影片
食家推介
相關文章
堅信號生煎包，招牌菜都係要留返係舖頭即叫即食呢﹗送到時已餘下微溫，表面打晒霧水，幸好未至於冰凍。原隻整粒塞入嘴，包皮已變得僵硬，難得還有一絲香脆。金黃香脆的包底，油潤香甜的包面，爆湯飛汁激射，不留神噴到一枱都係，失望地發現湯汁都十分咸喎。地獄料理速遞，跟堂食有天淵之別，極度可怕﹗酸辣湯，滿滿的木耳，杰杰的湯汁隱藏著豆腐、筍絲，足料但不夠酸不夠辣，散發陣陣澀味，可能係醋的問題。鮑汁生菜，勁爽甜翠嫩充滿鮑汁味，喜出望外比預期中高質。蒜泥白肉，耐心地撈得均勻才慢慢品嚐，蒜味醬油味撞得不錯，香而不辣。白肉質地鬆軟嚥韌，拖著醬汁唔難食，忘記在那裏食過爽脆鮮甜的極品豬腩片。竟然在白肉底藏著粉皮，不喜歡粉皮的我都免強試一試。涼浸浸滑嘟嘟，吸盡紅油蒜味，味道都係只香不辣，平凡普通。古法扣豬手，豬手得層皮無肉食，損損骨吧﹗甜味強勁而彈彈的豬皮，爽而不綿不膠。上海菜飯，賣相不吸引，聞落無飯香，食落無菜味無甜味，生米硬掘掘，再食多啖確定係生米，全部放棄﹗紅油拌水餃，勁厚黏嘴略硬餃皮，麻辣味跟口水雞個汁一樣？水餃餡只得菜和肉？雖然有菜汁有肉汁，但味道未能達標。蔥油雞，厚厚雞皮肥騰騰，趙到滿口油，黃色肥膏處處一舊舊，乾鞋雞胸不喜歡。麻辣無骨鳳爪，少見用炸爪作涼拌，爽脆微辣，過過口癮。京汁茄子，京汁調得怪怪的咸咸酸酸，茄子半生熟出水索索聲，可怕的味道及質感。腿絲娃娃菜， 粗糙味淡鞋烚烚，好彩還有一丁點菜甜味，試一次便夠。肉醬拌麵，結成一團黏黏麵餅環環相扣，沒有配清湯想撈散都不可能。肉醬太乾太少兼無汁，白色拉麵淡茂茂濕濕黏成一團。加娃娃菜清湯加XO醬加辣鮮露，終於有點味道。灌湯小籠包，外賣微暖包皮已塌變硬變乾，幸好咬開仍有少量湯汁，最敝肉咸湯咸。
繼續閱讀
Have a good 包！全新黑金系列型格登場✨嚟食生煎之餘，更有多款新品等緊你😉🔥春卷脆脆春捲皮夠薄脆，唔會厚油覺得漏，餡料有多種蔬菜粒，健康高纖。🐤椒積雞扒包刈包軟綿鬆軟，黑椒雞扒勁大塊，非常有口感。🍇堅Gur巨峰梳打濃郁提子汁搭配氣泡感梳打，果香滿溢。🥟黑魅蒸餃 $32仲可以加配呢個做小食~黑色餃子皮真係好好睇🥹菠菜鮮蝦餡，蝦肉彈牙大粒。更會送限量版聯乘貼紙一份！#haveagood包
繼續閱讀
應節蟹季，一定要食蟹粉小籠包！🤭唔好怕醜，大啖啲一啖一個，享受爆汁滋味😍🥟蟹粉小籠包小籠包皮超薄，金黃湯汁集聚蟹肉同肉汁精華，超爆汁！🥠蟹粉鍋巴脆脆控最愛！上面勁多蟹肉絲同蟹黃，鮮香惹味。咬開一刻，鍋巴超脆！🍜蟹粉小籠包拌麵 拌麵上面都有一層好足嘅蟹肉醬，作為中意食蟹又唔想拆肉嘅懶人嚟講，真係好幸福💗🌺洛神花梳打 去膩top1，帶有微酸更開胃。@gingsunho 📍香港#香港美食 #大閘蟹
繼續閱讀
今日又再識堅信號，因為好想食佢個生煎包，一如既往個生煎包好好食，又快上枱。咬落去個汁必晒出嚟，今次冇影生煎包，因為上次已經影咗。今日試吓個上海豬扒菜飯，點知中伏，個上海豬扒係有骨嘅，炸得麻麻地。佢除咗快上枱之外都冇咩特別，可能佢根本一早炸定先至可以咁快上台。菜飯本身應該係成個餐嘅精華，點知好鬼難食，完全冇菜味，又淨係暖暖哋。一睇就知唔新鮮仲衰過唯一麵家嘅菜飯，佢嘅菜飯真係唔敢再試。下次都係食返擔擔麵穩陣啲
繼續閱讀
去咗堅信號食晚餐，佢哋啲嘢食都幾大份同足料，最有名嘅生煎包即叫即煎，上枱時熱辣辣！🔹京汁茄子估唔到份量會咁多，茄子好大件，食落好有口感！而且每件都沾滿醫汁，味道濃郁，好惹味🔹灌湯小籠包粒粒飽滿，皮薄但不易穿，裡面豬肉鮮嫩，咬開充滿湯汁🔹生煎包即叫即煎，生煎包好有口感，底層煎得香脆，上層軟熟，咬開裡面配搭秘制上湯同豬肉，餡料熱辣辣！🔹上海排骨菜飯塊豬扒好巨型，炸到金黃色，菜飯入面都多小棠菜🔹川味口水雞足足有半隻雞，雞件大小適中，每件都有辣椒紅油，整體味道有少少麻味，但唔算好辣
繼續閱讀