城記飯店

營業中

休息中

嚟到這家店，腦海中浮現嘅只有一個字：正！👌 開胃嘅牛排煙肉蛋，嗲到爆架！牛排咬落去唔使太大力，已經爆發出來嘅味道真係揮之不去，煙肉條條分明，加上啱啱好嘅溏心蛋，個個都做到非一般水平，爽口得滯😋。不過，隨餐咖啡就酸得嚇人，下次可能會考慮轉杯奶茶。話說回頭，次次都係少不了點心，牛肉球啲蒸功夫有時好有時走樣，但最正嗰次，真係啖啖肉香，掂得很！👍 真係多謝其中一位朋友推介，一試就中🎯。至於蝦餃嘅表現就一般般，厚皮加死蝦，食得我都唔知點講好。但糯米雞啲份量同味道都算不錯，撐到你話唔想再食嘅時候！總括來講，這家店啲食物平民化，味道有保證，部分菜色間中會掉漆，但總有幾款能夠撐起場面，俾人一種唔捨得走嘅感覺。打後我有機會再黎，當然唔少得嗰牛肉球啦，絕對值得一試再試！

位於熟食中心，城記再分咗幾個區域可以點各式各樣食物 ，當中有早餐、西式，中式、麵食，準備食完就去踩單車🚴，今次揀咗飲茶🫖而佢唯一好處真係平過酒樓🤣姐姐熱情，仲以為要自己攞🤣不過好彩都幫手拎食物，去到可能比較晏，點心選擇得番唔多叫咗牛肉球、金錢肚、腸粉等等，味道不過不失，我覺得最好食係鳳爪排骨飯啲飯🤣因爲做法好似煲仔飯咁，啲飯整到好香🤤地方唔算大 有需要搭枱，夠晒平民貼地🤣🚩 城記飯店 (上水)上水石湖墟市政大廈2樓18號舖#addifoodie #addifoodie上水#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫 #鳳爪排骨飯

這間食店分咗幾個區域 但其實都係同用 可以點各式各樣食物 因為都係同一間 早餐有西式和中式 還可以點麵食 我哋兩人今日想飲茶 但因為大時大節去酒樓飲茶🫖就一定會加一加二 還會限時限刻 所以決定去這些點心店就算 這裡的姐姐很熱情 我哋問需唔需要親手整和拎食物 姐姐話同佢哋講和落單就可以 這裡價錢唔算平 但都可以接受 桌子唔算大 平均二至三人一張桌 不過好多醬汁都無晒 可能就要去第二枱拎醬油 今次點咗四個點心：山竹牛肉-男朋友話超難食 落咗喼汁都唔會提升口感 所以唔鼓勵點選金錢肚-這個都幾好食 😋 啲醬油醃料剛剛好 唔會太鹹 件頭都大大件 兩個人一定夠食 雞扎-兩件大大件 好足料 都係抵食之選這個差不多枱枱都有嘅盅頭飯 所以我都忍唔到要點一碗 真係好正 就算你咩點心都唔食 都唔可以放棄這個 姐姐會問你要唔要菜 如果你唔係對椰菜特別討厭 真係唔可以錯過 材料足 排骨都好充足 不過價錢就真係唔算平 當然如果唔係經常來就可以放肆下老實講這裡的點心不見得特別抵食和好味 但如果你只係一個人或者快食一族 這裡會好過酒樓好多 茶錢四蚊一位 和一般點心專門店差唔多 但其實你唔想飲中茶都可以點西茶 但我覺得

重良節開放日，食食食食食慶佳節！過時過節姨丈總是來滋擾，要大量辣椒油平衡舒緩情緒。遠離阿叔阿伯，污糟邋遢唔帶口罩，痴痴呆呆坐埋一檯！不是已停大陸簽證嗎？成檯大媽講州語，仲要吱吱渣渣購這購那，原來係神州水客黨。後生仔侍應做事應真有衝勁有活力精精神神，敬業樂業值得欣賞。咸檸七，飲唔到咸味，只得甜味。熱檸茶走甜，酸酸澀澀好消滯提神，茶膽深色味濃質厚。蠔油芥蘭，速速送到，芥蘭刺身？拖拖水即到。莖脆卜卜未夠熟青味霸道濃烈，試多一條都一樣，全部吐掉，菜葉鞋鞋粗糙苦澀。蠔油菜芯，粗莖有渣有草青味，大部份都合格。牛腩撈粗麵，好清爽鬆化的滷水腩，肥瘦適中腩味香甜，每啖肉汁微滲！勁辣勁香辣椒油，味濃高檔次，咸香也不弱，兩大羹使我汗水滴滴！粗麵成餅送出，在努力跟清湯及蠔油混得均勻，終於能將她們分開，入口濕濕黏黏有點漿嘴，幸好蛋香麵香依然，彈彈有咬口的，掛上辣椒油搭埋牛腩興奮地迅速消滅。最愛爽甜靚菜浸湯食，清湯濃郁可口，浸浸生菜增添菜甜味，生色不少。牛筋牛肚麵，牛筋質地超愛膠黏綿綿徹底入味，不過濃咸化不開，我真的受不了！金錢肚先爽後腍味道特濃。麵條非常濕潤在過腍邊緣仍感受到一絲爽意，掛湯力強連辣椒齊嘆蠻不錯。

