堅信號上海生煎皇 (新都城中心二期) (已結業)

近排周圍食小籠包，見三十幾蚊下午茶小籠包，冇乜人就試下。小籠包唔知係咪蒸得太耐，上枱時啲湯已經流左出嚟，扁撻撻咁都幾失望，唉😮‍💨味道其實唔差，希望會改善啦。生煎包皮太硬，似放咗一陣唔熱，但又真係爆汁成枱都係，好彩對面冇人，但又唔覺好食。其實佢生煎包起家又重點推介，係咪應該要注意下呢？賺咗錢定係賣咗盤？就Hea？凍豆漿OK唔會太凍太甜。(枱面擺咗一支marker筆叫，我自己落單但係冇墨，同佢講又冇換支筆)下午茶時段小籠包餐另配生煎包+3送凍豆漿total $49

今天午餐已經有飯團，叫個酸辣湯水餃加餸, $44酸辣湯裏面嘅料好充足，好多木耳絲果啲，但湯好杰，似醬汁多啲，感覺唔係幾健康。餃子不過不失。如果要為佢定價，我覺得$44要包嘢飲，唔包嘢飲就$40我同同事(女仔)食咗飯團，飲咗飲品同埋食咗其他嘢，但係五點幾佢就肚餓了。我就早過佢食多咗一個飯團先ok 😝

1️⃣生煎包底下個皮脆,多汁,味道👍🏻💰HKD$20 (2隻)2️⃣雞絲粉皮好小醬,冇味咁,好難食💰HKD$163️⃣口水雞菜飯得個辣字,雞肉鞋.菜飯太濕💰HKD$624️⃣白菜豬肉水餃個湯好飲😂😂餃子唔好味💰HKD$18

係將軍澳廣場，諗住去食個快速午餐。12點左右經過堅信號，見到餐廳唔算多人，裝修光猛座位舒適，有唔少卡位可以選擇，決定入去試一試。一坐低，員工已經好快手將餐具熱水拎上枱，掃QR code 自助落單方便快捷。午市套餐包前菜主菜同餐飲仲可以追加小食。同朋友各自嗌咗一個四川擔擔麵同京蔥牛肉菜飯，前菜就分別嗌咗酸辣湯同灌湯小籠包，再追加咗堅信號嘅招牌菜生煎包。所有食物熱辣辣，上枱速度都好快，生煎包不愧是招牌菜，皮薄脆底，咬落口又充滿著肉汁😋其他食物水準都唔錯。如果想食個平靚正午餐，呢間係一個唔錯既選擇

諗住平平地試下外賣叫咗兩份小籠包返屋企食, 返到屋企打一打開就見到小籠包好似縮水咁, 見唔到有肉湯喺小籠包裡面, 咬落去原來小籠包裡面真係無汁, 好乾, 食落同公仔點心嘅小籠包無乜分別。開頭以為係個小籠包皮穿咗, 但睇落又無, 所以真係麻麻地。

今晚太忙, 所以要外賣, 有特惠晚市套餐, 包左開胃前菜 (2選1) 、1客主食及1杯飲品由於叫2個套餐, 所以各叫一款前菜!紅油拌水餃 (2隻) & 涼拌青瓜拼醬蘿蔔我唔食得辣既, 覺得紅油拌水餃都唔算辣, 個辣味唔係持續好耐, 好易散去, 同覺得佢都唔係紅油黎, 似係辣椒醬既辣料放上面就算...至於涼拌青瓜拼醬蘿蔔, 好酸, 我真係食唔到!><胡麻醬五彩冷麵 (有雞絲, 火腿, 蟹柳, 青瓜, 蘿蔔絲)每次都係食呢個冷麵, 胡麻醬唔會太酸, 岩岩好, 而且份量好多, 會好飽!除此之外, 平時冷麵會好凍, 但呢款係常溫, 亦係我欣賞之處, 女仔黎講, 唔可以食咁多凍野, 有quota 都留返比壽司剌身啦!外婆紅燒肉菜飯五花肉肥瘦適中,大大舊, 燜得好入味好淋, 配埋菜飯, 正!堅信號生煎包（2個) - $13 (追加價)好多肉汁而且好鮮甜, 皮薄餡靚, 但因為我係外賣, 所以已經唔熱, 唔會焫親! 平時堂食有小心熱湯汁, 一啖咬落去會焫親咀!酸辣湯 - $10 (追加價)唔係我飲, 所以無法comment! 我怕酸吧...基本上, 我係堅信號既常客, 耐不耐就會買佢既

