影片
食家推介
去開聯和墟繼續開發新餐廳上次經過見到依家開左好多冰室今次就試一試士多冰室個名得意又貼地睇完餐牌就覺得名符其名餐品唔算多但應有盡有就好似士多般簡約既冰室見到厚多士 足料有口感叫左個沙嗲牛肉米粉跟火腿炒蛋份量好似少左啲但係價錢都係$36左右一分錢一分貨CP值都算可接受炒蛋鮮嫩 再配上厚多士令人食指大動豬柳通粉單丁豬柳“扮”鬼佬早餐香脆多汁既煎雞扒厚多士好正🙌太陽蛋🥰可應要求要比較熟而我正正愛既係咁靚既太陽蛋聽街坊講原來都開左年幾兩年值得推介又坐得舒服😌
繼續閱讀
那天朝早行經呢間茶餐廳未幫襯過，即管入去試吓，食物不錯，份量足，最令我喜歡嘅就係各名員工非常主動向客人招迎，見到客人食唔晒件厚多士，主動問客人需唔需要紙袋攞走，期間我見老闆娘(我估計)同每員工都和諧工作，不分你我，有講有笑，而家香港茶餐廳嘅服務越嚟越差嘅時候，竟然見到一間茶餐廳能夠做到Happy Staff Happy Customer，所以我一連三日都嚟食早餐。係喎唔記得講食物𠻹，我覺得佢哋個沙嗲牛做得好味，奶茶亦都做到茶奶平衡又多茶味，我一定會再去👍🏼👍🏼👍🏼
繼續閱讀
今日同班(林寶車主老友聚完準備揸返跑馬地 途中肚餓 於是打比我秘書ADA Wong問佢北區有冇好食早餐 她回覆我：聯和墟士多茶記早餐不錯 於是我由鹿頸揸去聯和墟士多⋯⋯早上8:30已經有90%入座率‼️‼️果然出倉坐低叫個靚早、凍奶茶先，5至8分鐘便到了 滑旦好出色 只係出前一丁無麻油跟⋯⋯奇怪D LAW🤨🤨🤨🤨其他都合格以上的下次喺ADA度過夜後車埋佢嚟食啦 之後仲可以港車北上同她買包包、勞力士啦
繼續閱讀
士多冰室，好野嚟㗎！早餐沙爹牛麵或者豬扒麵值得一試！多士加錢可以轉奶醬多，麵包夠新鮮非常鬆軟！奶茶非常之正，茶味夠濃奶夠滑，奶同茶嘅比例恰到好處，每次食野必點之選！熱飲仲可以加$3就加大，非常之抵飲！
繼續閱讀
雖然開左業一年左右，但好多Youtuber有介紹過，最出名就係大大隻炸髀。星期六終於搵到時間去試佢嘅下午茶。UFO大髀配薯條 $46餐廳人氣之作就一定要試，即叫即炸，我地等左大概兩個字先上枱。雞髀厚肉位置已經劏開，方便炸到熟，亦因為劏開左，所以望落大隻D。可惜雞髀炸過龍，炸到非常硬脆、好界口、而且毫無肉汁可言😑，如果呢個炸髀係廳嘅signature，咁我覺得完全唔合格🤦，我只係食左半隻，都已經比佢界損左上顎….而且D肉乾硬到咬到牙軟。😣高層西多士 $38西多由三塊麵包組成，一層夾花生醬，另一層就夾柑橘類嘅果醬，食落好似陳皮味😂。呢度嘅西多士係加煉奶，而非糖漿，整體食落甜度可以接受，而且又有蛋香，又夠厚，不過果層果醬如果可以比客人揀要番花生醬就更好，因為我地都麻麻呢股陳皮味😅吉列魚薯條 $40吉列魚大大件，炸到好脆、好乾身；魚肉仲好多汁，不過有少少腥🤔，點果個偏酸嘅千島醬食會比較好。熱咖啡偏重奶味，咖啡唔夠香，如果以茶餐廳沖出嚟嘅水準嚟講，呢個唔合格。我唔知餐廳平時咩水準，但以我星期六下午5點半嘅食物質素嚟評價嘅話，炸髀實在不可一、不可再。
繼續閱讀