影片
今晚有一位朋友帶我去上水試一間打冷菜館，菜館將枱放滿街上，甚有街邊大排檔風味。點的菜式有炸豆腐、汕頭咸菜、腐乳通菜、炸雞翼、滷水鴨片、韮菜豬紅。雖然各款小菜不算是什麼特別菜式，但樣樣都充滿鑊氣，水準平均，而且價錢親民。今晚有一位朋友花
繼續閱讀
在上水石湖墟，有一個隱蔽的大排檔，位於新勤街，每當晚上五、六點，它就會準備開檔做晚飯時段。基圍小館吃的不是什麼珍饈百味，反而是吃街邊的風味，點一個炸豆腐、韮菜豬紅、鹵水鵝，再叫兩枝啤酒，便過了一個平凡的晚上。
繼續閱讀
工作中晚餐！阿頭帶我去呢度食地度小廚！公布旁空地放滿摺枱膠櫈！有埋摺合帳篷！落雨都唔怕，無冷氣大家都唔介意！坐中央中枱！餐具較淋，一定要再洗！枱面有落單紙！點好叫阿姐落單！佢哋超級忙走出走入上菜！蒜茸白菜仔（$38）白菜仔爽脆，唔止蒜茸，仲加咗辣椒！微辣好味！鹵水拼盤（$68）唔係貴價鹵水食物！紅腸太淋，魷魚有咬口，大腸煙韌，爽腸爽口但腥！墊底大荳芽爽脆！ok基圍小炒王（$78）九菜花爽口！加上土魷蝦乾鹹香有咬口！腰果爽脆！好味！涼瓜鯇魚腩（$78）涼瓜太淋！無咗爽脆口感！魚腩煮得唔熟！好驚！唔敢食！菜甫煎蛋($45)遲來嘅菜，煎得外脆內軟！菜脯爽脆唔會太鹹！蛋唔乾！好味！白粥（$6）潮州粥！粒粒米飯粒！不過唔夠熱！食物唔大碟，而且比較耐！場大人客多！廚房出唔切！有漏單情況！不過店員有笑容，好豪邁爽手！唔會廢話即跟進！所以都無嬲！上晒菜店員就會比番張點菜卡！有齊白飯同汽水！有風味有特色！
繼續閱讀
基圍小館係上水已經有好耐歷史，晚晚都有好多人黎打冷，唔少人都當呢度係飯堂添我耐唔耐都會黎呢度食晚飯，其中有幾味值得一推。南乳花生豬手，豬手又冧又滑，夠哂collagen南乳味濃得黎又唔會太咸，恰到好處花生亦好冧。而且呢碟豬手有好多肉，唔係淨得豬腳骨。鹵水鴨片，鹵水入味，鴨酥味重又香，鍾意食鴨既人必食! 鴨片唔太肥，瘦肉同脂肪比例平均滷水牛展，牛肉唔韌，肉質爽口。最緊要價格合理鍾意打冷風味嘅人快試。
繼續閱讀
坐低左預備點菜時，點解個 menu 無我地想食既野呢？即刻抬頭一望，敝﹗去錯地方喇，但太遲了﹗坐低左就算啦，既然咁有緣，就試一試佢啦，本來想去潮香園小廚潮州打冷架麻。基圍只係一間似潮州打冷但唔係潮州打冷既大排檔，舖面衛生都還可以，但洗手間同出品部環境較為惡劣，地下又跣又濕又滑潺潺，仲有垃圾，就算街市都比佢乾淨。大眼雞，我最鍾意食魚眼，但係完全乾晒，到底條魚放左幾耐架？而且魚肉已經又乾又硬又無魚味，半點肉汁都無，略帶微腥，咩黎架？韮菜豬紅，thanks God！終於有礙似樣既入得口喇！熱辣辣冒著煙，賣相飽滿肥嘟嘟，湯汁已完全滲透豬紅，浸得入味而質感滑溜，內裡水潤不乾不鞋，淋上辣椒油仲刺激，好味道。全晚唯一最好食，無喇 ﹗白灼牛柏葉，牛柏葉天生無味，全靠吸引湯汁醬料。無薑蔥豉油跟？無喎，你地自己點普通豉油啦！侍應阿姐答道。您不如所有食材都白烚攞出黎，叫食客自己調味，隨自己喜歡加辣又得、加糖又得、加豉油都得，夠方便啦。牛柏葉應該豉油水淋過，有極微弱豉油味道，不過近乎無味架囉。感地就爽到不得了，震騰騰彈力十足，爽到索索聲食得過癮，最衰淡如水！成舊掉落辣椒油度打滾，索晒辣味好多了！香香辣辣，good！滷水鮮鵝腸，質感輕微爽彈，跟牛柏葉一樣無味，白灼就話無味啫，滷水都無味？離譜喎。鵝脂鵝油鵝味全部烚去了，同一情況掉晒落辣椒油度游水啦。白灼東風螺，細隻左少少喎，雖然細隻鮮味一點又嫩滑一點。試左幾粒後，白灼掩蓋不了雪藏氣味，無鮮味可言，死實既味道同質感，好失望，劣！滷水鴨片，居然連鵝都無得賣！好明顯係切完片再攞去翻熱，鴨片縮到彎彎曲曲，唔會同英國一樣用微波爐掛？一入口，味道跟本就係油鹽水鴨淋豉油，油鹽水味濃烈，感受唔到任何滷水既芬芳、滷水既香料，不是什麼滷水鴨啦。肉質腍劈劈，腍中仲要有渣，劣！豬大腸，見 menu 只打上腸大腸三個字，我好自然咁諗係炸大腸，但完全錯晒！白灼豬大腸，又係白灼？幸好質地好彈牙帶點嚥韌既，但一樣係無味囉。繼無味牛栢葉、鮮鵝腸後，再黎無味豬大腸，當清清地清吓下腸胃都幾好既，又係辣椒油出場既時候。痲辣茄子，無痲亦無辣，點可以叫麻辣茄子呀？外觀到味道都似魚香茄子，有點肉鬆有點豆瓣醬，香香地咸咸地。茄子好采都煮得夠腍，幾好食。今次第一次幫襯，都應該無下次咯。出品完全低於水平，除出品外，衛生及服務都強差人意。見九成以上食客都係打邊爐，依度唔係食小菜或打冷既地方呢。
繼續閱讀