34
1
5
港鐵寶琳站 B1 出口, 步行約7分鐘 繼續閱讀
所有分店 (9)
電話號碼
23883499
營業時間
今日營業
07:30 - 22:00
星期一至日
07:30 - 22:00
付款方式
AlipayHK 支付寶 現金 八達通 微信支付
其他資料
當面支付
食評 (47)
等級4 2020-11-07
1247 瀏覽
今晚又要去做針灸,雖已約5:30pm,但以前一次的經驗來睇,等候加完成已很晚,還是要先來一頓Early Dinner。成日見開張不久的堅信號門口常有人排隊,那麼受歡迎,一於今晚試試。門口牆身貼滿菜式相片,還有超大張的滴汁生煎包圖片,好誘人呀!走進內裏,地方不算大,正正方方的格局,環境光猛,地方骨子企理,設有三排二至四人枱,界了隔板,而每塊板都貼上新登場菜式,真是懂得善用資源。每枱都放了點菜紙、筆、醋和辣醬。看看點菜紙,單點菜式分別有招牌包點、涼菜、小食、熱炒、飯類、黃魚濃湯、麵類、素小食、湯和飲品。還有抵食精選午餐和下午茶餐,選擇不少,經濟實惠。********************抵食精選午餐由11:00am-17:00pm,時間頗長,正! 1+2+3的確抵食,趁還未過17:00,就點一份。主菜有十款選擇,我當然看中雪菜黃魚濃湯拉麵,而小食就有六款選擇,不用考慮就要了上海生煎包。飲品奉送茉莉綠茶,亦可加錢揀選其他。********************雪菜黃魚濃湯拉麵($75)賣相一流,身為魚痴的我見到都不禁垂涎。兩件煎得金黃可口的黃魚邊脆、皮滑兼肉嫩,魚肉片片分明。湯底雖不算非常奶白色,但味道鮮美,喝後並沒有乾涸之感,喜伴着滑嘟嘟的拉麵同吃,加埋拉麵掛着的雪菜碎,好吃!********************來到這裏怎能錯過招牌堅信號上海生煎包(2個)($0/跟餐)呢?必吃!兩個圓碌碌,脹卜卜的生煎包熱辣辣上枱,面頭灑了青香的蔥花和甘香的黑芝麻,包底就煎至金黃,相當靚仔!店員多翻提示小心爆汁,真貼心!還以為自己好醒,用匙羹盛着吃一定無事,點知....包汁射程範圍相當遠,厲害!外皮軟薄,包底香脆可口,正!內饀挺有份量,鮮嫩的肉夾雜少少少肥膏,油潤而不肥膩,還滿載鮮香的肉汁,正!輪到吃第二件,點好?仔細看看枱面,原來有吃生煎包的指引,我太大意,哈! 套餐奉送一杯茉香綠茶($0/跟餐),暖暖地,茶色清,味道甘香,有助餐後解渴解膩,岩晒!*******************蔬菜不能少,有菜心和生菜選擇,當然要正氣的菜心。鮑汁菜心($25)份量比相像少,但可能用上矜貴的鮑汁。每條菜心都很粗壯,色澤翠綠,新鮮爽嫩,並沒有渣滓,淋上份量剛好的鮑汁,帶些鹹香,更加好味!---------------------看到「堅信號」這個名字,讓我諗起堅毅+信心這兩個字。在疫情影響下,相信各行各業都大受影響,飲食業也是其中之一,但大家要有信心,相信疫情會好轉,繼續堅毅打拼,必能化危為機。看看「堅信號」能在疫境下開店,還有不少客人排隊就知「堅」和「信」有多重要,的確做什麼事情也要抱着這兩個態度,大家加油! 繼續閱讀
(以上食評乃用戶個人意見 , 並不代表OpenRice之觀點。)
等級6 2020-10-11
521 瀏覽
位於將軍澳新都城的【堅信號上海生煎皇】一開張時已經大排出龍,睇過下餐牌原來都有素食的新豬肉做擔擔麵、咕嚕肉等……過了一段日子,陣今日放假來到品嚐了個午市套餐【甜酸咕嚕肉配白飯】$60,包了一個小食及飲品,小食點了京汁茄子及飲品就是茉莉綠茶地方環境真是好細,所以等待的時間都較長,但不得不讚店員的服務,排隊期間,店員都會提醒客人拎等候票,進入店內時都會幫客人探熱,又會提供放口罩的紙袋,服務相當細心講番個午餐,小食的京汁茄子份量都晤少,茄子都大粒,茄子吸盡微甜的醬汁,吃起來都好醒胃,飲啖茶繼續等待主菜的來臨,茉莉綠茶的無糖,飲落夠熱又清香,也不錯終於來到主菜咕嚕肉的來臨,用了素食的新豬肉製作,剛即炸出來,皮脆夠薄,味道都帶出菠蘿的清甜,如果可以再酸甜多點會更好,內餡比真的豬肉較軟腍,水準都還可以啦店中的服務員做事都好有效率,服務都細心體貼,菜式方面提供了新豬肉的素食款式,真是素食者的福音 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-23
