壹匯中菜廳 (東港城) (已結業)

📍#坑口 #百好#羊羊在坑口#羊羊在新界雖然距離父親節仲有啲時間，但係宜家睇定差唔多啦，唔係遲下又訂唔到🥹今次介紹母親節食咗咩，味道唔錯、價錢相宜，啱哂要求唔高、有預算✌🏻睇完各位孝子孝女，父親節識Do啦😏(利申：自費㗎🥺不過老實講，唔知係咪個日唔好彩，啲侍應塊面黑到，條羹成撻漬，叫佢換佢話係條羹嘅花紋，話睇真先好換🤷🏻💁🏻‍♀️乳豬龍蝦全包宴 (12位用)平時都有類似嘅全包宴，不過節日就有啲改動，價錢不變都算係咁🤧🐖鴻運乳豬全體乳豬都唔算細隻，送上枱仲有微溫😊食落幾脆，皮嘅比例多啲，脂肪唔算多、肉唔柴，最重要唔會勁鹹😝🦞上湯焗澳洲龍蝦(伊麵底)有驚喜，龍蝦都多肉，仲幾有上湯味🤩殼唔算厚，加上都敲碎咗啲殼，用口咬都食到肉(不過會𠝹到口，用手好啲🙌🏻伊麵唔會碎濕濕咁，合格之上👍🏻🔥醬皇蚌片小炒皇味道ok，油多係正常，蚌片都多🤠🥣竹笙花膠燴肚翅勁大煲勁足料，盛多過12碗🤫明白係花膠碎，但份量多，湯都有啲膠質感覺，飲完好似好補🤭🍤柚子明蝦球蝦都幾大隻，炸完唔會好厚粉，都要咬幾啖先食得哂🤪可以想像下味道，就係柚子蜜包住啲炸蝦🤣⭐️金瑤原隻珍珠鮑魚菜苗伴鮑魚一人一隻唔駛爭，食落好似罐頭鮑魚🥫菜苗諗住係豆苗，點知係白菜仔😢好似白烚菜，上面淋罐頭鮑魚連汁🫠🐟清蒸生猛海龍躉唔會蒸過火，都唔會生，恰到好處☺️魚都有啲鮮味，唔會食到魚鱗，正評😉不過部長一上嚟勁快話開魚，仲要開到勁差🫠🐥金牌脆皮燒雞上枱係好熱，但唔係脆皮😂調味偏重，雞味幾乎冇咩😫🍬養顏熱甜糕紅棗糕煙煙韌韌，原籠送上枱都幾有氣派😄食完咁多濃味嘢，食啲甜嘢清下都唔錯😁總價錢－$2398 (免茶芥、服務費、訂金)評分－回頭草指數（🍀🍀🍀🍀🍀滿分）食物：🍀🍀🍀環境：🍀🍀🍀服務：🍀🍀#hkfoodie #吃喝玩樂 #原相直出 #坑口美食 #將軍澳美食 #新界美食 #美食推介 #父親節 #父親節晚餐 #母親節 #朋友聚餐 #家庭聚餐 #高質午餐推介 #中菜 #小菜 #豉油雞 #冬至飯 #冬至 #團年飯 #香港美食指南 #香港美食 #香港 #香港好去處 #美食日記…查看更多

今晚去百好飲食集團一匯中菜廳，個餐牌已經貴到離晒譜，趁母親節前夕一個禮拜已經開始加價，冇晒普通嘢。焗住叫咗幾個貴餸！其中叫咗個$148嘅瑤柱扒翠銀苗，上到嚟係瑤柱白菜仔，叫個阿姐過嚟，佢話呢個季節冇菜苗，係咁㗎啦。叫個經理過嚟，佢又係話呢個季節冇豆苗，係食呢啲，菜苗就即係白菜仔。完全冇諗住玩換比我地！呢間嘢死唔認錯，服務態度勁差！平時去食都冇乜嘢，趁着母親節就喺度劏D 客！仲要完全貨不對辦。$148食白菜仔，不如我煮俾你🤨🤨…查看更多

見推廣有三斤半長腳蟹，特價598。就食吓喇，但似乎不太新鮮，似中伏，未食過咁嘅味道，絕對唔推介，再叫椒絲腐乳通菜炒牛肉，無味道，連腐乳味都唔覺有、叫個青瓜海蜇，連簡單嘅青瓜都無味道。完全唔掂。…查看更多

