋友試過位放大角咀的dorsett hotel, 裡面有間餐廳叫 - 壹壹漁一, 無論價錢、性價比都無敵高, 特別是以假日自助午餐來說, 只是HKD 128 + 10%的價錢, 食物選擇不算少, 而且質素奇高, 個人覺得比好多六星級有名酒店都好味好多~ 本身以為係招呼內地人的餐廳, 入到去會全部都係內地人, 但奇蹟地又冇喎, 反而是好多本地人係度食自助餐, 而且環境都幾舒服, 裝修以實用為主, 不過都相當整潔乾淨, 都頗為寧靜, 個人都好滿意~ 食物選擇唔算太少, 而且有海鮮類、前菜沙律水菓類、熟食類、魚生、仲有即整越式粉麵、甜品、咖啡果汁等等..都好豐富喲~ 首先是前菜- 有不同既沙律類同無骨鳳瓜, 味道全部都好唔錯, 真的出乎我意料之外, 無骨鳳瓜味道係調得啱啱好, 好夠味又彈彈的~ 大家可以自調沙律, 沙律菜都好新鮮, 仲有熟食類既墨魚丸粉絲, 真心好味! 墨丸係好彈牙, 而且粉絲都好入味, 美味~~ 魚生雖然只有一款- 三文魚, 但色澤晶瑩剔透, 肉眼望落去好新鮮呀! 食落去仲好鮮甜好有魚味~ 這裡是整越式粉麵, 不過太飽闗係冇食到, 但試左媽咪個湯底一啖, 覺得湯頭好鮮味, 整體感覺好高質~ 熟海鮮就有青口同蝦- 全部都好鮮甜, 冇雪藏味, 仲好大隻添~ 海南雞飯好有驚喜, 雞件好滑好滑!!! 而且雞都有雞油整, 食落好香好好食, 完全唔HEA你的~ 炸物都好好食! 不過可能要遷就蝦片冇用蓋保温, 所以炸魚餅果D變涷左又變硬了, 可惜呀~不過味道唔差的~ 湯品有二款可揀-試左冬蔭功湯, 好有大師傅水準, 望落去好似好辣, 但飲落去夠香又唔會太油, 個人覺得好好飲呀! 就食都好多呀~~ 西蘭花、蜆、鯖魚、魯疍、白咖喱牛腩, 全部味道都好好, 真心的無講假, 我和媽咪都覺得全部不論是食材和味道都拍得住出面幾星酒店, 但價錢就好平民~ 最後是雪品- 個人好中意眉豆糕, 除了好Q彈外, 眉豆好香而且有口感, 真心好味~ 另外我都好中意椰汁西米糕, 椰汁又香又甜又滑, 食落好有幸福感覺~ 食完呢餐後, 我同媽咪一定會再來, 仲要再試佢其它時段既美食呢~ 所以真係唔好只睇外表, 往往有很多驚喜出現呢~ 壹壹漁一 大角咀大角咀道88號旺角帝盛酒店2樓 37912680 繼續閱讀
(以上食評乃用戶個人意見 , 並不代表OpenRice之觀點。)
大角咀雖然是舊區,但近年這一區的發展開始蓬勃,除了興建了不少住宅樓宇,還起了不少酒店。 單單是大角咀道就有兩間酒店,而這次我就來到其中一間旺角帝盛酒店2樓的壹壹漁一吃假日自助餐。 這裏的假日自助餐價錢非常貼地,周一至周五成人收費HK$88,而假日也只不過HK$128(另有加一收費)。 餐廳走平實路線,雖然內裏沒有奢華的裝修,不過,空間感十足,感覺寛敞舒適,還設有露天雅座。 食物方面,個人認為選擇非常多,有沙律吧、海鮮冷盤、刺身、泰式甜品、水果、熱湯、熟食、即煮麵檔及蒸點等等,另外,飲品備有咖啡、蜂蜜綠茶及柑桔檸檬,全都是任添任飲。 刺身及海鮮等冷盤,都會不時添加及補及,三文魚非常新鮮,全都是厚切,口感嫰滑肥美,而蝦肉爽口彈牙,味道鮮甜,完全沒有雪藏味。 