163 瀏覽
下午時段餓餓地但係又有排先夠鐘食晚飯想食少少野醫下個肚仔行過剛開張無耐嘅食店見到有生煎包就入去試一試點了兩個生煎包、京汁茄子、孜然雞中翼同豆漿首先講下生煎包不愧為招牌菜店內仲有教你如何食生煎包的方法建議大家真係跟住做一定要先將外皮微微揚開吹涼裡面的湯汁以免燙嘴然後盡可能一啖放入口嘴細的人如果想要中間咬開就要注意因為真係堅爆汁小心湯汁會彈到旁人包皮都算薄身包底煎得有少少香脆上面灑滿芝麻同蔥花內裡豬肉咸咸香香都幾好味冷食嘅京汁茄子入口軟軟的而且能夠保持紫色而沒有煮黑醬汁幾入味,咸咸地又不油不辣可能我本身鍾意食辣所以覺得它不辣吧至於雞翼可算是驚喜之作店員說是先塗上孜然粉然後拿去烤雞翼外皮又有少少脆雞肉仍保有肉汁且嫩滑又香又惹味真係食到舔舔脷豆漿水準不過不失有豆味的而且不會太甜其實我見他們有最新出的永澤同學套餐不過唔想食得太飽所以無叫個套餐包括一杯豆漿+奶黃包+抹茶豆沙包造型真係好得意有睇櫻桃小丸子的朋友一定鍾意 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-22
661 瀏覽
見佢早排新開張,日日都勁多人排隊等食,難得見今日條隊終於叫做短返D,一於排下隊湊熱鬧入黎食下先😜今次叫左個午市抵食套餐,即係有主菜+小食+飲品,而我揀左外婆紅燒肉菜飯($62)、堅信號生煎包(2個)、凍豆漿(+$2),另外仲叫左永澤同學套餐($32)堅信號生煎包(2個)🍞:上菜時職員都好細心提醒小心熱親,因為生煎包裡面鎖住湯汁,一咬落去就會爆D湯汁出黎,餡料D肉亦鮮嫩,最正係個包底煎得恰當好處夠脆底🤤外婆紅燒肉菜飯🐷🥬🍚:唔好以為得3件好似好少,但其實每一件都好大舊👍🏻夠晒肥但係極為惹味🤤五花肉肥瘦相間,D肥膏仲要入口即溶但肥而不膩🥰呢份外婆紅燒肉真係好邪惡🤤餸裡面仲有D菜可以食下夠健康👍🏻至於菜飯D菜粒都幾多,夠新鮮唔會黃晒咁永澤同學套餐🍞:永澤同學造型實在太搞笑, 忍唔住叫左份黎呃下LIKE😜呢個套餐有永澤奶黃包,永澤抹茶豆沙包,同埋豆漿,中意嘅話仲可以+$25換埋永澤同學造型壓力包鎖匙扣過下癮😜上碟時職員都提醒趁熱食會好食D,奶黃包食落都似平時酒樓食開嘅味道,甜甜地唔錯,而抹茶豆沙包就再甜多DD,蓋過左D抹茶味,但2個包造型就當然加晒分😝呢個餐嘅豆漿杯仲要有永澤同學,真係幾有心思,飲落夠香濃順滑,幾好呢到唔駛加一,埋單$96,味道水準都幾高,難怪到而家間餐廳都幾FULL下。我食嘅時候都坐滿客人,幾繁忙下,但D職員都好NICE會細心提醒,咁忙都KEEP到用心服務,值得一讚👍🏻假日通常都好FULL, 要食嘅話記得預早少少排隊補MENU 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-12
667 瀏覽
自從屋企附近嗰間上海菜餐廳冇做之後,就已經好耐冇食過上海菜,原來商場開咗間新嘅,見到人頭湧湧好受歡迎咁,就決定今日午餐喺呢度解決☺️餐牌選擇都幾多,不過午市套餐就更加抵食,$50幾$60就有一份小食飲品同主菜,當中仲包括主打嘅生煎包🤤枱面仲貼咗唔同小菜嘅圖片參考,唔使驚煮咗出嚟同想像中有出入🤩上海粗炒~一整碟份量好足,上枱已經feel到好有鑊氣,食落都不算十分油膩,反而富油香,調味適中,令麵條食落十分煙韌滑溜,而且麵條粗身, 十分有質感,加入豬肉絲,味道層次更為豐富~堅信號生煎包~食落就明白點解係餐廳主打,生煎包外皮煎得十分香脆,但一咬落去就會有大量嘅肉汁流出來,第一口甚至有汁彈出來(熱辣辣食要小心)🤩,餡料亦十分豐富,吸收晒肉汁精華味道很好☺️雞絲粉皮~涼拌小菜亦是上海菜嘅特色之一,不能不點~揀咗最喜愛嘅雞絲粉皮,粉皮質感十分煙韌滑溜,加入麻醬以及切成幼幼的雞絲青瓜絲,十分清爽開胃,估唔到一小碟份量都幾多🤩迷你蟲草花雲吞雞~驚喜之作,本身見到迷你以為會好細碟,點知飲落去就發現份量都幾多,而且十分足料,最驚喜嘅係見到有一大舊雞髀,兩粒大雲吞,蟲草花和大白菜,由於材料之多,都令到個湯燉得非常入味🤤雞肉十分嫩滑,雲吞嘅皮亦十分薄,包着滿滿嘅餡料,真係非常滿足😇 繼續閱讀
(以上食評乃用戶個人意見 , 並不代表OpenRice之觀點。)