去開東港城行街, 去搵廁所行過見到佢有片皮鴨, 仲要$78一食.... 一於去試下伏唔伏先!皇子片皮鴨 - 我鐘意師傅片出來鴨皮帶小小肉, 唔係有D大半件係肉, 片皮鴨係片D皮嚟架唔太多肥膏...正另個個鴨殼加$10可以帶走自己整二食.上湯西澳龍蝦伊麵 - 隻龍蝦都大隻, 齊件冇偷走幾件, 味道香濃唔太咸豉椒炒大聖子 - 聖子肉有D "un", 唔易咬斷...咬到累,豉椒炒得好香, d彩椒比我食晒最後有紅豆沙糖水送, 紅豆香唔太甜好味, 好怕死甜既糖水...總結 : 片皮鴨好抵食, 加$10可以攞走鴨殼但要自己煮, 會再來食…查看更多

《獨家試伏食評 - 001》幫自己,亦都幫大家珍惜自己條脷,決定開始認真寫下試伏食評留個record。同屋企人飲茶食晏晝,見好多人等位就不如試下啦。等咗一個鐘有耐但最後水準明顯不如預期🙃叫咗三五知己套餐,一個前菜,一個小食,一個主菜,加三個點心,另外再叫多幾個點心。食物點評：(唔好食到冇影相)麻辣口水雞（7/10）：正常,口水汁有味,雞件滑,辣油偏多但可以接受。椒鹽多春魚（1/10）：炸粉淋,厚,冇調味,明顯係粟粉同埋麵粉比例不均,炸皮非常之硬。椒鹽炸粉唔均勻,多春魚本身只有少許咸味,火候ok之外,無可取之處原籠龍躉件蒸飯（3/10）：除咗龍躉件之外,冇任何價值。飯底冇調味,冇蒜冇蔥,仲差過叫白飯。龍躉火侯唔錯,一籠有五至六小件,唔算抵食牛肉球（5/10）：正常鮮蝦菜苗餃（3/10）：一籠三件,餃皮偏軟淋,厚身,個人口味比較喜歡沾米粉重啲,份量足料但粉皮缺點蓋過優點,唔太推薦叉燒腸（3/10）：一樣米粉皮偏軟淋,叉燒足料但調味過重,唔使點豉油都喊過豉油本身,食到生腎者之石蝦餃（4/10）：蝦餃餡多粉,食唔出肉味,亦食唔出蝦本身嘅鮮味椒鹽墨魚仔（1/10）：同多春魚一樣,但今次乜嘢都冇調味,同粉炸擦子膠味道一樣春捲（2/10）：即刻炸起,夠熱所以唔覺太油膩,但係皮內裏唔知點解有未熟嘅炸粉,咸味又搶過蝦味飲茶重點 - 茶（2/10）：叫咗鐵觀音,澀,鞋口。好,叫多壺壽眉,一樣咁難飲服務（5/10）：叫野,加水速度唔差,一般------------------------------總結：唔係好明點解咁多人排隊,未試過嘅基本上冇必要試。廚師煮嘢火候掌握得唔錯,但用料實在太差,如果係中央點心工場咁quality check真係唔得,同系列嘅基本上都唔洗食咖啦。食物質素唔到,價錢又唔係特別平,珍惜自己條脷嘅嘅不妨可以食第二間。…查看更多