堅信號生煎皇(將軍澳）上海美食愛好者，最鍾意食小籠包、生煎包，今日就落咗去試試，想不到都幾好食。小籠包非常多肉汁。川味口水雞都好好食,雞很滑而且入味。呢個面呢就比較適合重口味人士,如果淡味少少會比較適合我！ 另外個蒜蓉雞都幾好味，建議配白飯！用餐心情：🌾想食上海嘢，簡簡單單食一餐，都可以試吓有半分全份咁order，洗驚食唔晒味道: 7.5/10環境: 7.5/10服務: 7.5/10消費: 人均$80-100（lunch )

懶洋洋的日子 最好一落樓下商場即刻有得食lunch 之前次次都係嗌外賣, 今次終於堂食試番一次！晏晝嚟到都幾多學生，好熱鬧。我叫左 -⭐️冷麵 芝麻醬好開胃，啱晒而家熱辣辣嘅日子，仲有好多雞絲添 都幾大份，一個女仔食完都好飽㗎⭐️兩隻小籠包，都幾多汁😋⭐️洛神花密 岩哂我飲 可以養顏🤭下次再食下佢生煎包、大大塊豬扒先-#堅信號上海生煎皇 #堅信號 #hkfood #hkfoodie #hkfoodblogger #將軍澳美食

之前在「香港01」用會員積分換了張$10現金劵，放到到期日才記得用，哈! 一個人，簡簡單單點了一客招牌堅信號上海生煎包（2個）($10/原價$20)。兩個圓碌碌，脹卜卜的生煎包熱辣辣上枱，面頭灑了青香的蔥花，沾上甘香的黑白芝麻，包底就煎至金黃，相當靚仔！急不及待咬一口，嘩! 射出包汁，射程範圍仲好遠，幸而對面沒有坐人.....外皮軟薄，包底香脆可口，正！內饀挺有份量，鮮嫩的肉夾雜少少少肥膏，油潤且不會太肥膩，還滿載鮮香的肉汁，果然是招牌菜之一。

原本打算買外賣，平時見到堅信號都排哂長龍，午市既尾段竟然有位可以直入，咁就黎個堂食一個人既午餐午市套餐前菜四選一，選左灌湯小籠包，皮薄多汁，夾既時候要好小心，怕佢會穿🤣，配搭埋薑絲醋真係好正😍主菜就選左四川擔擔麵，夠哂經典，一上枱好香花生味🥜，肉醬仲幾多，拌勻之後每條面都掛滿醬汁，夠哂香，鍾意食辣味仲可以自己加豆瓣醬添嚟到呢度冇理由唔食招牌生煎包，追加左小食堅信號生煎包，生煎包唔會好大個，面層有青蔥同芝麻，煎到個底金黃香脆，但一啲都唔油，咬開發現又係爆汁，夠哂滋味，堂食嘅生煎包俾起外賣更加出色，下次我要食夠4個🤣最後飲返杯餐飲熱茉香綠茶🍵，夠哂消滯解膩