沙律吧內除了有一般的冷盤水果外,最特別的就是有泰式無骨鳳爪及青沙律,鳳爪爽脆,味道甜甜酸酸,吃後令人胃口大開。 這裏的熟食水準極高,味道不比五星酒店的遜色,個人最愛就是海南雞飯,雞肉肉質嫰滑,肉汁豐富,油飯亦帶有雞油香味,炒蜆的味道同樣不錯,香口惹味。靖魚大大塊的,魚肉味道鮮美。 麵檔是即叫即煮,麵類有兩種,分別是金邊粉及米粉,而配料就有芽菜、墨魚丸、牛丸、炸魚旦等等。 而麵檔旁就放了中式的蒸點,當中燒賣最受歡迎,很快就給搶光了。 湯底超級惹味,味道有點像新加坡的肉骨茶,帶有微微的胡椒及藥材味道,米粉配上芽菜,變得份外爽脆,而墨魚丸、牛丸、炸魚旦全都是細細粒的,不過,口感非常爽彈。 總括來說,餐廳的性價比高極高,價錢貼地親民,食物有一定水準,下次會再來。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-31
1377 瀏覽
媽咪話行過見到大角咀呢間酒店有平日$88、假日$128嘅自助午餐,平日好難放假,星期六雖然貴$40,但價錢尚可接受(起碼比起平日返工喺中西區食個意粉都要成百蚊來得合理),就趁星期六放假黎享受下mom & daughter time。餐廳走日式簡約帶少少型格嘅風格,檯夠哂大張,媽咪話覺得二人檯都勉強夠四個人坐。雖然唔係話好似幾百蚊嘅酒店自助餐咁多野食,但都有沙律bar、冷盤、熱食、粉麵檔、蒸包點、甜品同水果等等,仲包埋任飲嘅蜂蜜綠茶、柑桔檸檬同咖啡。冷盤有凍青口、蝦,泰式無骨鳳爪沙律同埋紫椰菜沙律,唔好海鮮同辣嘅我剩係食左紫椰菜沙律,好爽甜,無苦味,我有再添呀。媽咪話海鮮正常,蝦都算彈牙,唔會話雪得太耐,鳳爪沙律辣度對佢黎講岩岩好。沙律bar有幾款蔬菜,dressing可以揀凱撒沙律醬或者千島醬,另有麵包粒、提子乾等等,我同媽咪一致覺得樣樣菜都好新鮮爽脆,我地兩個都食左兩轉。熱食有海南雞、泰式豬手、炒蜆、青咖哩、燒鯖魚、泰式炒雜菜、香茅豬扒等等,refill嘅時候會轉下款,仲有冬瓜雞湯同埋冬蔭公湯,我全部都有試,覺得每樣野食水準都唔錯,係正宗嘅泰式味道,好惹味,如果海南雞嘅飯轉埋油飯更好。之後我轉戰粉麵檔,湯底係泰式船河嘅湯,微辣,配料有豬肉丸、魚蛋角、牛丸、生菜同芽菜,我特別鐘意豬肉丸,juicy得黎又好有肉味,自助餐黎講比較少見有泰式船河,感覺幾新鮮嘅。媽咪就食馬拉盞同糯米卷,佢話兩種都幾鬆軟,即蒸包點應該好少會唔好食掛。甜品時間,有一系列嘅泰式糕點,班蘭糕、西米糕、椰汁糕、椰汁西米糕、咖啡糕、南瓜糕、芝麻糕、紅豆糕等等,一樣係refill嘅時候會轉款。食第二輪甜品嗰陣椰汁西米糕已經冇哂,仲轉左另一款糕,我地試下問侍應,佢話睇下廚房有冇,之後過左一兩分鐘就再攞出來。後來媽咪想再食馬拉盞但係冇哂,照樣問佢佢都即刻攞出來。呢個總之我地仲有就會refill俾你嘅做法好值得欣賞!最後每人飲左一杯latte作結。咖啡係機沖嘅,用鮮奶,都幾好飲。每人$140換來兩個半鐘嘅食野同傾計時間,我覺得好抵! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-31