未試過有間酒樓生日酒席飯，糕點要自己攞番屋企蒸😡😡😡侍應經理態度惡劣，我地同經理投訴期間，經理竟然一屑不顧咁走左😨😨絕對冇下次！！！大家唔去再去幫襯佢…查看更多

前個星期見佢有套餐，諗住都可以團年食，到這個星期變陣，價錢貴唔緊要，預左，一年一次，變晒貴價套餐，最平半圍近2千，人少少家人食個團年飯，食到咁既價就唔使來這裡，貪佢近近地老人家唔使行咁遠，唯有點小菜，可惜小菜唔多。紅燒忠菇豆腐$98，豆瘸夠滑，份量都似樣。乳豬硑盤$268，幾條肥肥地既乳豬，中間少少鷄胸一隻鷄翼，可能係沙薑雞掛，一條仔(唔知有冇10小粒)燒腩仔喎，味道冇特別，超市買個燒味飯既餸量還少。生炒糯米飯$118，唔知幾時炒，糯米含量有限，老人家話冇乜糯米，食左少少唔食。XO蚌片小炒皇$148，料切得好細，蚌粒就一隻手數晒，其他有少少細粒蝦、小塊魷魚、小隻蝦乾，味道分佈唔平均，唔通冇炒過?鳳梨咕噜肉體$138，都係好細粒，粉多過肉，大X活好食過佢。荼錢$15/位加一服務，自己行去收銀度埋單。成晚應該有一半吉枱。唔知係咪請左國內高手來主理，除左豆腐，其他樣樣都好細粒。隔離枱重要食到要大聲問候人地娘親，話落單話有，上上吓菜又話冇，冇理佢地咁多，只求快快食完走人。老人家食得唔多開心，事後要食其他野補鑊。唔想食個飯都掛住手機，冇影相，好唔好都係一次啫，冇下次囉。…查看更多

已經係第二次食，之前飲早茶，今日食lunch, 中午飯，中規中矩啦。叫左個三五知己套餐，再加d點心，食物都ok，埋單食左$7xx左右，但因為疫情放寬返，餐廳擺放枱凳擺得好密🙈🙈…查看更多

路過見主打$78 片皮鴨一隻，就去試試。它的菜式取價適中，優惠也多，亦可同時選多個不同的優惠，也算經濟實惠。人流不算多，服務也算不錯。街坊生意，侍應也敫勤招待。這是$78 一隻片皮鴨，這個價位有這樣質素，也算可以了。天氣凍，點了羊腩煲，也不錯，見它細細煲，但羊肉也不少。這是孖寶，海斑+鵝掌煲，$238飯後，侍應主動送上甜品紅豆沙，很細心呢。美中不足的是，想和家人閒談、但到10:00 就熄燈熄電視，擺明起客走。…查看更多

今晚食左個金枝玉葉龍蝦全包宴上湯焗龍蝦伊麵底 - 隻龍蝦係霉咗 軟林林 伊麵都係軟林林…醬皇蚌片小炒王，燒雞，蒸鮑魚，花膠海皇翅係正常既 用素翅支持環保ok蒸龍躉係一般酒樓既招牌菜 呢樣都係蒸得好難食 魚肉刮唔開 以為唔熟 但又魚肉又好鞋奇脆黑豚肉即係咕嚕肉 個質素同我喺樓下買兩送飯一盒$35無分別 仲敢叫奇脆 就咁叫咕嚕肉都冇咁嬲片皮鴨壓軸！鴨皮好乾同硬 個麵皮仲跨張！同一條毛巾冇分別 真係要食過先至明白係咩事😂總括每一碟出品都係微暖 好似煮完要等凍哂先肯上枱 成餐錯漏百出 係咁俾咗啲唔知乜嘢菜式過黎 然後張單又寫錯餸 最後唔多夠飽又叫多左碟蟶子王 質感唔爽口 但醬汁調配唔錯 跟住有乳豬拼盤 乳豬叉燒油雞質素都好差 乳豬好肥仲有陣燶味…查看更多

東港城壹匯中菜廳算是一家比較親民嘅酒樓😌😌行左大半日東港城，晚餐揾食醫肚，今次一行四人，點咗三個菜、兩碗白飯，做呢個星期日的晚餐。我們叫咗佢哋嘅招牌皇子片皮鴨，雖然佢地話一隻，都標明左16片，蔥瓜、瓜、醬料都好齊。另外我哋叫咗一個孖寶B，分別係清蒸生猛海石斑 & 石榴一字骨另外加咗一個上湯浸娃娃菜我哋都叫到一枱食物，味道來講真係OK啦，算係咁、不過不失😌但睇張凳就比較污糟，大家可以睇吓呢個係咪有啲嚇人😨酒樓環境枱枱凳凳擺得有啲密集，如果可以擺開d，改善下凳、呢方面嘅衛生就好啦價錢總體來說是幾親民的，四個人食唔使$500。…查看更多

