壹加壹咖啡奶茶 (已結業)

其實呢間餐廳已經係由細到大食過好多次，幾欣賞佢價錢唔貴但食物用心製作，而且送外賣速度仲好快，每次電話訂完好多時都係10分鐘左右就送到，效率極快餐廳與時並進，自己開咗一個社交平台帳戶，每日風雨不改咁upload是日午餐Menu，方便客人睇完再直接打電話落單！每日早上十一點半左右就會upload上網，睇啱就要盡快打電話去訂了！之前試過睇完但係等到一點左右先打去訂，有啲受歡迎嘅菜式就一早賣晒🤣冬菇節瓜炒排骨，餸嘅份量比得好充足，冬菇節瓜好入味，排骨新鮮，整體嘅配搭健康好食，有住家飯嘅感覺，用埋啲汁攞嚟撈飯都覺得幾好食冬瓜豆卜火腩，呢個菜式雖然成日喺茶餐廳都會見到，但呢度嘅冬瓜豆卜火腩唔會好似茶餐廳煮的咁鹹冬瓜豆卜入味，火腩就應該係喺外面燒味舖買返嚟再煮的，食落新鮮好味。又係一度有住家味道嘅菜式。電話落單， 10分鐘送到，兩個套餐配嘢飲，加埋都係$83 ，性價比唔錯

大家真係唔好叫佢外賣，外賣成個鐘都未到，打電話同佢地講態度又差，講幾句想快啲就想話我，食物味道我覺得一般，但係服務態度我覺得先係最重要。有其他餐廳就叫其他餐廳啦。

龍門居真的美食吃不完，今次我就去了不少街坊都光顧的壹加壹咖啡奶茶，這裡的麵餐，扒餐都很便宜，難怪店鋪雖細小簡陋，都無阻各位光顧的興致。天氣熱得很，我都不想吃粉麵，所以就吃個扒餐，牛油方包配火腿煎蛋及豬扒，飲品則喝凍奶茶。我超久沒吃過茶記式扒餐，這一吃特別回味。豬扒頗大塊的，肉薄之餘也夠鬆軟，不是梳打粉那種調節而成，是真正的軟腍，切得輕而以舉，亦煎得不油膩，味道恰道好處，這就是簡單的美味。另外火腿不會死鹹，不論單吃抑或牛油方包夾著吃都不錯。凍奶茶冰塊不多也不少，奶跟茶的比例分配均勻，沒有互相搶掉對方的味道，聞得到茶的芳香，也喝得到奶的絲滑，奶茶可以說醇香到位。

要推薦好吃小店，位於屯門呢間屋邨入面的小店真係我心目中的頭位❣️地方小小，坐位大約只有十個，但每次黎都有人排隊，就算附近有其他食肆，D街坊都會堅持排隊食到為止！呢到我食過不下10次，只有早餐、午餐及下午茶，每日4:30pm就會收工，中午飯餐有三、四個選擇。我多數食呢度的麵餐，因為麵食選擇不少，除左一般的米粉、通粉丶米線丶大光麵丶出前一丁，仲有辛辣麵丶福麵及芝士麵，而且呢度唔係大集團，他們的配搭彈性好大，價錢好抵又整得好味！如果貪心的話，加少少錢就可以加多一個餸，絕對啱曬為食鬼！😁跟餐的多士或包又可以選醬料，我通常會食奶油多士留邊，好正，我之前見有人要求要麵包頭，wow，只要佢地做到都會去做，呢D人情味唔係度度有！👍🏻👍🏻他們有送外賣服務，當然只限附近地方啦，不過我都試過叫外賣，真係不及喺店裏面食咁好味，所以雖然佢哋店舖細細，但只要你試過一次，包你會返轉頭再幫襯！推薦食物：滷水雞髀丶凍綠茶丶豬扒包丶炒牛肉丶五香肉丁丶炸魚餅

屯門龍門居商場食店林立, 要脫穎而出實屬不易, 今日在龍門居商場地下俾我搵倒一間抵食又好味的港式茶餐廳, 一入到去看到很多學生係入面, 睇下佢地食咩野先, 原來好多人都叫沙爹牛包同埋豬扒包, 咁我都跟佢地咁叫啦, 等左一陣, 沙爹牛包同埋豬扒包就到左. 個沙爹牛包咬落非常 juicy, 而豬扒包有好濃的芝士味. 而且又平, 吾怪得咁多人食.