基圍小館 (已結業)

今晚有一位朋友帶我去上水試一間打冷菜館，菜館將枱放滿街上，甚有街邊大排檔風味。點的菜式有炸豆腐、汕頭咸菜、腐乳通菜、炸雞翼、滷水鴨片、韮菜豬紅。雖然各款小菜不算是什麼特別菜式，但樣樣都充滿鑊氣，水準平均，而且價錢親民。今晚有一位朋友花

在上水石湖墟，有一個隱蔽的大排檔，位於新勤街，每當晚上五、六點，它就會準備開檔做晚飯時段。基圍小館吃的不是什麼珍饈百味，反而是吃街邊的風味，點一個炸豆腐、韮菜豬紅、鹵水鵝，再叫兩枝啤酒，便過了一個平凡的晚上。

工作中晚餐！阿頭帶我去呢度食地度小廚！公布旁空地放滿摺枱膠櫈！有埋摺合帳篷！落雨都唔怕，無冷氣大家都唔介意！坐中央中枱！餐具較淋，一定要再洗！枱面有落單紙！點好叫阿姐落單！佢哋超級忙走出走入上菜！蒜茸白菜仔（$38）白菜仔爽脆，唔止蒜茸，仲加咗辣椒！微辣好味！鹵水拼盤（$68）唔係貴價鹵水食物！紅腸太淋，魷魚有咬口，大腸煙韌，爽腸爽口但腥！墊底大荳芽爽脆！ok基圍小炒王（$78）九菜花爽口！加上土魷蝦乾鹹香有咬口！腰果爽脆！好味！涼瓜鯇魚腩（$78）涼瓜太淋！無咗爽脆口感！魚腩煮得唔熟！好驚！唔敢食！菜甫煎蛋($45)遲來嘅菜，煎得外脆內軟！菜脯爽脆唔會太鹹！蛋唔乾！好味！白粥（$6）潮州粥！粒粒米飯粒！不過唔夠熱！食物唔大碟，而且比較耐！場大人客多！廚房出唔切！有漏單情況！不過店員有笑容，好豪邁爽手！唔會廢話即跟進！所以都無嬲！上晒菜店員就會比番張點菜卡！有齊白飯同汽水！有風味有特色！

基圍小館係上水已經有好耐歷史，晚晚都有好多人黎打冷，唔少人都當呢度係飯堂添我耐唔耐都會黎呢度食晚飯，其中有幾味值得一推。南乳花生豬手，豬手又冧又滑，夠哂collagen南乳味濃得黎又唔會太咸，恰到好處花生亦好冧。而且呢碟豬手有好多肉，唔係淨得豬腳骨。鹵水鴨片，鹵水入味，鴨酥味重又香，鍾意食鴨既人必食! 鴨片唔太肥，瘦肉同脂肪比例平均滷水牛展，牛肉唔韌，肉質爽口。最緊要價格合理鍾意打冷風味嘅人快試。

坐低左預備點菜時，點解個 menu 無我地想食既野呢？即刻抬頭一望，敝﹗去錯地方喇，但太遲了﹗坐低左就算啦，既然咁有緣，就試一試佢啦，本來想去潮香園小廚潮州打冷架麻。基圍只係一間似潮州打冷但唔係潮州打冷既大排檔，舖面衛生都還可以，但洗手間同出品部環境較為惡劣，地下又跣又濕又滑潺潺，仲有垃圾，就算街市都比佢乾淨。大眼雞，我最鍾意食魚眼，但係完全乾晒，到底條魚放左幾耐架？而且魚肉已經又乾又硬又無魚味，半點肉汁都無，略帶微腥，咩黎架？韮菜豬紅，thanks God！終於有礙似樣既入得口喇！熱辣辣冒著煙，賣相飽滿肥嘟嘟，湯汁已完全滲透豬紅，浸得入味而質感滑溜，內裡水潤不乾不鞋，淋上辣椒油仲刺激，好味道。全晚唯一最好食，無喇 ﹗白灼牛柏葉，牛柏葉天生無味，全靠吸引湯汁醬料。無薑蔥豉油跟？無喎，你地自己點普通豉油啦！侍應阿姐答道。您不如所有食材都白烚攞出黎，叫食客自己調味，隨自己喜歡加辣又得、加糖又得、加豉油都得，夠方便啦。牛柏葉應該豉油水淋過，有極微弱豉油味道，不過近乎無味架囉。感地就爽到不得了，震騰騰彈力十足，爽到索索聲食得過癮，最衰淡如水！成舊掉落辣椒油度打滾，索晒辣味好多了！香香辣辣，go