1596 瀏覽
美國既朋友返左黎香港,當然就要盡地主之誼啦之前我去美國旅行時,佢超級好客,又俾地方我住實在唔話得4點幾諗住係佢住果間酒店happy hour完再去搵野食,點知一傾就傾到7點幾見到隔離檯既火鍋都好吸引就索性食埋火鍋Happy hour既刺生併盤生蠔好肥美呀同埋好爽口,係我鐘意食既texture牡丹蝦係我最愛既刺身Happy hour有紅、白酒、sake🍶選擇,我地揀左sake, 呢隻sake有少許果香味,都好易入口龍躉骨湯燘和牛肋條牛筋鍋呢個鍋簡直岩哂女仔呀,好豐富既膠質係滾左之後,一定要飲返兩大碗先得好濃味,濃係因為足料,好香牛味日本四元豚肉呢個豚肉完全無得挑剔肉質好軟,但又唔肥膩重點係豚香味好出,無豬「蘇」味呢個蔬菜盤好養生呀蟲茸花、羽衣甘藍都有熟左既羽衣甘藍出奇地好味喎呢個火鍋套餐仲有埋刺身併盤的柚子蕨餅柚子味好突出,成個感覺好fresh食完火鍋再食呢個蕨餅,有助解飽滯感同美國朋友爭俾錢,好彩最後都爭贏左佢實在太客氣了 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-19
788 瀏覽
朋友同我講,大角咀有間酒店,午市自助餐好鬼平,今日放假,去試吓呢間自助餐先。同一般酒店自助餐相比,壹壹漁一價錢認真優惠,星期六日中午, $128一位再加一,打電話來book位嘅時候,接線生仲話係全面升級左嘅自助餐,升級之後會有冷盤海鮮同刺身,究竟多唔多嘢食,即刻去片先。冷盤區凍蝦肉質爽口彈牙,蝦肉鮮甜無比。藍青口有淡淡的海水味,鮮味十足。仲有幾款泰式沙律,無骨鳳爪沙律夠酸夠辣夠惹味另外仲有柚子沙律,柚子多汁,喺外面泰國餐廳食,一碟都起碼幾十蚊,呢度係任食的刺身區三文魚刺身有光澤,肉味鮮甜,最緊要係refill得好快飲品區可以自己整檸檬茶奶茶咖啡,仲有金橘檸檬同埋凍綠茶任飲添。好多自助餐淨係包一杯飲品,呢到大方好多炸物區有炸春卷炸蝦片同炸魚餅,蝦片係即炸嘅,食落口仲有溫度,同埋超脆同有蝦香,必食之選熱湯區有冬陰公湯同埋蘿蔔清湯,冬陰公湯足料,湯料有大量海鮮包括蝦青口同魷魚等。味道不會太辣,酸酸地好醒胃點心區有幾款包類糕點同埋燒賣,一路蒸住,絕對夠晒溫度湯粉區有河粉米粉同幾種肉丸,但自助餐我好少食,太飽了熱食區海南雞夠嫩滑,有雞味,唔似雪藏雞炒蜆好大隻,脹卜卜啖啖肉,無沙夠鮮甜泰式豬手煮得夠林同埋入味豬頸肉煎得香脆,肉質爽口沙律及甜品區可以自己整沙律食,沙律說新鮮爽脆,醬汁可以揀普通嘅沙律醬,同泰式醬汁。椰汁西米糕椰香豐富,西米配上芋頭,芋香襯托椰香,一食再食芋頭紫米露唔會太甜,又係另一個椰香配上芋頭香嘅配搭仲有椰絲餡嘅糯米糍,糯米皮煙靱,顏色鮮艷,小朋友最愛環境餐廳地方其實不大,但樓底高,空間感十足,裝修雖然簡約,但氣氛好舒服。以$128加一呢個價錢,可以係咁舒服嘅環境之下,食中午自助餐,食物數目雖然唔算好多,但包羅萬有,種類其實不少,仲想點服務好好,收碟好快,refill得好充足 繼續閱讀
(以上食評乃用戶個人意見 , 並不代表OpenRice之觀點。)