堅信號嘅生煎包個底煎得好脆 而且入面嘅豬肉餡料好好食 呢個價位嘅上海菜嚟講算非常唔錯👍🏻 仲有其他菜式 👉🏻拌冷麵 👉🏻灌湯小籠包 👉🏻雞絲粉皮都好值得一試 可以趁下午茶時段去食更加抵!!📍堅信號上海生煎皇深水埗福榮街98號地舖九龍灣牛頭角道77號淘大商場2期地下G187-188號舖將軍澳貿業路8號新都城中心2期1樓1070-1071號舖將軍澳唐德街1號將軍澳廣場1樓126-129號舖荃灣眾安街37A號荃運樓地下C號舖元朗朗日路8號形點二期1樓A115a號舖屯門屯門鄉事會路2A號H.A.N.D.S A區地下A101-A102B號舖土瓜灣馬頭角道33號欣榮花園地下8-10號舖青衣青敬路31-33號青衣城二期1樓197號舖上水智昌路3號上水中心2樓2087, 2088及2089號舖慈雲山毓華街23號慈雲山中心4樓410C-1號舖

踏入2022年的第一日，昨晚同另一半倒數完，夜睡覺；這日自然夜起床，不想煮飯。於是去就近的這間餐廳，食餐好。堅脆雞扒菜飯，$63，雞扒幾好味，外脆內軟，中上質素。菜飯有飯加上菜的清香，而且份量十足，包食得飽！生煎包，沒理由不吃，跟餐只是多$10！出名多汁好味，餡料不俗，性價比一流。四川擔擔麵 $58，都好食，不過印象不太深刻，忘了拍照。飽汁時蔬，不用跟餐餸，幾可口，整體味道不過不失完成踏入2022年的第一餐！新年願望？當然是希望日日有餐好食，疫症快些過去，各食肆，要頂住呀！

雖然已經唔係食大閘蟹的季節，但都好想補寫返這個食評。每次行過見到這張海報都好吸引我，終於有一日忍唔住，沖了入去單點一籠蟹粉小籠包($29/2隻)。即點即蒸，熱辣辣送上枱。兩隻都脹卜卜，頂頭加了少少金箔，大大提升身價，矜貴好多。輕輕吃一口，的確皮薄饀靚，湧出湯汁，仲見到黃黃的蟹油。肉味好鮮香，但蟹香就一般，唔夠滿足......一向都好喜歡吃大閘蟹，仲特別鍾情於蟹粉小籠包添! 可惜要等待合適的月份才可一嚐它的美味，唔知大家有冇值得一試的大閘蟹小籠包推介呢?

上網見到依間餐廳好多負評，覺得好奇怪，於是今日過嚟挑戰一下🤣 並唔係負面㗎，但真係好好奇🤣.為咗滿足我嘅好奇心，今日一於過嚟試吓但係真係冇評論講得咁差😉.見到呢間餐廳開咗好多分店，將軍澳都有其中一間，服務態度正常，衛生環境都算乾淨.我就叫咗一個上海擔擔麵另一個叫做生煎包😗.上海擔擔麵幾好食，裏面加咗好多花生醬，味道偏鹹，但係湯底係好好食😋.生煎包係特別推介！真係超多汁，係爆多汁😆但係餡料就唔係話特別，普普通通.利申：真心食評，冇想像中咁差🤣

有時食物嘅品質係重要，但係服務員嘅質素都好緊要顧客係俾錢買嘢食，唔係俾錢買氣受星期五下晝去到買下午茶落單時間4:55行咗15分鐘之後再行返去，仲未有得攞食物同個職員講，個女人就好大聲咁話我落單嘅時候已經講咗要等個喎但係好明顯我落單嘅時候佢同另外一個男經理喺度傾緊計，冇同我講過話要等咁耐如果要等咁耐嘅話，我會再行耐啲先至返轉頭攞跟住個態度仍然係好衰，問我係咪要食生嘢另外一個男職員就加把嘴，話給10幾蚊野唔好咁計較我想講我大啦啦俾咗錢我就唔應該咁樣受氣睇CCTV就會一清二楚我一定會打電話去投訴