今日同女友又來到基圍小館，貪呢到大排檔式夠風味，又食得煙飲下大啤又真係別有風味既！黎過兩次都係食打冷小炒，今次試下佢個怪味雞煲！雞煲用gas爐，仲有啲鐵皮包住個爐，以防啲風吹熄個火！不過風就唔吹熄，gas就枝枝都差唔多冇氣咁滯，換黎換去有點麻煩！雞煲第一轉個味都不錯，但一點都不辣，而且味道都唔夠入味濃郁，有點失望！好快就要加湯，加湯後更加冇味，唔覺得原來係食緊雞煲！叫左唔小料，全部一般，牛丸亦是雪藏剛解凍果隻，另外點了手切肥牛，但擺明不是手切，一般街市超市買到的貨式。當然這個價錢這個環境不能要求太多來吃的人多數是街坊街里，飲下啤酒吹下水，係咁凍既天氣都幾暖心！

這星期也需要在上水收工，於是多數也在上水吃飯，今次到了這間基圍小館，點了幾道小菜，十分不錯。東風螺雖然只是焯熟，但加辣醬後非常新鮮好味。炒菜夠鑊氣 蠔仔粥裏面蠔仔的分量份，十分多，好味。菜脯炒蛋也是一個我十分回味的媽媽菜式。雞腳也十分林，也十分入味。可以一吃再吃的一間地道小館。

晚上的小巷, 總有一處燈火通明, 即使夏天都擠滿吃飯的人。在大排檔吃飯, 當然要先來枝啤酒~ 大象啤$20, 不算便宜。魷魚彈牙, 新鮮爽口~ 豆卜沾了鹵水汁非常入味! 性價比高~炒蜆更令人垂涎欲滴~ 蜆肉SIZE約半隻手指公大, 鮮味肥厚、一粒沙也没有~ 配上味道剛好豉椒醬汁, 不會太咸味。再用豉椒汁送飯, 愈吃愈滋~還叫了沙拉豬扒和炒菜~炒菜一般, 没什麼驚喜。沙拉豬扒的醬汁以千島醬來煮, 酸酸甜甜、帶點鮮味, 比普通那隻滋味醬更惹味~ 豬扒的肉結實得來又易咬, 又是另一樣送飯的好菜式! 

適雅餐廳對面有間基圍小館，出面燈光火著，非常多人，好有大排檔feel，一於試下先。店子係以潮州菜為主，冬天還可打邊爐，我哋點了鹵水鴨，鹵水豆腐，蠔餅，蘿蔔牛腩煲。鹵水還算香，可惜唔係鹵水鵝，鵝始終會多點鵝油香。鹵水豆腐先煮一煮再上，又香又滑。蠔餅賣相差，但味道幾好，不是想像中咁熱氣，餸也不可以貌相。最後來的牛腩煲，件件腍滑，蘿蔔清甜。姐姐服務細心，整體食得舒服，怪不得咁多人，還經常要排隊，想食就要早點來了。

今日咁凍最開心就梗係打邊爐啦！偶而都要做下麻甩仔！係上水除左永發最有風味嘅打邊爐就係呢度啦！呢度坐露天今日唔大風都幾好，如果大風仲會加個圍俾你架。佢地嘅雞煲湯底唔會好大藥材味，啲雞又滑又夠味。呢度唔算多款不過大路嘢都有，而且仲有啲特別嘅餸，例如九肚魚咁，嗌多幾個餸兩個人都就飽啦，再加埋兩支青島，一個字ｰ正冬天打邊爐真係開心！