平時我都好中意同屋企人去飲茶一盅兩件😋但第五波疫情之後就冇再出過去飲茶😔而家情況好返啲，就同屋企人去嘆下點心😝雖然都係要兩人一枱，不過真係好掛住可以慢慢嘆點心嘆茶既日子😍我最中意係飲香片，你地又中意飲邊款茶呢？😌呢間壹匯淨係食過幾次，但點心質素都唔錯 😆🔸蟹籽燒賣皇飲茶必叫既燒賣😍燒賣有四大粒，蝦仁都大大粒好彈牙😎🔸碧綠义燒腸腸粉皮好夠滑，好食🤩🔸海皇煎薄餅薄餅亦都好好食，唔會好厚粉😉而且加左啲菜脯，咬落去脆脆地好爽口😇🔸潮州蒸粉果粉果皮算薄，個皮幾煙韌 🤓🔸家鄉煎藕餅藕餅估唔到幾好食，煎得香脆得黎唔會食到成口油😏食到粒粒蓮藕，好爽口，口感好正 😛🔸柱哥炒飯炒飯好乾身，炒到粒粒分明☺️不過略為淡味左啲😝炒飯好多料，仲有提子乾，好有誠意 🤪🔸芝士海蝦伊麵伊麵味道都好唔錯，好香芝士味😆個芡汁亦都調得岩岩好唔會太結身😉蝦都有好多隻，好足料🍤/📌壹匯中菜廳 (東港城)將軍澳重華路8號東港城2樓221號舖/😋食物質素：7.5/10🍽️用餐環境：7.5/10💰性價比：7.5/10👣回頭率：7.5/10…查看更多

還記得上年做冬的時候禁左晚市堂食，所以今年要想同屋企人出街食好啲。係將軍澳住左幾年都未試過呢間酒樓，早兩日經過一田見到價錢唔貴，又幾多野做緊特價，所以決定試下呢度。星期五晚7點鐘，都估到會多人，等了大約半個鐘先有位。叫左孖寶 - 有海班和燒雞半隻。叫左沙律菜伴柚子蝦球和做緊特價的片皮鴨。先上來的是醬皇脆皮燒雞（半隻），都燒得都幾脆，味道是不俗，但份量偏少。之後上來的是沙律菜伴柚子蝦球，柚子味太重，有點蓋過蝦味，本身蝦不錯，大隻，食到蝦的鮮甜。再上就是老豆最愛的片皮鴨，78蚊有這個份量（16片），抵食，我個人比較喜歡片皮鴨多點肉，今次正合心意，皮又夠脆，略嫌餅皮有點細塊。開頭見雞的份量不多，驚唔夠食，加叫左個沙茶菜苗炒牛仔肉，炒得好香，牛肉好腍。最後送上來的是孖寶跟的海班，都足秤，魚新鮮，煮得啱啱好，唔會過熟。3人總共食了460元，5味餸，抵食，建議想係附近搵嘢食都可以一試。…查看更多

星期六同屋企人經開東港城，爸媽喜歡食中菜，6：30pm 路過呢間見有位，我地俾$78 片皮鴨吸引左，就照入去！入面分左區，我地5個人就坐另一區，咁啱隔離有6人枱食飯中，因為食客飲酒講野有點大聲，而且坐得好近，問侍應話其他已訂左位已經冇得調，所以唯有照食！上菜算快，叫左皇子片皮鴨 $78，粉皮及醬冇咩問題，係d 鴨冇咩肉及層肥肉比較厚，見到有專人片緊鴨...蜜盞安格斯牛仔褲粒 $95，一舊舊係薯仔，仲多過d 牛，牛肉粒就肥肉多過肉...揚州炒飯$88算大大碟都夠食，不過覺得鍋氣欠少少...魚湯花膠泡菜苗$85，材料夠多，果下冇為意，係白菜多過似菜苗，花膠唔夠腍，但都ok... 陳皮蒸大連鮑半打$68，個樣係冇問題，但我第一啖就咬到沙，仲有少少腥，所以冇食落去，最後剩左隻冇人想食...生猛大海中蝦$98，呢碟好夠味，本人覺得呢碟最好食，食左好幾隻！:)總結，抵食海鮮中菜！…查看更多

金銀蛋白菜係室溫，金銀蛋係硬㗎！煮魚等左一個鐘，每樣小菜起碼等15分鐘上一款，咁食法⋯4個小菜，足足兩個鐘先完成😣唔講食物質素，最憎食飯窒住窒住唔痛快，所以真係冇下次。…查看更多