琴晚戰鬥到朝早五點，生啤白酒再清酒，訓醒三點半的早餐，心血潮煮煲蒜子臘味蒸飯贈朋友們，食飽飽速速去買料啊！最終都係懶得專程出旺角操拳，肥埋今個月先！飯局馬拉松仲有六日。望望餐牌，我唔要食炸雞脾，脾臟好食架咩？其實我都未食過雞脾，如果係炸雞髀的話一定要試試。西冷煎牛扒？用西冷方法煎牛扒到底係點架？還是師傅英文名叫做 sirloin 呢？沙爺牛肉飽？阿爺見到牛肉就會飽？义燒公仔麵？義燒？殘體字？睇餐牌睇到我好亂呀！城記分三家，餐廳、飯店、魚蛋王。熱奶茶，味道一般不夠幼滑不夠茶香。凍檸樂，回魂曲！好很醉好很醉，要隊罐檸樂解解酒。煎豬扒，索價$19 蚊塊都幾貴喎！有誠意地煎出來，沒有偷雞取考出炸豬扒，值得一讚！淋上微甜照燒汁撞上咸香豬扒也不錯，外層煎得金黃焦香，連骨豬扒肉味特別香濃，肉質鮮嫩彈滑，雖然邊位略肥，原汁原味最緊要，熱辣辣好味道。宿醉一筆清！其實碗麵只係等左 15 分鐘，但感覺似等左半粒鐘。雖然嬸嬸話多單所以特別耐，不過明顯係漏單，遲過我黎既食客都清完碗沙嗲牛肉麵埋單走喇！我無奈地上火了，好采我脾氣好，只埋怨兩句！火腿太陽蛋香辣肉丁出前一丁，火腿太陽蛋最早到步已攤到凍冰冰，唯有掉落滾

捍衛廣東話，捍衛繁體字，最緊要正字！斑腩不是班腩，鹹檸七不是鹹檬七。轉眼 3 年多無到訪，點心質素提升許多喎，比起大埔街市林記更高階，不過蒸飯依然少爛濕淋淋。上水區東記及興記休息，點心我鍾意馬仔記，金都酒樓重開覺得質素下降差中，見到城記有點心有私人位唔洗搭枱就即刻坐低，獨獨餐一盅三件剛剛好。普通難食銻盅排骨飯上水街市都賣 $25 蚊，銅鑼灣波斯富街曉廚軒酒店級味道高質瓦盅賣 $28 蚊抵到爛啦！興記無開，我想食碗出前一丁架！唯有城記求鬼其食點心。見到有間新餐廳開張，龍鳳茶餐廳？個名好熟，爆場座無虛席，有機會試試。人生進入另一階段，街市阿伯一盅兩件，成場都係毒能伯好可怕！早前仲以為街市唔會有鐵觀音，求期叫壽眉啦！誰知剛落完單，後面阿叔一坐低就要鐵觀音，我以乎有點偏見呢，早知問左先算啦，有咩好估啫！阿姐阿嬸個個朝氣勃勃充滿活力混身是勁，聲線熱情開朗，服務熱誠落力，敬業樂業，正能量滿瀉，要大大力讚！食客們都食得開心舒服又暢快，收銀四眼姐姐青春又靚女，難怪客似雲來！四眼妹妹溫柔有禮招乎周到，感覺好溫暖啊！走進阿叔阿伯的世界，被咳嗽叔伯重重包圍，非常極之有壓力！只想忙裡偷閒一盅兩件街市嘆啖茶，附

今日一早同家人去街市食早餐，本身一家人都係上水人，食開佳運，但今日有家人想食點心，所以轉去城記。❌牛肉球完全無味，又蒸過龍？喼汁溝左幾多水？ 倒幾多都無味。❌排骨又係淡到食蒸豬肉甘。唯一正常係燒賣。落單姐姐態度都蝦人...叫左要碟蝦腸，又話唔知重有無，你唔識問下？去睇下？然後，問我地要唔要叉腸？甘答佢：叉腸蝦腸都照殺。最後黎左碟齋腸粉。屋企人又無睇清楚，照夾大半條，發現齋腸粉，問個落單丫姐講點解唔係蝦腸叉腸？一句：你都食左啦，照要嫁啦。咩腸都無哂嫁啦，得呢一碟嫁啦。唔想煩，所以叫家人，小事化無，鬼叫我地夾左半條咩無理由要人地鋪頭蝕錢，照比錢啦，分享完畢。

飲茶不一定去酒樓。熟食中心可能仲有質素。上水就有家城記，盅頭飯，點心都有水準。排骨飯d排骨好多汁醬，好入味，肥瘦適中。 尤魚爽口彈牙。如果想沖壺茶坐下食下點心，可以考慮呢度。

我唔敢講呢一間潮州粉麵喺最好食，但由細到大我最鍾意同媽咪去呢一間舖頭食潮州粉麵。例牌我會食牛腩河加凍奶茶，由廿幾蚊一麵一飲品食到宜家四十蚊，充滿着兒時回憶。.上水街市有幾檔潮州粉麵店都十分地道各有特色，但我每次一上到去街市熟食檔我就會不自覺去呢一間麵檔。.以四十蚊食到一麵一凍飲，都算抵食。味道方面，牛腩咬口唔會太林或太硬，佢河粉係比較幼細，我本人唔鍾意闊嘅河粉，所以我對呢一間舖頭嘅河粉係非常滿意。奶茶方面茶味足夠，唔會太淡或太濃。.