10/1/2013 基圍小館今日約左几個粉絲一齊去打冷~我本人真係好中意露天既地方~如果冇人食煙既話~!因為感覺好通爽~可惜呢D地方買少見少~!!黎到呢間店~唔好要求會有好好的招呼~可能真係太LA忙!!侍應十問九唔應~不過如果佢有時間又見到你的話,一定會黎招呼你既~!好似做熟客仔生意~~有時落單都要自己行去櫃面落架~~唔慣既朋友會好唔LIKE LAW!!講到呢到D打冷野真係几好味~~個樣真係唔靚架啦, 但係味道既地道又入味~小滷水雜錦,有鵝腸,紅腸,鵝件,墨魚,大腸,豬耳,少少芽菜…滷得相當入味~食落唔似’’係咁咦’’浸過下滷水既感覺~每樣款式都有D,乜都可以試下~LIKE~!蝦醬炒通菜 - .份量都唔細~但好多水,覺得佢炒得唔夠幹身!!冇左蝦醬炒過應有的香味~咖哩牛腩煲 – 我覺得佢唔夠咖哩味~似原汁牛腩多D~不過份量好夠~除左腩肉仲有牛筋~煮得好淋又入味~(當佢係原汁牛腩既話~)正!!菜甫煎蛋 – 經典家常小菜~~! D蛋煎得唔會太散~好易夾,而且D菜甫有少少辣,好開胃另外仲點左滷水豬紅同滷水豆腐~好入味~豬紅唔會一夾就散當晚見到啤酒姐姐~落力介紹呢隻泰國啤酒,點左兩支’’支持’’

上水,我覺得無邊間好食到值得我去記住佢,但昨日經過,結果都行下啦行左一陣,都係得d茶餐廳仔,咁不如試下大排檔啦,估唔到佢好似酒樓咁劃單,我們二人叫 左四餸一啤,個個餸都三十幾蚊,我最初仲以為佢好細碟添,點知上枱時又係正常size喎,奇怪最奇怪係碟碟都幾好味,個沙硯成碟都無骨肉分離,個支竹魚腩煲都好正常,仲叫左個東風螺同老水鵝,真情係掂個隻,仲要都係三十幾蚊,真係好奇怪.......我食左咁多年,都好少見到d咁奇怪的事,真係一個謎......希望大家也去解讀一下佢d打邊爐料,今次無緣去試,希望下次有機會同個背脊跟前面都一樣掂的靚女去試埋先

在上水,可以在街邊食飯,食物又ok 的地方,我想....只剩基圍 其實這間小館,已經在上水好多年了,而我只是這一兩年才懂欣賞....因為佢日頭唔開而且開在一個唔顯眼的地方.....佢地晚上會在舖頭門口露天位置的大樹掛上帆布吊上燈泡......夏天客人打冷飲啤酒,冬天客人打邊爐飲啤酒...洗杯d水可以倒係地下 ~~ 好爽 ~而佢地d野食呢 ......首選..手切本地肥牛..掂 ~ 因為聽聞老闆日日去上水屠房自己落手落腳買料....而且係街邊打邊爐都真係好有風味 仲有佢地d野一d 都唔貴,你知啦,依家出面d大排檔好"經" 貴,d野分分鐘貴過d大酒樓.而佢地d打冷料都好好味,我食過d滷水雜錦,有鵝腸,有鵝件,有墨魚,,有大腸,有豬耳,有芽菜...有無豆腐呢 ~ 唔記得左lu...d滷水同出面有d唔同...但唔知有咩唔同,但好特別...幾好味.另外佢地又有凍蟹,大眼雞,烏頭...蛽仔,花螺...都ok啦仲有,佢地d小菜都ok嫁...我每次打邊爐..時 聞到佢地炒蝦醬通菜.....嘩 ~香到呢 ~同同事講開上水有咩食,其中一個老闆就提起基圍..因為佢7-8年前住上水時已在基圍開飯..不過呢大