營業時間
今日營業
08:00 - 22:00
星期一至日
08:00 - 22:00
以上資料只供參考, 請與餐廳確認詳情
優惠
94折
堅信號上海生煎皇餐飲現金劵
$47
$50
食家推介
相關文章
嚟到梗係要食生煎包 生煎包煎得好香 有少少焦香味餡料好多 好多汁好夠味!熱辣辣新鮮出爐😍古法扣豬手醬汁唔錯 豬手炆得好腍好入味!而且都比想像中多肉,幾好食👍🏻另外椒鹽脆黃魚都好好食!魚炸得好脆冇乜碎骨👍🏻
繼續閱讀
我非常推薦位於荃灣眾安街的一家食肆。儘管店面很小，但食物的質素卻非常高，且價格相當實惠。這家食肆位於荃灣最繁榮的地段，交通非常便利。 我首推他們的招牌生煎包，這個小吃絕對讓人驚艷。生煎包內部充滿了美味的肉汁，肉質鮮嫩，外皮則酥脆可口。配上一些黑醋，回味無窮，非常美味。 另外，他們的秘製豬扒上海粗炒也是我最喜歡的菜色之一。豬扒的醬汁甜而入味，豬肉軟滑多汁。搭配上海粗炒，風味十足，色香味俱全。我個人推薦加上店家特製豆瓣醬，這種醬汁散發著濃濃的酒香味，完美地結合了整道菜的風味。 此外，他們的擔擔麵也非常出色。湯頭香濃，帶有淡淡的花生香味，配上有彈性的麵條，湯頭完全掛汁在麵條上，每一口都能感受到店家的用心烹調。 總括來說，這家食肆提供的美食絕對讓人滿意。無論是招牌生煎包、秘製豬扒上海粗炒還是擔擔麵，都展現出店家的烹飪技巧和用心。如果你懷念美味的上海小吃，這絕對是一個值得一試的地方。
繼續閱讀
生煎湯包之前食過好多間，間間都參差不齊。尼間就好唔同，環境乾淨企理，雖然店面唔算話好大，但下午茶時段都坐滿晒！為左食熱辣辣既生煎湯包，搭枱我都唔CARE。為左食，我真系可以去到好盡生煎湯包出場都系出晒煙，食用時要小心，免得燙傷舌頭。外皮香脆，肉汁勁多。如果唔太餓，一個人食4粒岩岩好。太餓的話，餐廳仲有其他麵食、飯餐等。
繼續閱讀
同老婆去完荃灣既千色店掃貨之後，打算經過街市街去到眾安街果面搵下啲啱心水嘅食店。一出商場，迎接我哋嘅係一種熱辣辣嘅感覺，頂住30幾度嘅高溫，為食又怕熱嘅小弟決定加快腳步揀一間心水嘅餐廳，入去飲杯凍飲吹下冷氣。經過富華冰室，左望右望，映入眼簾嘅係一張冷麵嘅poster。抬頭一望，竟然係一個熟悉嘅招牌——堅信號。小弟雖然閑來無事都會幫襯堅信號，但係平時幫襯嘅主要都係熱辣辣嘅生煎包、小籠包等傳統上海菜小品。潛意識地將佢同「凍冰冰」呢三個字分開得遠遠的。今次難得有緣，小弟又怕要流連街頭尋尋覓覓，又驚行嚟行去兜兜轉轉都冇啱心水，決定快啲搵個位坐低吹下冷氣。一坐上張凳，第一時間即刻拎起手機掃QR code，小弟時間叫咗個冷麵（胡麻醬五彩拌冷麵），之後見到雞絲粉皮二話不說，加埋韭菜餃同凍檸茶一併下單。太太則同我選擇了一樣嘅冷麵，配上涼拌青瓜、小籠包以及凍綠茶。落單唔夠5分鐘，唔同嘅野食已經陸陸續續咁樣上齊了，灌湯小籠包一如以往嘅質素，配埋薑絲多汁好食。韭菜餃恰如其分，不過不失。值得一讚嘅係上菜時嘅溫度保持得幾好，唔會太燙口亦唔會唔夠熱。至於兩個冷盤雞絲粉皮、涼拌青瓜，呢兩個簡單嘅小食處理得幾好，特別係雞絲粉皮同其他上海菜館的質素相近，對比所加配的價錢絕對物超所值。《胡麻醬五彩伴冷麵》終於嚟到今餐嘅主角，五彩冷麵一送上餐枱，色彩繽紛令人食慾大增，加上凍冰冰嘅口感，簡直色香味俱全，令人食指大動。一啖冷麵落肚，既舒服又開胃，配上絕不吝嗇的胡麻醬，霎時之間簡單嘅餐點變成了精品美食。五彩冷麵，看似製作簡單，一注麵條，加啲火腿絲、蘿蔔絲、青瓜絲，做出一啲醬料就大功告成。但係當中所拿捏嘅比例，麵條嘅口感，甚至乎不同材料的處理，粗幼長度，其實某程度上都顯示到出品的功架。經過今次光顧之後，小弟決定係嚟緊暑假嘅日子經過附近的話會係幫襯生煎包以外，多啲走入去光顧佢嘅冷麵。整體而言，今次不論食物質素、性價比、用餐環境以及員工態度，都是保持住堅信號一如既往嘅水準。沒有驚喜，可能只是因為過往堅信號已經保持優質。今次連同飲品總共叫咗八樣餐點:雞絲粉皮涼拌青瓜胡麻醬五彩拌冷麵 x2紅油韭菜餃走辣灌湯小籠包凍茉香綠茶凍檸茶餐廳名稱：堅信號上海生煎皇 (眾安街)餐廳地址：荃灣眾安街37A號荃運樓地下C號舖光顧日期：2023年6月28日消費金額：159hkd/ 2ppl
繼續閱讀
有一日 行過荃灣眾安街見到呢間上海嘢唔太貴門口望入去都乾淨企理 所以我哋就決定入去試吓我哋叫咗個擔擔麵 蒜泥白肉 奶油津白同埋四個生煎包蒜泥白肉好夠味 好有蒜味 份量都大份👍🏻擔擔麵同奶油津白質素都唔錯 擔擔麵唔辣 唔食得辣嘅人都可以試吓 奶油津白啲菜唔會太老 又夠creamy 有少量嘅金華火腿 唔會太鹹 都推薦大家可以試下生煎包真係好出色 一咬落去就爆汁 好夠熱 好Juicy 個皮又唔會太厚 中間舊肉又唔會太硬 下次經過都可以再叫個生煎包嚟食😍
繼續閱讀