係現今百物騰貴嘅社會底下💸，有時想簡簡單單食個飯或者麵🍲，又唔想咁貴，街市嘅食物中心往往都係明智之選。第一選擇多，粥粉麵飯樣樣都有得揀。第二價錢豐儉由人，由十零蚊一客點心到廿幾蚊一碗麵再到三十餘塊一客碟頭飯都應有盡有✔️。今日我就揀左哩間主打飲茶，午時有多款客飯、常餐等等供應，叫左椒鹽肉排🥩飯。豬扒份量正常，好易咬口又幾鬆軟，雖然食到豬扒走過油，但冰鮮既雪味就唔係完全去到❌。配菜既洋蔥同青椒連同乾濕蒜炒過後，非常香口送飯簡直一流。街市仲有樣好，就係人情味，食食下同枱都會同你傾下計，別具風味🇭🇰。完

同个韩国frd 试下上水野食。 由上水地铁站千辛万苦来到街市。上黎试下个盅仔饭。叫左四样野，大包，排骨饭，烧卖，牛肉球。牛肉球 nice and juicy , goes along with the Worcestershire sauce烧卖 中上水平，鹌鹑蛋有点过熟，可能我不喜欢吃太熟的蛋大包 fair. 料太多，里面又有一只鹌鹑蛋排骨饭 very nice. 饭很香，排骨很好。感谢店员帮我换了一样我不想吃的食品，有点不好意思，没想到她一下子就掉了它。 我只是不想吃太多。 感谢

20180908牛腩雲吞河 （$33+5） 熱奶茶（$5）牛腩 3/10食牛腩 當然唔叫咩瘦腩 咩走肥 原汁原味最好所以果然中伏 啲牛腩肥果啲好肥 瘦果啲咬唔開 可以隻牛前世做錯事 要比人咁樣煮 慘慘慘雲吞 4/10聽聞好大粒 果然得個大字 口感又差 又咸 有兩隻蝦 有啲唔知咩口感嘅肉 一個字 好怪熱奶茶 7/10黎個唔錯 茶白奶正 但放耐左有層皮 可以一試總括而言 如果你地唸唔到食咩 都可以去試下 都唔明點解佢有咁大個地方 可能上水啲人唔太追求食物質素

住係上水, 星期日瞓到晏一晏想搵D平靚正, 又唔想食快餐店野, 最好就係去市政熟食街市搵食啦~條件一佢有冷氣, 條件二好味, 修件三平~ 我平時食開成記既牛腩, 因為今日瞓晏咗早午餐一齊食, 叫個雙併嘆下~ (牛腩雲吞河) 牛腩哩一間可以盡快咁叫"瘦腩" , 無錯係瘦腩, 第間叫瘦腩一定好乾好UN咬唔到,而成記D牛腩炆得好冧而不爛, 仲係一件件, 肉質白白的, 但非常有牛味, 雲吞係該店第二主打, 好大粒, 蝦很爽, 大地魚味道平均, 少肥肉~ 雙併加5蚊有兩粒喎,成本黎計2.5蚊一粒~ 真係成本價~ 仲要提下佢個河粉, 米味好香, 又滑, 加埋濃濃既湯底腩汁, 真係好鬼滿足架

去街市食早餐真係好易花多眼亂，今次就坐低左係城記。城就有4間鋪面，一入門口位置係似茶為主，比較多老人，入面一間係湯粉麵為主，一間係炒粉麵飯為主，所以係城記基本上係乜都有。早餐幾時要去城記食呢，就係你想食港式西早餐，又有啲餓想食大份少少，但又唔想咁濃味既時候喇！呢次就叫左個早餐A，其實餐牌無你想要既組合，你亂叫都可以，姐姐會幫你計錢。30蚊 有通粉，烘麵包（已加一蚊）腸仔蛋，連一杯熱飲，一個豐富既早餐！

假日中午超級多人 不過城記算系上水熟食中心嘅大戶人家所以位比較多 易搵位 店員手腳快👍🏻👍🏻👍🏻呢度嘅早餐系全日供應 ✌🏻✌🏻✌🏻正!!!!!!!!!小編叫左 $31 早餐雪菜肉絲腸仔米粉 配 餐肉熟蛋 牛油方包😍😍😍😍😍正雪菜肉絲好入味 唔會太咸 okay !腸仔煎得岩岩好 有一條餐肉就略為薄左少少😟😟煎熟蛋都幾好多小編覺得呢度嘅熱奶茶好不錯😍茶味甘香 溫度夠熱 唔落糖都好好味🤩🤩🤩